ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگه‌هاند: شەش نەخۆشێن دی یێن کۆرۆنا یێ ل دهۆکێ ب تەمامی چارەسەربوون.
ئەڤرۆ 18/6/2020، شەش نەخۆشێن دی یێن ڤایرۆسێ کۆرۆنا یێ ل دهۆکێ کو د نەخۆشخانێ دا بوون، پشتی هەموو پشکنین هاتینە کرن، دیاربوویە کو ب تەمامی چارەسەربووینە و ب سلامەتی ل نەخۆشخانێ هاتنە دەرخستن و چوونە دناڤ کەسوکارێن خوە دا.
ب ڤێ چەندێ هژمارێن چارەسەربوویان گەهشتە 98 کەسان و 38 نەخۆش ژی ماینە د نەخۆشخانێ دا.
ئەڤرۆ نیوز، عەلی حاجی :
ل گورەی سەرچاوەیەکێ باوەر پێکری ل دەروازێ نێڤدەولەتیا ئیبراهیم خەلیل بۆ ئەڤرۆ نیوز دیار کر نوکە دا هەلگرێن پاسەپورتێن بیانی و هەر دیسان پاسەپورتێن عێراقی ب مەرجەکێ دگەل پاسەپورتا عێراقی پشتگیریا ئاکنجیبوونا وەلاتەکێ بیانی دگەل دا بیت کو دشێت دەربازی ناڤ ئاخا وەلاتێ تورکیا بیت ب رێیا دەرگەهێ سنوریێ ئیبراهیم خەلیل ب وی مەرجی فیزەیا وەلاتێ تورکیا هەبیت.
هەر وی سەرچاوەیێ ئاشکەرا ژی کر بۆ وان دو جورێن پاسەپورتا بتنێ رێک پێ هاتیە دان دەربازی ناڤ ئاخا وەلاتێ تورکیا بن و بەروڤاژی وێ چەندێ چو کەسێ ماف نینە قەستا وەلاتێ تورکیا بکەت ب مەرەما رێکارێن خوە پاراستنێ ژ ڤایروسێ کورونایێ.
ئه‌ڤرۆ نیوز:
رێڤه‌به‌رێ كونترولا كاره‌با هه‌رێما كوردستانێ راگه‌هاند
كاركرنا یه‌كه‌یێن كاره‌بێ ب گازوائیلی مه‌زاختیێن وان رۆژانه 500 ملیۆن دینارن.
ئومێد ئه‌حمه‌د رێڤه‌به‌رێ كونترولا كاره‌با هه‌رێما كوردستانێ راگه‌هاند هنده‌ك یه‌كه‌یین كاره‌بێ نوكه ب ئه‌گه‌ری نه‌بوونا سوته‌مه‌نیی ئانكو یێن غازا سرۆشتی كار ناكه‌ن، ئه‌ڤه ژی په‌یوه‌ندی ب دانا غاز و وه‌زاره‌تا سامانێن سروشتی ڤه هه‌یه، ئیستگه‌هێن كاره‌با دهۆكێ غازا سرۆشیت بوو نه‌چویه ب ئه‌گه‌ری قه‌یرانا دارای و نیڤا یه‌كه‌یان ب گازوائیلێ كار دكه‌ن، د شه‌ڤ و رۆژه‌كێ دا 500 هزار لترێن گازوائیلێ د مه‌زێخن، مه‌زاختیێن وێ گازوائیلێ ژی دبیته 500 ملیۆن دینار ئه‌ڤه ژی زۆره.
رێڤه‌به‌رێ كونترولا كاره‌با هه‌رێما كوردستانێ ئه‌و چه‌نده ژی راگه‌هاند به‌رهه‌ڤكاری هاتینه‌كرن ل ده‌مێ بلند بوونا پله‌یێن گه‌رماتیێ زۆرترین كاره‌با بهێته دان و ده‌مژمێرین كاره‌بێ بهێنه زێده‌كرن.
ئه‌ڤرۆ نیوز:
رێڤه‌به‌راتیا گشتی یا خویكێ و خانوبه‌ریا میری سه‌ر ب وه‌زاره‌تا دارای و ئابووری یا حكومه‌تا هه‌رێما كوردستانێ بریاره‌كا نو ده‌ر خست.
رێڤه‌به‌راتیا گشتی یا خویك و خانوبه‌ریا میری نڤیساره‌ك به‌لاڤكریه و تێدا هاتیه كۆ ل سه‌ر ره‌زامه‌ندیا وه‌زیرێ دارایی و ئابووری یێ حكومه‌تا هه‌رێما كوردستانێ بریار دایه ب درێژكرنا ده‌مێ یاسایێ خویكده‌ران بۆ ماوه‌یێ سی هه‌یڤان ژ 1/7/2020 هه‌تا 30/9/2020.
د ئه‌وی نڤیسارا وه‌زاره‌تا داریی و ئابووری یا حكومه‌تێ دا هاتیه كۆ بریار خویكا ژێبرینا راسته‌وخو یا كارمه‌ندێن كه‌رێ تایبه‌ت بۆ بجهكرنا كارێ پێدڤی بخوڤه ناگریت.
ئه‌ڤرۆ نیوز:
وه‌زیرێ ساخله‌میا حكومه‌تا هه‌رێما كوردستانێ راگه‌هاند ژ نها پێدا رۆژانه ب ده‌هان كه‌س ب ئه‌گه‌رێ ڤایرۆسێ كورونایێ گیانێ خو ژ ده‌ست دده‌ن ئه‌گه‌ر ژی پیگیرنه‌بوونا وه‌لاتیانه ب رێنمایێن ساخله‌میێ .
د.سامان به‌رزنجی وه‌زیرێ ساخله‌یا حكومه‌تا هه‌رێما كوردستانێ راگه‌هاند ب گرنگ نه‌وه‌رگرتنا كورونایێ و پێگیر نه‌بوون ب رێنمایێن ساخله‌میێ و خاڤ بوونا رێكارێن خۆپارێزیێ، گه‌فه‌كا ترسناك و ده‌ستپێكه‌كه بۆ پێشبینیكرنا به‌ربه‌لاڤ بوونا ب سه‌دان توشبوویان و رێژا مرنێ ژی د رۆژێ دا ب ده‌هان بیت.
ئەڤرۆ نیوز،عەلی حاجی :
رێڤەبەرێ ناحیا باتیفا بۆ ئەڤرۆ نیوز دیار کر د ماوەیێ ڤێ حەفتیێ دا نابیت گەشتیار قەستا جهێن گەشت و گوزاری ل سنورێ ناحیا باتیفا بکەن ژ ئەگەرێ هەبوونا کورونایێ و توپبارانا سوپایێ تورکیا.
زێدەتر دلشێر عەبدولسەتار گۆت : ل دوهی رۆژا چار شەمبێ ب رۆژ و شەڤ ل هندەک گۆندێن سەر ب ناحیا باتیفا ڤە ژلایێ هێزێن سوپایێ تورکیا ڤە هاتینە بومبە باران کر بەلێ ل سپێدەهیا ئەڤرۆ رۆژا پێنچ شەمبێ رەوش ئارامە و چو گۆندەک نەهاتیە بومبەباران کرن و هەتا نوکە ژی گۆندێن شیلانێ و هندەک گۆندێن دیتر نەهاتینو چول کرن و خەلکەک مایە ل دەڤەرێن خوە،بەلێ مەترسیا توپبارانێ هەیە و مەترسی ژی ل دەف وەلاتیان پەیدابویە،مە دگەل گەشت و گوزارا زاخۆ ژی ئاخڤتی یە کو نابیت ئەو جهێن گەشتیاری ل سنورێ ناحیا باتیفا وەلاتی قەستا وان جهان بکەن ژبەر کو ل نێزیک وان جهێن گەشتیاری هاتیە توپباران کرن و پێدڤی یە وەلاتیان ئاگەهی ل سەر ڤێ چەندێ هەبیت .
ناڤبری گۆت ژی : وەکو ناحیا باتیفا ئەم رێکێ ب چو کەسێ نادەین قەستا جهێن گەشتیاری ل سنورێ ناحیا باتیفا بکەت ژ ئەگەرێ کورونایێ و توپبارانا هێزێن تورکیا یا بەردەوام ل سەر هندەک گوند و جهێن گەشتیاری .
ئەڤرۆ نیوز:
جڤاتا وەزیرێن هەرێما كوردستانێ كۆمبوونەك سازكر و تێدا بڕیار هاتەدان خەرجیێن حكومەتێ لدووڤ شیانێن بەردەستێن وەزارەتا دارایی بهێنە كێمكرن، شاندێ حوکمەتا هەرێمێ ژی دێ درێژیێ دەتە دانوستاندنان ل گەل حكومەتا بەغدا.
جڤاتا وەزیرێن هەرێما كوردستانێ ب رێیا ڤیدیۆ كۆنفرانس كۆمبوونا خوە ب سەرۆكاتیا مەسرور بارزانی سەرۆكێ حوکمەتێ و قوباد تالەبانی جێگرێ سەروكێ وەزیران سازكر، تێدا دانوستاندن دەربارەی ڕێكخستنا خەرجیێن حوکمەتێ و خوە گونجاندن ل گەل ی بوودجێ ل بەر دەستێ وەزارتا دارایی هاتنە كرن، ب مەرجەكی مافێ مووچەخۆرێن ئاسایی بهێتە پاراستن.
هەروەسا جڤاتا وەزیران دكۆمبوونا خۆدا پێداگیری ل سەر وێ چەندێ كر، کو مووچێ خۆدان پلێن تایبەت بهێتە كێمكرن، دیسان بریار هاتەدان ماوێ لێخۆشبوونێ بۆ 15% هەتا 1/9 بهێتە درێژكرن بۆ وان وەلاتیێن قەرێن ئاڤ و كارەبێ ددەن.
هەروەسا گۆتیە: ل حەفتیا بهێت دێ شاندێ حوکمەتا هەرێمێ سەرەدانا بەغدا كەت بۆ درێژە پێدانا دانوستاندنان ل گەل حوکمەتا عیراقێ، ژ پێخەمەت گەهشتنا رێككەفتنەكێ دەربارەی دابینكرنا شایستێن دارایی یێن هەرێما كوردستانێ.
ئەڤرۆ نیوز:
ئەڤرۆ رۆژا چارشەمبیێ ل سنورێ پارێزگەها سلێمانیێ ٩ تووشبوویێن دی یێن ڤایرۆسێ کۆرۆنایێ جانێ خوە ژ دەست دان.
بەرپرسەکێ رێڤەبەریا ساخلەمیێ ل سلێمانیێ دیار کریە کو ٨ زەلام و ئافرەتەکێ جانێ خوە ژ دەست داینە.
هەمان بەرپرسی دیار ژی کریە کو کەسێن جانێ خوە ژ دەست دای چەند رۆژ بوو رەوشا وان یا ساخلەمیێ گەلەک خراب بوو.
نيشاندان