NO IORG
نووترين نووچه
نوچێن گرنگ

   ئه‌ڤرۆ نیوز:

وەزیرا چاندن و ژێدەرێن ئاڤێ یا حكومەتا هەرێما كوردستانێ دیار كر، پڕۆژێ‌ دورستكرنا نه‌هـ بەنداڤێن مەزن و ستراتیژی ل هەرێمێ‌ هاتیە بەرهەڤكرن، بۆ جێبەجێكرنا وان پڕۆژان هەرێمێ‌ پێدڤی ب شارەزایی و ئەزموونا وەلاتێن پێشكەفتی هەیە.
بێگەرد تالەبانی وەزیرا چاندن و ژێدەرێن ئاڤێ دەرباره‌ى ئاسایشا خوارنێ و داهاتیێ هەڤپشكێ‌ وزێ‌ دناڤبەرا ئەمریكا و عیراقێدا راگەهاند، وەزارەتا چاندنێ و ژێده‌رێن ئاڤێ یا حكومه‌تا هه‌رێمێ لژنەكا تایبەت بۆ دووڤچوونا داخوازیێن وان وەلات و كۆمپانیێن حەزا كاركرنێ‌ هەی بۆ دورستكرنا بەنداڤان ل هەرێمێ‌ پێكئینایه‌.

ناڤهاتیێ ئاشكرا كر ژى، وەزارتا چاندنێ پڕۆژەك بەرهەڤ كرییە ژ پێخەمەت دابینكرن و ڕاكێشانا ئاڤێ بۆ زەڤیێن چاندنێ ژ ڕووباران، ئەو پێنگاڤە بزاڤه‌كه‌ بۆ بەرهنگارییا هشكەسالیێ و دیاردا بیابانیبوونێ‌،بۆ جێبەجێكرنا وان پڕۆژان ژى هەرێمێ‌ پێدڤی ب سەرمایێ‌ ئەمریكی هەیە.
وەزیرا چاندنێ گۆت ژى: ژ پێخەمەت پشتەڤانیا وان كۆمپانیێن دخوازن وەبەرهێنانێ‌ دوارێ‌ چاندنێدا بكەن، باج لسەر بەرهەمێن هاوردەكری هاتییە زێدەكرن، ڤێ پێنگاڤێ دێ كاریگەری هەبیت لسەر زێدەكرنا بەرهەمێ ناڤخۆیی و دیسان بڕیارەك هەیە بۆ قەدەغەكرنا وان بەرهەمان، داكو جوتیارێن هەرێمێ‌ بشێن پێدڤییا ناڤخۆیی پڕ بكەن.

سه‌رۆكێ هه‌رێما كوردستانێ د رۆژا جیهانی یا به‌رهه‌نگاربوونا توند و تیژیێ ل دژی ژنان دا راگه‌هاند؛ دڤێت زه‌لام رۆلێ نه‌هێلانا توندو تیژیێ ببین و پشكه‌كا مه‌زنا چاره‌كرنێ بن.

نێچیرڤان بارزانی، سه‌رۆكێ هه‌رێما كوردستانێ، د په‌یامه‌كێ دا راگه‌هاند؛ د سالڤه‌گه‌را به‌رهه‌نگاربوونا توندوتیژیێ ل دژی ژنان، دوپاتیێ ل به‌رده‌وامییا پشته‌گیرییا مافێن ژنان و بزاڤێن به‌رده‌وام بۆ نه‌هێلانا توندوتیژیێ ل دژی ژنان دكه‌ن، كوردستان ژی وه‌ك هه‌موو جیهانێ ژبه‌ر ڤایرۆسێ كۆرۆنا ئه‌ركه‌كێ گران كه‌ڤتییه‌ سه‌ر ملێن ژنان ل مال، نه‌خۆشخانه‌ و فه‌رمانگه‌هێن حكومی و ڤێ یه‌كێ ژی ده‌ستكه‌فتێن ژنان ئێخستینه‌ مه‌ترسیێ، لێ پشت راست دكه‌ین كار ژ بۆ به‌رده‌وامیدانا ده‌ستكه‌فتێن وان كه‌ین.

سه‌رۆكێ هه‌رێمێ، دیار كرییه‌، توند و تیژی پرسا مافێن مرۆڤی و كۆمه‌لگه‌هێ یه‌، پێدڤییه‌ زه‌لام پشكه‌كا مه‌زن یا چاره‌كرنێ بن، ده‌مێ كه‌ره‌نتینێ ژی ده‌لیڤه‌ك بوو كو زه‌لام پێداچۆنێ د خۆدا بكه‌ن كو تنێ ناڤا مالێ جهێ بێهنڤه‌دانێ نینه‌ به‌لكی جهێ كار و بجهئینانا ئه‌ركایه‌ ل هه‌مبه‌ر دایك، هه‌ڤژین و خوشكان.

گۆت ژی، ل سه‌رۆكاتییا هه‌رێمێ ل گه‌ل حكومه‌تێ كار ل سه‌ر به‌رهه‌نگاربوونا توند و تیژیێ ل سه‌ر بنه‌مایێ جێنده‌ری دكه‌ن و بۆ ژنان دوپات دكه‌ین هه‌ڤكاری و هه‌ماهه‌نگییا وان بۆ گه‌هشتن ب ئارمانجێن باشتر به‌رده‌وامه‌ و هیڤییه‌ كار و چالاكی د به‌رده‌وام بن نه‌ تنێ د شازده‌ رۆژێن به‌رهه‌نگاربوونا توندوتیژیێ دابن.

 

ئه‌ڤرۆ نیوز، زنار تۆڤى:

محسن دۆسكى، بریارده‌رێ لژنا ره‌وشه‌نبیرى و لاوان ل په‌رله‌مانێ كوردستانێ، بۆ دهۆك نیوز دیار كر: ئه‌ڤرۆ ل ده‌مژمێر 11 سپێدێ دێ كۆمبوونا په‌رله‌مانى ده‌ستپێكه‌ت، دێ چه‌ندین ته‌وه‌ر تێدا هێنه‌ به‌حسكرن، هه‌روه‌سا په‌رله‌مان دشێت ل سه‌ر داخوازا 10 ئه‌ندامێنپه‌رله‌مانىیان سه‌رۆكاتیا په‌رله‌مانى، بابه‌ته‌كێیان دیارده‌كا دناڤا جڤاكى دا گوتۆبێژ بكه‌ت، ئێك ژ وان ژى كۆچكرنا گه‌نجانه‌ ب ره‌نگه‌كێ كۆم بۆ ده‌رڤه‌ى وه‌لاتى، له‌وما ب پێدڤى هاته‌ دیتن و ئیمزا هاتنه‌ كۆم كرن، كو ئه‌ڤ بابه‌ته‌ دناڤا په‌رله‌مانێ كوردستانێ دا بهێته‌ به‌حسكرن، دیسان رێكێن چاره‌سه‌ریێ بهێنه‌ دیتن، داكو ئێدى گه‌نجێن مه‌ قه‌ستا ده‌رڤه‌ى وه‌لاتى نه‌كه‌ن، د روونشتنا ئه‌ڤرۆ دا دێ ره‌وشا گه‌نجان هێته‌ هه‌لسه‌نگاندن و رێژا بێكاریێ دێ هێته‌ ده‌ست نیشانكرن، چونكى دێ وه‌زیرێ ره‌وشه‌نبیرى و پلاندانانێو كار و كاروبارێن جڤاكى پشكداریێ د روونشتنا په‌رله‌مانى دا كه‌ن و دێ به‌رسڤا په‌رله‌مانتاران ده‌ن، دیسان دێ هنده‌ك راسپارده‌ وه‌كو چاره‌سه‌رى بۆ حوكمه‌تا هه‌رێمێ هێنه‌ پێشكێشكرن. ناڤهاتى زێده‌تر ئاشكرا كر: دێ پلانا دامه‌زراندنێ و ب كارخستنێ و ڤرێكرنا پرۆژێ خانه‌نشینیا كه‌رتێ تایبه‌ت ژى بۆ په‌رله‌مانى هێته‌ گوتۆبێژ كرن، داكو ئه‌ڤ پرۆژه‌ ببیته‌ قانوون، چونكى هه‌تا نوكه‌ چاڤێ خه‌لكێ ل مووچێ حوكمه‌تێ، ژبه‌ركو یێ به‌رده‌وامه‌، دهێنه‌ خانه‌نشینكرن، لێ ئه‌ڤه‌ ل كه‌رتێ تایبه‌ت نینه‌، لێ ل پرانیا وه‌لاتێن جیهانێ ئه‌وێن ل كه‌رتێ تایبه‌ت ژى كار دكه‌ن خانه‌نشین دبن، له‌وما پرۆژێ خانه‌نشینكرنا كه‌رتێ تایبه‌ت گه‌له‌ك یێ گرنگه‌، ئه‌م وه‌كو په‌رله‌مانتار ژى گه‌له‌ك یێن ل سه‌ر ڤى بابه‌تى راوه‌ستیاین و دێ ئه‌ڤرۆ به‌حسێڤێ مژارێ ژى كه‌ین. محسن زێده‌تر دبێژیت: هوكارێن كۆچكرنا گه‌نجان بۆ ده‌رڤه‌ى وه‌لاتى گه‌له‌كن و ئه‌ڤه‌ دیارده‌كا جیهانى و مێژوویىیه‌، كۆچكرنا پرانیاگه‌نجان ژبه‌ر تێكچوونا ره‌وشا ئابوورى و نه‌بوونا ده‌لیڤێن كارى و دامه‌زراندنێ بوویه‌ ل كوردستانێ، دیسان نه‌بوونا ئارامیێ ل ڤێ ده‌ڤه‌رێ ژ روویێ سیاسى و ئه‌منى ڤه‌، ئه‌ڤه‌ بووینه‌ پالده‌ر كو گه‌نج قه‌ستا ژ ده‌رڤه‌ بكه‌ن، دیسان ئه‌و خۆشیا ل وه‌لاتێن دیتر هه‌ى بوویه‌ هوكاره‌ك كو گه‌نج بچنه‌ ده‌رڤه‌ى وه‌لاتى، دیسان نوكه‌ رێژه‌كا زۆریا كرێكارێن بیانى ل كورستانێ كار دكه‌ن، دێ هه‌لسه‌نگاندن بۆڤێ مژارێ ژى هێته‌ كرن، كانێ هوكار چنه‌، دیسان دبیت خه‌لكێ بیانىیێ پێگیرتر بیت ب كاركرنێ، هه‌ر چه‌نده‌ ئه‌ڤه‌ رێژه‌یه‌ و ئه‌ڤ ئاخفتنه‌ ژى دهێنه‌ گۆتن، دیسان دێ داخوازیێن گه‌نجان هێنه‌ گوتۆبێژكرن، چونكى د نوكه‌ دا حه‌ز و داخوازیێن وان زێده‌تر بووینه‌، له‌وما دڤێت حوكمه‌تا هه‌رێمێ سه‌رده‌میانه‌ لدووڤ داخوازیێن گه‌نجان بهێتن چونكى گه‌نج سه‌رمایه‌كێ گرنك یێ نه‌ته‌وایه‌تینه‌، دڤێت ئه‌ڤ سه‌رمایه‌ بهێته‌ پاراستن. ناڤهاتى ئه‌و ژى گۆت: ده‌مێ كۆچكرن دبیته‌ دیارده‌، دڤێت حوكمه‌ت و په‌رله‌مان ل سه‌ر ڤێ دیاردێ راوه‌ستن، هه‌ر چه‌نده‌ هنده‌ك كه‌س ژى چووینه‌ ده‌رڤه‌ى وه‌لاتى خودان كار و فه‌رمانبه‌ر ژى بووینه‌، له‌وما ب هوورى ئه‌ڤ بابه‌ته‌ هه‌موو دێ هنده‌ك گوتۆبێژ كرن، داكو رێگه‌ چاره‌یه‌ك بۆ بهێته‌ دیتن و هیڤیه‌كێ بۆ گه‌نجان په‌یدا بكه‌ین و دیسان رێژه‌كا سه‌ركه‌فتى و بسپۆر و شاره‌زایان بهێنه‌ دامه‌زراندن، دیسان دێ گوتۆبێژ ل گه‌ل هه‌موو كۆمپانى و رێكخراوان هێته‌ كرن و دێ قانوونه‌ك هێته‌ دانان، داكو رێژا كاركرنێ د وان كۆمپانیان دا بۆخه‌لكێ كوردستانێ بهێته‌ دیار كرن، هه‌ر چه‌نده‌ دناڤا وان كۆمپانى و رێكخراوان دا پتر خه‌لكێ بیانى كار دكه‌ن، له‌وما دڤێت ئه‌م ل سه‌ر ڤێ خالێ راوه‌ستین، داكو پتر ده‌لیڤێن كارى بۆ خه‌لكێ مه‌ په‌یدا بنن.

سه‌رۆكێ حكومه‌تا كوردستانێ ئه‌ڤرۆ دێ پشكداری رێ و ره‌سمێن ئیمزاكرنا گرێبه‌ستا دیجیتالكرنا خزمه‌تگوزارییان د گه‌ل ئه‌لمانیا بیت.

مه‌سرور بارزانی، سه‌رۆكێ حكومه‌تا هه‌رێما كوردستانێ، ئه‌ڤرۆ دێ پشكداری رێ و ره‌سمێن ئیمزاكرنا گرێبه‌سته‌كێ د نێڤبه‌را وه‌زاره‌تا ناڤخۆ و گروپێ میولباوه‌ر یێ ئه‌لمانی دا كه‌ت ل دۆر دیجیتالكرنا خزمه‌تگوزارییان ب تایبه‌ت تۆماركرنا ترومبێلان، مۆله‌تا شوفێریێ و چه‌ندین خزمه‌تگوزاریێن دی ب رێڤه‌ دچیت.

 

ئیمزاكرنا ڤان گرێبه‌ستان، پشكه‌كا گرنگه‌ ژبزاڤ و پێنگاڤێن به‌رده‌وام یێن حكومه‌تا هه‌رێما كوردستانێ ل دۆر چاكسازی و مۆدێرنكرنا خزمه‌تگوزاریێن حكومه‌تێ لسه‌رانسه‌ری هه‌رێمێ.

 

ئەڤرۆ نیوز:

ل گۆر نووترین ئامارا کو ژ ئالیێ وەزارەتا ساخلەمیێ ڤە هاتیە راگەهاندن دیار دبیت کو رێژ تووشبوونا ب کۆرۆنایێ ل پارێزگەها دهۆکێ کێم بوویە.

وەزارەتا ساخلەمیێ ئامارا ٢٤ دەمژمێرێن بۆری راگەهاند کو تێدا هاتیە ٤٣٥ کەسێن دی تووشی کۆرۆنایێ بووینە کو ژ وان ١٣٥ کەس ژ پارێزگەها دهۆکێ نە.

ل گۆر ئامارا وەزارەتا ساخلەمیێ ل هەرێما کوردستانێ ٢٥ نەخوشێن دی یێن کۆرۆنایێ ژی مرینە کو ژ وان ٢ ژ پارێزگەها دهۆکێ نە.

هەروەسا ل هەرێما کوردستانێ د ماوەیێ ٢٤ دەمژمێرێن بۆری دا ٣٢٤ نەخوشێن کۆرۆنایێ ب تەمامی چارەسەر بووینە کو ژ وان ١٥٧ نەخوش ژ پارێزگەها دهۆکێ نە.

ئەڤرۆ نیوز:

بەری دەمەکێ سەرۆک کۆمارێ ئیرانێ راگەهاند کو جیهان و ئیران ژ بەلا ترامپی قورتال بوون، چونکو ترامپ کەسەک توندرەو و شەرخواز بوو و ب هاتنا جۆ بایدن دێ گەلەک پرسێن جیهانێ و دەڤەرێ هێنە چارەسەر کرن.

ل دۆر ئاریشێن وان ل گەل ئەمریکا ژی سەرۆک کۆمارێ ئیرانێ راگەهاند کو هەکە ئەمریکا بڤێت ئەو دشێن ب ساناهی ئاریشێن هەی چارەسەر بکەن.

ئه‌ڤرۆ نیوز:

بریاره‌ جڤاتا ئاساییشا ناڤده‌وله‌تى كۆم ببیت و نوونه‌را تایبه‌تا سكرتێرێ گشتى یێ نه‌ته‌وه‌یێن ئێكگرتى ل ئیراقێ یونامى، دێ راپۆرتا خوه‌ ل دۆر دوماهى پێشهاتێن ئیراقێ پێشكێش كه‌ت.

پیشبینى دهێته‌كرن ئاریشێن د ناڤبه‌را هه‌ولێر و به‌غدایێ دا پشكه‌ك بن ژ گۆتارا جینین پلاسخارت، نوونه‌را تایبه‌تا سكرتێرێ گشتى یێ نه‌ته‌وه‌یێن ئێكگرتى ل ئیراقێ.

كۆمبوونا جڤاتا ئاساییشا ناڤده‌وله‌تى د ده‌مه‌كى دایه‌ كو رۆژا دوازده‌ى ڤێ مه‌هێ جڤاتا نوونه‌رێن ئیراقێ بێ به‌رهه‌ڤبوونا په‌رله‌مانتارێن كورد، قانوونا كورتئینانا دارایى ده‌ربازكر و ب ڤێ یه‌كێ ژى به‌رپرسێن بلند یێن كوردستانێ نه‌رازیبوون.

پێشتر نێچیرڤان بارزانى، سه‌رۆكێ هه‌رێما كوردستانێ راگه‌هاند بوو، كێشێن وان‌ ل ئیراقێ گه‌له‌ك جدی نه‌ و بێ چاره‌سه‌ركرنا وان كێشه‌یان، د شیان دا نینه‌ ئیراق بشێت ئارامى و سه‌قامگیرییا خوه‌ بپارێزیت، داخواز ژى كربوو نه‌ته‌وه‌یێن ئێكگرتى رۆلێ خۆه‌ د وى بابه‌تى دا هه‌بیت.

جڤاتا ئاساییشا ناڤده‌وله‌تى یا سه‌ر ب نه‌ته‌وه‌یێن ئێكگرتى ڤه‌ هه‌ر سێ هه‌یڤان جاره‌كێ بۆ هه‌لسه‌نگاندنا ره‌وشا ئیراقێ و به‌رنامێ یۆنامى كۆم دبیت

ئه‌ڤرۆ نیوز:

سه‌رۆكێ ویلایه‌تێن ئێكگرتى یێن ئه‌مریكا راگەهاند،ئەو رێگریێ ل هاریكاریێن حکومەتا خوه‌ بۆ جۆ بایدنى ناکه‌ت تا دەست ب ڤه‌گوهاستنا دەستهەلاتێ بهێته‌ كرن و فه‌رمان ب ئیدارا خوه‌ كرییه‌ یا پێدڤى بكه‌ن.

ژ ئالیێ خوه‌ڤه‌ جۆ بایدن، سه‌رۆكێ هه‌لبژارتیێ ئه‌مریكاپه‌سنا هەلویستێ ترامپى كر و داخواز كر ده‌ستهه‌لات ب شێوه‌یه‌كێ ئاشتیانه‌ بهێته‌ ڤه‌گوهاستن.

داخویانیێن ترامپى و بایدنى هاتن پشتى بۆردێ نوونەرێن ویلایەتا مەشیگن، سەرکەفتا جۆ بایدنبسەر ترامپى دا راگەهاندى.

پیشتر ترامپىره‌تكر دهەلبژارتنێن سەرۆکایەتیێ دا شکه‌ستنئینابیت و گۆت بوو: سه‌ختەکاری بووینه‌ ئه‌گه‌رێ شكه‌ستنا وى ویێ رژد بوو ئەنجامێن هەلبژارتنانبهێنه‌ گوهۆرین.

 

لیژناساخله‌میێیاجڤاتا نوونه‌رێنئیراقێ راگه‌هاند، تا نها ئیراق ئێكه‌مپێلابه‌لاڤبوونا ڤایرۆسێ كۆرۆنایێ دایه‌‌‌، دهێته‌ چاڤه‌رێكرن تا دوماهیا ئه‌ڤساله‌ده‌هـ ملیۆن ڤاكسینێن دژى كۆرۆنایێبگه‌هنه‌ئیراقێ.
حه‌سه‌ن خه‌لاتی، ئه‌ندامێ لیژناساخله‌میێ ل جڤاتا نوونه‌ران راگه‌هاند، ئیراقد ئێكه‌مپێلا به‌ڵاڤبوونا ڤایرۆسێ كۆرۆنایێ دانه‌، ‌لێ رێكارێن ساخله‌میێ یێنده‌هـ حه‌فتیێن بووری هاتینه‌ بجهئینان، به‌لاڤبوونا كۆرۆنایێ سنۆردار كریه‌.
خه‌لاتی، ل دۆر ڤاكسینا كۆرۆنایێ ئاشكراكر، ڤاكسین‌ پشتى ژلایێ رێكخستنا ساخله‌میا جیهانی هاتیه‌ په‌سه‌ندكرن، دهێته‌ چاڤه‌رێكرن تا دوماهیا ئه‌ڤساله‌ده‌هـ ملیۆن ڤاكسین بگه‌هنه‌ ئیراقێ و ده‌ستپێكا سالا بهێت دێ هێنه‌ بكارئینان.
ل دیڤ دوماهی ئامارێن وه‌زاره‌تاساخله‌میێ و ژینگه‌هائیراقێ، تووشبوویێنكۆرۆنایێگه‌هشتینه پێنجسه‌د و سیهـ و حه‌فتهز‌ار و چارسه‌د و پێنجى و حه‌فتكه‌سان، ژ وانایازده‌ هزار و نه‌هسه‌د و نۆت و شه‌شكه‌سان ژیانا خوه‌ ژ ده‌ست دایه‌، هه‌روه‌سا چارسه‌د و شێست و حه‌فت هزار و شه‌شسه‌د و چل و پێنج كه‌س ژى چاره‌سه‌ربوینه‌.

ئه‌ڤرۆ نیوز:

وه‌زیرێ ساخله‌میا هه‌رێما كوردستانێ راگه‌هاند، ل گۆره‌ى شرۆڤه‌كرنێن هاتینه‌ كرن وه‌سا ئاشكرا بوویه‌ كو تووشبوویێن ب ڤاپرۆسێ كۆرۆنایێ ل هه‌رێما كوردستانێ تا راده‌یه‌كێ باش كێمبووینه‌، لێ پێدڤییه‌ به‌رده‌وام پێگیرى ب رێنمایین خوه‌پاراستنێ بهێته‌ كرن.

دكتور سامان به‌رزنجى، وه‌زیرێ ساخله‌میا هه‌رێما كوردستانێ د پرێسكۆنفرانسه‌كى دا راگه‌هاند، ئه‌و د گه‌ل لژنا ساخله‌مى ل په‌رله‌مانێ كوردستانێ و نوونه‌رێ رێكخستنا ساخله‌میا جیهانى كۆمبووینه‌ و داوى پێشهات و ئه‌نجامێن به‌لاڤبوونا كۆرۆنایێ گۆتوبێژ كرینه‌.

به‌رزنجى ئاشكرا كر، د كۆمبوونێ دا به‌رسڤا هه‌موو گازنده‌ و ئاریشێن وه‌لاتییان هاته‌ دان، راپۆرتا وه‌زاره‌تا ساخله‌مى ل دۆر ره‌وشا گشتییا ساخله‌مى ل هه‌رێما كوردستانێ ژى هاته‌ پێشكێشكرن.

دكتور سامان به‌رزجى، وه‌زیرێ ساخله‌میا هه‌رێمێ ئاشكرا كر، حه‌فتییا بوورى همبه‌رى حه‌فتییا پێشتر، تووشبوویێن كۆرۆنایێ ل هه‌رێمێ ب رێژه‌یا سه‌دێ سیهـ و دو كێم بووینه‌.

ل گۆره‌ى گۆتنا وه‌زیرێ ساخله‌میێ، رێژه‌یا تووشبوویان د ناڤ كارمه‌ندێن ساخله‌میێ دا ژ سه‌دێ دو پۆینت هه‌شت بوو، رۆژانه‌ ژى ل هه‌رێمێ شه‌ش بۆ حه‌فت هزار پشكنینان دهێنه‌ كرن و خۆشبه‌ختانه‌ رێژه‌یا تووشبوویان ژ سه‌دێ نه‌هـ پۆینت هه‌شت كێم بوویه‌.

website security
WP Facebook Auto Publish Powered By : XYZScripts.com