ئه‌ڤرۆ نيوز:

توركيا ب دژوارى به‌رسڤا وان خۆنيشادانێن كوردان دكه‌ت يێن كو نوكه‌ ل پتريا ده‌ڤه‌رێن كوردان ل باكوورێ كوردستانێ ژ بوو وێ چه‌ندێ دا كو حوكمه‌تا توركيا كۆبانێ ب پارێزيت دده‌ت و هه‌تا نوكه‌ 21 خۆنيشانده‌ر هاتينه‌ كوشتن.

نوكه‌ كۆبانێ يا ل ژێر هێرشه‌كا توند يا ده‌وله‌تا ئيسلامى (داعش) ئه‌وا نوكه‌ كۆنترۆلا دو لايێن وێ كرين.

پتريا ئه‌و باژێرێن كورد نشين نوكه‌ خۆنيشاندانێن ب توندوتيژى ب خوه‌ ڤه‌گرتينه‌ و توركيا ژى ژ بوو نه‌هێلانا وان خۆنيشادانان گازا رۆندكرێژ و ئاڤا دژوار بۆ ته‌راوبه‌راكرنا خۆنيشانده‌ران بكارئينايه‌ ب تايبه‌ت ژى ل سته‌مبۆل و ئه‌نقه‌ره‌.

ئه‌ڤه‌ ژى بوويه‌ ئه‌گه‌رێ وێ چه‌ندێ كو هژماره‌كا مه‌زن يا وه‌لاتيان ژ كوردان ببنه‌ قوربانى و ل هنده‌ك جهان ژى رێگرتن ل هاتنوچوونێ كريه‌ و قوتابخانه‌ ژى بۆ ماوێ سێ رۆژان هاتينه‌ گرتن.

ئه‌ڤرۆ نيوز:

ل گه‌ل راگه‌هاندنا ده‌وله‌تا ئه‌مريكا كو هێرشێن ئه‌سمانى ب تنێ چاره‌ نينن بۆ رێگرتن ل پێشڤه‌چوونا وان، ده‌وله‌تا ئيسلامى يا ب ناڤێ داعش به‌رده‌وامى دا سه‌ر هێرشێن خوه‌ بۆ چوونا ناڤ كۆبانێ.

هه‌ڤسه‌رۆكا PYD د داخۆيانيه‌كێ دا بۆ رۆيترس ديار كر كو سه‌ره‌راى هێرشێن توندێن ئه‌سمانى يێن هه‌ڤپه‌يمانان، چه‌كدارێن داعش شيانه‌ ژ لايه‌كى بچنه‌ ناڤ باژێرى.

ئاسيا عه‌بدولا هه‌ڤسه‌رۆكا PYD گۆت: “چه‌كدارێن ده‌وله‌تا ئيسلامى ژ دو لايان ڤه‌ يێن هاتينه‌ ناڤ كۆبانێ و ب چه‌كێ گران ژى ژ وان ژى ده‌بابه‌”.

د ڤان سێ حه‌فتيێن بۆرى يێن شه‌رى دا زێده‌ترى 400 كوشتيان هه‌بووينه‌ و 16 هزار كه‌س ژى ئاواره‌ بووينه‌ و نوكه‌ وه‌كو پشته‌ڤانى بۆ كۆبانێ ل پتريا ده‌ڤه‌رێن كوردستانى و ل هنده‌ك وه‌لاتێن ژ ده‌ڤه‌ر ژى خۆنيشادانێن نه‌رازيبوونێ نه‌.

ل باكوورێ كوردستانێ ژى كورد رابووينه‌ سه‌ر خوه‌ و د خۆنيشادانان دا، توندوتيژى په‌يدا بوويه‌ و هژماره‌كا وه‌لاتيێن سڤيل گيانێ خوه‌ ژ ده‌ست دايه‌.

ئێكینه‌یێن پاراستنا گه‌ل YPG راگه‌هاند: ل دژی چه‌كدارێن داعش چالاكی ئه‌نجامداينه‌ و زێده‌تر ژ 35 چه‌كدار هاتینه‌ كوشتن.

مالپه‌رێ فورات نیوز به‌لاڤكر، ئێڤاره‌یا دوهی شه‌رڤانێن YPG  و YPJ ل باشوور و رۆژهه‌لاتێ كوبانێ ل دژی گرۆپێ چه‌كدارێن داعشێ چالاكی ئه‌نجامدان و هه‌تا نها ئه‌و چالاكی د به‌رده‌وامن .

ل گوره‌ی ئه‌وان پێزانینان بده‌ستكه‌فتین ل وان چالاكیان ل دژی چه‌كدارێن داعشێ كو چووبوونه‌ د ناڤ نه‌خوشخانا سه‌ر رێيا حه‌له‌بێ 35 داعش هاتنه‌ كوشتن.

هه‌روه‌سا ده‌ربارێ چالاكیێن دی یێن YPG كو هه‌تا نها د به‌رده‌وامن و چ زانیاری بده‌ست نه‌كه‌فت ل سه‌ر كوشتن و بریندارێن داعش.

ژ لایه‌كێ دی ڤه‌ فه‌رماندارێ گشتی یێ یه‌په‌گێ ل كوبانێ راگه‌هاند: چه‌ند ده‌زگه‌هه‌كێن راگه‌هاندنێ به‌لاڤ دكه‌ن كو یه‌په‌گه‌ كوبانێ وه‌ك هه‌رێما شه‌ر راگه‌هاندیه‌ و وه‌رتیێن مه‌ده‌نی ده‌رئێخستینه‌، ئه‌ڤ نوچه‌یه‌ ب ته‌ڤایی دوره‌ ژ راستیێ و چ بنه‌ما بۆ نینه‌ به‌لكو ب هزاران وه‌لاتیێن مه‌ده‌نی ل باژێرێ كوبانێ دانه‌ و د پارێزن.

به‌رهه‌ڤكرن، ناجی به‌ده‌ل:

ئه‌ڤرۆ نيوز:

ژێده‌رێن مافێ مرۆڤى ل سوريا رادگه‌هينن كو زێده‌تر 400 كه‌سان ئه‌ڤرۆ د شه‌روپێكدادانێن شه‌رڤانێن يه‌په‌گێ و چه‌كدارێن داعش دا گيانێ خوه‌ ژ ده‌ست دايه‌ ژ ڤان وه‌لاتيێن سڤيل ژى د ناڤ دا هه‌نه‌.

ره‌وانگه‌ها سورى بۆ مافێ مرۆڤى دياركر كو ئه‌وان ژ ده‌سپێكا شه‌رێ داعش بۆ سه‌ر كۆبانێ يا شيايى كوشتنا 412 كه‌سان پشت راست كه‌ن كو د ناڤ دا خۆبه‌خش و وه‌لاتيێن سڤيل ژى د ناڤ دا هه‌نه‌.

ره‌وانگه‌ها مافێن مرۆڤى د به‌ياننامه‌كێ دا راگه‌هاند كو هه‌تا نوكه‌ 20 وه‌لاتيێن سڤيل يێن هاتينه‌ شه‌هيد كرن، ژ وان ژى دو كچ ژ لايێ داعش ڤه‌ هاتينه‌ سێداره‌دان و ب كێمى سه‌رێ چارێن دژى هاتيه‌ بڕين.

د مالپه‌رێ خوه‌ يێ تايبه‌ت دا ئه‌و چه‌نده‌ ژى ئاشكه‌را كريه‌ كو ب كێمى 219 كه‌سان ژ رێكخستيا تيرۆرستيا داعش گيانێ خوه‌ ژ ده‌ست داينه‌ ژ ئه‌نجامێ شه‌رێ وان ل گه‌ل شه‌رڤانێن يه‌په‌گێ ل گوند و ده‌وروبه‌رێن كۆبانێ.

ره‌وانگه‌ها مافێن مرۆڤى ئه‌وا باره‌گايێ وێ نوكه‌ ل له‌نده‌نا پايته‌ختێ بريتانيا نه‌ڤه‌شارتيه‌ كو د شه‌روپێكدانانان دا 162 هێزێن يه‌كينه‌يێن پاراستنا گه‌ل ژى هاتينه‌ شه‌هيد كرن ل ده‌مێ شه‌رێ ل گه‌ل داعش كو ژ وان ژى سه‌ركرده‌كا ژن يا سۆپايێ يه‌په‌گێ.

ئه‌ڤرۆ نيوز، بارزان مزوورى:

د هێرشه‌كا خوه‌ دا ئه‌ڤرۆ ل ده‌ڤه‌را زومار هه‌ر ئێك ژ گوندێن تل خراب و خراب عه‌شق كه‌فتنه‌ بن ده‌ستێ هێزێن پێشمه‌رگه‌ى.

فه‌رمانده‌كێ پێشمه‌رگه‌ى دياركر كو ئه‌ڤرۆ سپێدێ ده‌مژمێر حه‌فت د هێرشه‌كێ دا بۆ پاقژكرنا سنورێ ناحيا زومار پێشمه‌رگێ ليوا چار فه‌وجا سێ هێرشه‌كا به‌رفره‌هـ كره‌ سه‌ر چه‌كدارێن داعش و شيان د وێ هێرشێ دا هه‌ر ئێك ژ گۆندێن تل خراب و خراب عه‌شق كۆنترۆل كه‌ن.

ب گۆره‌ى زانياريێن ئه‌ڤرۆ نيوز د ڤێ هێرشێ دا زيانه‌كا مه‌زن ب چه‌كدارێن داعش كه‌فتينه‌ و چه‌ندين كه‌ش ژى ژێ كوشتينه‌.

ژ لايه‌كێ دى ڤه‌ و ب گۆره‌ى وان پێزانينێن ژێده‌ره‌كى ژ ناڤا پێشمه‌رگێ كوردستانێ ل ناحيا ره‌بيعه‌ دايه‌ زانين كو نوكه‌ هێزێن چه‌كدارێن داعش بزاڤێ دكه‌ن هێرشێ بكه‌نه‌ سه‌ر پێشمه‌رگه‌ى ب مه‌ره‌ما وێ چه‌ندێ پێشمه‌رگه‌ هێرشێ نه‌كه‌ت.

دا زانين ژى كو ڤێ چه‌ندێ ژ كارتێكرنا خوه‌ ل سه‌ر پێشڤه‌چوونێن پێشمه‌رگه‌ى نينه‌ و به‌رده‌وام ئه‌ڤ هێرشه‌ دهێنه‌ ژناڤبرن و زيانێن مه‌زن ب پێشمه‌رگه‌ى دگه‌هن.