ئهڤرۆ نیوز: ڤهدهر رهشاڤایی:
وهزیرێ دهرڤهیێ ئهلمانیا شتاینمایهرد سهرهدانهكێ دا ژ بهغدا گههشته فرۆكخانا ههولێرێ ل ههرێما كوردستانێ، كو دبیته سێیهم سهرهدانا وی بۆ ههرێمێ و ژ ئالیێ نێچیرڤان بارزانی سهرۆك وهزیرێن ههرێما كوردستانێ ڤه هاته پێشوازیكرن.
شتاینمایهر دێ لگهل سهرۆك بارزانی كۆم بیت، و دێ سهرهدانا هێزێن پێشمهرگه یێن ژ ئالیێ شیرهتكارێن ئهلمانیا ڤه دهێنه مهشقدان كهتن.
ئهڤرۆ نیوز: ڤهدهر رهشاڤایی:
د بهیاننامهكێ دا پارتا دهعوه رهتكر كو سكرتێرێ گشتیێ وێ پارتێ نوری مالكی چ رێككهفتن دگهل توركیا بۆ رێدانێ ب لهشكهرێ توركیا بۆ ناڤ ئاخا ئیراقێ ئیمزاكربیت.
ئهڤ یهكه هات وهك بهرسڤهك بۆ ئهندامێ لژنا پهیوهندیێن دهرڤه ل پهرلهمانێ ئیراقێ میسال ئهلوسی كۆ گۆت بوو: حكومهتا نوری مالكی ب مهرهما كێمكرنا رۆلێ كوردان ل ناوچێن ناكوكی لسهر و رێگرتنا كوردان ژ گرتنا وان دهڤهران رێكهفتنهكا ئێمناهیێ لگهل توركیا بۆ هنارتنا هێزێن خوه بۆ ناڤ ئاخا ئیراقێ ئیمزاكربوو.”
ههروهسا د بهیاننامێ دا پارتا دهعوه ئهسیل نوجێفی ب رادهستكرنا مووسل بۆ داعش تومهتباركرییه.
ئهڤرۆ، قائید میرۆ:
ل میحوهرێ رۆژئاڤایێ كهركووكێ تیرۆرستێن داعش دخواست دڕبهكێ ل هێزا پێشمهرگهی بدهن، بهلێ پیلانا داعش هاته هاته ژناڤبرن و چهندین چهكدار ژی هاتنه كوشتن.
دكتۆر كهمال كهركووكی، بهرپرسێ میحوهرێ رۆژئاڤایێ كهركووكێ بۆ ئهڤرۆ نیۆز راگههاند” نیڤرۆیا ئهڤرۆ هیزهكا گروپا تیرۆرستیا داعش ل نێزیك گوندێ بۆتمه یێ میحوهرێ رۆژئاڤایێ كهركووكێ كهفتنه لڤینان بۆ لێدانا هێزێن پێشمهرگهی، بهلێ پیلانا وان ههر زوو ژلایێ هێزێن پێشمهرگهو ههڤپهیمانان هاته ژناڤبرن.
كهركووكی دیاركر، پشتی دهستنیشانكرنا جهێ خرڤهبوونا چهكدارێن داعش ژۆرا عهمهلیاتا میحوهری دگهل ههڤپهیمانان دڕبێن كوژهك ل چهكدارێن داعش دان و د ئهنجامدا زیانێن مهزنێن گیانی گههشتن تیرۆرستان و پیلانا وان ژی هاته پیچكرن.
ئهڤرۆ نیۆز، قائید میرۆ
ژ ئهگهرێ راگرتنا گهشتێن فڕۆكخانێن ههرێمێ، حهفتێ پهرلهمانتارێن عێراقێ نهشێن پشكداری د كۆمبوونا سبههى یا پهرلهمانێ عێراقێ دا بكهن.
دكتۆر ئهردهلان نورهدین، پهرلهمانتارێ كورد ل بهغدا ب ئهڤرۆ نیۆز راگههاند” بڕیاره سوبه سێشهمبیێ پهرلهمانێ عێراقێ دهست ب كۆمبوونێن خوه بكهت، بهلێ ژبهر راگرتنا گهشتێن فڕۆكخانێن ههرێمێ ئهم نهشێین پشكداریێ دكۆمبوونا پهرلهمانی دا بكهین.
دكتۆر ئهردهلانی گۆتژی” بڕیاربوو نێزیكی 70 پهرلهمانتارێن كورد ئهڤ شهڤه ب رێیا فڕۆكخانا ههولێرێ بگههینه بهغدا، بهلێ گهشت هاتینه راگرتن و نهشێین بچینه بهغدا و پشكداری كۆمبوونا سبههی یا پهرلهمانی دا بكهین، لێ هێشتا دیارنینه دێ كۆمبوون ژبهر نهچوونامه هێته راگرتن یانژی نه.
ئهڤرۆ نیۆز، قائید میرۆ
بهرپرسهكێ توركومان ئاشكراكر، سهرهدانا سهرۆك بارزانی بۆ توركیا دێ یا گرنگبیت بۆ رهوشا نوكه دهڤهر تێدا دهربازدبیت.
ئایدن مهعرۆف، سهرۆكێ بهرهیێ توركومانی ل ههرێما كوردستانێ ب ئهڤرۆ نیۆز راگههاند” سهرهدانا سهرۆكێ ههرێما كوردستانێ بۆ توركیا زۆرا یا گرنگه بتایبهتی پشتی ئالۆزیێن ڤان رۆژێن بۆری ل دۆر هاتنا سوپایێ توركیا چێبووین دناڤبهرا عێراق و توركیا، ئهز باوهرم دێ ئهڤ ئاریشه هێته چارهسهركرن.
ئایدنی گۆت ژی” سهرهدانا بارزانی پشتی سهرهدانا وى بۆ وهلاتێن كهنداڤێ دهێت، د سهرهدانێ دا سهرۆك بارزانی دێ ل گهل بهرپرسێن بلندێن ئهنكهره دانوستانان لدۆر رهوشا دهڤهرێ بكهن و پهیوهندیێن ههرێما كوردستانێ و توركیا دێ بكهڤن قۆناغهكا باشتردا.
ئهڤرۆ نیوز،زنار تۆڤى:
سهرۆكاتیا ههرێما كوردستانێ روونكرنهكێ ل سهر رهوشا عهفرینێ بلاڤدكهت و تێدا دیاردكهت كو رێكخستنێن تۆندرهو دهست كریه ب تۆپبارانكرنا گوند و باژێركێن ل دهوروبهرێن عهفرینێ و ئهم وهك سهرۆكاتیا ههرێمێ زۆر ب تۆندى ئیدانهیا ڤى كارێ چهپهل و نه مرۆڤایهتى دكهین كو دهرههقێ خۆشك و برایێن مه ل عهفرینێ دهێتهكرن.
ههروهسا دیاردكهت كو نهبوونا خوارنێ و دهرمانان ل وى باژێرى ئهم پتر نیگهران كرینه و ڤێ چهندێ هێرشهكا جددى ئێخستییه سهر ژیان و گۆزهرانیا خهلكێ عهفرینێ.
سهرۆكاتیا ههرێمێ ئهوژى دیاركریه،كو ههرێما كوردستانێ داخواز ژ كۆمهلگههێ نێڤدهولهتى و لایهنێن پهیوهندیدار دكهت دئاستێ بهرپرسیارهتیێ دابن بهرامبهر شارێ خۆراگرێ عهفرینێ و ب جددى ههولا لابرنا ڤێ گهمارۆیێ ددهین،ههروهسا داخوازێ ژ رێكخراوێن خێرخواز و نێڤدهولهتى دكهین كو كاربكهن بۆ گههاندنا پێدڤیێن سهرهكى یێن ژیانێ و ڤهكرنا رێرهوهكا مرۆڤى ژ پێخهمهت ب ههوارچوونا خۆجهێن عهفرینێ،ههروهسا ئهم دگهل ئێش و ئازارێن خۆشك و برایێن خۆ یێن خۆراگرین ل عهفرینێ و ههر چیا ژ دهستێ مه بهێت بۆ هاریكاریكرنێ ئهم تهخسیریێ ناكهین،
ئهڤرۆ نيوز:
سهرۆكێ سوريا د ديدارهكا رۆژنامهڤانى دا ديار دكهت كو كورد و سوپايێ وهلاتێ وى مل ب ملێ ئێكدو شهرێ تيرۆرێ دكهن و ب رهنگهكێ ئێكسهر ژ لايێ لهشكرێ وى ڤه پشتهڤانيا كوردان دهێته كرن.
د داخۆيانيهكێ دا بۆ رۆژناما سهندهى تايمز يا بريتانى، بهشار ئهسهد، سهرۆكێ وهلاتێ سوريا راگههاند: كورد و سوپايێ سوريا مل ب ملێ ئێكدو شهرێ دژى تيرۆرێ دكهن و ب رهنگهكێ ئێكسهر پشتهڤانيا لهشكرى يا كوردان دكهن و بهلگهيێن تهمام ل بهر دهستێ وى ههنه كو د سهلمينن پشتهڤانيا ئێكسهر يا ئهوان كريه و گهلهك گرۆپێن دژى يێن ههين ئهو هاريكاريا وان دكهت د بهرسينگگرتنا تيرۆرێ دا.
دهربارهى هێرشێن فرۆكێن ههڤپهيمانان بۆ سهر تيرۆرستان ل سوريا ئهسهد گۆت: “ئهو جورێ هێرشان د بێ مفا نه، چهنكو پێدڤيه تيرۆر ب رهنگهكێ ريشالى بهێته ژناڤبرن نه ب تنێ بهێته بريندار كرن”.
تهكست ل سهر وێ چهندێ ژى كر كو پشتهڤانيكرنا تيرۆرستان ژ لايێ هندهك وهلاتان ڤه ئهگهرێ بهردهوامبوونا ڤێ رێكخراوێ يه و ئالوزى و قهيرانا زێدهتر لێ دكهت و گۆت: “داعش و بهرى نوسره دو لايێن ئێك ديوارن چونكو ههردو ئايدولۆژيا وههابى نه”.
ئهڤرۆ نيوز، نيوار محهمهد سهليم:
ئهندامهكا پهرلهمانێ كوردستانێ ل سهر فراكسيۆنا پارتى ديموكراتى كوردستان مزگينيهك دا قوتابيێن ناڤێن وان نههاتين كو د ڤان دو رۆژێن داهاتى دا، دێ نێزكى 2500 ناڤێن دى هێنه راگههاندن.
زۆزان سادق تروانشى، ئهنداما لژنا پهروهرده و خواندنا بلند ل پهرلهمانێ كوردستانێ د داخۆيانيهكێ دا بۆ ئهڤرۆ نيوز گۆت: “ل سهر داخوازا گهلهك قوتابيان مه پهيوهندى ب ناڤهندا وهرگرتنا قوتابيان ل زانكۆ و پهيمانگههێن ههرێمێ كر و ئهوان راگههاند كو دێ ڤان دو رۆژێن بهێت ژمارهكا دى يا قوتابيان وهرگرن”.
زێدهتر گۆت: “ئهوان ئاشكهرا كر كو گهلهك قوتابيان ب رهنگهكێ گهلهك شاش و نه ل دووڤ ئاستێ نمرێن خوه فورمه پركرينه و دا كو غهدره ل وان نهبيت ژ ئهگهرێ ههبوونا دهستهبهرداريێ “تنازلات” ناڤێن وان نههاتينه و ڤان دو رۆژان دێ ناڤێن نێزيكى 2500 قوتابيێن دى هێنه راگههاندن”.
زۆرزان خانێ وهكو زێدهتر پێزانين ل سهر بابهتى نمونهك ئينا و گۆت: “بۆ نمونه تێكرايا نمرا كهسهكى 97، يێ رابووى كوليژا نوشدارى يا نڤيسى و ئێكسهر هاتيه پهرستارى و پاشان ئهندهزيارى، يا باشتر ئهو بوو ئهوى كهسى پشتى نوشدارى ئهندهزيارى نڤيسيبان ژ بهر كو باشترين يا وايه و ژ بهر هندێ ژى دا كو غهدره ل كهسێن وهسان نهبيت دێ بۆ وان سهحكهنه ههلبژارتنا ژ ههموويان باشتر، ئهڤه ژ وان كهسێن نمرێن وان ههتا رادهكى كێم ژى دگريت”.
ئهنداما پهرلهمانێ كوردستانێ نهڤهشارت ژى كو ئهوان ئهنجامێن بهراهيێ راگههاندن ژ بهر كو ناڤ گهلهك گيرۆ بوون و ژ بهر هندێ ئهڤ ناڤێن ماين هێلان و نوكه يێ كار ل سهر دكهن و ئهو ژى د ڤان دو رۆژێن بهێت دا دێ هێنه راگههاندن.
ئهڤرۆ نيوز:
مهسعود بارزانى، سهرۆكێ ههرێما كوردستانێ دێ سهرهدانا توركيا كهت و بڕياره ل گهل مهزنه بهرپرسێن وى وهلاتى كۆم ببيت.
بڕياره 9ى كانوونا ئێكێ يا 2015ێ مهسعود بارزانى سهرۆكێ ههرێما كوردستانێ سهرهدانا وهلاتێ توركيا بكهت و ل گهل مهزنه بهرپرسێن وى وهلاتى كۆم ببيت.
مهلود چاوش ئوغلۆ وهزيرێ ژ دهرڤه يێ توركيا بۆ كهنالێ 24يێ توركى راگههاند كو بارزانى دێ سهرهدانا ئهنقهره كهت.
چاوش ئوغلۆ دا زانين ژى كو پێدڤى بوو بارزانى 4ى كانوونا ئێكێ سهرهدانا وهلاتێ توركيا كربايه، بهلێ ژ ئهگهرێ وێ كێشا د چوونا لهشكرێ توركيا بۆ عيراقێ دا دروست بووى، سهرهدانا وى هاته پاشخستن بۆ 9ى ڤێ ههيڤێ.
ئەڤرۆ نیوز، زنار تۆڤی:
ئەڤرۆ رۆژا دوشەمبی دپرێس کۆنفرانسەکی دا فازل بەشارەتی بەرپرسێ لقێ 12 یێ پارتی دیمۆکراتی کوردستان ل پارێزگەھا ھەلەبجە دا دیارکرن،کو ھەتانوکە ئەم دگەل لایەنێن سیاسی ل ھەلەبجە ل سەر دابەشکرنا پۆستێن وێ پارێزگەھێ رێکنەکەفتینە،ژبەژکو مە دڤیا پۆستێ قائیمقامیا ھەلەبجە وەربگرین،لێ لایەنێن سیاسی ل سەر ڤێ داخوازیا مە رێکنەکەفتینە،لەورا ئەم دێ پشکداریەکا کاراکەین یان ژی ئەم پشکداری د رێڤەبرنا پۆستێن ڤێ پارێزگەھێ نابین،لەورا ھەر بریارەکا لیژنا ئەنجوومەنێ وەزیران بدەت،دێ پابەند بین،ب وێ بریارێ.
إنھاء
نيشاندان