ئه‌ڤرۆ نیوز، قائید میرۆ

پەرلەمانتارەکێ پارتی رەتکر كو رێكکەفتن بۆ راگرتنا کۆمبوونێن پەرلەمانی هەبن و گۆت:وان تێبینی لسەر ئەدایا هندەک پەرلەمانتارێن ئێکەتی و گۆڕان هەیە.

سەعید هەرکی، ئەندامێ فراکسیۆنا پارتی لپەرله‌مانێ کوردستانێ بۆ ئه‌ڤرۆ نیوز راگه‌هاند؛ بریاربوو چارشەمبیا بووری پەرلەمانێ کوردستانێ لدۆر پرسا مووچەو دانوستاندنێن هه‌ولێر و بەغدا کۆمببیت، لێ کۆمبوون هاتە پاشخستن و شاندێ هەرێمێ سەرەدانا بەغداکر، چو رێکكەفتن دناڤبەرا پارتی و ئێکەتی  دا بۆ راگرتنا کۆمبوونێن پەرلەمانی نه‌هاتینه‌ كرن، بەلکو تنێ دەستەیا سەرۆکایەتیا پەرلەمانی ماف هەیە کۆمبوونان دیار بکەت.

سەعید هەرکی ئاماژەکر،ئه‌وا ل حەفتیا بووری لپەرله‌مانێ ژلایێ هه‌ژمارەکا پەرلەمانتارێن گۆڕان و ئێکەتیێروودای، بەری کۆمبوونێ بەرنامە بۆ هاتبوو بەرهەڤکرن و تشتەکێ ئاماده‌كریبوو، ژبه‌ركووان رێکەفتن دگەل ئێکەتی و گۆڕانێهەیە.

دیار ژی كر، وان تێبینی ل سه‌ر ئەدایا هندەک پەرلەمانتارێن گۆڕانێ و ئێکەتیێ هەیە و بریاربوو پێکڤە وەکی ئێک تیم کاربکەن، نەک پێیەکێ وان ل حکومەتێ و یێ دیدژی حکومەتێ بیت.

ئه‌ڤرۆ نیوز: ره‌مه‌زان هه‌رنی

محه‌مه‌د ئه‌مین فارس مزوری، ئه‌ندامێ جڤاتا نوونه‌رێن ئیراقێ بۆ ئه‌ڤرۆ نیوز راگه‌هاند؛  تێكگه‌هشتنا دناڤبه‌را حكومه‌تا هه‌رێما كوردستانێ و ئیراقێ دا، پێنگاڤێن باش بۆ رێككه‌فتنا هه‌میشه‌یی برینه‌ و ل سه‌ر بودجه‌یا سالا 2021 ژی، شاندێن هه‌رێمێ دگه‌ل به‌غدا كۆمبووینه،‌ لێ تا نها چ رێككه‌فتن نه‌هاتینه‌ كرن و رێككه‌فتن هه‌كه‌ ئیمزاكری نه‌بیت ژی، دێ بیته‌ ئه‌گه‌ر كو ئه‌و پرۆژه‌یێن ژ حكومه‌تێ بۆ په‌رله‌مانێ دچن دێ د باش بن و د به‌رژه‌ونه‌دییا هه‌ردو حكومه‌تان دا بیت.

محه‌مه‌د ئه‌مین دیار ژی كر، ده‌ما پرۆژه‌یه‌ك دگه‌هیت په‌رله‌مانێ و حكومه‌تا رێككه‌فتن ل سه‌ر كربیت دێ زۆر ب ساناهیتر بیت ل په‌رله‌مانێ و د هه‌مان ده‌مدا گرنگه‌ شاندێ سیاسییا كورد ل سه‌ر ئاستێن بلند سه‌ره‌دانا به‌غدا بكه‌ت و دگه‌ل كوتله‌یێن سیاسی رێككه‌فتنان بكه‌ن، ژ به‌ركو ئه‌و كوتله‌ د ناڤا په‌رله‌مانێ دا نه‌ و رێككه‌فتنا سیاسی ل ده‌رڤه‌یێ په‌رله‌مانێ دێ گرنگییا خوه‌ هه‌بیت و پێدڤییه‌ كار ل سه‌ر بهێت كرن.

ئه‌ندامێ جڤاتا نوونه‌ران گۆت ژی: تا نها چ هیڤی نینن هه‌لبژارتنێن پێشوه‌خت ل خزیرانا سال بهێت بهێن كرن ژ به‌رنه‌بوونا به‌رهه‌ڤییه‌كا ته‌مام، لێ كوتله‌یێن نها ل ئیراقێ خودان هێز، هه‌ر دێ جاره‌ك دن ژی ئه‌و ده‌ستهه‌لاتێ وه‌رگرن، له‌ورا رێككه‌فتنا سیاسی دگه‌ل یا قانوونى گرنگه‌.

ئه‌ڤرۆ نیوز:

بڕیاره‌ وه‌زیرێن په‌روه‌ردێ، خواندنا بلند و ئه‌وقافێ سوبه‌ سه‌ره‌دانا په‌رله‌مانێ كوردستانێ بكه‌ن و دگه‌ل لژنه‌یا ئه‌وقافێ ل دۆر پرسه‌یا گرفتێن مامۆستایێن ئاینی كۆمبن.

هه‌دیا موراد، ئه‌نداما لژنه‌یا پێكهاته‌یێن كوردستانی ل په‌رله‌مانێ كوردستانێ راگه‌هاند؛ ئالان محه‌مه‌د سه‌عید، وه‌زیرێ په‌روه‌ردێ و ئارام محه‌مه‌د قادر، وه‌زیرێ خواندنا بلند و پشتیوان سادق، وه‌زیرێ ئه‌وقافێ سوبه‌ رۆژا دوشه‌مبێ سات 11 یی سپێدێ دێ د گه‌ل لژنه‌یا ئه‌وقافێ ل په‌رله‌مانێ كوردستانێ كۆمبن.

هه‌دیا موراد دیار ژیكر، لژنه‌ دێ گۆتوبێژان ل دۆر كێشه‌ و گرفتێن قوتابخانه‌ و خوێندنگه‌هێن ئیسلامی و چه‌ند پرسێن دی یێ تایبه‌ت ب مامۆستایێن ئاینی دگه‌ل وه‌زیران كه‌ن.