ئەڤرۆ نیوز:
وەزارەتا ساخلەمیا حوکمەتا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٦٧١ کەسێن دی تووشی کۆرۆنایێ بووینە و ٣٢ تووشبوو ژی مرینە.
ل گۆر ئامارا وەزارەتا ساخلەمیێ ٤٦٧ نەخوشێن کۆرۆنایێ ژی ب تەمامی باش بووینە.
ل دهۆکێ ژی ٣٠٢ کەسێن دی تووشی کۆرۆنایێ بووینە و ١٠ تووشبوو ژی مرینە و د هەمان دەمی دا ١٨٠ نەخوش ژی باش بووینە.
ئەڤرۆ نیوز:
ئەڤرۆ ل باژێرێ هەولێرێ سێ پرۆژێن گرنگ یێن کارەبێ هاتنە ڤەکرن و کەمال محەمەد وەزیرێ کارەبێ ژی راگەهاند کو سەرۆک وەزیرێن حوکمەتا هەرێما کوردستانێ گەلەک گرنگیێ ددەتە بابەتێ کارەبێ و مە دڤێت ئاریشا کارەبێ ب تەمامی ل هەرێما کوردستانێ چارەسەر بکەین.
وەزیرێ کارەبێ ئەو یەک ژی دیار کر کو بۆ وەزیرێ زڤستانێ دێ ٥٠٠ مێگاواتێن دی یێن کارەبێ ژی هێتە زێدە کرن و دێ رەوشا کارەبێ ل زڤستانێ باشتر لێ هێت.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٧٣٥ کەسێن دی ل هەرێما کوردستانێ تووشی کۆرۆنایێ بووینە و هەروەسا ٢٢ تووشبوو ژی مرینە.
ل پارێزگەها دهۆکێ ژی ٢٨٣ کەس تووشی کۆرۆنایێ بووینە و چار تووشبوو ژی مرینە.
هەروەسا د ماوەیێ ٢٤ دەمژمێرێن بۆری دا ٢٨٦ نەخوشێن کۆرۆنایێ ژی ب تەمامی باش بووینە.
ئەڤرۆ نیوز، عەلی حاجی :
سەروكێ فراكسیونا زەر ل ئەنجومەنێ پارێزگەها دهوكێ بۆ ئەڤرۆ نیوز دیار كر حكومەتا عێراقێ رێژەیەكا كێم ژ گازا سپی دێ رەوانەی پارێزگەها دهوكێ كەت بەلێ ئەو رێژەیە تێرا پارێزگەهێ ناكەت و پێدڤیە حكومەتا هەرێما كوردستانێ ژی ژلایێ خوەڤە پشكەكێ دابین بكەت دا كو ئەو گاز ب سەر وەلاتیان دا بهێتە بەلاڤ كرن .
زێدەتر هشیار گوللی گۆت : (بریار بوو د ماوەیێ سێ روژێن بوری دا بەهرا گازاس سپی یا یارێزگەها دهوكێ كو ئەوا 7 ملیون و 900 هزار لیتر بۆ پارێزگەها دهوكێ ژلایێ حكومەتا عێراقێ ڤە هاتینە دابین كرن گەهشتبایە پارێزگەها دهوكێ بەلێ هەتا نوكە نەهاتیە رەوانە كرن و ئەم ب هێڤی نە دەمەكێ نێزیك دا بهێتە رەوانە كرن، هەر چەندە ئەو پشكە گەلەك كێمە تا كو هەر خێزانەك بشێت بەرمیلەكا گازا سپی وەربگریت ژبەر كو پارێزگەها دهوكێ پێدڤی ب 54 ملیوت لترایە و بۆ هەر سێ پارێزگەهێن هەرێما كوردستانێ ژی حكومەتا عێراقێ بتنێ 50 هزار لتر دابین كرینە ئەڤجا ژبەر ڤێ چەندێ پێدڤی یە حكومەتا هەرێما كوردستانێ ژلایێ خوە رێژەیەكا دیتر یا یا گازا سپی دابین بكەت ل سەر پشكا پارێزگەها دهوكێ هەتا كو بشێن دەمەكێ نێزیك دا پروشەیا گازا سپی بهێتە دەست پێكرن و زێدەتر وەلاتی سد مەند ببن).
ناڤهاتی ئەو چەندە ژی گۆت: (هەر دەمێ پشكا پارێزگەها دهوكێ گەهشتە دەست ب رێڤەبەریا بەلاڤ كرنا بەرهەمێن نەفتێ د وی دەمی دا دێ چاڤدێریەكا باش ل سەر كەین دا كو د زووترین دەم دا ل دویڤ پلانەكا باش دەست ب بەلاڤ كرنا پروسەیا گازا سپی بۆ مالان بهێتە كرن ژبەر كو ئەم یێ بەرەڤ وەزرێ زڤستانێ ڤە دچین و دێ وەلاتیان پێدڤی ب وێ گازا سپی هەبیت).
ئەڤرۆ نیوز، بارزان مزووری:
سەردار یەحیا عەبدولعەزیز قائیمقامێ قەزا شێخان بۆ ئەڤرۆ نیوز دیاركر رێكا ناوەران دناڤبەرا مووسل و شێخانێ دا ئەڤە شەش هەیڤ بوون هاتیە داخستن هەموو رێك یێن دناڤبەرا باژێرێن مووسل و هەرێمێ هاتبوونە ڤەكرن بتنێ ئەڤ رێكا سەرەكی مابوو، مە ب گرنگ زانی ئەڤ رێكە بهێت ڤەكرن ب نڤیسارەكا فەرمی بۆ پارێزگەها دهوك وان ژی ژلایێ خوە ڤە بۆ وەزارەتا نافخۆ رەوانەكر ئەڤرۆ رێكکەفتی 27/9/2020 بریارا ڤەكرنا وێ رێكێ هاتە دان ب شێوەیەك فەرمی هاتە ڤەكرن.
ناڤهاتی خویاكر ل دووڤ رێنمایێن ساخلەمیێ هێزێن نافخۆ و تیمێن ساخلەمیێ دێ سەرەدەریێ دگەل وەلاتیان كەن ژ بۆ پاراستنا ژیانا وەلاتیان ژ ڤایرۆسێ كورونایێ ئەوێن هاتن و چوونێ دناڤبەرا پارێزگەها مووسل و پارێزگەها دهوك تایبەت شێخان ژ بەر كو ئەڤە نێزیكترین رێكە بۆ پارێزگەها دهوكێ بۆ هاتن و چوونا وەلاتیان.
ناڤهاتی گۆت: ئەڤ رێكە بتنێ بۆ هاتن و چوونا وەلاتیان و فەرمانبەرا و ترۆمبێلێن بچیك دهێتە ڤەكرن بۆ بازرگانی و ترۆمبێلێن مەزن رێك ل وان ناهێتە دان.
ئەڤرۆ نیوز:
ل گۆر ئامارا ٢٤ دەمژمێرێن بۆری یا وەزارەتا ساخلەمیێ ل هەرێما کوردستانێ ٥١٦ کەسێن دی تووشی کۆرۆنایێ بووینە و هەروەسا ٢١ تووشبوو ژی مرینە.
وەزارەتا ساخلەمیێ ئەو یەک ژی دیار کریە کو ٤٨٤ نەخوشیێن کۆرۆنایێ ژی ب تەمامی باش بووینە.
ل پارێزگەها دهۆکێ ژی ١٧٦ کەسێن دی تووشی کۆرۆنایی بووینە و ٩ تووشبوو مرینە، د هەمان دەمی دا ٢١٧ نەخوش ژی ب تەمامی باش بووینە.
ئه‌ڤرۆ نیوز:
ئه‌ڤرۆ 27/9/2020 سه‌رۆكێ حوكمه‌تا هه‌رێما كوردستانێ پێشوازی ل شانده‌كێ حوكمه‌تا فیدرالی ب سه‌رۆكاتیا قاسم ئه‌لئه‌عره‌جی راوێژكارێ ئاسایشا نیشتمانیا عیراقێ كر.
د ئه‌وێ كۆمبوونا سه‌رۆكێ حكومه‌تێ و راوێژكارێ نیشتمانیا عیراقێ دا، رێبه‌ر ئه‌حمه‌د وه‌زیرێ ناڤخو پشكدار بوو، دانوستاندن ل سه‌ر گوهورین پێشهاتێن عیراقێ و گرنگیا هه‌ماهه‌نگیا ئه‌منی دناڤبه‌را سوپایێ عیراقێ و پێشمه‌رگه‌ی هاته‌كرن، تایبه‌تی ل ده‌ڤه‌رێن كوردستانی یێن ده‌رڤه‌ی ئیداره‌یا هه‌رێما كوردستانێ بۆ ریب ری بوونا گه‌فێن تیرۆریستێن داعشێ.
ئه‌ڤرۆ نیوز:
زه‌نگا سالا نوو یا خواندنێ 2020/2021 هاته لێدان
ئه‌ڤرو رۆژا ئێك شەمبى، ل ئاماده‌یا صادق بەهائەدين و ب ئاماده‌بوونا د.عەلى تەتەر پارێزگارێ دهۆكێ و رێڤه‌به‌رێ گشتى یێ په‌روه‌ردێ و هاریكارێ رێڤه‌به‌رێ گشتى و رێڤه‌به‌رێن په‌روه‌رده‌ێن قەزا دهۆك رۆژهه‌لات و رۆئاڤا و لێژنا په‌روه‌ردێ ل ئه‌نجوومه‌نێ پارێزگه‌ها دهۆك و نوونەرێن ئێكەتيا ماموستيان – قوتابيان و ژمارەكا مامۆستا و سه‌رپه‌رشتیارێن په‌روه‌رده‌یى زه‌نگا سالا نووى یا خواندنێ هاته لێدان كو بريارە ئەڤرو سەرجەم قوتابيێن قوناغا 12 ئامادەيى ب هەمى پشكێن خوڤە دەواما ئاسايى بكەن.
د په‌یڤه‌كێ دا پارێزگارێ دهۆكێ سالا نوو یا خواندنێ ل سەرجەم مامۆستا وقوتابيان پيرۆزكر و هیڤى خاست كو هەمى لايەك دهاريكاربن بۆ سەرئێخستنا ڤێ پروسێ .
د.عەلى تەتەر ده‌ستخۆشى ل مامۆستا و قوتابیێن په‌روه‌ردا پارێزگه‌ها دهۆك كر و رۆلێ وان به‌رز نرخاند كو د ره‌وشه‌كا وه‌سا یا ب زه‌حمه‌ت دا ل پارێزگه‌ها دهۆكێ ئه‌و هەڤكار وهاريكار بون كو ده‌رگه‌هێن قوتابخانان ڤه‌كه‌ن و به‌رده‌وامیێ بده‌نه خواندنا خوه، هەوەسا پارێزگارێ دهوكێ داخاز ژهەمى مامۆستا وقوتابيان كر كو ل ئاستێ بەرپرسايەتيێ دا بن بۆ بجهئينانا رێنمايێن خوپارێزيێ ژڤايروسێ كورونا .
هه‌ژى گوتنێ یه نێزیكى 45000 هزار قوتابى يێن قوناغا 12 ئامادەيى ل پارێزگه ها دهوكێ دناڤ 279 ئامادەيان دا دێ ده‌ست ب خواندنێ كه‌ن .
ئه‌ڤرۆ نیوز:
سه‌رۆكێ حوكمه‌تا هه‌رێما كوردستانێ، ل قوتابخانه‌یه‌كا توخیبێ پارێزگه‌ها هه‌ولێرێ زه‌نگا ده‌ستپێكرنا سالا نوو یا خاندنێ لێ دا.
ئه‌ڤرۆ مه‌سرور بارزانی سه‌رۆكێ حوكمه‌تا هه‌رێما كوردستانێ، ل قوتابخانه‌یه‌كا باژێركێ به‌حركێ توخیبێ پارێزگه‌ها دهۆكێ زه‌نگا ده‌ستپیكرنا سالا نویا خاندێ لێدا و د په‌یڤه‌كێ دا ژی راگه‌هاند خوشحالم ئه‌ڤرۆ زه‌نگا ده‌ستپێكرنا پرۆسه‌یا خاندنێ لی دده‌ین، بۆ ئه‌وێ چه‌ندێ پرۆسه‌یا خاندنێ بۆ پۆلا 12 یا ئاماده‌یی و پاشی خاندنا پۆلا ئێك و دوێ یێن بنه‌ره‌تی ده‌ست پێ بكه‌ن.
سه‌رۆكێ حوكمه‌تێ ئه‌و چه‌نده ژی راگه‌هاند سوپاسیا وه‌زیرێ په‌روه‌ردێ دكه‌ین ب بزاڤ و ماندووبون و دانانا میكانزمه‌كێ بۆ ده‌ستپێكرنا پرۆسه‌یا خاندنێ، ب تایبه‌تی دئه‌ڤان كاودانێن نوكه‌دا ده‌رباز دبین و سوپاسیا مامۆستایان ژی دكه‌م كۆ به‌رده‌وام د ئه‌ركی دابووینه كۆ به‌رده‌وام پێشه‌نگن دخزمه‌تكرنێ دا.
ئه‌ڤرۆ نیوز:
لگۆری دوماهی ئامارێن ل سه‌ر توشبوویێن ڤایرۆسێ كورونایێ ل جیهانێ كۆ گه‌هشتیه 33 ملیۆن و 58 هزار و 750 كه‌سان.
لگۆری دوماهی ئه‌و ئامارێن ل سه‌ر ئاستێ جیهانێ هاتینه راگه‌هاندن ژماره‌یا توشبوویێن ڤایرۆسێ كورونایێ گه‌هشته 33 ملیۆن و 58 هزار و 750 كه‌سان، ژ ئه‌ڤێ ژماره‌یێ ژی نه‌هسه‌د و 98 هزار و 747 كه‌س ژی مرینه.
ل سه‌ر ئاستێ وه‌لاتێن جیهانێ، ئه‌مریكا زۆرترین رێژه‌یا توشبوویێن ڤایرۆسێ كورونایێ تێدا هاتیه توماركرن، كۆ گه‌هشتیه حه‌فت ملیۆن و 287 هزار و 593 كه‌سان ژ ئه‌ڤێ ژماره‌یێ ژی 209 هزار و 177 كه‌س ژی پێ مرینه.
ڤایرۆسێ كورونایێ نه‌خوشیه‌كا كوژه‌كه و ل هه‌یڤا 12 یا سالا بوری ل باژێرێ ئوهان یێ چینێ سه‌رهلدایه و نوكه زێده‌تری 210 وه‌لاتان به‌لاڤ بوویه.
نيشاندان