ئهڤرۆ نیۆز،ناجی بهدهل:
ل گوریبهیانناما چكدارێن داعشێ و شامێ ب هژمار 178 و بهروارێ 21 زولحجه ل سهر ئاماژه ب نهرخێ ئهوان كچ و ژنێن ئێزدی و مهسیحی هاتیهكرن كو هاتینه رهڤاندن و ل بازاری دا دفرۆشن.
ل درێژهیا ئهوێ بهیاننامێ دا هاتیه ، دهستهیا بهیتول مال بریار دایه بهایێ فرۆشتنا ئهوان ژن و كچ و كهلوپهلین هاتینه گرتن بهێته دانان، و دڤێت ههمو كهسهك پێگیریێ پێ بكهن، و بهرۆڤاژی وان رێمایان دێ ب سزایێ وان سیدارهدان بیت.
ژنهكا پێگههشتی و ژیێ وێ د ناڤبهرا 30-40 سال بیت(ئێزدێ و مهسیحی) بهایی وێ 75 ههزار دیناره، ژنهكا پێگههشتی و ژیێ وێ د ناڤبهرا 20-30 (ئێزدی و مهسیحی) بهایی وێ 100 ههزار دیناره، بو كچان كو ژیێ وان دناڤبهرا 10-20 سال (ئێزدی و مهسیحی) 150 ههزار دیناره.
ژنهكا ژیێ وێ 40 – 50 سالى (ئێزدی و مهسیحی) بهایێ وێ 50 ههزار دیناره.
زارۆكێ ژیێ وی ئێك سالی بو 9 سالی (ئێزدی و مهسیحی) بهایێ وێ 200 ههزار دیناره.
ل دووماهیێ بهیاننامێ دا هاتیه رێك ناهێته دان چ كهسهك ژ سێ دهسكهفتان زێدهتر بكریت ژبلی بیانیان ئهو ژی تورك و سوری و كهنداڤی.
نووترين نووچه
- سنۆرەكی بۆ گرۆپێن ژ دەرڤەی قانوونێ دانن
- هێرشێن ل سەر هەرێما كوردستانێ دهێنە كرن پرۆتەستۆ دكەین
- هەرێما كوردستانێ نابیتە مەترسی ل سەر وەلاتێن دەوروبەر
- مالكی و فراكسیۆنا پارتی: پێدڤییە كێشەیێن هەلاویستی ل سەر بنەمایێ دەستووری و قانوونێ بهێنە چارەسەركرن
- بێدەنگییا دەزگەهێن فەرمی یێن ئیراقی بەرانبەر هێرشێن ل سەر هەرێما كوردستانێ جهێ حێبەتیێ یە
- هندەك ژ هێرشێن ل سەر هەرێما كوردستانێ ژ نەینەوا دهێنە ئاراستەكرن
- حوكمەتا ئیراقێ بودجەیا گرۆپێن هێرشان ل سەر كوردان دكەن دابین دكەت
- چاڤدێرەكێ سیاسی: گرۆپێن چەكدار نەچارن خوە ژ نەینەوا ڤەكێشن
- نابیت هێرشێن ل سەر بارەگەهێن پێشمەرگەی و شەڕ فرۆشتن ب هەرێما كوردستانێ بەردەوام بیت
- ئافرەتێن كوردستانێ هەردەم پشكەكا سەرەكی یا خەباتا گەلێ مە بوون
سهرهكى نوچێن گرنگ
شاندهكی حكومهتا توركیا گههشته ههولێرێ
ئێكهمین هێرشا فرۆكێن كهنهدى موشهكێن لێزهرى بكارئینان
ئهڤرۆ نیۆز،ناجى بهدهل :
پشتی ههیڤهكێ ژ پشكداریا ههڤپهیمانیا نێڤدهولی دژی چهكدارێن داعش.
فرۆكێن شهری یێن كهنهدا ئێكهم گورزێ ئاسمانی ل چهكدارێن داعشێ وهشاند ل نێزیك فهلوجه.
ل گوری بهیانناما نڤیسینگهها رۆب نیكولسون وهزیرێ بهرهڤانیا كهنهدا كو دوهی راگههاند بو دو بالهفرێن وان هێرشا ئاسمانی بو سهر جهێن داعشێ ئهنجامداینه ل باژێرێ فهلوجه و پشتی ب داوی هاتنا هێرشێ ب سهلامهتی ڤهگهریاینه بنگههێن خو ل وهلاتێ كوێتێ.
ل گوری راگههاندنێ ههر ئێك ژ فرۆكێن كهنهدا 500 رهتلێن موشهكی ب لهیزهرێ ئاراستهكری ل دهمێ هێرشان بكارئینان و كریارێن وان بو ماوهیێ 4 دهمژمێران ڤهكێشایه.
كهنهدا ب شهش فروكێن شهری ژ جورێ سی ئێف 18 و فرۆكهكا ژجورێ سی 150 پولاریس و دو فرۆكێن چاڤدێریكرنێ ژ جورێ سی بی 14 نوروای بهشداریا ههڤپهیمانیا نێڤدهولهتی بو ریب ریبونا چهكدارێن داعشی دكهت كو ل دهمێ نها دا پشكهكا ئاخا عیراقێ و سوریا كونترۆلكرینه.
ئەفسەرەکێ پێشمەرگەی ل کوبانێ: چ پێشمەرگە ل کوبانێ بریندار نەبووینە
ئەڤرۆ، ڤەگێر:
رائد عزەدین تەمو سەرپەرشتێ تیما پزیشکیا پێشمەرگەی ل کوبانێ بۆ ئەڤرۆنیۆز دیار کر کو ئەڤرۆ پێشمەرگێ کوردستانێ ب چەکێ گران ھێرش کرە سەر چەند خالەکێن چەکدارێن تیروریستێن داعش ل کوبانێ و د ھەمان دەمدا گەریلایێن YPG ژی ل چەند دەڤەرەکێن کوبانێ ھێرش کرە سەر داعش.
ل دور وێ یەکێ کو چ دەڤەر ژ دەستێن داعش دەرێخستینە رائد عزەدین گۆت: (شەر یێ بەردەوامە لەوما ھەتا نوکە ئەم نزانین ا ھێزێن ھێرش بەر چەند بەر ب پێش چووینە).
سەرپەرشتێ تیما پزیشکیا پێشمەرگەی ل کوبانێ رەتکر کو چ پێشمەرگە ل کوبانێ بریندار ب بن و گۆت: (چ راستی بۆ بوان دەنگ و باسان نینە یێن دبێژن پێشمەرگەک ل کوبانێ بریندار بوویە).
ھەر ئەڤرۆ خالد میناس ئێک ژ فەرماندارێن YPG ل کوبانێ بۆ PUKmedia گۆت: (ئەڤرۆ توپخانێن پێشمەرگەی ب دژواری جھێن چەکدارێن داعش بومبە بارانکرینە و زیانێن مەزن گەھاندینێ و بارەگایەکێ داعش ل وێ دەڤەرێ بتمامی ژناڤ بریە).
ڤيديۆ: كچهكا ئاواره دايه بهر ساتۆران و زهلامهكى خوه كوشتيه
ئهڤرۆ نيوز، نيوار محهمهد سهليم:
رێڤهبهريا پۆليسێن پارێزگهها دهۆكێ راگههاند كو ل كۆمهلگهها خانكێ كوڕهكى كچهك دايه بهر ساتۆران و زهلامهكێ 40 سالى ژى خوه خهندقانديه.
هێمن سلێمان بهرپرسێ راگههاندنێ ل رێڤهبهريا پۆليسێن پارێزگهها دهۆك راگههاند كو ل كۆمهلگهها خانكێ سهر ب قهزا سێمێل ڤه كۆڕهكێ 16 سالى كچهكا 17 سالى دايه بهر ساتۆران، خۆشبهختانه گيانێ خوه ژ دهست نهدايه و هاتيه ڤهگوهاستن بۆ نهخۆشخانا تهنگاڤيان ل دهۆكێ.
ئاشكهرا ژى كر كو پشتى ئامادهبوونا پۆليێن قهزا سێمێل ل جهێ روودانێ، تاوانبار هاتيه دهستهسهركرن و دانپێدان ب تاوانا كريه.
هێمن سلێمان گۆتژى: “زهلامهكێ 40 سالى ژى ل شوقێن دابين 2 دووماهى ب ژيانا خوه ئينايه”.
ئاشكهرا ژى كر كو ل دووڤ ڤهكۆلينێن دهستپێكى ههردو كێشه ژ ئهگهرێ كێشێن جڤاكى نه.
زانكویا دهۆك پوستێن ڤالا رادگههينيت
ئهڤرۆ نيوز، ناجی بهدهل:
وهزارهتا خواندنا بلند و ڤهكولینێن زانستی یا حوكمهتا ههریما كوردستانێ راگههاند چهند پوستهك ڤالانه و ههر كهسێ مهرج ژێ بگرن و حهزا وى پۆستى ههبيت، دشێت سيڤيێن خوه پێشكێش بكهت.
د. لوقمان محهمهد هاریكارێ سهرۆكێ زانكویا دهۆكێ بۆ ئهڤرۆ نیوز گۆت: “ل گوری بڕیارا وهزارهتێ ههر كهسێ چار سالان ل پوستی خوه دا بۆ دڤێت بهێته گوهورین چ ئهو خوه جارهكا دی خوه بهربژار بكهت یان كهسهكێ دی بهێته بهربژاركرن بو ئهوی پوستێن دیاریكری”.
گۆتژی: “ههر كهسهك ب تنێ بۆ دو خولان دشێن د ئێك پۆست دابمينيت و پشتى ههشت سال ب دووماهى دهێن نهشێت خوه بهربژێر بكهتهڤه”.
هاریكارێ سهرۆكێ زانكویێ دازانین ئهو پوستێن ل سهر زانكویا دهۆك ڤالان ئهڤێن خواری نه:
1- هاریكارێ سهرۆكێ زانكویێ بۆ كارۆبارێن كارگێری
2- راگرێ كولیژا چاندنێ
3-راگرێ كولیژا زانست
4-راگرێ كولیژا نوشداری ڤیتهرنهری
5-راگرێ كولیژا زانستێن پهروهردهیی
6-راگرێ كولیژا نوژداری
7-راگری كولیژا زانستێن مرۆڤایهتی
8-راگرێ كولیژا پهروهردا وهرزشی
9-راگرێ كولیژا ئهنداریاری و زانستێن كارهكی
10-راگری كولیژا پهرستاری
د. لوقمان دیاركر ل گوری رێنمایان و چاڤپێكهتن ل گهل هێته كرن كو دڤێت ههلگرێ باوهرناما دكتورا بیت دبیاڤێ پهیوهندیدار دا و پلهیا زانستی ژ پرۆفیسورێ یاریدهر كێمتر نهبیت بو یاریدهرێ سهرۆكێ زانكویێ و راگرێن كولیژان.
گۆتژى: “پلهیا زانستی ژ ماموستا كێمتر نهبیت بو راگرێن پهیمانگههان و خزمهتا زانكویێ ژ 10 سالان كێمتر نهبیت و شارهزایهكا باش ل زمانێ ئینگلیزی و عهرهبی دا ههبیت و و كهسایهتیهكا بهێز و شیانێن برێڤهبرنێ ل ئاستهكێ بالا دا ههبن”.
ل گوری راگههاندنا وهزارهتا خواندنا بلند یا ههریمێ ههر كهسێ بڤێت بهشداریی بكهت دشێن سیڤی یین خو بهنێرن بو ئیمهیلا [email protected] دووماهى ژڤان 16\11\2014 یه.
مهسرۆر بارزانى: ههموو وان كوردێن گههشتينه داعش دنياسين
ئهڤرۆ نيوز:
شيرهتكارێ جڤاتا ئاسايشا ههرێما كوردستانێ راگههاند كو ل دهڤهرێن شهر لێ ههيى، كاودان د باشن پێشمهرگه يێن شياين پتريا دهڤهرێن ژێر دهستێ داعش بيننه دهر و شياينه گهلهك ژ كێشێن دهسپێكێ چاره بكهين.
مهسرۆر بارزانى، شيرهتكارێ جڤاتا ئاسايشا ههرێما كوردستانێ، د ديدارهكێ دا ل گهل شهرقولئهوسهت گۆت: “ههبوونا مهسعود بارزانى سهرۆكێ ههرێما كوردستانێ ل بهروكێن شهرى، رامانا پشتهڤانيا تهماما سهرۆكى يه بۆ پێشمهرگهى و رۆلهكێ ئێكجار بلند د وهرهيا پێشمهرگهى دا دكهت د دانانا پلان و سهرپهرشتيكرنا بهرهيێن شهرى و سهرهدانكرنا پێشمهرگهى.
شيرهتكارێ جڤاتا ئاسايشا ههرێما كوردستانێ تهكست ل سهر وێ چهندێ كر كو هێزێن پێشمهرگهى پێدڤى ب چهكێ گران ههيه وهكو تانك و زريپۆش و تۆپێن گران و فرۆكه و ههليكۆپتهران و ئاميرێن ژناڤبرنا بۆمبه و مووشهكان.
زێدهتر گۆت: “ل گهل هندێ كو حوكمهتا ناڤهندى بودجه ژى يێ برى، بهلێ پێشمهرگه ل گهل ڤان كاودانان يێ بهرهڤانيێ ژ خوه دكهت، بهغدا بهرپرسه ژ ڤى كاودانێ نوكه ههيى، پێدڤيه بهغدا بودجهى بهنێريت دا خهلكى پشت راست كهت و نوكه وهرزێ زڤستانێ نێزيك بوويه و هێزێن پێشمهگهى پتر پێدڤى ب جلكێن زڤستانێ و پێدڤيێن ژ وى رهنگى ههيه”.
دهربارهى هنارتنا چهكى ژ لايێ هێزێن ههڤپهيمانان ڤه، مهسرۆر بارزانى گۆت: “بهردهوام داخوازێ ژ ههڤپهيمانان دكهين كو چهكێ گران بدهنه پێشمهرگهى دا كو ب زووترين دهم دوژمنى بشكێنين، ئهڤێ ددهستێ پێشمهرگهى دا چهكێ كهڤنه و ئهوێ هاتى ژى چهكهكێ ناڤنجى يه و تهقهمهنينه، ئهلمانيا هندهك مووشهكێن دژى تانك و زريپۆشان يێن پێشكێشى ههرێمێ كرين كو چهكێ پێشكهفتى نه”.
دهربارهى رۆلێ توركيا و پهيوهنديێن ههرێما كوردستانێ ل گهل ڤى وهلاتى، شيرهتكارێ جڤاتا ئاسايشا ههرێما كوردستانێ خۆيا كر كو توركيا وهلاتهكێ ههڤسۆيێ ههرێما كوردستانێ و رۆل ههبوويه د پێشخستنا ئابوورا كوردستانێ دا و گۆت: “مه چو كێشه ل گهل توركيا نينه و پهيوهنديێن مه ب باشى ل گهل ب رێڤه دچن”.
سهبارهت ب هژمارا ئهو وهلاتيێن كورد يێن ناڤ رێزێن داعش، مهسرۆر بارزانى گۆت: “ئهم وان ههموو كهسان دنياسين و هژمارا وان نێزێكى 200 كهسايه و هندهك ژى ژ لايێ پێشمهرگهى ڤه ل شهرى يێن هاتينه كوشتن و هندهك ژى يێن ماين و ئهوان خيانهت يا ل گهل و وهلات و ئايينێ خوه كرى، ئهم ژ خێزانێن وان پتر گرنگيێ ب وان كهسان ددهين، چونكو چوونه ناڤ داعش ئانكو بهرزه بوون”.
دهربارهى ئازادكرنا ئهو دهڤهرێن ههتا نوكه نههاتينه ئازادكرن ژى وهكو شنگال و دهشتا نهينهوا و تلهعفهر، مهسرۆر بارزانى گۆت: “ئهڤه دێ هێته پێش و ب تنێ ئازادكرنا ڤان دهڤهران نينه، بهلكو ئامانجا مه ڤهگهراندنا خهلكى يه ژى بۆ وان دهڤهران”.
ل دۆر رۆلێ بهغدا ژى د ههڤكاريكرنا ههرێما كوردستانێ دا د ڤى شهرى دا، شيرهتكارێ جڤاتا ئاسايشا ههرێما كوردستانێ، راگههاند: “مخابن ب راستى ههتا نوكه مه چو تشت نهديتيه، پێدڤى بوو بهغدا هاريكاريا ههرێمێ د هنارتنا بودجهى دا بكهت، پێدڤى بوو بۆ پێشمهرگهى چهك و تهقهمهنيان بهنێريت، بهلێ چو تشتێ ژ ڤى رهنگى مه نهديتيه”.
نووكريه: وهزیرێ بهرهڤانیا عیراقێ گههشته ههولێرێ
ناجی بهدهل
وهزیرێ بهرهڤانیا عیراقێ ل گهل شاندهكێ بلندێ وهزارهتێ گههشته ههولێرا پایتهخت و بڕياره ل دۆرا چاوانيا روو ب روون و بهرهنگاربوونا تيرۆرێ ل كوردستانێ و عيراقێ كۆم ببن.
خالید عوبهیدى وهزیرێ بهرهڤانیا عیراقێ و شاندهكێ ههڤالبهند كو پێك هاتینه ژ چهند بهرپرسهكێن بلندێن سهربازی، گههشتنه ههولێرێ و ل گوری زانیاریان ئارمانج ژ سهرهدانا وهزیرێ بهرهڤانیا عیراقێ، كۆمبوونه ل گهل بهرپرسێن ههرێمێ سهبارهت رهوشا نها یا ئهمنی یا كوعیراق كهتیه ناڤ وههماههنگیكرن ل سهر چاوانیا روو ب روو بوون و بهرههنگار بوونا تیرۆریستان ل عیراقێ و كوردستانێ.
كيم كارداشیان ژی كورده !!!
بهرههڤكرن، ناجی بهدهل:
مالپهرێ مكسات يێ عهرهبى د راپۆرتهكێ دا بهحس ل نهژادێ هندهك ژ ناڤدارێن جيهانێ بهلاڤكريه و بهحس ل كيم كارداشيان كريه كو ئهو ب نهژادێ خوه ئهرمهنيه.
كارداشيان يا 29 سالى كچا پارێزهرێ ئهرمهنى رۆبرت كارداشيانه ئهو بهرهڤانى ژ ياريكهر ئۆ جى سمبسون كر د دادگهههكا ناڤدار دا ب تۆمهتا كوشتنا ههڤژينا خوه، دايكا وێ ژى يا سكوتلهندى يه و ب نهژادێ خوه هۆلهندى يه.
بهریا نها كیم كارداشیان شانازی ب وێ ئێكێ كریه كو ب رهگهز ئهرمهنی یه و ب تنێ ئاماژه ب وێ چهندێ دایه كو مهزناتی و سهرنج راكێشیا لاشێ وێ ژ وان وهك میرات بۆ مایه.
بهلێ ئهڤى مالپهرى پێزانينێن زێدهتر بهلاڤ نهكرينه كا ئايا كوردێ ئهرمهنه يان ژى نه، بهلێ مالپهرێ خهلك ئهوێ ژ زاردهڤێ ههمان مالپهر بهلاڤكرى، ئاماژه ب وێ چهندێ كريه كو كیم كارداشیان كچا رۆبهرت كارداشیانه و كو ب رهگهز ئهرمهنی یه و خهلكێ باژێرێ قارس بوو و كو ئهوی دهمێ بهشهك بوو ژ ئهرمهنیا و د ناڤ ئیمپراتوریهتا رۆسیدا و نها بهشهكه ژ باكوورێ كوردستانێ.
باژێرێ قارس ئێكه ژ باژێرێن رۆژههلاتا ئهنهدولی و هژمارا ئاكنجیێن وی زیدهتره ژ 300 ههزار كهانه و كو 95% كوردن.
700 رۆژنامهنڤیس هاتینه كوشتن
بهههڤكرن، ناجی بهدهل:
یونسكویێ راگههاند كو 700 رۆژنامهنڤیس ل دهمێ ئهنجامدانا كارێن خودا دڤان 10 سالیێن داویێ دا هاتینه كوشتن.
رێكخراوا پهروهرده و زانست و رهوشهنبیری یا نهتهوهئێنكگرتی كو ب یونسكو دهێته نیاسین ل رۆژا دووماهیێ ئینان ب دهربازبوونا ئهو تاوانبارێن دهست درێژی دكهنه سهر رۆژنامهنڤیسان كو ئهڤرۆ دوى چريا دويێ دكهت راگههاند: “ژ ئهوان تاوانێن ههبمهر رۆژنامهنڤیسان دئیتهكرن ژ 90% یا تاوانباران ب ئهگهرێ نهبوونا گرۆڤێن پێدڤی و نهبوونا ئیرادهیا سیاسی رزگار دبن و ناهێنه دادگههیكرن”.
رێكخراوێ رایا تهڤایا جیهانی رادكێشیت بو ئهوی بارۆدوخێ نا ساخلهم یێ رۆژنامهنڤیسان و كارێن ئهنجام ددهن ب تایبهتی ل وهلاتێن شهر و توندوتیژی تێدانه.
ئهڤرۆ ل دڤێ ههلكهفتی دا ل سهر تهڤایا جیهانێ كور و سیمینار كومبونێن جودا ل دهزگهه و دامهزراوێن میدیای دێ هێنه سازكرن.
نيشاندان
WP Facebook Auto Publish Powered By : XYZScripts.com