ئه‌ڤرۆ نیوز:
وه‌زیرێ خواندنا بلند و ڤه‌كولینێن زانستى یێ حكومه‌تا هه‌رێما كوردستانێ راگه‌هاند كو ئه‌و دێ پتر گرنگیێ ب كوالیتیا زانكۆیان ده‌ن و دیسا دێ چاڤدێریێ ل سه‌ر زانكۆیان زێده كه‌ن.
د.یوسف گۆران د كومبوونه‌كێ دا ل گه‌ل جڤاتا زانكۆیا كویه دیسا راگه‌هاند ئه‌و دێ كار بۆ وێ چه‌ندێ ژى كه‌ن كو زمانێ ئینگلیزى د ناڤ زانكۆیان دا بهێزتر لێ بهێت ئه‌وژى ب ڤه‌كرنا سه‌نته‌رێن زمانى كو ماموستا ئاشناى نوونرین پێزانینێن سه‌رده‌م و پێشكه‌فتى یێن جیهانى ببن.
ئه‌ڤرۆ نیۆز، قائید میرۆ
ئه‌ندامه‌كێ لیژنا دارایی و ئابوریا په‌رله‌مانێ كوردستانێ ئاشكراكر، بڕیاره سبه رۆژا پێنج شه‌مبی حوكمه‌ت ده‌ست ب به‌لاڤكرنا موچێ هه‌یڤا دوازده بكه‌ت و ئێكه‌م وه‌زاره‌ت ژی دێ پێشمه‌رگه وه‌رگریت.
په‌رله‌مانتار سالح فه‌قێ بۆ مالپه‌ڕێ ئه‌ڤرۆ نیۆز دیاركر” ل گوره‌ی دوڤچوونا مه وه‌كی لیژنا په‌رله‌مانی ده‌ركه‌فتیه، وه‌زاره‌تا پێشمه‌رگه‌ی چه‌كێ وه‌رگرتنا موچه‌ی وه‌رگرتیه و سبه‌ی پێنج شه‌مبیێ دێ پارێ خوه وه‌رگرن، به‌لێ ره‌نگه موچێ هنده‌ك وه‌زاره‌تان پاشكه‌ڤیت، چونكو پارێ موچه‌ی ل ژلایێ سامانێن سرۆشتی دهێته دابینكرن و هه‌موو پێكڤه ناگه‌هیت.
ئه‌ڤرۆ نيوز:
سه‌ليم جبورى سه‌رۆكێ په‌رله‌مانێ عيراقێ راگه‌هاند كو سوبه رۆژا پێنجشه‌مبى دێ پرۆژه قانوونا بودجێ سالا 2015 په‌سه‌ند كه‌ن و گۆت: كێشه و ئالوزييێن هه‌مبه‌ر بودجه‌ى ب ره‌نگه‌كێ گشتى يێن هاتينه چاه‌ركرن و ب ئومێدين سوبه‌هى هه‌موو لايه‌نێن سياسى ل سه‌ر رێكبكه‌ڤن و ئه‌ندام په‌رله‌مان ده‌نگدانێ ل سه‌ر بكه‌ن.
ئه‌ڤرۆ نيوز:
محه‌مه‌د مومنى په‌يڤدارێ فه‌رمى يێ حكومه‌تا ئوردن ل كه‌نالێ ته‌له‌فزيونا وه‌لاتێ خوه ئه‌ڤرۆ راگه‌هاند كو ئوردن يا رازيه ساجيده ريشاوى ئازاد بكه‌ت به‌رامبه‌ر ئازادكرنا معاز كساسبه فرۆكه‌ڤانى ئوردنى يێ كه‌تيه دده‌ستێ داعش دا.
معاز كساسبه فرۆكه‌ڤانه‌كێ هێزا ئه‌سمانى يێ سوپايێ ئوردنێ يه، هه‌يڤا كانوونا ئێكێ يا سالا بوورى د ده‌مى بوردومانكرنا جهێن داعش ل سووريێ، فرۆكا وى كه‌تبوو خوار و ناڤبرى ژى كه‌تبوو د ده‌ستێ داعش دا.
ئه‌ڤرۆ نیوز:
نێچیرڤان بارزانى سه‌رۆكێ حكومه‌تا هه‌رێما كوردستانێ راگه‌هاند كو لێكتێگه‌هشتنه‌ك ل گه‌ل به‌غدا ل سه‌ر پرسا هنارتنا نه‌فتا هه‌رێمێ هه‌یه و ئه‌و د وێ باوه‌رێ دانه كو هه‌رێم دكاریت زێده‌تر ژ وێ یا رێككه‌فتین د ناڤبه‌را به‌غدا و هه‌رێمێ دا ل سه‌ر هاتیه كرن، نه‌فتێ بهنێریت به‌لێ ” مه ب ئاشكرا گوتیه به‌غدا ئه‌گه‌ر مه شیانێن زێده‌تر یێن هنارتنێ هه‌بن، ئه‌م ناهنێرین”.
ئه‌ڤرۆ ب سه‌رۆكاتیا نێچیرڤان بارزانى ئێكه‌م كومبوونا جڤاتا وه‌زیران د سالا نوو دا برێڤه چوو.
ئه‌ڤرۆ نيوز:
وه‌زاره‌تا پێشمه‌رگه‌يى ل حوكمه‌تا هه‌رێما كوردستانێ نڤيساره‌ك ئاراسته‌يى ميحوه‌رێن شه‌رى كريه و داخواز ژ هه‌موو ئه‌فسه‌ر و پله‌دارێن پێشمه‌رگه‌يى كريه ره‌فتارێن نه‌گۆنجايى به‌رامبه‌ر بريندار و كوشتيێن داعش نه‌كه‌ن و رێ بگرين ل وێنه‌گرتن و سڤكاتيكرن ب وان.
د ڤێ نڤيسارا وه‌زاره‌تا پێشمه‌رگه‌يى دا ئاماژه ب وێ چه‌ندێ ژى كريه كو ب مه‌ره‌ما پاراستنا مه‌زناهيا پێشمه‌رگه‌يى، ئاگه‌هداريا هه‌موو ئه‌فسه‌ر و پله‌دار و پێشمه‌رگان كريه كو ب چو ره‌نگان ره‌فتارێن نه‌گۆنجايى و دوور ژ مرۆڤاتيێ به‌رامبه‌ر بريندار و كوشتيێن داعش نه‌كه‌ن.
ئه‌ڤرۆ نيوز، بارزان مزوورى:
هاشم بريفكانى ئه‌ندامێ جڤاتێ پارێزگه‌ها نه‌ينه‌وا بۆ ئه‌ڤرۆ نيوز راگه‌هاند كو ئه‌ڤرۆ سپێدێ ترۆمبێلا سه‌رۆكێ جڤاتا پارێزگه‌ها مووسل، بشار كيكى، وه‌رگه‌ريا و ئه‌و و هنده‌ك هه‌ڤال تێدا بوون.
هاشم بريفكانى گۆت: “ترۆمبێلا سه‌رۆكێ جڤاتا پارێزگه‌ها مووسل وه‌رگه‌ريا و ئه‌ز و ئه‌و ل گه‌ل هنده‌ك كه‌سان تێدا بووين و ئه‌و يێ برينداره و برينا وى یا سڤكه و ئه‌ز ژى يێ ب سلامه‌تم و نوكه د رێ داينه وى دبه‌ينه نه‌خۆشخانا ته‌نگاڤيان ل دهۆكێ”.
سبە دێ نڤیسینگەھێن پۆستەی لسەرانسەری کوردستانێ ببیتە سیستەمێ ئەلکترۆنی و ھەموو نڤیسینگەە ب رێیا ئەلکترۆنی ب رێیا ئەلکرۆنی و کۆمپیۆتەرێ پێکڤە ھێنە گرێدان.
رەسول سالح، رێڤەبەرێ راگەھاندنا وەزارەتا گەھاندن و ڤەگوھاستنێ بۆ ئەڤرۆ نیۆز دیارکر، بڕیارە سبە نڤیسینگەھێن پۆستەی لسەرانسەری کوردستانێ ببنە ئەلکترۆنی و سیستەمێ بەرێ یێ پۆستەی نامینیت.
سالحی گۆتژی” سیستەمێ پۆستەی بەری نوکە یێ پاشکەفتی بوو، زۆر ئاریشە پەیدادبوون ل گەھاندنا پۆستەی، بەلێ ئەگەر ببیتە ئەلکترۆن و د ب رێیا ناڤ و نیشان و ئینتەرنێتێ ھێتە گرێدان و ئاریشەیێن بەرێ نامینن.
ئه‌ڤرۆ نيوز:
پشتى راوه‌ستاندنا گه‌شتيێن هێلا ئاسمانى ئيماراتى فلاى دوبه‌يى، ژ لايێ وى وه‌لاتى ڤه ژ ئه‌نجامێ ته‌قه‌كرنێ ل ئه‌سمانێ عيراقێ، هێلا ئاسمانى يا ئوردنى ژى گه‌شتێن خوه ب ره‌نگه‌كێ به‌روه‌خت راوه‌ستاندن.
باسل گه‌يلانى هاريكارێ هێلا ئاسمانى يا شاهانه يا ئۆردنى د داخۆيانيه‌كا رۆژنامه‌ڤانى دا راگه‌هاند كو ژ پێناڤى پاراستنا گه‌شتياران ب ره‌نگه‌كێ ده‌مكى گه‌شتێن خوه يێن ئه‌سمانى بۆ به‌غدا راوه‌ستاندن هه‌تا ره‌وشا ئه‌منى يا ده‌وروبه‌رێن فرۆكخانا نێڤده‌وله‌تى يا به‌غدا ئارام دبيت.
باسل ئاماژه ب وێ چه‌ندێ ژى كر كو ئوردن 9 گه‌شت يێن بۆ به‌غدا و 9 ژى بۆ هه‌ولێر ئه‌نجام دده‌ت، پشتى داگيركرنا باژێرێ مووسل ژ لايێ چه‌كدارێن داعش گه‌شتێن وى باژێرى ژى هاتينه راوه‌ستاندن.
پشتى فلاى دوبه‌يى، وه‌زاره‌تا ده‌ره‌ڤه يا ئيماراتێ بالوێزخانا عيراقێ گازيكريه و نه‌ره‌حه‌تيا خوه و وه‌لاتێ خوه ل سه‌ر بابه‌تى ده‌ربڕيه و داخوازا ڤه‌كۆلينێ كريه. حوكمه‌تا وى وه‌لاتى ژى گه‌شتێن خوه بۆ عيراقێ بۆ ڤى ده‌مى راوه‌ستاندينه.
نيشاندان