ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ ڕاگەهاند: 43 تووشبوویێن دی یێن ڤایرۆسێ کۆرۆنایێ ل دهۆکێ کو د نەخۆشخانێدا بوون، پشتی هەموو پشکنین بۆ هاتینە کرن، دیاربوویە کو ب تەمامی چارەسەربووینە و ب سلامەتی ژ نەخۆشخانێ دەرکەفتن و چوونە د ناڤ کەسوکارێن خوە دا.
هەروەسا گۆتیە: ب ئه‌ڤێ چەندێ هژمارا چارەسەربوویان گەهشتە 621 کەسان و نوکە 904 نەخۆش ماینە د نەخۆشخانێ دا.
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری ل هەرێمێ بەلاڤکر کو دیار دبیت ٥٦٩ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و هەروەسا ١٣ کەسان ژی جانێ خوە ژ دەست داینە.
ل گۆر ئامارا وەزارەتا ساخلەمیا هەرێما کوردستانێ ١٤٣ کەسێن دی ل دهۆکێ تووشی ڤایرۆسێ کۆرۆنایێ بووینە و هەروەسا ٤٥ کەس ژی ب تەمامی باش بووینە.
ئه‌ڤرۆ نیوز:
په‌یڤدارێ وه‌زاره‌تا خاندنا بلند و ڤه‌كۆلینێن زانستی یا هه‌رێما كوردستانێ راگه‌هاند: هه‌فتیا بهێت بریار دێ ل سه‌ر ئه‌وێ چه‌ندێ هێته دان كۆ ده‌واما زانكۆ و په‌یمانگه‌هان بۆ سالا نوو یا خاندنێ ده‌ست پێكه‌ت، بۆ ئه‌ڤێ چه‌ندێ ژی چه‌ند پێشنیاره‌ك هاتینه‌كرن.
عه‌باس ئه‌كره‌م په‌یڤدارێ وه‌زاره‌تا خاندنا بلند و ڤه‌كۆلینان راگه‌هاند هه‌فتیا بهێت بریار دێ ل سه‌ر ئه‌وێ چه‌ندێ هێته دان، كۆ ده‌واما زانكۆ و په‌یمانگه‌هان بۆ سالا بهێت یا خاندنا 2020 بۆ 2021 ده‌ست پێ دكه‌ت.
په‌یڤدارێ وه‌زاره‌تا خاندنا بلند راگه‌هاند ژی لژنه‌یه‌ك ب سه‌رپه‌رشتیا بریكارێ وه‌زاره‌تێ بۆ چه‌وانیا ده‌ستپێكرنا سالانوو یا خاندنێ پێكهاتینه، لژنێ چه‌ند پێشنیاره‌كێن جودا كرینه كۆ ئێك ژ لژنه‌یان ئه‌وه 1/9/2020 ده‌وام ب شیوازێ ئه‌لكترونی ده‌ست پێ بكه‌ت، دیاره پێشنیارێن دی ژی هه‌نه، به‌لی هه‌موو چاڤه‌ریێ كۆمبوونا جڤاتا وه‌زاره‌تێ بۆ چه‌وانیا ده‌ستپێكرنا سالا نوو یا خاندنێ.
ئه‌ڤرۆ نیوز:
وه‌زاره‌تا ساخله‌میا روسیا راگه‌هاند د دو هه‌فتیێن بهێت دا دێ ده‌ست ب به‌رهه‌مئینانا ڤاكسینێ دژی كورونایێ ب رێژه‌یه‌كا به‌رچاڤ به‌رهه‌م ئینین.
لگۆری راگه‌هاندنه‌كا وه‌زاره‌تا ساخله‌میا روسیا، ل دو هه‌فتیێن بهێت رێژه‌كا زۆر یا ڤاكسینێ دژی ڤایرۆسێ كورونایێ به‌رهه‌م ئینن تانوكه زێده‌تری 20 وه‌لاتان داخازی پێشكێشی روسیا كرینه بۆ كرینا ئه‌وی ڤاكسینێ.
به‌ریا چه‌نده‌كێ ڤلادیمیر پوتن سه‌رۆكێ روسیا راگه‌هاند وه‌لاتێ وی بۆ جارا ئێكێ ڤاكسین ل سه‌ر مرۆڤان تاقیكر و چاڤه‌ریێ ئه‌نجامێن باش ژێ دكه‌ین، ئه‌ڤه ژی دبیته پێنگاڤا ئێكێ كۆ ب ره‌سمی ل جیهانێ دژی ڤایرۆسی هاتیه هاڤێتن.
ئه‌ڤرۆ نیوز:
وه‌زیرێ ساخله‌میا ئه‌لمانیا راگه‌هاند پێشبینیێ دكه‌ین د چه‌ند هه‌یڤێن بهێت دا، ڤاكسینا كورونایێ ل ل ئه‌لمانیا به‌رهه‌م بینین، پشت راست ل ده‌ستپێكا سالا بهێت دێ ڤاكسین د وه‌لاتی دا به‌رهه‌ڤ بیت.
ینس سپان وه‌زیرێ ساخله‌میا ئه‌لمانیا راگه‌هان پێشبینیێ دكه‌ین ل چه‌ند هه‌یڤێن بهێت ڤاكسینا كورونایێ ل ئه‌لمانیا به‌رهه‌م بینن، پشت راستین ل ده‌ستپێكا سالا بهێت ڤاكسین دێ یا به‌رهه‌ڤ بیت د وه‌لاتی دا، بتنێ تشته‌كی كۆ ژێ پشت راستین زنا و ڤه‌كۆله‌رێن ئه‌لمانیا زێده‌تر ژ هه‌رده‌مه‌كی دی له‌زێ ل پێشڤه‌برنا به‌رهه‌م ئینانا ڤاكسینی دا دكه‌ن.
وه‌زیرێ ساخله‌میا ئه‌لمانیا ئه‌و چه‌نده ژی راگه‌هاند هێشتا ڤه‌كۆلین ماینه ل سه‌ر ئه‌وێ چندێ پێدڤیه چه‌ند جاران ڤاكسین بهێته بكارئینان تا به‌ره‌ڤانیا جه‌سته‌یێ مرۆڤی دروست بكه‌ت، ڤه‌كۆلینێن ده‌ربارێ دیاركرنا ده‌مێ به‌رده‌وامیا به‌ره‌ڤانیا ڤاكسینێ ل جه‌سته‌یێ مرۆڤی دا دیاری نه‌كریه.
ئه‌ڤه دده‌مه‌كی دایه نوكه ڤاكسینا سپوتنیك 7 دژی كورونایێ ل روسیا هاتیه پێشڤه‌برن و بریاره ل دو هه‌فتیێن بهێت ڤاكسینی به‌رهه‌م بینن.
ئه‌ڤرۆ نیوز:
فه‌رمانده‌یێ گشتی یێ فه‌رمانده‌یا ناڤه‌ندا هێزێن ئه‌مریكا راگه‌هاند ل هه‌یڤا بهێت دێ واشنتون هیزێن خوه ژ عیراق و سوریێ كێم كه‌ت، به‌لێ تا نوك فه‌رمانا ڤه‌كێشانێ نه‌هاتیه دان.
جه‌نه‌رال كینس ماكینز فه‌رمانده‌یێ گشتی یێ فه‌رمانده‌یا ناڤه‌ندا هێزێن ئه‌مریكا ئه‌و چه‌نده ژی راگه‌هاند هێزێن ئه‌مریكا و ناتو دی بۆ ده‌مه‌كێ درێژ ل عیراقێ مینن و هه‌ڤكاریان پێشكێش كه‌ن، ل شه‌رێ دژی تیرۆرێ راوه‌ستاندنا هه‌ژموونا ئیرانێ ل عیراقێ، به‌لێ ل سوریا بۆ هه‌رتمی دێ مینیت و ل قوناغا نوكه دا دڤێت هێزێن خو كێم بكه‌ین به‌لێ نزانین كه‌نگی ده‌ستپێ كه‌ین.
ناڤبری ئه‌و چه‌نده ژی دازانین هێزێن ئه‌مریكا ل عیراقێ و سوریا دێ هێنه كێمكرن دێ ل هه‌یڤا بهێت ده‌ست پێ كه‌ین، به‌لی فه‌رمان هێشتا نه‌هاتیه ده‌رخستن، هه‌روه‌ك دیار نینه كێمكرن تا چ ئاسته‌كی بیت.
ژلایه‌كێ دیڤه به‌رپرسێن ئه‌مریكا ئه‌وێ چه‌ندێ دیار دكه‌ن، دانوستاندن ل گه‌ل ده‌سه‌لاتدارێن عیراقێ ل ئه‌ڤێ هه‌یڤێ دێ ده‌ست پی كه‌ن و هێزێن ئه‌مریكا تا ده‌وروبه‌رێ سێ هزار و 500سه‌ربازان هێنه كێمكرن.
ئه‌ڤرۆ نیوز:
لگۆری نووترین ئامار، زێده‌تری 20 ملیۆن و 815 هزار توشبوویێن كورونایێ ل جیهانێ هاتینه توماركرن.
لگۆری نوترین ئامارێن ل سه‌ر به‌لاڤ بوونا ڤایرۆسێ كورونایێ، نوكه ل سه‌ر ئاستێ جیهانێ زێده‌تری 20 ملیۆن و 815 هزار توشبوویێن ڤایرۆسێ كورونایێ هاتینه توماركرن.
هه‌ر ژ ئه‌ڤێ ژماره‌یێ كۆ توشبوویێن كورونایێ نێزیكی 13 ملیۆن و 714 هزار كه‌س ساخ بووینه، زێده‌تری 747 هزار كه‌سان ژی گیانی خوه ژ ده‌ست دایه ئه‌ڤێن دی ژی ل بن چاره‌سه‌ریێ دانه.
ئه‌ڤرۆ نیوز:
ده‌سته‌یا وه‌به‌رهێنانا هه‌رێما كوردستانێ راگه‌هاند 11 ده‌ڤه‌رێن پیشه‌سازیێ ل باژێرێن هه‌رێما كوردستانێ هێنه چێكرن.
موخلس سه‌لیم رێڤه‌به‌ری كارگێری و یاسایی ل ده‌سته‌یا وه‌به‌رهێنانا هه‌رێما كوردستانێ راگه‌هاند پشتی بریار هاتیه دان ل سه‌ر دروستكرنا 11 ده‌ڤه‌رێن پیشه‌سازی، نوكه پێدڤیێن كارێن دروستكرنا ئه‌وان ده‌ڤه‌رێن پیشه‌سازیێ ل ناڤه‌ندێن پارێزگه‌هـ و ئیداره و هنده‌ك قه‌زایان ته‌مام بووینه و بریاره ژلایێ وه‌به‌رهێنه‌ران ڤه بهێنه دروستكرن.
ناڤبری ئه‌و چه‌نده ژی راگه‌هاند پلانه‌ك هاتیه دارێشتن كۆ پشتی ته‌مامبوونا وان ژلایێ كۆمپانیێن تایبه‌تڤه ته‌ڤایا خزمه‌تگۆزاری و پێدڤیێن بكارخستنێ ل وان ده‌ڤه‌ران هێنه‌كرن.
رێڤه‌به‌ری كارگێری و یاسایی ل ده‌سته‌یا وه‌به‌رهێنانا هه‌رێما كوردستانێ دا زانین هه‌ر ئێك ژ ئه‌وان یه‌كه‌یێن پیشه‌سازیێ پێك دهێن ژ ده‌هان كارگه‌هێن مه‌ز‌ن و بچوكێن به‌رهه‌مئینانا پێدڤی و ماده‌یێن جودا جودا كۆ ب وێ چه‌ندێ كه‌رتێ پیشه‌سازیا ناڤخو بهێز دكه‌ڤیت و هزاران ده‌لیڤه‌یێن كاری ژی دروست دبن و پێدڤی ب ئینانا تشتان هند ناكه‌ت ژ ده‌رڤه بهێن.
ئەڤرۆ نیوز، زنار تۆڤی:
قوتابی دەریا سلێمان عەلی، قوتابیە ل ئامادەیا بژارە ل پەروەردا رۆژهەلات ل پارێزگەها دهۆکێ، ئەڤ سالە ل ئەزموونێن ویزاری دا، بوویە ئێکەم ل سەر ئاستێ هەرێما کوردستانێ ل پشکا زانستی، دیسان رۆژانە وێ سۆشیال میدیا ژی بکارئینایە و سناپچات و ئینستیگرام ژی هەبووینە، بەلێ وێ ب رەنگەکێ سنۆدار بکارئیناینە و نەهێلایە کاریگەریێ بکەتە سەر خواندنا وێ، داخوازا وێ ئەو بوو ل پشکا نۆشداریا گشتی بهێتە وەرگرتن.
ناڤهاتیێ دیار کریە: وێ ل سەر دەمێ پەتایا کۆرۆنایێ و د قۆناغەکا هەستیاردا خواندیە، وێ بزاڤکرینە کو ب رەنگەکێ ئاسایی رۆژانە ژیانا خوە ب بورینیت و دیسان گرنگە د دەمێ خواندنێ دا مرۆڤ بێهنا خوە ڤەدەت، هەروەسا وێ تۆرێن جڤاکی ژی وەکو سناپچاتی و ئینستیگرام ژی هەبوو، بەلێ ڤێ چەندێ کاریگەری ل سەر خواندنا وێ نەبوو، چونکی ل دەمێ بهێنڤەدانێ بۆ دەمێ چەند خۆلەکان ب کار د ئینا، رۆژانە وێ بۆ دەمێ 7 بۆ 8 دەمژمێران دخواند، بەلێ ل دەمێ ئەزموونان بۆ دەمێ 17 دەمژمێران وێ دخواند.
ئه‌ڤرۆ نیۆز، عه‌زیز هه‌ورامی
له قه‌زای ڕانییه هاوشێوه‌ی چه‌ند شارێكی تری كوردستان خۆپێشاندان به‌ڕێوه چوو ،له خۆپێشاندانه‌كه‌ی ڕانییه گرژی له نێوان هێزه‌كانی ئاسایش و خۆپێشانده‌ران دروست بووه پۆلیسێك برینداره و به به‌ردی خۆپێشانده‌ران.
عومه‌ر چاوشین چالاكی كۆمه‌ڵگای مه‌ده‌نی به ئه‌ڤرۆ نیۆزی ڕاگه‌یاند، ئه‌مڕۆ هاوڵاتییانی ڕانییه هاتوینه‌ته سه‌ر شه‌قام داوای مافی خۆمان ده‌كه‌ین له‌گه‌ڵ گۆڕان كاری ڕیشه‌ی و چاكسازی.
عومه‌ر چاوشین ده‌ڵێ، له خۆپێشاندانه‌كه‌ی ڕانییه گرژی تێكه‌وتووه هێزه‌كانی ئاسایش ته‌قه له خۆپێشانده‌ران ده‌كه‌ن، هاوڵاتییانیش به‌رد بارانی هێزه‌كانی ئه‌منییان كرد،پەیامنێری گەلی کوردستان گیای سپارد و پۆلیسێك به‌هۆی به‌رده‌وه برینداره، بازار به‌دووكانداران داخرا ئاگر له شه‌قامه‌كان كرایه‌وه.
زیاتر وتی، هاوڵاتییان بێزارن و هیوایان به چاكسازی و گۆڕان كاری هه‌یه پێویسته جوابی داخوازییه‌كانی خه‌ڵكی بدرێته‌وه ،خه‌ڵك به ئومێده‌وه ده‌ڕزانێته گۆڕانكاری و چاكسازی، ئێسته هیچ حزبێك ناتوانێت خۆی بكات به خاوه‌نی خۆپێشانده‌ران.
نيشاندان