NO IORG
نووترين نووچه
نوچێن گرنگ

ئه‌ڤرۆ نیوز: ڤه‌ده‌ر ره‌شاڤایی:
پشتی سێداره‌دانا 47 كه‌سان ژ وان ژی شێخه‌كێ شیعه‌ یێ ناسیار ژ ئالیێ سعودیه‌ ڤه‌، كارڤه‌دانێن توره‌ ژ به‌رپرسێن ئیرانێ په‌یدابوون، لێ كارڤه‌دانێن چه‌ند به‌رپرسێن ئیراقی ب تایبه‌ت نوری مالكی توره‌تر دیاربوون و داخازا داخستنا بالیۆزخانا سعودیه‌ ل ئیراقێ كر كو به‌ری چه‌نده‌كێ هاتیه‌ ڤه‌كرنڤه‌.
مالكی گۆت: تاوانا سێداره‌دانا شێخ نه‌مر باقر ئه‌لنه‌مر دێ رژێما سعودی ژناڤ به‌ت “.
شێخ ئه‌لنه‌مر هانده‌رێ سه‌ره‌كی بوو د خوه‌نیشاندانێن ل رۆژهه‌لاتا سعودیه‌ دا ل سالا 2011 ێ.

215

ئامێدیێ، مه‌حمود نهێلى
ژ ئه‌گه‌رێ هاتنا رێژه‌یه‌كا زۆرا به‌فرێ ل هند جهێن ده‌ڤه‌را ئامێدیێ و قه‌رسینا رێك و جاده‌یان و هه‌بوونا سه‌رمایه‌كا زۆر، چێدبیت سوبه‌هى ئێك شه‌مبى 3/1/2016 ل چه‌ندین قوتابخانه‌یێن سنورێ په‌وره‌ردا ئامێدیێ تاقیكرن نه‌هێنه‌ ئه‌نجامدان.
ناسر محه‌مه‌د سه‌عید رێڤه‌به‌رێ په‌وره‌ردا قه‌زا ئامێدیێ بۆ ئه‌ڤرۆ نیوز دیاركر، ل هند گوندێن سه‌ر ب په‌روه‌ردا وانا ڤه‌ رێژه‌یه‌كا زۆرا به‌فرێ باریه‌ بتایبه‌تى ژى ل سنورێ ناحیا كانى ماسێ و گۆت: ( تا نها مه‌ نه‌گۆتیه‌ چ قوتابخانه‌یه‌كى تاقیكرنان ئه‌نجام نه‌ده‌ن یان ژى ده‌وامى نه‌كه‌ن ژ به‌ر كو تا سوبه‌هى ئه‌م نزانین دێ چاوابیت لێ مه‌ بۆ رێڤه‌به‌رێن قوتابخانه‌یان دیاركریه‌ كو مجازڤێ نه‌كه‌ن و هه‌كه‌ هات و رێ یێن قه‌رسى بن و یێن به‌فر گرتى بن ئه‌و دشێن تاقیكرنێن خوه‌ پاشبێخن).
دیاركر ژى كو پرانیا ئه‌و قوتابخانه‌یێن ترس ل سه‌ر هه‌ین یێن سنورێ ناحیا كانى ماسێ و ده‌ڤه‌را به‌رواریانه‌ ژ به‌ر كو پرانیا ماموستا و قوتابیێن وانا هاتن و چونا دوور دكه‌ن و ماموستایێن هنده‌ك قوتابخانه‌یان ل دێره‌لۆك و شێلادزێ دهێن و قوتابى ژى هه‌نه‌ ل گونده‌كى دچنه‌ گونده‌كى دیتر ژ به‌ر وێ یه‌كى ژى هه‌كه‌ هات و جاده‌یێن قه‌رسى بن و رێیا هاتن و چونێ نه‌بیت وى ده‌مى دشێن خوه‌ بگرن حه‌تا ده‌مژمێر 11 به‌رى نیڤرو و هه‌كه‌ هه‌ر رێ نه‌ڤه‌ بوون ئه‌و دشێن ده‌وامێ نه‌كه‌ن و تاقیكرنان پاش بێخن.
هه‌روه‌سا ئاشكرا كر ژ به‌ر كو سه‌قا گه‌له‌كى ساره‌ هه‌ر باخچه‌یه‌كى زارۆیان ل دووڤ ره‌وشا ده‌ڤه‌رێ دشێت ده‌وام سوبه‌هى نه‌هێته‌ كرن تا كو ره‌وشا سه‌قایى ئاسایى دبیته‌ ڤه‌.

572

ئه‌ڤرۆ نیوز:
ده‌ڤه‌را ئامێدیێ ب تایبه‌ت گوندێن سه‌ر ب وێ ڤه‌، پێله‌كا دژوار یا به‌فرێ گرتیه‌، و سوبه‌ ژى تاقیكرنێن دووماهیا وه‌رزێ ئێكێ دێ هێنه‌ ئه‌نجام دان، رێڤه‌به‌رێ په‌روه‌ردا ئامێدیێ به‌رسڤا ئه‌ڤرۆ نیوز دده‌ت، كانێ دێ تاقیكرن ژبه‌ر به‌فرێ هێته‌ پاشخستن یان نه‌، چاڤه‌رێى بن

941

ئه‌ڤرۆ نیوز: سالار دۆسكى:
د نووترین داخویانى دا بۆ مالپه‌رێ ئه‌ڤرۆ نیۆز رێڤه‌به‌رێ گشتیێ په‌روه‌ردێ ل پارێزگه‌ها دهۆكێ په‌یامه‌ك بۆ قوتابخانێن ده‌ڤه‌رێن چیایى راگه‌هاند .
عه‌بد یوسف رێڤه‌به‌رێ گشتیێ په‌روه‌ردێ ل پارێزگه‌ها دهۆك بۆ ئه‌ڤرۆ نیۆز گۆت: مه‌ ئاگه‌هداریا په‌روه‌ردێن زاخۆ و ئاكرێ و ئامێدیێ كریه‌ كو هه‌رسێ ده‌ڤه‌رێن چیاینه‌ و ده‌ست هه‌لات بۆ هاتینه‌ دان هه‌ر جهه‌كێ مه‌ترسى ل سه‌ر هه‌بیت ل دۆر به‌فرێ دێ بهێنڤه‌دان بیت و پێشبینى دكه‌ین سوبه‌ هنده‌ك قوتابخانا ببیته‌ بهێنڤه‌دان و ئه‌زموون دێ چیته‌ رۆژه‌كا دى پشتى ئه‌زموونان.
هه‌مبه‌ر مامۆستایێن دچنه‌ ده‌رڤه‌، ماموستا عه‌بدى گۆت: رێ دڤه‌كرینه‌ و دێ مامۆستا چن تاقیكرنێن خوه‌ كه‌ن.
هه‌ڤده‌م دێوالى حه‌مێ بریندار رێڤه‌به‌رێ سه‌خبێریكرنا رێك و پران ل پارێزگه‌ها دهۆكێ بۆ ئه‌ڤرۆ نیۆز گۆت: سێ رۆژه‌ به‌رده‌وام دكارى داینه‌ و ڤه‌كرنا رێكان یا به‌رده‌وامه‌ و به‌رده‌وام به‌فرژى یا دباریت و رێكێن سه‌ره‌كى هه‌ر هه‌موو هاتینه‌ ڤه‌كرن وه‌ك رێكێن( گه‌لیێ زاخۆ، كانى ماسێ، دهۆك ئامێدى و سیاره‌تیكا، سه‌رسنگ ، بامه‌رنێ، لوفێن زرێ زه‌) دێوالى خواست هه‌كه‌ وه‌لاتیان چ كارێن فه‌ر نه‌بن نه‌ ده‌ركه‌ڤن و ئامیره‌ ڤێرا ناگه‌هن.
حه‌مێ بریندار هه‌مبه‌ر رێكێن گوندان ى ئاشكراكر كو بتنێ یێ رێكێن سه‌ره‌كى ڤه‌دكه‌ن و هه‌تا نوكه‌ رێكا چ گوندان نه‌ڤه‌كریه‌.

ئه‌ڤرۆ نیوز: ڤه‌ده‌ر ره‌شاڤایی:
پارنا گه‌لێن دیمۆكرات (هه‌ده‌پێ) ل توركیا سكالا لدژی هه‌ر ئێك ژ سه‌رۆك كۆمارێ توركیا ره‌جه‌ب ته‌ییب ئه‌ردۆگان و ئه‌حمه‌د داودئۆغلو سه‌رۆك وه‌زیرێن توركیا و هه‌ژماره‌كا وه‌زیران تۆماركر.
هه‌ده‌پێ ل داواكریا گشتییا ئه‌نقه‌ره‌ ئه‌ڤ سكالایه‌ تۆماركر و ئه‌ڤ به‌رپرسێن توركیا ب وێ یه‌كێ تۆمه‌تباركرن كو رێگری ل هه‌ده‌پێ كرییه‌ بۆ ئه‌نجامدانا مافێن خوه‌ یێن سیاسی و ئیهانه‌كرنا وان و هاندانا خه‌لكی كو تاوانان لدژی ئه‌ندامێن وێ پارتێ بكه‌ن.

1472

ئه‌ڤرۆنیۆز، سالار دۆسكى:
رێڤه‌به‌رێ پاراستنا رێك و پران ل دهۆكێ ئاشكراكر كو نوكه‌ ل چیایێ گاره‌ى نه‌ و پلا گه‌رمێ هه‌شته‌ د بن سفرێ دا و نێزیكى میتره‌كێ به‌فر كه‌فیته‌.
ئه‌ندازیارێ شاره‌زا دێوالى حه‌مێ بریندار زێده‌تر بۆ ئه‌ڤرۆ نیوز گۆت: ب تنێ 30 خوله‌ك ماینه‌ دێ گه‌هینه‌ ده‌ف گه‌نجێن به‌رى دو رۆژا ماینه‌ ئاسێ و هه‌موو ئامیرێن مه‌ یێ دكارى دا و ئه‌و گه‌نجێن ماینه‌ ئاستێ نوكه‌ د پاراستى نه‌ ل ده‌ف خاله‌كا پێشمه‌رگه‌ى ل سه‌ر چیایێ گاره‌ى.

ئه‌ڤرۆ نیوز: ڤه‌ده‌ر ره‌شاڤایی:
ره‌جه‌ب ته‌ییب ئه‌ردوگان سه‌رۆكێ توركیا راگه‌هاند كو داخازكرن و گازیكرن بۆ خوه‌سه‌رییا دیمۆكرات ژ ئالیێ هه‌ڤسه‌رۆكێن هه‌ده‌پێ ” بێگۆمان تاوانه‌كا ده‌ستوورییه‌”.
هه‌روه‌سا خۆیاكر كو دڤێت هه‌ڤسه‌رۆكێن هه‌ده‌پێ “بهایێ تاوانا خوه‌” لدۆر ڤێ یه‌كێ بده‌ن و گۆت: پرۆسا لێوه‌رگرتنا حه‌سانێ ژ هه‌ڤسه‌رۆكێن هه‌ده‌پێ ( سه‌لاحه‌دین ده‌میرتاش و فیگه‌ن یوكسه‌داگ) دێ كاریگه‌ریێ ل بارۆدوخێ توركیا د به‌رهنگاربوونا تیرۆرێ دا په‌یداكه‌ت”
پشتی ده‌یرتاش و یوكسه‌داگ د كۆنگره‌كێ دا ل ئامه‌دێ داخازا خوه‌سه‌ریێ و خوه‌رێڤه‌برنێ بۆ باكۆرێ كوردستانێ كری، داواكارییا گشتی ل ئامه‌دێ كه‌یس لدژی هه‌ردوویان ڤه‌كريه ب تۆمه‌تا “ئازراندنا شوره‌شگێرانێ” و “تێكدانا ئێكه‌تییا ده‌وله‌تێ”.

1447

ئه‌ڤرۆ نیوز:

وه‌زاره‌تا دارایى و ئابوورى یا حكومه‌تا هه‌رێما كوردستانێ ئه‌ڤرۆ د راگه‌هاندنه‌كێ دا، ئاماژه‌ ب وێ یه‌كێ كریه‌ كو رۆژانێن دوشه‌مبى و سێشه‌مبى دێ مووچێ هه‌یڤا نه‌ه یێ فه‌رمانده‌یا پێشمه‌رگێ زێره‌ڤانى و هێزا ئاماده‌ هێته‌ به‌لاڤكرن.

287

ئه‌ڤرو نیوز،بارزان مزوورى:
شه‌ڤا بورى ل كه‌مپا مام ره‌شان یا ئاواره‌یێن شنگال لێ ئاكنجی ل قه‌زا شێخان ل نێزیك كومه‌لگه‌ها مه‌هه‌ت ژ ئه‌گه‌رێ هاتنا باران و هه‌وایه‌كێ بهێز ئه‌و قوتابخانه‌یێن بو قوتابیێن ئاواره‌ هاتین دروست كرن ژبه‌ر هێزا هه‌وایى هه‌رفى.
فازل قه‌یرانى، ئێك ژ كه‌سێن ئاواره‌یێن شه‌نگال بو مالپه‌رێ ئه‌ڤرو نیوز ئاشكرا كر ژبه‌ر هاتنا باران و هه‌وایه‌كێ بهێز ترس كه‌فته‌ د ناڤ كه‌مپێدا و ژبه‌ر هێزا هه‌وایى، ئاواره‌ هه‌موو ژ خه‌و رابون و حه‌تا سپێدێ كه‌س نه‌ نڤست و ده‌مێ قوتابى چووینه‌ قوتابخانێ دیتن یێ ب سه‌ر ئێكدا هاتى.
ناڤبرى دیار كر كو پتر ژ 400 قوتابیان ل وێ قوتابخانێ دخواندن و ژ حكومه‌تا هه‌رێما كوردستانێ خواست دووباره‌ قوتابخانا وان بۆ دروست كه‌ن.

website security
WP Facebook Auto Publish Powered By : XYZScripts.com