ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٣٦١ کەس ل هەرێما کوردستانێ تووشی کۆرۆنایێ بووینە و ٢٠ نەخوش ژی مرینە.
ل گۆر ئامارا وەزارەتا ساخلەمیێ ٣٧١ نەخوشێن کۆرۆنایێ ژی ب تەمامی چارەسەر بووینە.
ل پارێزگەها دهۆکێ ژی ١٧٦ کەسێن دی تووشی کۆرۆنایێ بووینە و سێ نەخوش ژی مرینە، هەروەسا ل پارێزگەها دهۆکێ ٢١٢ نەخوش ژی ب تەمامی چارەسەر بووینە.
ل گۆر ئامارا ٢٤ دەمژمێرێن بۆری دیار دبیت کو رێژا تووشبوونێ کێم بوویە و رێژا چارەسەربوونێ ژی زێدەتر لێ هاتیە.
ئەڤرۆ نیوز:
مە باوەری ب ماف و ئازادیێن نەتەوی و مەزهەبی هەیە، زێدەباری هندێ مە هەردەم بزاڤ کریە کو ئەو باوەریە د ناڤ جڤاکێ مە دا ژی زێدەتر لێ بهێت و بۆ هندێ کار کریە، ب کریاری ژی د ناڤ پارتا مە دا ئەو یەک هاتیە بجهکرن و پارتی بەردەوام ژی بزاڤ کریە د سیستەمێ حوکمرانیێ ل کوردستانێ و عیراقێ دا ئەو یەک بهێتە بجهکرن. د نڤیسینا دستوورێ عیراقێ دا و د پرۆژێ دستوورێ کوردستانێ دا ژی مە ئەو یەک سەلماندیە، ئەم وەکو پارتی خوە ب داکوکیکارێ هەموو ماف و ئازادیێن هەموو پێکهاتێن ل کوردستانێ دزانین، ژ بەر هندێ ژی مە هەردەم بزاڤ کریە کو برایێن مە کوردێن ئێزدی وەکو پشکەک رەسەن ژ نەتەوا مە، هەمی دەمان ماف و ئازادیێن وان د پاراستی بن، هەروەسا وان ئازادیەکا تەمام هەبیت د دیارکرنا هەر پلە و پۆستەکێ ئایینی و نەتەوی و ب چو رەنگەکێ مە دەستێوەردان د کاروبارێن وان نەکریە.
مخابن د دەمێن بۆری دا میر تەحسین بەگ وەغەر کر و پاشی ژی بابە شێخ چو بەر دلۆڤانیا خودێ، دیارە ل گۆر نەریتێ برایێن مە یێن ئێزدی میرێ نوو ژ بنەمالا میری دهێتە هەلبژارتن و هەروەسا میرێ ئێزدیان ل گەل جڤاتا رۆحانی ژی کەسەکێ وەکو بابە شێخ هەلدبژێرن و کار ژی وەسا هاتیە کرن.
ئەم پیرۆزباهیەکا گەرم ل هەموو خوشک و برایێن خوە یێن ئێزدی دکەین و رادگەهینین کو نها پتر ژ هەر دەمەکێ پێدڤی ب هندێ هەیە کو د ناڤ خوە دا ئێکگرتی بین، ب تایبەتی ژی پشتی کارەساتا شنگالێ، کو مخابن تیرۆرستێن داعشێ وەکو درندان کریارێن گەلەک خراب ل دژی ژن، زەلام و زارۆ و سەروەت و سامانێ ئێزدیان ئەنجام دان، ل هەمبەر وێ یەکێ ژی خەلکێ شنگالێ و هەموو خەلکێ کوردستانێ و چیایێ شنگالێ پێکڤە کریارێن تیرۆرستێن داعشێ شەرمزار کرن، هەرچەند هندەک هێز و ئالیان بزاڤ کرن کو ڤێ سەرکەفتنێ بۆ بەرژەوەندیێن خوە بکار بینن لێ سەرکەفتی نەبوون.
نوکە ژی برایێن مە یێن ئێزدی ل گور داب و نەریتێن خوە بابە شێخێ نوو دیار کرینە، نها ژی ئەو کەسێن کو بەری نها بزاڤ کرن کو شنگالێ ژ کوردستانێ جودا بکەن دا شەرعیەتێ بدەنە مانا خوە کو وەکو دیار ژ بلی زیانێ چو مفایا وان بۆ شنگالێ و شنگالیان ژی نەبوویە، نها ژی بزاڤا هندێ دکەن کو ئێکەتیا د ناڤبەرا خەلکێ شنگالێ دا هەی تێک بدەن و دخوازن بابەتێ دیارکرنا بابەشێخی بۆ مەرامێن خوە یێن سیاسی بکار بینن و ئالۆزیان دروست بکەن، هەروەسا دخوازن پەیوەندیێن د ناڤبەرا پارتا مە و خەلکێ شنگالێ دا تێک بدەن و بگەهنە هندەک بەرژەوەندیێن خوە یێن سیاسی.
بۆ هەموو خەلکێ کوردستانێ ب تایبەتی ژی بۆ شنگالیێن جوامێر و خوراگر رادگەهینین کو مە وەکو پارتی دیموکراتی کوردستان نە ژ دوور و نە ژی ژ نێزیکڤە چو پەیوەندی ب دیارکرنا پلە و پۆستێن جڤاکی و ئایینی د ناڤ خوشک و برایێن مە یێن ئێزدی دا نەبوویە و مە چو دەستێوەردان نەکریە، بەلکو مە رێز ژ شێوەیێ هەلبژارتن و دیارکرنا بابەشێخی دا گرتیە و داخوازا سەرکەفتنێ بۆ دکەین. هەروەسا ئەم پشتراستین کو خەلکێ مە یێ شنگالێ گەلەک ژ هندێ مەزنتر و زاناترن کو هندەک خەلکێن بیانی بزاڤێ بکەن کو ناکۆکی و دوبەرەیەکێ د ناڤبەرا وان دا دروست بکەن و دەستێوەردانێ د تایبەتمەندیێن وان دا بکەن، وان سەربۆرا شەرمزارکرنا وان دەستان ژی هەیە و هەتا نوکە ژی شیاینە ب رەنگەکێ باش ئێکەتیا خوە ب پارێزن.
مەحمود محەمەد
پەیڤدارێ پارتی دیموکراتی کوردستان
٢٠٢٠/١١/٢٠
ئەڤرۆ نیوز:
ئێکەتیا ئافرەتێن کوردستانێ نوینەر ، تریبۆنا دەنگ و پارێزەرا مافێ ھەر ئافرەتەکا کوردستانییە . خەباتێ بۆ ڤەگەڕاندنا شکۆیا مرۆڤبوونا ئافرەتێ دکەین وگھۆڕینا ھزر و نەریتێن شاش کو پێناسا ئافرەتێ د ڕەگەز و زایەندێ مێبوونێ دا دبینن . مکوڕین لسەر پشتەڤانی و جێبەجێبوون و بەسەر ئێخستنا سەروەریا یاسایێ. لەوا ل ھەمی کێشەیێن ئافرەتان دبینە خودان و تا چارەسەریێ دەستی ژێ بەرنادەین . کێشەیا سولینێ ژی ب کێشەیەکا خۆ دزانین . پشتەڤانین و دگەل لایەنێن پەیوەندار و ب ڕێکارێن تایبەتێن یاسایی دێ بەردەوام بین ھەتا ماف بۆ خودان مافێ و سزا بۆ تاوانباری بھێتە چەسپاندن.
ئێکەتیا ئافرەتێن کوردستانێ
٢٠٢٠/١١/٢٠
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٥٣٠ کەسێن دی ل هەرێما کوردستانێ تووشی کۆرۆنایێ بووینە و ٢١ نەخوش ژی مرینە.
وەزارەتا ساخلەمیێ هەروەسا راگەهاند ژی کو ٣٢٩ نەخوشێن کۆرۆنایێ ژی ل هەرێما کوردستانێ ب تەمامی چارەسەر بووینە.
ل پارێزگەها دهۆکێ ژی ١٨٣ کەسێن دی تووشی کۆرۆنایێ بووینە و ٥ نەخوش ژی مرینە و د هەمان دەمی دا ١٤٠ نەخوش ژی چارەسەر بووینە.
ئەڤرۆ نیوز، عەلی حاجی:
د سێ روودانێن جودا دا ل باژێرێ زاخۆ رۆژا چارشەمبیێ ١٨/١١/٢٠٢٠ چار کەسان گیانێ خوە ژ دەست دان و دو کەس ژی بریندار بوون.
ئەمیر عەلی بەرپرسێ راگەهاندنا ساخلەمیا زاخۆ بۆ ئەڤرۆ نیوز گۆت: (ل دەمژمێر ٢:٠٠ی پشتی نیڤرۆ ل جاددەیا دادگەها نوو ل زاخۆ ترومبێلەکا راکرنا گلێشێ مالان خوە ل ئافرەتەکا ٥٠ سالی ددەت دکوژیت و ل دویف دا تەرمێ وێ ئافرەتێ بۆ پزیشکیا داد ل زاخۆ هاتە رەوانە کرن و ژلایێ خوو ڤە ژی پولیسێن زاخۆ لاپەرێن ڤەکولینێ بۆ وێ روودانێ ڤەکرینە).
ژلایێ خوە ڤە کومیسەر بەشیر یوسڤ ژ راگەهاندنا هاتن و چوونا زاخۆ بۆ ئەڤرۆ نیوز دیار کر ل دەمژمێر ١:٣٠ێ نیڤرۆ ل سەر رێیا دهوک – زاخۆ نێزیک تونێلا زاخۆ ژ ئەگەرێ بلەز هاژوتنێ ترومبێلەکا کامری خوە ل ستونەکا هاتن و چوومێ ددەت و سێ کەسان د وێ روودانێ دا گیانێ خوە ژ دەست دان، هەر ل هەمان رۆژ و ل دەمژمێر ٨:٢٠ی شەڤ ل دەروازەیا زاخۆ بەرامبەری زانکویا زاخۆ د ئەنجاما روودانەکا هاتن وچوونێ دا دناڤبەرا پیک ئاپەک و کامریەکێ دا دوو کەس بریندار دبن و زیانێن ماددی ژی بەر ب وان ترومبێلان کەڤتن.
ئه‌ڤرۆ نیوز، مه‌حمود نهێلى:
رێڤه‌به‌رێ ناحیا دێره‌لۆك بو ئه‌ڤرۆ نیوز دیار كر: كو پشتى به‌رێ بنیاتى نه‌خوشخانا سه‌د ته‌ختى ل كومه‌لگه‌ها هێتوتێ یا سه‌ر ب ناحیا دێره‌لۆ ڤه هاتیه دانان ، ده‌ست ب چێكرنا وێ ژى هاتیه كرن و نوكه رێًژه‌كا به‌رچاڤ یا كارى تێدا هاتیه كرن.
سامى ئوشانه رێڤه‌به‌رێ ناحیا دێره‌لۆك دیار ژى كر: هه‌ر ئێكسه‌ر پشتى به‌رێ نیاتى نه‌خوشانێ ژلایێ به‌رێز سه‌رۆكێ حكومه‌تا هه‌رێما كورستانێ ڤه هاتیه دانان، كارێ چێكرنێ ژى ده‌ستپێكرى و گۆت: ژبۆ پتر نێزیك بوون ل سه‌ر چاوانیا رێڤه‌چونا كارى ، مه ئه‌ڤرۆ سه‌را پرۆژه‌یێ چێكرنا وێ نه‌خوشخانه‌یێ دایه و دیار بوو كار ب رژدى ل سه‌ر دهێته كرن و جهێ وێ هاتیه ده‌شت كرن و بنێ وێ هاتیه سه‌ب كرن و ب شێوه‌كى باش كار تێدا دهێته كرن.
د سه‌ره‌دانه‌كى دا بو ده‌ڤه‌را ئامێدیێ مه‌سرۆر بارزانى سه‌رۆكێ حكومه‌تا هه‌رێما كوردستانێ ل 7/9/2020 به‌رێ بنیاتى بو نه‌خوشخانه‌یه‌كا 100 ته‌ختى ل سه‌ر رووبه‌رێ 45 هزار میترێن دوو جارى ل كومه‌لگه‌ها هێتوتێ یا سه‌ر ب ناحیا دێره‌لۆك ڤه دانا و كوژمێ 43 ملیون دولاران بو هاتینه ته‌رخانكرن .
رێڤه‌به‌رێ ناحیا دێره‌لۆك ئاشكرا كر: ئه‌ڤ نه‌خوشخانه‌یه پێك دهێت ژ ئاڤاهیێ سه‌ره‌كى یێ نه‌خوشخانێ و ئاڤاهیێ نوژداریا داد و هه‌وارهاتنێ و ئاڤاهیێ ته‌كنیكى و جهێ دانانا فرۆكه‌یێ و چه‌ندین به‌شێن جودا جودا و دێ د ماوێ 900 رۆژان دا ب دوماهى هێت.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٥٧٦ کەسێن دی ل هەرێما کوردستانێ تووشی کۆرۆنایێ بووینە و هەروەسا ٢٢ نەخوشێن کۆرۆنایێ ژی مرینە.
ل گۆر ئامارا وەزارەتا ساخلەمیێ زێدەترین رێژە ل پارێزگەها دهۆکێ بوویە کو ٢٠٠ کەس بووینە و ٤ نەخوشێن کۆرۆنایێ ژی ل دهۆکێ مرینە.
ل گۆر ئامارا وەزارەتا ساخلەمیێ ٣٣٠ نەخوشێن دی یێن کۆرۆنایێ ژی ب تەمامی چارەسەر بووینە.
ئەڤرۆ نیوز، عەلی حاجی :
د روودانەکا ترافیکی دا ل رۆژا چارشەمبێ ١٨/١١/٢٠٢٠ێ ل دەمژمێر نێزیکی ٢:٠٠ی نیڤرۆ ل سەر رێیا دهوک – زاخۆ د ئەنجام روودانەکا ترافیکی دا سێ کەسان گیانێ خوە ژ دەست دان.
کومیسەر بەشیر یوسڤ ژ راگەهاندنا رێڤەبەریا هاتن و چوونا زاخۆ بۆ ئەڤرۆ نیوز گۆت : ئەو روودان ل دەمژمێر نێزیکی ٢:٠٠ی نیڤرۆ بوو ل سەر رێیا دهوک – زاخۆ ل نێزیک تونێلا زاخۆ گوندێ ئاسیهێ ژ ئەگەرێ بلەز هاژوتنا ترومبێلێ ژلایێ شوفێری ڤە،ترومبێلەکا ژ جورێ تویوتا کامیری ب رەنگێ سپی خوە ل ستونەکا ترافیکی دەت و د ئەنجام دا ئاگر بەر دبیتە ترومبێلێ و سێ کەس دناڤ وێ ترومبێلێ دا ب تەمام دسوژن و گیانێ خوو ژ دەست دەن .
ناڤهاتی گۆت ژی ئێکەم روودانا ب ڤی رەنگی یە ل وی جهی دروست دبیت کو ترومبێلەک خوە ل ستونەکا ترافیکی بدەت و هیڤیدارین ژ ئەگەرێ هاژوتنا ترومبێلێ شوفێر لەزاتیێ ب کار نەئینن دا کو گیانێ وان نەکەڤیتە د مەترسیێ دا.
ئەڤرۆ نیوز:
جێگرێ سه‌رۆكێ لژنا ده‌ستپاكیێ ل په‌رله‌مانێ كوردستانێ راگه‌هاند، ل قۆناغا ئێكێ یا بایومه‌تریێ ئه‌و كه‌سێن هاتینه ده‌ستنیشان كرن یێن پتر ژ مووچه‌كى وه‌ردگرن، نوکە قوناغا دویێ ده‌ستپێكریه و ئه‌و كه‌سێ ژ مووچه‌كى زێده‌تر هه‌بیت دێ ژێ هێته برین و ئه‌گه‌ر ب نه‌قانوونى وه‌ربگریت دێ لێپرسین ل گه‌ل هێته كرن.
سه‌عید مسته‌فا هه‌ركى گوت ژی، د قوناغا ئێكێ یا بایومه‌تریێ دا، دیاربوو کو زێده‌تر ژ سه‌د و شه‌ش هزار كه‌سان زێده‌تر ژ مووچه‌كى وه‌ردگرن، لێ نوکە قۆناغا دویێ ده‌ستپێكریه و ئه‌ڤ كێشه دێ هێته چاره‌سه‌ركرن.
جێگرێ سه‌روكێ لژنا ده‌ستپاكى دیاركر ژى، ئه‌وێ ژ مووچه‌كى زێده‌تر هه‌بیت دێ ژێ هێته برین، ئه‌گه‌ر نه‌قانوونى بیت دێ لێپرسین ل گه‌ل هێته كرن، چونكى نابیت ژ ئێك مووچه زێده‌تر بهێته وه‌رگرتن، ب ڤێ چه‌ندێ دێ داهاته‌كێ باش بۆ حكومه‌تێ زڤریت.
نيشاندان