ئه‌ڤرۆ نیوز:
سه‌روكوه‌زیرێن حكومه‌تا هه‌رێما كوردستانێ راگەهاند؛ سباهى دێ ده‌ست ب دابه‌شكرنا مووچێ فه‌رمانبه‌را هێته‌كرن.
مەسرور بارزانی، سەرۆکوەزیرێن هەرێما کوردستانێ د كۆمبوونا ئه‌ڤرۆ یا جڤاتا وه‌زیران دا راگەهاند:سوبه دێ ده‌ست ب دابه‌شكرنا مووچه‌یێ فه‌رمانبه‌رێن هه‌رێمێ كه‌ن و به‌رده‌وام د گه‌ل موسته‌فا كازمی، سه‌رۆكوه‌زیرێن ئیراقێ د گۆتوبێژان دابوو و سۆزدایه پرسا مووچه‌ی چاره بكه‌ت.
مەسرور بارزانی دیار ژی كریه، ئه‌گه‌ر به‌غدا 320 ملیار دینار بۆ هه‌رێمێ نه‌هنارتن، حکومەتا هەرێمێدێ مووچه‌یێ فه‌رمانبه‌ران ب قه‌ر دابین كه‌ت و گه‌ر پارێ بەغدا گه‌هشت دێ ل شوینا قه‌ران هێته‌دان و ژبه‌ر وێ یه‌كێ ژی سباهى سپێدێ دێ ده‌ست ب دابه‌شكرنا مووچا هێته‌كرن.
حكومەتا هەرێما كوردستانێ بۆ دابەشكرنا مووچەىپێتڤى ب 895 ملیار دینارایه، بەلێ ب بڕینا 18% پارێ پێتڤى بۆ مووچە دبیته نێزیكى 745 ملیار دینارا.
ئه‌ڤرۆ نیوز ، زنار تۆڤى:
جڤاتا پارێزگه‌ها دهۆكێ، ئه‌ڤرۆ دێ ده‌نگى ل سه‌ر به‌ربژارێن هه‌رسێ پۆستێن ناحیێن بامه‌رنێ و ده‌ركارێ و رۆڤیان ده‌ت
هشیار فه‌ریق گۆلى، سه‌رۆكێ فراكسیۆنا پارتى ل جڤاتا پارێزگه‌هێ بۆ ئه‌ڤرۆ نیوز راگه‌هاند؛ جڤاتا پارێزگه‌هێ ئه‌ڤرۆ سات 11 یێ سبێ ل دۆر سێ ته‌وه‌ران كۆمبیت، ته‌وه‌رێ ئێكێ ده‌نگدانه ل سه‌ر دیاركرنا سێ به‌ربژارێن رێڤه‌به‌رێن ناحیان ل گۆر بریارا ژماره ئێك یا په‌رله‌مانێ كوردستانێ، كو ب نڤیساره‌كا فه‌رمى گه‌هشتینه وان، به‌ریا نها ئه‌و پۆست ژ ئالیێ ئێكگرتوویا ئیسلامى ڤه دهاتنه برێڤه برن.
خویا كر، به‌ربژار پێكهاتینه ژ خانم میران عه‌بدولره‌حمان، به‌ربژاره بۆ پۆستێ رێڤه‌به‌را ناحیا بامه‌رنێ، ئه‌دیب جه‌عفه‌ر بۆ پۆستێ رێڤه‌به‌رێ ناحیا ده‌ركارێ، عنته‌ر فه‌رهاد بۆ پۆستێ رێڤه‌به‌رێ ناحیا رۆڤیان، پشتى ناڤێن وان دهێنه په‌سه‌ند كرن ژی ب نڤیساره‌كا فه‌رمى بریارا ده‌ست ب كاربوونا وان دێ ده‌ركه‌ڤیت.
ته‌وه‌رێن دی یێن كۆمبوونێ ژی، گۆهارتنا لژنێن نافخۆیى یێن جڤاتا پارێزگه‌هێ نه، ته‌وه‌رێ سییێ ژى راپۆرته‌ك ژ ئالیێ لژنا چاندنێ ڤه هاتیه ئاماده‌كرن و ژ ئالیێ جڤاتا پارێزگه‌هێ ڤه هێت گۆتوبێژكرن.
ئه‌ڤرۆ نیوز:
ده‌سته‌یا نشتیمانى یا بوشاییا ئاسمانى یا چینى راگه‌هاند؛ ئێكه‌م كه‌شتیا وان ب سه‌ركه‌فتیانه گه‌هشتییه سه‌ربانێ هه‌یڤێ بو كومكرنا نموونێن ماددێن هه‌یڤێ.
ل گۆر راگه‌هاندنا ده‌سته‌یا نشتیمانی یا بۆشایا ئاسمانی یا چینێ، ئێكه‌م كه‌شتییا وان یا ب ناڤێ (چانگ – ئى 5) دوهی رۆژا سێشه‌مبێ ب سه‌ركه‌ڤتییانه گه‌هشتییه سه‌ربانێ هه‌یڤێ بۆ كۆمكرنا هنده‌ك ژ نموونه‌یێن مادده‌یێن هه‌یڤێ، دیار ژی كر، پشتی گه‌هشتنا كه‌شتییا ڤه‌كۆلینێ بۆ سه‌ربانێ هه‌یڤێ، هه‌ژماره‌كا وێنه‌یان هنارتینه.
ئه‌گه‌ر كه‌شتییا چینێ سه‌ركه‌ڤتن ئینا، دێ بیته سێیه‌م وه‌لات پشتى ئه‌مریكا و روسیا نموونێن ماددان ژ سه‌ربانێ هه‌یڤێ بینیته ئه‌ردى و تاقیكرنان لسه‌ر بكه‌ت.
چینێ ئێكه‌م كه‌شتیا ئاسمانى بۆ ڤه‌كولینان و كۆمڤه‌كرنا مادده‌یێن سه‌ر هه‌یڤێده‌ستپێكرییه بۆهاریكاریكرنا زانایان ده‌رباره‌ى زانینا ژێده‌رێن سه‌ره‌تایى یێن هه‌یڤێ و سیسته‌مێ كوما روژێ.
ئه‌ڤرۆ نیوز:
وه‌زیرێ ده‌وله‌تا بریتانیا بۆ كاروبارێن رۆژهه‌لاتا ناڤین و باكورێ ئه‌فریقیا راگه‌هاند، وه‌لاتێ وى بزاڤێن چاره‌كرنا وان میلیشیایان دكه‌ن یێن ئاریشان ل ئیراقێ دروست دكه‌ن و دوپات كر كو بریتانیا ئاخا ئیراقێ بجهـ ناهێلیت.
جەیمس كێلڤرلی د داخویانیه‌كا رۆژنامه‌ڤانى دا راگه‌هاند، هه‌بوون و مانا بریتانییان ل ئیراقێ گرنگییه‌كا مه‌زن هه‌یه، كار ژى ل سه‌ر پرسا میلیشیایان دكه‌ن یێن بۆ حكومه‌ت و گه‌لێ ئیراقێ ئاریشان دروست دكه‌ن.
جەیمس كێلڤرلی ئاشكرا كر، ئه‌و د ره‌وشه‌كا خرابتر دا ژ نها ل به‌غدا ماینه، له‌ورا پێدڤییه نها ژى ئالایێ بریتانیا ل به‌غدا بمینیت و ئه‌و ئیراقێ ب جهـ ناهێلن.
ئه‌ڤرۆ نیوز:
په‌یڤدارێ حكومه‌تا ئیراقێ راگه‌هاند، پێدڤییه پرسا مووچه‌ى ژ كێشه‌یین سیاسى بهێته دووركرن و ئالیێ مرۆڤى ل به‌رچاڤ بهێته وه‌رگرتن و نابیت كێشێن ئالیێن سایسى كاترتێكرنێ ل ژیانا خه‌لكى بكه‌ن.
حه‌سه‌ن نازم، په‌یڤدارێ حكومه‌تا ئیراقێ د پرێسكۆنفرانسه‌كى دا راگه‌هاند، سه‌رۆكوه‌زیران ل دۆر پرسا مووچه‌ى دانوستاندن د گه‌ل ئالییان كرینه و بزاڤا دیتنا چاره‌یه‌كێ بۆ وێ یه‌كێ دكه‌ن، داخواز ژى كرییه پرسا مووچه‌ى ژ كێشێن سیاسى بهێته دوورخستن و ئالیێ مرۆڤى ل به‌رچاڤ بهێته وه‌رگرتن و نابیت كێشێن سیاسى كارتێكرنێ ل ژیانا خه‌لكى بكه‌ن.
ئه‌ڤرۆ نیوز:
كۆمپانییا فایزه‌ر یا ئه‌مریكى و بایۆنتیك یا ئه‌لمانى راگه‌هاند، ئه‌وان داخوازا مۆله‌تا به‌رهه‌مئینان و به‌لاڤكرنا ڤاكسینێ دژى كۆرۆنایێ پێشكێشى ئێكه‌تییا ئه‌ورۆپا كرییه.
هه‌ردو كمپانییان ئاشكرا كر، دوهى ئه‌وان داخوازا مۆله‌تێ ژ ئێكه‌تییا ئه‌ورۆپا كرییه و هیڤینه بشێن د ڤێ مه‌هێ دا ده‌ست ب به‌لاڤكرنا وى ڤاكسینى بكه‌ن ل وه‌لاتێن ئه‌ورۆپا.
پشتى سه‌ركه‌فتنا ڤاكسینێ وان هه‌ردو كۆمپانییان داخواز ژ ده‌سته‌یا خوارن و ده‌رمانان یا ئه‌مریكى كربوو مۆله‌تا به‌رهه‌مئینان و به‌لاڤكرنێ بده‌نێ، دوهى ژى ئه‌و داخواز پێشكێشى ئێكه‌تییا ئه‌ورۆپا كرییه، هه‌رده‌مێ مۆله‌تا فه‌رمى ژى وه‌رگرت دێ ده‌ست ب به‌لاڤكرنێ كه‌ن.
ژ ئالییێ خوه‌ڤه ئۆرسۆلا فۆن دێر لاین، سه‌رۆكا كۆمسیۆنا ئه‌ورۆپا رۆژا پێنجشه‌مبییا بۆرى راگه‌هاند بوو، ئێكه‌تییا ئه‌ورۆپا به‌رى داوى هاتنا ئه‌ڤساله دێ مۆله‌تێ ده‌ته ڤاكسینێ فایزه‌ر و بایۆنتیك.
سه‌رۆكێ حكومه‌تا هه‌رێما كوردستانێ په‌یامه‌كا سه‌ره‌خوه‌شێ ئاراسته‌یى سه‌رۆكێ هه‌ڤپه‌یمانییا نشتیمانییا ئیراقێ كر ب هه‌لكه‌فتا وه‌غه‌را خووشكا وى.
مه‌سروور بارزانى د په‌یامه‌كێ سه‌رخوه‌شى ل ئه‌یاد عه‌للاوى، سیاسه‌تمه‌دار و سه‌رۆكێ هه‌ڤپه‌یمانییا نشتیمانییا ئیراقى كر، ب هه‌لكه‌فتا وه‌غه‌را خووشكا وى سوعاد عه‌للاوى.
مه‌سروور بارزانى هه‌ڤخه‌میا خوه دیار و هیڤی خواستن خودایێ مه‌زن ل به‌هشتا خوه شاد بكه‌ت و هه‌دارێ بده‌ته كه‌سوكار و مالباتا خودێ ژێ رازیێ.
ژ ئالییه‌كێ دى ڤه مه‌كته‌با سیاسى یا پارتییا دیمۆكراتا كوردستانێ په‌یامه‌كا سه‌رخوه‌شیێ ئاراسته‌یى ئه‌یدا عه‌للاوى كر ب هه‌لكه‌فتا وه‌غه‌را خووشكا وى سوعاد عه‌للاوى.
مه‌كته‌با سیاسییا پارتى هه‌ڤخه‌مییا خوه ب وه‌غه‌را سوعاد عه‌للاوى دیار كر و هیڤیى خواستن خودایێ مه‌زن جهێ بكه‌ته به‌هشت و سه‌بر و هه‌دارێ بده‌ته كه‌سوكارێن وێ.
ئه‌ڤرۆ نیوز، مەحمود نهێلی:
رێڤەبەره‌كێ نوو یێ پولیسێن قەزا ئامێدیێ ل جهێ عه‌قید عه‌بدوللا، رێڤەبەرێ هاتە دانان.
د رێورەسمەکێ دا ل ئاڤاهیێ رێڤەبەریا پولیسێن قەزا ئامێدیێ و ب بەرهەڤبوونا ئیسماعیل موستەفا رەشید، قایمقامێ قەزا ئامێدیێ و عمید شەعلان، رێڤەبەرێ پولیسێن پارێزگەها دهوکێ ب وەکالەت، عقید سعد عمر مجید وەکرێڤه‌به‌رێ نوو یێ پۆلیسێن قه‌زا ئامێدیێ ل شوونا عه‌قید عه‌بدوللا هاته دانان.
قایممقامێ قەزا ئامێدیێ ژبلی پیرۆزباهیا رێڤەبەرێ نوو یێ پولیسێن ئامێدیێ، داخوازا سەرکەفتنێ بو عه‌قید عه‌بدوللاد کارێ وییێ نوو دا کر، و سوپاسیا وی کر بو وێ خزمەتا وی ل دەڤەرێكرى و دیار کر، ئەڤ گوهارتنە د کارگێریێ دا و ئاسایی نە و داخوازا سەرکەفتنێ بو رێڤەبەرێ نوو ژی کر.
جڤاتا وه‌زیرێ هه‌رێما كوردستانێ ئه‌ڤرۆ رۆژا چارشه‌مبى دێ كۆم بیت و پرسا مووچه و بودجه‌یا سالا دوهزار و بیست و ئێكێ گۆتوبیژ كه‌ت.
كوێستان محه‌مه‌د، وه‌زیرا كار و كاروبارێن جڤاكى یا حكومه‌تا هه‌رێما كوردستانێ د پرێسكۆنفرانسه‌كى دا راگه‌هاند، جڤاتا وه‌زیران ئه‌ڤرۆ رۆژا چارشه‌مبى دێ كۆم بیت و پرسێن مووچه و بودجه‌یا ئیراقێ یا سالا دوهزار و بیست و ئێكێ گۆتوبێژ كه‌ت.
كوێستان محه‌مه‌د ئاشكرا كر، د چارچووڤێ بزاڤێن حكومه‌تا هه‌رێما كوردستانێ بۆ هاریكاریكرن و باشتركرنا ژیارا خه‌لكى، چارده ملیار دینار ل سه‌ر پتر ژ سه‌د و چل هزار مالباتێن كێم ده‌رامه‌ت دێ هێنه به‌لاڤكرن، وه‌كو بزاڤه‌ك بۆ باشتركرنا ژیارا وان مالباتێن ژبه‌ر رێكارێن خوه‌پاراستنێ ژ ڤایرۆسێ كۆرۆنایێ ده‌رفه‌تێن كارى ژ ده‌ست داین.
هه‌موو رۆژێن چارشه‌مبى جڤاتا وه‌زیرێن هه‌رێما كوردستانێ كۆم دبیت و گرنگترین پرسێن رۆژێ گۆتوبێژ دكه‌ت و بریار و راسپاردێن پێدڤى بۆ چاره‌كرنا كێشه‌یان ده‌ردكه‌ت.
نيشاندان