ئهڤرۆ نیوز:
ب ههلكهفتا بیرهوهریا ژ دایكبوونا سهروهرێ پێغهمبهران، محهمهد سلاڤێن خودێ ل سهر بن، سهرۆك بارزانى پهیامهكا پیروزیێ بهلاڤكریه و ئهڤ بیرهوهریه ل ههموو موسلمانێن جیهانێ و عیراقێ و ب تایبهت موسلمانێن كوردستانێ پیرۆز كریه.
سهرۆك بارزانى هیڤى خواستیه كو ئهڤ بیرهوهریا پیرۆز دهرگههێ خێر و خوشیێ بۆ خهلكێ كوردستانێ ڤهكهت و دووماهیێ ب زولم و توندكارى و داگیركاریێ بئینیت و وهلاتێ مه د بهختهوهریێ دا بیت.
ئهڤرۆ نیوز، مهسعود خهلهف
ل گور مالپهرێ ریاز، ئهڤرۆ ساخلهمیا مهلكێ سعودیێ باشتر لێ هاتیه پشتی كو تووشى ههودانا سهان بووى و بووریهكا هاریكار بۆ هلكێشانا ههناسێ ب شێوهیهكی بهروهخت بۆ داناى.
د بهیاننامهكا دیوانا مهلكێ سعودیێ دا هاتیه: “پشتی ئهنجامدانا چهند تاقیكرنێن نوشداری ژ لایێ تیمێن نوشداری ڤه، وهسا خویا بوو كو ههودانا سهان ههیه و هاته خواستن كو بووریهكا هاریكار بو بهێته دانان”.
ژ لایهكێ دیڤه و ل گور هنهك ژێدهرێن تایبهت یێن وهلاتێ عهرهبستانا سعوودیێ ساخلهمیا مهلكێ سعودیێ د رهوشهكا گهلهك خراب دا یه.
ئهڤرۆ نیوز:
ئهسیل نوجێفى پارێزگهرێ نهینهوا كو نوكه ل باژێرێ ههولێرێ ئاكنجى بوویه، د بهیاننامهكێ دا راگههاند” ب مهرهما پشكداریكرنێ د كونترۆلكرنا باژێرێ مووسل، ژمارهكا زور ژ ئاكنجیێن سنورێ پارێزگهها نهینهوا پهیوهندى ب بنگههێن ناڤ نڤیسینێ كرینه و ل چهند رۆژێن بوورى ژماران وان گههشته زێدهتر ژ 10 هزار چهكدار”.
ئهڤرۆ نیوز:
د هێرشهكێ دا ل رۆژههلاتێ فهلوجه، سهركردهیهكێ بلندێ داعش هاته كوشتن.
ل دووڤ ژێدهرێن دهنگوباسان، د وێ هێرشێ دا، ئهبو سهعدون ئهلسویداوى سهركردێ بهرهڤانیا ئهسمانى و كهسێ سیێ ل ناڤ داعش هاته كوشتن.
ههر ل گۆر ژێدهرێن دهنگوباسان د شهرێ شڤێدى یێ هێزێن ههڤپهیمانان دا بۆ سهر رۆژههلاتا فهلوجه شهش چهكدارێن داعش هاتینه كوشتن.
ئهڤرۆ:
ئاوارێن د کەمپا ئاکرێ دا ل دۆر دابەشکرنا کەل و پەلێن زڤستانێ و خارن و ڤەخارنێ چو ئاریشە نینن، لێ ھوسا دبینن ھندەک کێماسی ھەنە، وەک نەبوونا چو نۆژدارێن ژن ل کەمپێ بوویە ئەگەرێ نەرازیبوونا ئاکنجیێن کەمپێ.
زینەب عومەر ئافرەتەکا ئاوارەیە ل باژێرێ ئاکرێ خویا کر، ئەڤە بۆ ماوەیەکێ یە ئەز چوویمە د ھێلینا زێرین دا و ھەتا نوکە فورم نەداینە مە و ئەم ژێ بێ بەھرین ژ وەرگرتنا کەل و پەلان و ئەرزاقی و وەرگرتنا گازێ و ھندەک تشتێن دی، لەورا داخواز دکەین ئەڤ یەکە بھێتە چارەکرن و گۆت: بۆ زەلامان مە ژی کار نینە، ئانکو ھەبیت ژی یا کێمە، لەورا داخواز کەین دەلیڤە بۆ وان ژی بھێتە دان بۆ کاری کۆ بشێن ژیانا خۆە ب رێڤە ببەین.
شرین شەفیع ژی ئێکە ژ ئافرەتێن ئاوارە ل کەمپا قەلعێ دیار کر، ھندەک کەل و پەل د کێمن یان ل دووڤ ھژمارا خێزانان ناھێنە دابەشکرن، لەورا دڤێت ل دووڤ ھژمارا خێزانان بیت، چونکو وەک پێدڤی تێرا مە ناکەن و گۆت ژی: دەربارەی ئاڤێ باش دھێت، لێ ب کێرڤەخارنێ ناھێت، وەک کلور یان چو مادان ناکەنە د ئاڤێ دا، لەورا تامەک ژێ دھێت. دیسا ل دەرڤەی کەمپێ نوژدارێن ھەین، لێ دەرمان وەک پێدڤی لێ نینن و نوژدارێن ژن ژی لێ نینن، ئەم داخواز دکەین نوژدارەکا ژن بھێتە وێرێ، چونکو ئەم دچینە نەخوشخانا گشتی گیرو دبین و نەخۆشیا مە مەزنتر و خرابتر ژی لێ دھێت، ئەم داخواز دکەین ئەڤ یەکە بھێنە چارەکرن یان ژی چارەیەک ھەبیت.
ھەژار سەعید یاسین رێڤەبەرێ کەمپێ بۆ ئەڤرۆ گۆت: ل دووڤ شیانێن خوە ھاریکاری بۆ کریە و ل گەل ھاتنا وەرزێ زڤستانێ ژی مە کەل و پەلێن زڤستانێ ل سەر وان دابەشکرینە ل دووڤ سیستەمێ رێکخراوێ و ھندەک کێماسی یێن ھەین و دێ ھەبن، لێ ئەم بزاڤێ دکەین وێ ژی نەھێلین یان ژی کێم بکەین، وەک نەبوونا نوژدارێن ژن، ئەو ژی میلاکێ ساخلەمیێ یێ ئاکرێ یێ کێمە و سەبارەت ئاڤێ ژی لژنا ساخلەمیێ سەرەدانا وان دکەن بۆ چارەسەریێ.
ئەڤرۆ:
ژ بۆ پتر نێزیکبوون ژ رەوشا وەلاتیان و ئاگەھدار بوون ل سەر دەڤەرێ و زوو گەھاندنا گازندە و داخوازیێن خەلکێ دەڤەرێ، وەلاتی دخوازن نڤیسینگەھەکا پەرلەمانێ کوردستانێ ل قەزا ئامێدیێ بھێتە ڤەکرن.
وەلاتی شیمال عەبدوللا وەک ئێک ژ وەلاتیێن دەڤەرا ئامێدیێ و ئاکنجیێ کۆمەلگەھا سیریێ دبێژیت: مە ھزر دکر خۆلا نھا یا پەرلەمانی دێ شێت گەلەک خزمەتا دەڤەرا مە کەت، چونکو بەری ھەلبژارتنا ھەموویان بۆ مە دەھول لێ ددا و دگۆتن کو ھەر تشتەکێ ھەوە بڤێت دێ کەین، لێ پشتی ھەلبژارتنان ئەوێن مالێن وان ل دەڤەرێ ژی مالێن خوە ڤەگوھاستنە دھۆکێ و گۆت: (مادەم مالا چو ئەندام پەرلەمانەکی ل دەڤەرێ نەبیت، ھەر چو نەبیت بلا نڤیسینگەھەک ل سەنتەرێ قەزا ئامێدیێ بھێتە ڤەکرنن دا کو ھەر جار جار وەلاتی گازندێن خوە بگەھینینێ.
وەلاتیەکی دی ب ناڤێ دلبرین دیار کر، وی چو جارا ھزر نەدکر ئەندام پەرلەمانێن دەڤەرێ دێ مالێن خوە ل دەڤەرێ ڤەگوھێزن و دێ چنە دھۆکێ و ھەولێرێ، راستە دەواما وان یا ل ھەولێرێ، بەلێ ھەر چو نەبیت ل دەمێ بھێنە ڤەدانان دا قەستا دەڤەرێ کەن بۆ وێ یەکێ بزانن خەلکێ دەڤەرا ئامێدیێ ژی چو ئاریشە ھەنە.
نەجات موحەمەد نھێلی ئەنداما پەرلەمانێ کوردستانێ بۆ ئەڤرۆ دیار کر، وەک ئەرکەکێ ل سەر ملێن وانا بۆ نێزیک ئاگەھدار بوون ژ رەوشا وەلاتیێن دەڤەرا ئامێدیێ، وان وەک ئەندام پەرلەمانێن کوردستانێ یێن فراکسیونێن جدا یێن دەڤەرا ئامێدیێ بزاڤێن زۆر کرینە ژ پێخمەت ڤەکرنا نڤیسینگەھەکا پەرلەمانی ل سەنتەرێ قەزا ئامێدیێ و گۆت: (نھا کارێن دەسپێکی یێن ڤەکرنێ ب داوی ھاتینە و وەک یاداشتەکێ دایە سەرۆکاتیا پەرلەمانی و ئەم چاڤەرێ رازیبوونا سەرۆکێ پەرلەمانی نە، لێ ژ بەر رەوشا نھا یا دەڤەرێ و کوردستانێ و عیراقێ ب گشتی تا نھا بەرسڤ ل سەر نەھاتیە دان و دبیت د دەمەکی نیزیک دا ئەڤ نڤیسینگەھە بھێتە ڤەکرن).
ئەڤرۆ نیوز:
ل گۆرەی پێزانینێن رۆژناما ئەڤرۆ ب رێیا ئەمری ئەترووشی ب دەستخۆڤە ئیناین، نھا ھژمارا وان کەسێن ژ وەلاتێ سوریا و عیراقێ ئاوارەی ھەرێما کوردستانێ بووین گەھشتیە دو ملیون ١٤٣ ھزار کەسان و ژ ڤی سەرجەمی ژی نێزیکی ٢٥٠ ھزار کەسان وەکو پەنابەر ل ھەرێما کوردستانێ ھاتینە تومارکرن و گەلەکێن دی ژی خواستیە وەکو پەنابەر سەرەدەری ل گەل بھێتە کرن.
ل گۆرەی ئامارا وەزارەتا کوچ و کوچبەران یا ھەرێما کوردستانێ کو دانەیەک ژێ ب دەست ئەڤرۆ کەفتیە، ھەتا دووماھیا ئەڤ سالە ھژمارا ئاواران ل ھەرێمێ گەھشتیە دو ملیون و ١٤٣ ھزار کەسان و پتریا وان ژی کورد و موسلمانن و ئەڤە ژی رێژەیەکا گەلەک مەزنە و د شیانێن ھەرێمێ دا نینە ھەموویان وەکو پەنابەر سەرەدەریێ ل گەل دا بکەت.
ل دووڤ ڤان ئاماران ئاشکرا بوویە کو د سالا ٢٠١٤ دا ملیونەک و ٤٥٠ ھزار کەس وکو ئاوارە ل ھەرێما کوردستانێ ھاتینە حەواندن و ل سالا ٢٠٠٣ ھەتا ٢٠٠٩ نێزیکی ٦٩٣ کەسان ئاوارەی ھەرێما کوردستانێ بووینە. ژ ڤی سەرجەمی ھەتا نوکە ٢٥٠ ھزار ئاوارە وەکو پەنابەر ھاتینە تۆمارکرن و ژ وان ژی ١٢ ھزار و ٥٠٠ کەس ژ باکوورێ کوردستانێ نە و چار ھزار ژ رۆژھەلاتێ کوردستانێ نە و یێن مایی ژی ژ عیراقێ و رۆژئاڤایێ کوردستانێ تەڤلی ھەرێما کوردستانێ بووینە.
ل گۆری پۆلینکرنا ڤان ئاواران ژ روویێ نەتەوەیی و ئۆلی ڤە د وێ ئامارێ دا ھاتیە، کورد ژ ھەموویان پترن، بۆ نمووونە ژ سەرجەمێ ھەموو ئاواران ٥٤٥ ھزار کەس کورد، ٥١٠ زار عەرەبن، ٢٥٥ ھزار کوردێن فەیلی، ٧٣ ھزار تورکومانن پێنچ ھزار ئاشووری، ١٧٠٠ ئەرمەنی و ١٤ ھزار کلدان، ٤٢ ھزار سریان ٤٧ ھزار کوردێن شەبەک.
ئهڤرۆ نیوز:
زهعیم عهلى بهرپرسێ میحوهرێ رۆژههلات و رۆژئاڤا دیجله یا هێزێن پێشمهرگهى ل سنورێ مووسل د دیدارهكێ دا بۆ هاولاتى دیاركریه كو ب تنێ هێزا دشێت شنگال رزگار بكهت و ب پارێزیت پارتى یه و ههكه نوكه پارتى خوه ڤهكێشیت، داعش ب چو هێزهكى ناراوهستیت.
زهعیم عهلى دبێژیت: ئهو جهێن پێشمهرگهى ل شنگالێ گرتین د سترتیژى نه، بهلێ بۆ كونترولكرنا شنگالێ ب تمامى، ئهم پێدڤى ب بهرنامه و پلانهكا بهێزن.
ئهڤرۆ نیوز، مهسعود خهلهف
پشتی کو دادگەھا دەستوورا بنگەھین یا توركیا پارتیا جڤاکا دەمۆکراتیک (DTP) گرتى، تاوانا قەدەغهکرنا سیاسەتێ دابوو ٣٧ ئەندامێن پارتیێ، تاوانا لەیلا زانا، ئایسەل توگلوك و کەمال ئاکتاش ب داوی بوو و دێ ٦ێ ڤێ مەھێ تەڤلی HDP ببن.
سالا ٢٠٠٩ێ دادگەھا دەستوورا بنگەھین یا توركیا DTP گرتبوو و ھەروهها پهرلهمەنتەریا سەرۆکێ گشتی ئاھمەت تورک و جیگرا سەرۆکێ گشتی ئایسەل توگلوک ژی ژێ ھاتبوون ستاندن.
ل رۆژا 31-12-2014 تاوانا ٥ سالان ب داوی بوو، پشتی کو تاوانا لەیلا زانا، ئایسەل تولوک و کەمال ئاکتاش ب داوی بوو ئەوێ تەڤلی HDP ببن.
تێ پێشبینیکرن کو ٦ ڤێ مەھێ ھەڤسەرۆکێ HDP سەلاھهدین دەمیرتاش پێشوازیێ ل وان بکە، دەما کو ھەر سێ پارلهمەنتەر تەڤلی HDP ببن ھەژمارا پهرلهمەنتەرێن پارتیێ دێ ببە ٣٠.
ئهڤرۆ نیوز، مهسعود خهلهف
سەرۆکێ ئەمەریکا باراک ئۆباما، ١٩ێ بەرفانبارێ ژ بۆ رادیۆیا گەل یا نەتەوەیی ئاخڤیبوو. د وێ ھەڤپەیڤینا ئۆباما دە کو ڤێ ھەفتیێ ھات وەشاندن، ھن گۆتن ھەنە کو دێ ل جیھانێ دەنگ ڤەدن.
د ھەڤپەیڤینێ دە ئۆباما وهھا دبێژە: “دەما کو رووسیایێ، قرم داگر کر ھەر کەسی دگۆت سەرۆک دەولەتێ رووسیایێ ڤلادمر پوتن کەسەکی زیرەکە. لێ ب دەمێ رە و ب دوستێن ھەڤپەیمانیێن مە یێن رۆژئاڤایی را، پشتی کو رووسیا بەر ب قەیرانەکە ئابۆری ڤە چوو، دەرکەت ھۆلێ کو ئەو ئەوقاسی نە کەسەکی بعاقلە.”
ئەڤ گۆتنێن کو سەرۆک دەولەتێ رووسیایێ بچووک دخە، ژ دەڤێ ئۆباما دەرکەتن. سەرۆکێ ئەمەریکایێ باراک ئۆباما گۆت، رووسیایێ ب داگرکرنا قرمێ رە زەرەر گھاندیە ئابۆریا وەلاتێ خوە.
ئۆبامایێ کو ب بیر خست، ئابۆریا رووسیایێ پێبەندێ نەفتێ یە، گۆت کو ئەو ناخوازن ب رووسیایێ رە شەر بکن و ئەو دێ بەردەوام بن د بکارئانینا کارتا خوە یا ئابۆریێ دە.
نيشاندان