ئەڤرۆ نیوز، عەلی حاجی:
د سەرەدانەكێ دا بۆ باژێرێ زاخۆ دكتور عەلی تەتەر پارێزگەرێ دهوكێ بەرێ بنیاتی بۆ چار پرۆژەیان ب كوژمێ زێدەتری 15 ملیارر دیناران دانا و سەرەدانا پروژەیێ تەمامكرنا جاددەیا سەرەكی یا ئیبراهیم خەلیل بۆ دێرەبوونێ كر.
د كونگرەیەكێ روژنامەڤانی دا دكتور عەلی تەتەر گۆت: (پێشتر ب بریارا بەرێز مەسرور بارزانی سەروكێ حكومەتا هەرێما كوردستانێ بریارا دروستكرنا چەند پروژەیەكان ل زاخۆ دا بوو، ئەو پروژەیێن ئەڤرۆ بەرێ بنیاتی ژی بۆ هاتیە دانان د كەڤیتە د چارچووڤێ وان پروژەیان دا، جهێن پەیوەندیدار ژی دێ چاڤدێریا ڤان پروژەیان كەن دا كو د زووترین دەم دا ب دووماهی بهێن و وەكو ئیدارەیا پارێزگەها دهوكێ ژی مە ئەو ئەزموون هەیە كو بزانین كیش كومپانی دێ شێت ب دروستی كار كەت و هەر د ڤێ حەفتیێ دا ب كوژمێ زێدەتری 22 ملیار دیناران بەرێ بنیاتی بۆ چار پروژەیان ل زاخۆ هاتبوو دانان و ئەڤرۆ ژی ب كوژمێ 15 ملیار دیناران بەرێ بنیاتی بۆ هاتە دانان و ئەڤ پروژەیە ژی هەمی بۆ خزمەتا ڤی باژێری هاتینە دانان .
پارێزگەرێ دهوكێ دیار ژی کر گهورین ل پارێزگەها دهوكێ قوناغەكا باش دەرباز كرینە و بریارە د ڤێ حەفتیێ دا رێڤەبەرێن نوو بۆ رێڤەبەریێن گشتی هاتینە دانان دەست ب كار ببن و هەر دیسان د ماوەیێ دو هەتا سێ روژێن بهێت دا دێ گهورینەكا بنەرەتی ل سەر ئاستێ چەند رێڤەبەریەكێن گرنگ ل زاخۆ بهێنە ئەنجام دان و دگەل بورینا دەمی ئەو گهورین دێ دیار بن و هەر دیسان هژمارەكا ناڤێن دیترێن رێڤەبەران بەردەستن بۆ گهورینێ دا كو ئەو ناڤە بهێنە بلندكرن بۆ ئەنجوومەنێ پارێزگەها دهوكێ دا كو دەنگدان ل سەر بهێتە كرن .
ل دوماهیێ گۆت ژی ئەو پارەیێ هەشت پروژە ل زاخۆ هاتینە جێبەجێ كرن ئەڤە پشكەكا وی پارەیی یە یێ سەروكێ حكومەتا هەرێما كوردستانێ بۆ تەخارن كری و پشتی پشكەكا ڤان پروژەیان ب دوقماهی دهێت ب وی پارەیێ مایی دێ هژمارەكا دیتر یا پروژەیان بۆ زاخۆ هێنە دروست كرن.
ئهڤرۆ نیوز:
سهرۆكوهزیرێن ئیراقێ راگههاند؛ د بودجهیا سالا 2021 دا خالا سهرهكی ڤهكرنا دهلیڤهیێن كاری یه بۆ دهرچوویان.
موستهفا كازمی، سهرۆكوهزیرێن ئیراقێ ئهڤرۆ د داخویانییهكێ دا راگههاند؛ جڤاتا وهزیران ئهڤرۆ یان سوبه دێ گۆتوبێژان ل دۆر بودجهیا سالا 2021 كهن و خالا سهرهكی ڤهكرنا دهلیڤهیێن كاری بیت بۆ دهرچوویان.
لژنهیا دارایی ل جڤاتا نوونهران راگههاندییه، بڕیاره بودجهیا 2021 ل داویا ڤێ حهفتیێ بگههیت پهرلهمانێ و ئهگهرێن گیرۆبوونا وێ ژی، گوهۆرینا د بهایێ پهترۆلێ دایه ل سهر ئاستێ جیهانی كو یهك بهرمیل گههشتییه چل و نههـ دۆلاران.
ئهڤرۆ نیوز:
بسپۆرهكێ قانوونی راگههاند؛ پێدڤییه قانوونهكا تایبهت بۆ تهرخانكرنا مهزاختیێن پرۆسهیا ههلبژارتنان د بودجهیا سالا 2021 دا بهێت بهێت دانان.
عهلی تمیمی، بسپۆرێ قانوونی یێ ئیراقى راگههاند؛ پرۆسهیا ههلبژارتنان پێدڤی ب قانوونهكا تایبهت ههیه كو مهزاختیێن پرۆسهیێ بهێن تهرخانكرن، دیار ژی كر، پرۆژهقانوونا پشتهڤانییا ههلبژارتنان ژ دو ماددهیان پێكدهێت و رێكێ ددهت كۆمسیۆنا ههلبژارتنان 300 ملیۆن دۆلاران بۆ ب رێڤهبرنا ههلبژارتنان بمهزێخیت.
خویا ژی كر، پێدڤییه كۆمسیۆنا ههلبژارتنان ئامادهكاریێن لۆجیستی بكهت و خوه بۆ ههلبژارتنێن پێشوهخت یێ خزیرانا سالا بهێت ئامادهبكهت و گهلهك گرنگه مهزاختیێن ههلبژارتنان بكهڤن د چارچۆڤێ بوودجهی دا.
ئهڤرۆ نیوز:
لژنا پەروەردێ ل پەرلەمانێ كوردستانێ راگەهاند، رۆژا دههى ڤێ مههێ پرۆسەی خواندنێ ل ھەرێما كوردستانێدێ دهسپێكهت.
عەبدولسلام دۆلەمەری، ئەندامێ لیژنا پەروەردێ و خاندنا بلند ل پەرلەمانێ كوردستانێد پرێسكۆنفرانسهكى دا ئاشكرا كر، پشتى كۆمبوونا وەزیرێ پەروەردێ و بریكارێ وەزارەتا خواندنا بلند و ڤهكۆلینێن زانستی، دگهل لیژنا پەروەردێ و خواندنا بلند ل پەرلەمانێ كوردستانێ، دانوستاندنێنل دۆر پرۆسا خواندنێ هاتن كرن و گۆت: وەزارەتا پەروەردێبڕیاردایه لرۆژا دههى ڤێ مههێپرۆسا خواندنێ دەستپێبكهت، ئالى ژىههڤڕا بوون خواندنا ئهڤساله بهێته تمام كرن.
ئهڤرۆ نیوز:
رۆسیا ب فەرمی داخواز ژ هێزێن سوریا دیمۆكرات ههسهدێ ل رژۆئاڤایێ كوردستانێ كر، باژێركێ عهین عیسا رادەستی حكومەتا دیمەشقێ بكەت.
ژێدەرەكێ سەربازى یێ جڤاتا عهین عیسا دیار كر، هێزێن رۆسی ب فەرمی داخواز ژ هەسەدێ كریە باژێركێ عهین عیسا رادەستی حكومەتا دیمەشق بكەت، هەسەدێ ژى داخواز كریە دەلیڤە بهێتە دان وێ داخوازیێ گەنگەشە بكەن و دهێتە پێشبینی كرن ئەو داخوازی بهێتە رەتكرن.
ئهڤرۆ نیوز:
شاندەکێ ئێکەتیا نشتیمانیا کوردستانێ دێ سەرەدانا تەڤگەرا گۆڕانێ کەت و دێ ل گەل رێکخەرێ گشتیێ وێ کۆم بیت.
شاندهكێ ئێکەتیێ ب سەرۆکاتیا باڤل تالەبانی، هەڤسەرۆکێ ئێکەتیێ ئهڤرۆ دوشهمبى دێ سهرهدانا تهڤگهرا گۆرانێ كهت و دێ ل گەل رێکخەڕێ گشتیێ گۆڕانێ و خانەیا راپەراندنا وێ تەڤگەرێ کۆم بیت.
ل گۆرهى ئاگاهییان سوبه رۆژا سێشهمبى پارتییا دیمۆكراتا كوردستانێ، ئێكهتییا ئنستیمانییا كوردستانێ و تهڤگهرا گۆڕان دێ ل ههولێرێ كۆم بن، پێشتر بەرپرسەکێ پارتی ژى بۆ خانى نیوز ئاشكرا كربوو، ئهو دێ پێداچوونێ ب رێکەفتنا دگەل ئێکەتی و گۆڕان کەن، ژبهركو پارتی گازندە هەنە و هندەک پەرلەمانتارێن ئێکەتی و گۆڕان بەرۆڤاژی رێکەفتنا دگەل هاتیەکرن سەرەدەریێ دکەن، لەورا پێدڤیە هەموو لایەن پێگیرێ رێکەفتنێ بن.
ئەڤرۆ نیوز:
فهرماندێ ئوپهراسیۆنێن رۆژئاڤایا نهینهوا دیار كر، ئهو رێ ب ههبوونا چو گروپێن چهكدار نادهن ل شنگالێ بمینن.
لیوا روكن جهبار تائى، فهرماندێ ئوپهراسیۆنێن رۆژئاڤایا نهینهوا بۆ میدیایێن عیراقێ خویا كر، ل دووڤ رێككهفتنا ههولێر و بهغدا، د ڤێ قووناغێ دا ب تنێ سوپا، پۆلیس و ئاسایشا نشتیمانى یا ئیراقێ دێ ئهركێ پاراستنا شنگالێ كهن.
ناڤهاتى ئاشكرا كر، ئهو رێ ب ههبوونا چو گروپێن چهكدار ل شنگالێ نادهن و گۆت: یهكهیێن سوپاى و هێزێن ئهمنى یێن ئیراقێ ل شنگالێ هاتینه بهلاڤكرن و بزاڤا ئارامكرنا رهوشا وى باژێركى و ڤهگهریانا ئاواران ددهن.
ئهڤرۆ نیوز:
ئهگهر كارێ كهشتیا (چانگ – ئى 5) ب سهركهڤیت، چین دێ بیته سێیهم وهلات پشتى ئهمریكا و روسیا نموونێن ماددان ژ سهربانێ ههیڤێ بینیته ئهردى دا تاقیكرنا لسهر بكهت.
ل گور راگههاندنا دهستهیا نشتیمانى یا بوشاییا ئاسمانى یا چینى، دوهى سێشهمبێ ئێكهم كهشتیا چینێ ب سهركهفتیانه گههشته سهربانێ ههیڤێ بو كومكرنا نموونێن ماددێن ههیڤێ.
دهستهیا بوشاییا ئاسمانى دیاركریه ژى كهشتیا ڤهكولینێ پشتى گههشتنا وێ بو سهر ههیڤێ،وێنه هنارتینه.
چینێ ئێكهم كهشتیا ئاسمانى یا ڤهكولینا ماددا ل ناڤ خوداوهدێ خو یێ ههیڤێ كریه بو كومڤهكرن و ڤهكولینا ماددێن سهر ههیڤێ بو هاریكاریكرنا زانایان دهربارهى زانینا سهرچاوێن سهرهتایى یێن ههیڤێ و سیستهمێ كوما روژێ.
ئهڤرۆ نیوز، قائید میرۆ
پەرلەمانتارەکێ پارتی رەتکر كو رێكکەفتن بۆ راگرتنا کۆمبوونێن پەرلەمانی هەبن و گۆت:وان تێبینی لسەر ئەدایا هندەک پەرلەمانتارێن ئێکەتی و گۆڕان هەیە.
سەعید هەرکی، ئەندامێ فراکسیۆنا پارتی لپەرلهمانێ کوردستانێ بۆ ئهڤرۆ نیوز راگههاند؛ بریاربوو چارشەمبیا بووری پەرلەمانێ کوردستانێ لدۆر پرسا مووچەو دانوستاندنێن ههولێر و بەغدا کۆمببیت، لێ کۆمبوون هاتە پاشخستن و شاندێ هەرێمێ سەرەدانا بەغداکر، چو رێکكەفتن دناڤبەرا پارتی و ئێکەتی دا بۆ راگرتنا کۆمبوونێن پەرلەمانی نههاتینه كرن، بەلکو تنێ دەستەیا سەرۆکایەتیا پەرلەمانی ماف هەیە کۆمبوونان دیار بکەت.
سەعید هەرکی ئاماژەکر،ئهوا ل حەفتیا بووری لپەرلهمانێ ژلایێ ههژمارەکا پەرلەمانتارێن گۆڕان و ئێکەتیێروودای، بەری کۆمبوونێ بەرنامە بۆ هاتبوو بەرهەڤکرن و تشتەکێ ئامادهكریبوو، ژبهركووان رێکەفتن دگەل ئێکەتی و گۆڕانێهەیە.
دیار ژی كر، وان تێبینی ل سهر ئەدایا هندەک پەرلەمانتارێن گۆڕانێ و ئێکەتیێ هەیە و بریاربوو پێکڤە وەکی ئێک تیم کاربکەن، نەک پێیەکێ وان ل حکومەتێ و یێ دیدژی حکومەتێ بیت.
نيشاندان