NO IORG
نووترين نووچه
نوچێن گرنگ

56

ئه‌ڤرۆ نیوز:

محه‌مه‌د كه‌ریم خه‌فاجی وه‌زیرێ چاندنا عیراقێ راگه‌هاند ته‌ڤایا رێ و ئاوایێن ئیداری بۆ هنارتنا سێ به‌رهه‌مێن چاندنێ بۆ ده‌ڤه‌را كه‌نداڤی ته‌مام بووینه‌.

وه‌زیرێ چاندنا عیراقێ ئه‌و چه‌نده‌ژی راگه‌هاند هنارتنا هه‌ر سێ به‌رهه‌مێن ته‌ماتێ و باجان ره‌شك و په‌تاتێ ته‌مام بووینه‌ هه‌ر ئێك ب بهایێ 250 ته‌نان هێنه‌ هنارتن بۆ ده‌رڤه‌، د قوناعا ئێكێ دا ئه‌و به‌رهه‌م د ئینه‌ هنارتن بۆ كه‌نداڤی ب تایبه‌تی ئیمارت و سعودیێ،

وه‌زیرێ چاندنێ ئه‌و چه‌نده‌ ژی دازانین كۆ چاڤدێریا بازاری دهێته‌كرن و رێك ب كۆمپانیا واحه‌ یا بیابانا عه‌ره‌بی یا چاندنێ هاتیه‌ دان كۆ به‌رهه‌مێ ناڤخۆیی ره‌وانه‌ی ده‌رڤه‌ بكه‌ت، هه‌ر وه‌سا رێك ب چه‌ندین كۆمپانیێن دی ژی دێ هێته‌ دان ئه‌و به‌رهه‌مێ ناڤخۆ ژ پێدڤیێن ناڤخۆ زێده‌تره‌ دێ هێته‌ ره‌وانه‌كرن بۆ ده‌رڤه‌ دبیته‌ داهات و بازاره‌كێ دی بۆ به‌رهه‌مێ ناڤخۆ.

14

ئه‌ڤرۆ نیوز:

فه‌ره‌نسا و ئه‌لمانیا و ئیتالیا گه‌فا سزادانێ و دورپێچكرنێ ل وی وه‌لاتی دكه‌ن، كۆ بریارا جڤاتا ئاسایشێ ده‌ربارێ ره‌وانه‌كرنا چه‌كی بۆ لیبیا دكه‌ن.

د راگه‌هاندنه‌كا هه‌ڤبه‌ش دا كۆ ئیمانوێل ماكرۆن سه‌رۆكێ فه‌ره‌نسا و ئه‌نگێلا مێركل راوێژكارا ئه‌لمانیا و جیوزیپی كونتی سه‌رۆك وه‌زیرێ ئیتالیا، راگه‌هاندیه‌ كۆ پێدڤیه‌ هه‌موو وه‌لاتێن بیانی دوماهیێ ب ده‌ستێوه‌ردان و شكاندنا دورپێچا چه‌كی ل لیبیا بهینن، كۆ به‌ریا نوكه‌ رێكه‌تینه‌ ل به‌رلینێ و جڤاتا ئاسایشا نێڤ ده‌وله‌تی ژی په‌سندكریه‌، هوشداریا ئه‌وێ چه‌ندێ دده‌ن، به‌رهه‌ڤن سزایێ دانه‌ سه‌ر ئه‌وان وه‌لاتان كۆ دورپێچا هنارتنا چه‌كی بۆ لیبیا ب رێكا ئاسمانی و ئاڤی و هشكانیێ دشكێنن.

توركیا ئێكه‌ ژ ئه‌وان وه‌لاتان كۆ گه‌ڤێن ئه‌وان سێ وه‌لاتێن ئه‌ورۆپا ریب ری دبیت، لگۆری ئه‌وێ چه‌ندێ چه‌ك و چه‌كدارێن گرۆپێن سوری و سه‌ربازێن وه‌لاتێ خوه‌ هنارتینه‌ بۆ لیبیا پشته‌ڤانیا حوكمه‌تا ته‌بایی دكه‌ت، ب سه‌رۆكاتیا فایز سه‌راج هه‌روه‌سا وه‌لاتێن ئیمارت و مسر هه‌ڤكاریا سوپایێ نیشتمانیا لیبیا ب سه‌رۆكتیا خه‌لیفه‌ حه‌فته‌ر دهێنه‌ تومه‌تباركرن.

28

ئه‌ڤرۆ نیۆز، عه‌زیز هه‌ورامی:

له‌ ده‌ستووری هه‌میشه‌ی عێراق هاتووه‌ هه‌رێمه‌كان مافی خۆیانه‌ ده‌ستووری تایبه‌ت به‌خۆیان هه‌بێت، سیاسه‌ت مه‌داران و شاره‌زایانی ده‌ستووری ده‌ڵێن، كورد ململانێ ناوخۆی خۆی هۆكاربووه‌ نه‌بێته‌ خاوه‌ن ده‌ستووری خۆی، ده‌ستوور شه‌رعییه‌تی گه‌وره‌تر ده‌دات به‌ پێگه‌ی قه‌واره‌ی كوردستان له‌سه‌ر ئاستی نێوده‌وڵه‌تی.

دكتۆر مه‌حموود عوسمان سیاسه‌ت مه‌داری دیاری كوردستان، به‌ ئه‌ڤرۆ نیۆز ڕاگه‌یاند:” ده‌ستووری هه‌میشه‌ی عێراق مافی به‌هه‌رێمی كوردستان داوه‌ ده‌ستووری خۆی هه‌بێت ناكۆكی خۆمان بووه‌ تاكو ئێستا نه‌بوینه‌ته‌ خاوه‌ن ده‌ستوور، گرنگه‌ بۆ هه‌رێمی كوردستان ببێته‌ هه‌رێمێكی ده‌ستووری، سه‌نگ و قورسایی زیاترده‌بێت له‌سه‌ر ئاستی وڵاتانی ناوچه‌كه‌ و جیهان،ڕه‌شنوسێكی ده‌ستوریش نوسراوه‌ به‌ڵام حزبه‌كان له‌سه‌ری ناكۆكبوون نه‌خرایه‌ ده‌نگدانه‌وه‌ بۆ په‌سه‌ندكردنی له‌لایه‌ن هاوڵاتییانه‌وه‌ بۆیه‌ پێویسته‌ هه‌موولایه‌ك هه‌وڵبده‌ن كوردستان بكه‌نه‌ خاوه‌نی ده‌ستووری خۆی”.

مه‌حموود عوسمان ئاماژه‌ی به‌وه‌شكرد:”ده‌ستوور ده‌سه‌ڵاتی سه‌رۆكایه‌تییه‌كان و سنووری هه‌رێمی كوردستان دیاری ده‌كات و ده‌ستوور پێوه‌ندی هه‌رێم و ده‌وڵه‌ته‌كان ڕێكده‌خات و هه‌ركه‌س و حزبێك ناتوانێت پێوه‌ندی له‌گه‌ڵ وڵاتان هه‌بێت یاسا ته‌واوی ده‌سه‌ڵاته‌كان ڕێكده‌خاته‌وه‌ له‌ ناكۆكییه‌كان دادگای باڵا ده‌بێت و ناكۆكییه‌كان یه‌كلای ده‌كاته‌وه‌ چوارچێوه‌ی یاسایی ده‌بێت،بۆیه‌ پێویسته‌ په‌له‌ بكرێت له‌وه‌ی كوردستان ده‌ستووری خۆی هه‌بێت”.

31

ئه‌ڤرۆ نیوز:

محه‌مه‌د جه‌واد زه‌ریف وه‌زیرێ ده‌رڤه‌یێ ئیرانێ د كۆنگره‌یه‌كێ رۆژنامه‌ڤانی ل گه‌ل وه‌زیرێ ده‌رڤه‌یێ عیراقێ راگه‌هاند دێ رێكه‌تنێن خوه‌ ل گه‌ل عیراقێ كارا كه‌ین.

زه‌ریفی ئه‌ڤرۆب سه‌ره‌دانه‌كێ گه‌هشته‌ به‌غدا پشتی كۆمبوونێ ل گه‌ل فوائد حسێن وه‌زیرێ ده‌رڤه‌یێ عیراقێ راگه‌هاند په‌یوه‌ندیێن وان ل گه‌ل عیراقێ تێك ناچن و چه‌ندین رێكه‌تنێن هه‌ڤبه‌ش هه‌نه‌ دناڤبه‌را وان دا و دێ كارا كه‌ین.

فوئاد حسێن وه‌زیرێ ده‌رڤه‌یێ عیراقێ ژی راگه‌هاند عیراق هیڤی خازه‌ په‌یوه‌ندیێن وێ هه‌ڤسه‌نگ بن ل گه‌ل وه‌لاتێن هه‌ڤسی و پێدڤیه‌ ده‌ڤه‌ر ژی ژ ئالوزیان بهێته‌ دور خستن.

42

ئه‌ڤرۆ نیوز،عه‌لی حاجی :

رێڤه‌به‌رێ‌  ئاڤا زاخۆ د داخویانیه‌كێ‌ دا بۆ ئه‌ڤرۆ نیوز دیار كر 30% یا پشكدارێن مه‌یێن ئاڤێ‌ ل به‌ر ده‌رگه‌‌هێن خوه‌ باخچه‌ هه‌نه‌ و ب وێ‌ رێكێ‌ سه‌رپێچی دهێنه‌ كرن ب راكێشانا هێلێن ئاڤێ‌ و ئه‌ڤ چه‌نده‌ ژی دبیته‌ ئه‌گه‌ر ئاڤ ب دروستی نه‌گه‌هیته‌ وه‌لاتیان و لژنه‌یه‌ك ژی هاتیه‌ پێك ئینانان بۆ دانانا پیڤه‌رێن ئاڤێ‌ بۆ وان باخچه‌یان .

زێده‌تر هاشم ئیبراهیم گۆت: بۆ دانانا پیڤه‌رێن ئاڤێ‌ بۆ وان باخچه‌یێن دناڤ سه‌نته‌رێ‌ باژێری دا ژلایێ‌ وه‌لاتیان هاتیه‌ دانان لژنه‌یه‌ك ژ قایمقامیا زاخۆ هاتیه‌ پێك ئینان كو پێك هاتیه‌ ژ رێڤه‌به‌ریا ئاڤا زاخۆ و قایمقامی و پولیس و باژێرڤانیێ‌ و نوكه‌ دا ئه‌م یێ‌ ل قوناغا ده‌ست پێكا ده‌ست پێكرنا هه‌وه‌كا به‌رفره‌هـ بۆ دانا پیڤه‌ران كو ئه‌و ژی ل ده‌ست پێكێ‌ دێ‌ ئاماره‌كێ‌ دروست كه‌ین و بۆ قوناغا دووێ‌ دێ‌ ده‌ست ب دانانا پیڤه‌ران كه‌ین و هه‌ر كه‌سه‌كێ‌ پێگیر ژی نه‌بیت دێ‌ باخچه‌یێ‌ وی هێته‌ خراب كرن ولادان و باشترین رێیا چاره‌سه‌ریێ‌ ژی ئه‌وه‌ پیڤه‌ر بهێنه‌ دانان، هه‌كه‌ هه‌ر ب ڤی ره‌نگی بیت دێ‌ گه‌له‌ك ب كێمی ئاڤ گه‌هیته‌ وه‌لاتیان و رۆژانه‌ ژی نمونه‌یێن زیندی ل ده‌ڤ مه‌ دهێنه‌ تومار كرن .

ناڤبری گۆت ژی: پێدڤی یه‌ د ده‌مه‌كێ‌ نێزیك دا ئه‌و هه‌وه‌ بهێته‌ ده‌ست پێكرن ژبه‌ر كو زێده‌تری 30% یا پشكداریێن مه‌یێن ئاڤێ‌ باخچه‌نه‌‌ ل به‌رامبه‌ری مالێن خوه‌ دروست كرینه‌ و ب شێوه‌یه‌كێ‌ نه‌یاسایی ژی زێده‌گاڤی ل سه‌ر راكێشانا هێلێن ئاڤێ‌ كرینه‌ و رۆژانه‌ ژی گازنده‌یێن وه‌لاتیان ل دور كێمیا ئاڤێ‌ دگه‌هنه‌ مه‌ .

92

ئه‌ڤرۆ نیوز، ئامێدیێ:

بو هه‌یاما چه‌ند رۆژایه‌ ئاریشه‌یا كێمبوونا ئاڤا ڤه‌خوارنێ ل سنورێ قه‌زا ئامێدیێ دروستبوویه‌ و ئه‌ڤه‌ ژى بوویه‌ ئه‌گه‌رێ دلگرانیا وه‌لاتیان و قایمقامێ قه‌زا ئامێدیێ دیار دكه‌ت كو ئه‌گه‌رێ ڤێ ئاریشه‌یێ ل وه‌لاتێ توركیایه‌.

ئیسماعیل مسته‌فا قایمقامێ قه‌زا ئامێدیێ بۆ ئه‌ڤرۆ نیوز دیاركر، بو هه‌یاما چه‌ند رۆژایه‌ ژ ئه‌نجامێ شێلیبونا زێده‌ یا ئاڤا رووبارێ زێ یه‌ كو ژێده‌رێ سه‌ره‌كى یێ شێلیبوونا وێ ل وه‌لاتێ توركیا یه‌ و پرۆژه‌یێ ستراتیژێ یێ ئاڤا ئامێدیێ نه‌شیایه‌ ب دروستى كار بكه‌ت و گۆت: (ژ به‌ر كو  ل دووڤ سیسته‌مێ كاركرنا پرۆژه‌یێ ئاڤێ ده‌مێ رێژا شێلیبونا ئاڤێ د سه‌ر هزارێ دا بیت پرۆژه‌ نه‌شێت ب دروستى كار بكه‌ت د بیست چار ده‌مژێران د).

و دیار كر، نوكه‌ رۆژانه‌ دو بو سێ ده‌مژێران گوهورین ب سه‌ر ئاڤێ دا دهێت و دشێت ئاڤێ وه‌ربگریت و ل گه‌ل پرۆژێن به‌رێ ئاڤێ كوم دكه‌ت و هه‌ر دو رۆژان جاره‌كێ ئاڤێ بده‌ته‌ هاولاتیان و گۆت: ( چ ئاریشه‌یێن ته‌كنیكى د پرۆژه‌ى دا نینن و ئه‌م به‌ر ده‌وام ل سه‌ر هێلێ نه‌ ژ بو چاره‌سه‌ركرنا ڤێ ئاریشه‌یێ و هه‌روه‌سا مه‌ كارگێریا وێ ده‌ڤه‌رێ ژى ب رێیا ته‌له‌فونێ ئاگەهدار‌كریه‌ كو پرۆژه‌یێن وانا نه‌بنه‌ ئه‌گه‌رێ شێلیبوونا ئاڤا رووبارێ زێ ).

و دیاركر،  نوكه‌ دو جاده‌ ل وێ ده‌ڤه‌رێ دهێنه‌ دروستكرن كو ئاخا وان رێكان دكه‌نه‌ ئاڤا رووبارێ زێ و هه‌روه‌سا گه‌له‌ك جاران ژى ژ ئه‌گه‌رێ بارانێن ڤى ده‌مێ سالێ ئه‌ڤ ئاڤه‌ شێلى دبیت).

ناڤهاتى داخاز ژ هاولاتیان ژى كر، كو ئابوورێ د ئاڤا ڤه‌خوارنێ دا بكه‌ن تا كو ئه‌ڤ ئاریشه‌ چاره‌سه‌ر دبیت.

72

ئەڤرۆ نیوز:

هێمن قادر جێگرێ پارێزگارێ هەولێرێ و پەیڤدارێ ژوورا ئۆپەراسیۆنان ل هەولێرێ راگەهاند کو ئەو دێ هندەک بریارێن نوو ل دۆر خوە پاراستنا ژ کۆرۆنایێ دەن و گۆت: (بێگومان قەدە‌غەیا هاتنوچوونێ ناهێتە راگەهاندن لێ پێدڤیە ئێدی وەلاتی خوە ب پارێزن).

ل دۆر قەدەغەیا هاتنوچوونێ د ناڤبەرا پارێزگەهێن هەرێما کوردستانێ دا ژی ناڤهاتی راگەهاند کو رەوشا کۆرۆنایێ ل کوردستانێ ب گشتی یا خرابە و ژ بەر هندێ ژی باشترە جارێ قەدە‌غەیا هاتنوچوونێ د ناڤبەرا پارێزگەهێن هەرێما کوردستانێ دا یا بەردەوام بیت.

34

 

 

ئه‌ڤرۆ نیوز:

د كۆنفرانسه‌كێ رۆژنامه‌ڤانی دا، ماریا ڤان كیرخوڤ بسپور له‌ رێكخراوا ساخله‌میا جیهانی راگه‌هاند تا نوكه‌ روون نینه‌ ئه‌و كه‌سێن ژ ڤایرۆسێ كورونایێ ساخ بووینه‌ ڤه‌ جاره‌كا دی دێ توشی ڤایرۆسی بنه‌ڤه‌ یان نه‌.

هه‌ر د ئه‌وی كۆنفرانسێ رۆژنامه‌ڤانی دا، د.تیدروس ئه‌دهانوم گیبریسون رێڤه‌به‌رێ گشتی یێ رێكخراوا ساخله‌میێ ژ ئه‌گه‌رێ ڤه‌رێژا كورونایێ هوشداری دا و رگه‌هاند دبیت ب ئه‌گه‌رێ هه‌ژاریێ و بێكاریێ زێده‌تری 9 ملیۆن زارۆك ده‌ستا ژ خواندنێ به‌رده‌ن.

مارك لوكوك هاریكارێ سكرتێرێ گشتی یێ نه‌ته‌وه‌یێن ئێكگرتی بۆ كارۆبارێن مرۆڤی و هه‌وارچوونێ راگه‌هاند بۆهه‌ڤكاریكرنا 10% یا هه‌ژار و كێم ده‌رامه‌تێن جیهانێ پێدڤی ب نێزیكی 90 ملیار دۆلاران هه‌نه‌.

33

ئه‌ڤرۆ نیوز:

به‌ری سه‌ره‌دانا چاڤه‌رێكری یا مسته‌فا كازمی بۆ سعودیێ، محه‌مه‌د جه‌واد زه‌ریفی وه‌زیرێ ده‌رڤه‌یێ ئیرانێ دێ گه‌هته‌ به‌غدا.

بریاره‌ سوبه‌هی رۆژا ئێك شه‌مبی، محه‌مه‌د جه‌واد زه‌ریفی وه‌زیرێ ده‌رڤه‌یێ ئیرانێ ب سه‌ره‌دانه‌كێ بگه‌هته‌ به‌غدا و ل گه‌ل به‌رپرسێن بلندێن عیراقێ كۆم بیت.

هاتنا زه‌ریفی بۆ عیراقێ به‌ری سه‌ره‌دانا چاڤه‌رێكری یا مسته‌فا كازمی سه‌رۆك وه‌زیرێ عیراقێ كۆ بریاره‌ بۆ سعودیێ ئه‌نجام بده‌ت.

33

ئه‌ڤرۆ نیوز:

فه‌ره‌نسا زێده‌تری 342 هزار دۆلاران هه‌ڤكاریا عیراقێ بۆ به‌رهنگاربوونا ڤایرۆسێ كوروناێ دكه‌ت.

هنارتیا نه‌ته‌وه‌یێن ئێكگرتی ل عیراقێ د به‌یاننامه‌یه‌كێ دا راگه‌هاند هه‌ڤكاریێن فه‌ره‌نسا بۆ عیراقێ ب هه‌ماهه‌نگی ل گه‌ل نه‌ته‌وه‌یێن ئیكگرتی بوو.

بونامی هه‌روه‌سا ئه‌و چه‌نده‌ ژی راگه‌هاند فه‌ره‌نسا 300 هزار یوورو هه‌ڤكاریا ساخله‌میا عیراقێ دكه‌ت.

یونامیێ ئه‌و چه‌نده‌ ژی دیاركر ئه‌و بریارا فه‌ره‌نسا بۆ كرینا ئامیرێن هه‌ناسه‌دانا ده‌ستكرد بۆ نه‌خوشخانه‌یێن به‌سره‌ دمه‌زێخیت.

نيشاندان1...1,0003373383391,3302,330...2,742زێده‌تر لاپه‌ر 338 ژ 2,742
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
76 queries in 1.035 seconds.
WP Facebook Auto Publish Powered By : XYZScripts.com