ئه‌ڤرۆ نیۆز، قائید میرۆ
فه‌رماندێ میحوه‌رێ رۆژئاڤایێ كه‌ركووكێ ئاشكراكر، هه‌ڤپه‌یمانان كارگه‌هه‌كا بۆمبڕێژكرنا تڕۆمبێلێن داعش كریه‌ ئارمانج و هژماره‌كا زۆرا تیرۆرستان هاتینه‌ كوشتن.
د.كه‌مال كه‌ركووكی، فه‌رماندێ میحوه‌رێ رۆژئاڤایێ كه‌ركووكێ ب ئه‌ڤرۆ نیۆز راگه‌هاند” پشتی بده‌ستڤه‌ ئینانا زانیاریان شه‌ڤا بۆری فڕۆكه‌یێن هه‌ڤپه‌یمانان كارگه‌هه‌كا بۆمبڕێژكرنا ترۆمبێلێن داعش كره‌ ئارمانج ل نێزیك ناحیا ریاز و د ئه‌نجامدا ژبلی كوشتنا هژماره‌ك چه‌كدارێن داعش زیانێن ماددی گه‌هشتن ئه‌ڤێ كارگه‌ها تیرۆرستان.
كه‌ركووكی دیاركر” ل نێزیكی گوندێ بوتمه‌ یێ رۆژئاڤایێ كه‌ركووكێ وی ده‌می چه‌كدارێن داعش مژۆلی چاندنا بۆمبان بووینه‌ بۆمبه‌ك ب تیرۆرستانڤه‌ ته‌قی و هژماره‌ك چه‌كدارێن داعش هاتنه‌ كوشتن.

ئه‌ڤرۆ نیوز:

په‌رله‌مانێ عیراقێ خواندنا دووێ بۆ پرۆژه‌ قانوونا دیاركرنا ویلایه‌تا سێ سه‌رۆكایه‌تیان پاشخشت و سه‌باره‌ت خشتێ نوو یێ موچان بریاردا حه‌یده‌ر عه‌بادى سه‌رۆك وه‌زیرێن عیراقێ بۆ په‌رله‌مانى داخواز بكه‌ن.

ئەردەلان نورەددین، ئه‌ئدامێ په‌رله‌مانێ عیراقێ راگه‌هاند كو ئه‌ڤرۆ په‌رله‌مانێ عیراقێ دانوستاندن ل دور خشتێ نوو یێ مووچێن فه‌رمانبه‌ران كر و بریاردا حه‌یده‌ر عه‌بادى سه‌رۆك وه‌یزێن عیراقێ بۆ په‌رله‌مانى بهێته‌ داخوازكرن و رۆنكرنێن پێدڤى بده‌ت.

ئه‌ڤرۆ نیوز:

پشتى كه‌فتنا فرۆكه‌كا رووسى ل ناڤ ئاخا مسرێ، راسته‌وخو گرته‌یه‌كا ڤیدیویى ل ناڤ تورێن جڤاكى به‌لاڤبوو و تێدا چه‌ند ئه‌كاونته‌كێن نێزیك ژ رێكخراوا تیرورستیا داعش و به‌رپرسایه‌تیا خوه‌ ژ شكه‌ستنا وێ فرۆكێ راگه‌هاند.

پێشتر ئاژانسا فرۆكه‌ڤانى یا رووسیا راگه‌هاندبوو: فرۆكا نه‌فه‌رهه‌لگرا جورێ Airbus-320 سه‌ر ب كومپانیا هێلا ئاسمانیا رووسى كولاڤیا، كو ل شه‌رم ئه‌لشیخ ل مسرێ گه‌شت كریه‌ ل نێزیك سینا په‌یوه‌ندى ل گه‌ل هاتیه‌ برین، ئانكو پشتى 23 ده‌قیقا ژ فرینێ، په‌یوه‌ندى ب رادارێ ڤه‌ نه‌مایه‌ كو د وێ فرۆكێ دا 217 نه‌فه‌ر تێدا بوون و پرانیا وان وه‌لاتیێن رووسى بوون.

ئه‌ڤرۆ نیوز:

ئاژانسا فرۆكه‌ڤانى یا رووسیا راگه‌هاند: فرۆكا نه‌فه‌رهه‌لگرا جورێ Airbus-320 سه‌ر ب كومپانیا هێلا ئاسمانیا رووسى كولاڤیا، كو ل شه‌رم ئه‌لشیخ ل مسرێ گه‌شت كریه‌ ل نێزیك سینا په‌یوه‌ندى ل گه‌ل هاتیه‌ برین،

ئاژانسا فرۆكه‌ڤانى یا رووسیا ئاماژه‌ ب وێ یه‌كێ كریه‌ كو گه‌شتا ژماره‌ 9268 یا د ناڤبه‌را ئه‌لشه‌یخ و سێینتپیتێرزبێرگ، پشتى 23 ده‌قیقا ژ فرینێ، په‌یوه‌ندى ب رادارێ ڤه‌ نه‌مایه‌ كو د وێ فرۆكێ دا 217 نه‌فه‌ر تێدا بوون و پرانیا وان وه‌لاتیێن رووسى بن.