ئه‌ڤرۆ نیوز:
شه‌رێ نوكه ل باژێرێن باكورێ كوردستانێ وه‌كریه كو خه‌لك ژ ترسا جانێ خوه مشه‌خت ببن و به‌رێ خوه بده‌نه باژێرێن دى یێن توركیا و ل گۆر ئامارێن دووماهیێ كو ژ ئالیێ رێكخراوا مافێ مرۆڤى یا توركیا ڤه هاتیه به‌لاڤ كرن 25% ئاكنجیێن كورد ژ ده‌ڤه‌رێن شه‌رى مشه‌خت بووینه.
ئه‌مینه بایرام ئه‌نداما رێكخراوا مافێ مرۆڤی لقێ ئامه‌دێ بۆ رۆژناما ئه‌ڤرۆ دیار كر كو یا ل سورێ و جزیرێ و چه‌ندین باژێرێن دی ل باكورێ كوردستانێ روو دده‌ت وه‌ك سووریێ یه.
ئه‌ڤرۆ نيوز:
نڤيسينگه‌هه‌كا بازارێ دولارى ل دهۆكێ بۆ ئه‌ڤرۆ نيوز دياركر : ئه‌ڤرۆ رۆژا سێ شه‌مبى بهايێ 100 دولار گه‌هشته 127 هزار ديناران، ئه‌ڤه دده‌مه‌كێ دايه كو دوهى بهايێ دولارى گه‌هشتبوو 125 هزار و 500 ديناران.
بهايێ دراڤێن دى
ئەڤرۆ نیوز ، نەوزاد زادە ھلۆری:
دەمەک بەریا نھا فرۆکێن شەرکەرێن تورکی گەلیی بالندا ل نێزیک ئاڤا مارک بوردومان دکەن و ل ھنداڤا دەڤەرا زێباری ژی دزڤرن.
ژێدەرەکێ ل کومەلگا سیریێ یا سەر ب ناحیا شێلادزێ بو ئەڤرۆ نیوز دیارکر کو ئەڤ شەڤە ل دەمژمێر 10:45 خولەک دوو فرۆکێن تورکی گەلیێ بالندا بوردومان کر و گۆت : ( د بوردومانێ دا دەنگێ شەش ھێرشێن فروکێن تورکی ھاتە بھیستن و وەسا دیارە کو بارەگایێن پەکەکێ ل نێزیک ئاڤا مارک بوردومان دکرن و نو کوژی دەمژمێر 12:00 ب شەڤ فروکێن تورکی ل وان جھان بەردەوام دزڤرن و ل دەلیڤەیێن بوردومانکردنێ د گەریێن )
ژلایەکی َدنڤە ھەر ئەڤ شەڤە فروکێن تورکی ل ھنداڤی چەند گوندەکێن دەڤەرا زێبارێ ل ناحیا دینارتە دزڤرین ب تایبەتی گوندێن ەھێ و چەمشرتێ و سەرێ بانیێ ، بەلێ ل وان دەڤەران چو برودومان نەکرن.
ئه‌ڤرۆ نیۆز، رێوار مزیرى:
به‌رپرسێ په‌یوه‌ندى و راگه‌هاندنێ ل رێڤه‌به‌ریا هاتنوچوونا پارێزگه‌ها دهۆكێ تایبه‌ت بۆ مالپه‌رێ ئه‌ڤرۆ نیۆز دیار كر كو كاره‌با موه‌لیدێن ئه‌هلى بۆ ترافیكێن پارێزگه‌ها دهۆكێ دێ هێته كێشان.
رائیدێ مافپه‌روه‌ر ئازاد ته‌ها، به‌رپرسێ په‌یوه‌ندى و راگه‌هاندنێ ل رێڤه‌به‌ریا هاتنوچوونا پارێزگه‌ها دهۆكێ ئاشكرا كر كو پشتى ره‌وشا كاره‌با نیشتیمانى ل پارێزگه‌ها دهۆكێ تێكچووى ترافیكێن پارێزگه‌ها دهۆكێ وه‌كو پێدڤى كار نه‌دكر و گه‌له‌ك ئاریشه بۆ وان په‌یدادبوون ژبه‌ر ڤێ چه‌ندێ بڕیار هاته دان كو كاره‌با موه‌لیدێن ئه‌هلى بۆ هه‌موو ترافیكێن پارێزگه‌ها دهۆكێ بهێته كێشان و گۆت: “كاره‌ب دێ ژ موه‌لیدێن ئه‌هلى یێن نێزیكى ترافیكان هێته كێشان و نوكه كار یێ بۆ ڤێ چه‌ندێ دهێته كرن و ئه‌ز باوه‌رم هه‌تا راده‌كێ باش ئاریشا چوونا كاره‌با ترافیكان دێ چاره بیت”.
ناڤهاتى گۆت: “راسته هنده‌ك ده‌مان كاره‌با نیشتیمانى ژى یا هه‌ى، به‌لێ هه‌ر ده‌مێ قه‌ره‌بالخل ترۆمبێلان ل ترافیكان په‌یدابوو پۆلیسێن رێڤه‌به‌ریا مه نه‌چار دبن كاره‌با ترافیكان ببڕن دا كو قه‌ره‌بالغا ترۆمبێلان د جادێ دا كێم ببیت”.
ئه‌ڤرۆ نيوز: ره‌وان نهێلى:
وه‌زيرێ خواندنا بلند و ڤه‌كولينێن زانستى راگه‌هاند ، مه‌رج نينه هه‌ر قوتابيه‌كێ ماسته‌ر وه‌رگرت، وانا ببێژيت، به‌لكو دڤێت پشكه‌ك ژ وان مژوولى ڤه‌كولينێن زانستى بن.
يوسف گۆران وه‌زيرێ خواندنا بلند و ڤه‌كولينێن زانستى راگه‌هاند : مه خواندنا ماسته‌رێ رانه‌گرتيه، به‌لكو يێ گيروبووى ، مه دڤێت مه‌رج و رێنمايێن وه‌رگرتنا ماسته‌رێ بگوهۆرين ژ ئاليێ لژنه‌كا تايبه‌ت ڤه، پاشان خواندنا ماسته‌رێ ڤه‌كه‌ين.
ئه‌ڤرۆ نيوز:
ئه‌ڤرۆ ل قه‌زا ئاكرێ ژ ئه‌نجامێ شوورته‌كێ كاره‌بێ، ئاگر به‌ربوو پشكه‌كا ناڤخۆى، زيانێن گيانى نه‌بوون، به‌لێ زيانێن مه‌زن گه‌هشتنه پشكا ناڤخۆى.
رائيدێ مافپه‌روه‌ر بێوار عه‌بدوله‌عه‌زيز به‌رپرسێ راگه‌هاندنا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت: “ئەڤرۆ سپێدێ رۆژا سێشه‌مبى رێكه‌فتى 12ى كانوونا دويێ 2016 پشكه‌كا ناڤخۆ یێ قوتابیان ل سنورێ قەزا ئاکرێ ئاگر تێ بەربوو، تیمێن بنگەهێ گولان یێ سەر ب بەرەڤانیا باژێرێ ئاکرێ ڤە گه‌شتیە جهێ روودانێ دیاربوو کو قوتابیان سوپا کاربێ، هێتەر، هێلایە هەل و دەرکەفتینە و گەرم بوونا سوپێ ئاگر بەربوویە پشكا ناڤخۆ، سوپاس بۆ خودێ چ زیانێن گیانێ نەبوون، تنێ زیان ب پشكێ کەفتنه”.
زێده‌تر گۆت: “وەکو بەرەڤانیا باژێری داخوازێ ژ قوتابێن ئاکنجی ل پشكێن ناڤخۆ دکەین زۆر ئاگەهداری سۆپێن گازێ و کەرستێن کارەببێ بن، دا کو گیانێ وان يێ ب سلامەت بیت”.
ئه‌ڤرۆ نيوز:
فلاديمێر پۆتن سه‌رۆكێ وه‌لاتێ رۆسيا راگه‌هاند كو هه‌كه نه‌چار بوو وپێدڤى كر، وه‌لاتێ وى يێ ئاماده‌يه مافێ په‌نابه‌ريێ بده‌ته سه‌رۆك كۆمارێ نوكه يێ سوريا، به‌شار ئه‌سه‌د.
ل دۆر په‌يوه‌نديێن خوه و سوريا ژى دا زانين كو ئه‌و هه‌ڤپه‌يمانێن ئێكن و ئه‌وان نه‌ڤێت وه‌لاته‌كێ وه‌كو رۆسيا يان ژى ليبا يێ شكه‌ستى ل ده‌ڤه‌رێ هه‌بيت.
د به‌رامبه‌ر هه‌لويستێ وان و توركيا ژى دا گۆت: “هه‌كه هات و ئه‌نقه‌ره ڤيا مه‌ترسيێ بێخيته سه‌ر ئاسايشا رۆسيا ئه‌و دێ به‌ره‌ڤانيێ ژ خوه كه‌ن”.
ئه‌ڤرۆ نيوز:
بسپۆره‌كێ وارێ قانوونێ ل عيراقێ راگه‌هاند د دستوورێ عيراقێ دا قانوون رێ ل هه‌رێما كوردستانێ دگريت كو ريفراندۆمێ بۆ سه‌ربه‌خۆيێ نه‌كه‌ت، به‌لێ ئه‌مريكا و چه‌ند وه‌لاته‌كێن دى دشێن واقعى ب گوهۆڕن و پشته‌ڤانيا ريفراندۆمێ بكه‌ن.
ئه‌ڤرۆ رۆژا سێشه‌مبى 12ى كانوونا دويێ 2016 تارق حه‌رب بسپۆرێ وارێ قانوونێ ل عيراقێ بۆ باسنيوز راگه‌هاند: قانوون و دستوورێ عيراقێ رێ ب وێ چه‌ندێ ناده‌ت هه‌رێما كوردستانێ ريفراندۆمێ ل سه‌ر جودابوون و سه‌ربه‌خۆيێ بده‌ت، ژ به‌ر كو هه‌موو ئه‌و راپرسيێن هاتينه ئه‌نجام دان، د مه‌ركه‌زى ب تنێ چه‌ند رێفراندۆنه‌كێن تايبه‌ت نه‌بن، وه‌كو گوهۆڕينا پارێزگه‌هه‌كێ بۆ هه‌رێما كوردستانێ يان ئه‌و ريفراندۆمێن تايبه‌ت ب هه‌لبژارتنان.
گۆتژى: “دستوورێ عيراقێ ئاماژه ب هه‌رێمان و پارێزگه‌هان و حوكمه‌تا ئتيحادى كريه، به‌لێ قانوون تشته‌كى و دستوور تشته‌كێ دى يه و ژيوار ژى تشته‌كێ دى يه”.
ئاماژه ب وێ چه‌ندێ ژى كر كو ده‌سته‌لاتێن كۆمسيۆنا هه‌لبژارتنان ل هه‌رێما كوردستانێ ب تنێ ئه‌نجامدانا راپرسيێن تايبه‌ته ب هه‌رێما كوردستانێ ڤه و نه ئه‌و راپرسيێن د ناڤبه‌را هه‌رێما كوردستانێ و به‌غدا دا دهێنه ئه‌نجام دان.
دا زانين ژى كو چاره‌نڤيسێ هه‌رێما كوردستانێ ب هه‌رێمێ ڤه يێ گرێداى نينه، به‌لكو په‌يوه‌نديا ئێكسه‌ر ب عيراقێ ڤه هه‌يه ژ به‌ر كو دێ پشكه‌ك ژ عيراقێ جودا بيت و نه‌خشێ وه‌لاتێ وێ دێ هێته گوهۆڕين.
شاره‌زايێ قانوونى گۆتژى: “ب تنێ هه‌كه جڤاتا ئاسايشا نێڤده‌وله‌تى بڕياره‌كێ ل دۆر وى بابه‌تى بده‌ت يان وه‌لاتێن ئێكگرتى يێن ئه‌مريكا ئه‌وێ پرسێ بێخنه ستوويێ خوه، ل وى ده‌مى دشيان دايه ريفراندۆم ب پشته‌ڤانيا ئه‌مريكا بهێته ئه‌نجام دان”.
د دووماهيا داخۆيانيا خوه دا گۆت: “كاودانێن نوكه يێن حوكمه‌تا عيراقێ د وارێ سياسى و ئابوورى وله‌شكرى ڤه رێ پێ ناده‌ت كو ژ وێ راپرسيێ رێگر بيت، نوكه ئه‌و كاره‌كێ ب زه‌حمه‌ته و دێ روو ب روو زه‌حمه‌ته‌كا مه‌زنه”.
ئه‌ڤرۆ نيوز:
حه‌يده‌ر عه‌بادى، ئه‌و ده‌نگوباس ره‌تكرن يێن به‌حس ل وێ چه‌ندێ دكه‌ن كو دێ مووچێ فه‌رمانبه‌ران هێته كرن.
عه‌بادى د كۆمبوونا جڤاتا وه‌زيران دا يا كو ل پارێزگه‌ها به‌سرا هاتيه ئه‌نجام دان گۆت: “ئه‌و پرۆپاكنده د دوورن ژ راستيێ يێن كو به‌حس ل كێمكرنا مووچێ فه‌رمانبه‌ران يان پێدانا مووله‌تێ يان ژى كێمكرنا فه‌رمانبه‌را دكه‌ن”.
ب گۆره‌ى به‌ياننامه‌كێ كو ژ لايێ سه‌رۆك وه‌زيرێن عيراقێ هاتيه به‌لاڤكرن، “ل جڤاتا وه‌زيران ب چو ره‌نگه‌كى به‌حسێ ڤى بابه‌تى نه‌هاتيه كرن”.
ئەڤرۆ نیوز:
شاندەکێ رێکخراوا کویکا یا کوری ب سەروکاتیا (ھان) رێڤەبەرێ گشتی یێ رێکخراوا کویکا ل کوردستانێ سەرەدانا رێڤەبەریا گشتی یا پەوەردا پارێزگەھا دھۆکێ کر .
ئەڤرۆ سپێدێ رێکەفتی 12/1/2016 عەبد یوسف ئەحمەد رێڤەبەرێ گشتی یێ پەروەردا پارێزگەھا دھۆکێ پێشوازیا رێڤەبەرێ گشتی یێ رێکخراوا کویکا یا کوری وشاندێ ل گەل دا کر .
د روینشتنەکێ دا بەحسێ قووناغاێن کاری ل کومەلگەھا ئیتووت یا پەروەردەیی کر و رێڤەبەرێ گشتی یێ پەروەردێ دا دیار کرن کو ئەو ئاریشا ھەی یا دابینکرنا کارەبێ بوو کومەلگەھا ناڤبری چارەسەر بوویە و رەزامەندیا جھێن پەیوەندیدار ھاتیە وەرگرتن و ل ڤان نێزیکان و د ماوێ (20) رۆژان دێ کارەب ھێتە دابین کرن.
ژ لایێ خوە ڤە رێڤەبەرێ گشتی یێ رێکخراوا کویکا دیار کر کو ل حەفتیا بھێت ھەموو کەلوپەلێن کۆمەلگەھێ دێ ژکوریا گەھنە پارێزگەھا دھۆکێ و ب دووماھی ھاتنا ڤان کاران ل ھەیڤا بھێت دێ پروژە کەڤیتە د خزمەتا پەروەردێ دا.
رێکخراوا کویکا یا کوری نێزیکی (9) ملیون دولاران ل ڤێ پروژەی مەزاختینە .
کومەلگەھا ناڤبری کومەلەگەھا پەروەردەیی و دێ خزمەتا ھەموو قوناغێن خواندنێ کەت ھەر ژ باخچێن زارۆیان ھەتا قووناغا ئامادەیی و ل سەر شێوازەکێ نوو و پێشکەفتی ھاتیە ئاڤاکرن.
نيشاندان