ئەڤرۆ نیوز:
بۆ جارا ئێکێ ل کوردستانێ پشکا فرۆکەڤانیێ ل زانکۆیا سەلاحەدین ل هەولێرێ هاتە ڤەکرن و وەزارەتا خواندنا بلند ژی راگەهاند کو کۆمپانیا هواوی کو ئێکە ژ کۆمپانیێن مەزن ل جیهانێ چەندین کەرەستە بۆ خواندنا پشکا فرۆکەڤانیێ دابین کریە.
وەزارەتا خواندنا بلند یا حوکمەتا هەرێما کوردستانێ دیار ژی کریە کو ئەو دشێن نها قوتابیان بۆ خواندنا فرۆکەڤانیێ وەربگرن.
ئهڤرۆ نیوز:
کۆمپانیەکا ئەمریکی ڤاکسینهكێ دژى کۆرۆنایێ بەرهەمئینا و ل دەمەکێ نێزیک دێ ئێخیته دناڤا بازارى دا.
بەری نوکە کۆمپانییێن فایزهر یا ئهمریكى و بیۆنتیک یا ئهلمانى بەرهەمئینانا ڤاکسینەکێ کۆرۆنایێ کو كراتێكرنا وی دگەهیتە سهدێ نۆت راگەهاندبوو.
پشتى وێ یهكێکۆمپانیا مۆدێرنا یا ئەمریکی ژى راگەهاندیه،كو وان ژی ڤاکسینێ کۆرۆنایێ بەرهەمئینایە و كراتێكرنا ڤاکسینا وان ل سەر نەهێلانا نەخۆشیێ دگههیته نێزیکی 95%.
ههر چهنده وێ کۆمپانیێ گەلەک زانیاری ل سەر وێ ڤاکسینێ بەلاڤ نەکرینە، لێ دیار كریه،چەند حەفتیەکێن کێم بۆ بەلاڤکرنا وێ ڤاكسینێ ماینە.
تێستا ڤاکسینێ مۆدێرنا ل سەر 30 هزار ئەمریکیان هاتیە کرن و دەمێ تێستێ چار حەفتی بووینه.
ئهڤرۆ نیوز:
حكومهتا یۆنانێ داخوازهكا فهرمى بۆ كرینا فرۆكهیێن ئێف سیهـ و پێنج پێشكێشى ئهمریكا كرییه.
رۆژنامهیهكا ناڤخوه یا یۆنانى ژ زارێ بهرپرسهكێ مهزن یێ وهزارهتا بهرگرییێ ئاشكرا كر، پشتى كێریاكۆس میتسۆتاكیس، سهرۆكوهزیرێن یۆنانێ داخوازا كڕینا ههژده فرۆكهیێن رافایل یێن فرهنسى كرى، راستهخۆ ئهو داخواز ئاراستهى ئهمریكا كرییه.
وهزارهتا بهرگرییا یۆنانى داخوازهك پێشكێى وهزارهتا بهرگرییا ئهمریكا پێنتاگۆنێ كرییه و ئاشكرا كریه، یۆنان بهرههڤه بچیته د هێزا بهرگرییا ئاسمانى یا ههڤپشك دا و ههموو مهرجان بجهبینیت.
ل دویڤ داخوازا یۆنانى یا پێشكێشى ئهمریكا كرى، داخواز ههژده ههتا بیست و چار فرۆكهیێن ئێف سیهـ و پێنج كرییه.
ئهڤرۆ نیوز:
ههژمارهكا بهرپرسێن ئهمریكى ئاشكرا كر، سهرۆكێ ئهمریكا پرسیار ژ ئیداراهیا خوه كرییه كا چاوا دشیان دایه دربهكێ لهشكرى ل كۆمارا ئیسلامیا ئیرانێ بدهت، لێ بهرپرسێن كۆچكا سپى ئهو رازى كرییه وى كارى نهكهت.
رۆژنامهیا نیویۆرك تایمز یا ئهمریكى ژ زارێ ههژمارهكا بهرپرسێن ئیدارا نها و یا كهڤن ئاشكرا كر، دۆنالد ترامپ رۆژا پێنجشهمبییا بوورى د گهل ههژمارهكا شیرهتكارێن خوه كۆمبوویه، پرسیار ژى كرییه دێ چاوا د شیان دابیت دربهكێ سهربازى ل بنگههێن ئهتۆمى یێن ئیرانێ بدهن.
ل گۆرهى گۆتنا وان بهرپرسان، ئهو داخوازا ترامپى هات پشتى چاڤدێرێن ناڤدهولهتى ئاشكرا كرى كو ئیرانێ قهبارێ یۆرانیۆمێ هێڤینكرى زێدهكریه، وان بهرپرسان ژى هۆشدارى ژ ئهنجامێن وێ هێرشكرنێ داینه ترامپى.
رۆژناما نیویۆرك تایمز ئاشكرا ژى كر، مایك بێنس، جێگرێ سهرۆكێ ئهمریكا، مایك پۆمپێیۆ، وهزیرێ دهرڤه و بریكارێ وهزارهتا بهرگریێ پێنتاگۆنێ پشكدارى وێ كۆمبوونێ ببوون.
ئهڤرۆ نیوز:
سهرۆكێ پارتییا دیمۆكراسى و گهشهپێدان یا توركى دێڤا راگههاند، ههكه سهرۆككۆمارێ توركیا ژ دل بخوازیت چاكسازیێ بكهت، پێدڤیه دهست ژ سهرۆكاتییا پارتییا داد و گهشهپێدان ئاكهپێ بهردهت.
عهلى باباجان، سهرۆكێ پارتییا دیمۆكراسى و گهشهپێدان یا توركى، د گۆتارهكێ دا بهحسى رهوشا توركیا كر و راگههاند، رهنگه د چهندین رۆژێن بهێن دا هندهك كهس بهێنه ئازادكرن.
باباجان گۆت ژى: ئهردۆغان پشتى ههژده سالێن دهستههلاتێ دبێژیت: دێ چاكسازییان د ئابوورى دا كهن، لێ ئێدى خهلك گوهداریا گۆتنێن وى ناكهت، بهلكو خهلكى كریار دڤێن و ههكه ئهردۆغانى بڤێت چاكسازییان بكهت، پێدڤیه دهست ژ سهرۆكاتییا پارتییا داد و گهشهپێدان ئاكهپێ بهردهت.
ئهڤرۆ نیوز:
سهرۆكوهزیرێن ئیراقێ فهرمان ل ئۆپهراسیۆنێن ههڤپشك كرییه كو دهریێن سنۆرى یێن نهفهرمى دائێخن.
دهستهیا دهریێن سنۆرى یا ئیراقى د بهیانهكێ دا راگههاند، مستهفا كازمى، سهرۆكوهزیرێن ئیراقێ فهرمان دایه ئۆپهراسیۆنێن ههڤپشك بۆ رێگرتنێ ل قاچاغیێ و زیان گههاندن ب ئابوورێ ئیراقێ و پاراستنا بهرههمێ خۆمالى، ههموو دهریێن سنۆرى یێن نهفهرمى دائێخن.
ههروهسا كازمى فهرمان دایه فهرمانبهرێن دهزگههێ ههوالگیریێ ل دهریێ سنۆرى دانیت، داخواز ژى كریه دهریێن سنۆرى یێن فهرمى پێشبێخن بۆ باشتركرنا رێكارێن گومركى و رێگرتن ل گهندهلیێ.
ئهڤرۆ نیوز:
ههژمارهكا كهساتی و چالاكڤانێن ئێزدی داخوازا پاشخستنا مهراسیمێن دانانا بابا شێخێ نوو دكهن ژ بهر نهرازیبوونا خهلكێ شنگالێ.
ههژمارهكا رهوشهنبیر و چالاكڤانێن ئێزدی د نامهیهكا ڤهكری دا راگههاندن؛ ههلوهستێ بهرییا دو رۆژان ل دهما دهستنیشانكرنا بابا شێخێ نوو یێ ئێزدییان دا، بێی وهرگرتنا رایا كهساتیێن ئێزدی و ب تایبهت یێن شنگالێ، وهلات شێخ و باشیك و بهحزانێ نههاتییه وهرگرتن ههرچهنده ئهو ل دژی چ كهساتییان نینن بۆ جهێ بابا شێخ بهێن دهستنیشانكرن، لێ نابیت میرێ ئێزدییان ئێزدیێن دی پشت گوهـ باڤێژیت ب تایبهت د رهوشا نها یا ب زهحمهت دا.
ههروهها د نامهیا خوه دا داخواز ژ میر حازم تهحسین بهگ، میرێ ئێزدییان كرینه رێ و رهسمێن دانانا بابا شێخ یێن كو بڕیاره سوبه رۆژا چارشهمبێ بهێن كرن، پاشبێخن تاكو ئێزدی نههێن پارچه كرن ژ بهر كو بابا شێخ مهرجهعێ بلند یێ ئێزدیانه.
ههژمارا كهساتیێن داخوازا پاشخستنا رێ و رهسمان ژی كرین پێك هاتینه ژ پتری سیهـ سهرۆك هۆز، رێڤهبهر، نۆشدار، نڤێسهر، پارێزهر و رزگاربوویێن دهستێ داعشێ و چهندین رهوشهنبیرێن ئێزدی نه.
ئهڤرۆ نیوز:
وهزیرێ دهرڤهیێ ئهمریكا راگههاند، پێدڤیه ئهورۆپا و ئهمریكا بۆ بهرسینگگرتنا رهفتارێن توركیا یێن ڤێ داویێ ل رۆژههلاتا ناڤین پێكڤه كار بكهن.
مایك پۆمپێیۆ بۆ رۆژنامهیا لۆفیگارۆ یا فرهنسى راگههاند، ئهو و ئێمانۆئێل ماكرۆن، سهرۆكێ فرهنسا ههڤرا بوون كو رهفتارێن توركیا یێن ڤێ داویێ دوژمنكارانه بوون، وهكو ئاماژهیهك بۆ پشتهڤانیا توركیا بۆ ئازهربیجانێ د شهرێ قهرهباخێ دا د گهل ئهرمهنستانێ و لڤینێن وێ یێن سهربازى ل لیبیا و دهریا ناڤهراست.
مایك پۆمپێیۆ، وهزیرێ دهرڤهیێ ئهمریكا نها د گهشتهكێ دایه بۆ حهفت وهلاتان، ژ وانا فرهنسا، توركیا، ئسرائیل و ئهرهبستانا سعوودیێ، د وێ گهشتێ دا دێ پرسێن ئاشتیێ ل رۆژههلاتا ناڤین گۆتوبێژ كهت، ههروهسا دێ سهرهدانا گۆرجستانێ، قهتهر و ئیماراتا عهرهبى ژى كهت و گهشتا وى رۆژا بیست و سێیێ ڤێ مههێ ب داوى دهێت.
ئهڤرۆ نیوز، بارزان مزوورى:
ئیسماعیل ئیبراهیم، رۆژنامهڤان و چالاكڤانێ ئێزدى بۆ ئهڤرۆ نیوز گۆت: حهفتیا بورى هێزهكا پولیسێن مووسل ب جلكێن مهدهنى ل مووسل هاته شهنگال شهش گهنجێن شهنگال دهستهسهركرن ئهو هێز سهر ب پولیسێن مووسل بون ،ئهڤه حهفتیهك بورى ئهو گهنجێن ئێزدى نههاتن رزگاركرن ئهڤرۆ دهمژمێر 2 پشتى نیڤرۆ رێكهفتى16/11/2020 خهلكێ شهنگال خرڤهبوونهك ئهنجام دا.
ناڤهاتى خویاكر ئالوزى كهفته دناڤ خرڤهبوونێ دا ئهو كهسێن خرڤهبووین ئهنجام داین هێرش كره سهر زالگهها پۆلیسان و زالگهها پولیسان هاتە سوتن ترۆمبێلێن پولیسان كهفتنه دهستێن خهلكى دا.
ناڤهاتى گۆت: ل گهل ئهفسهرێن وان پولیسا ئاخفتینه كۆ ههتا سوبه ئهو كهس بهێن ئازادكرن ئهگهر نههێنە ئازاد كرن دێ بهردهوام بن ل سهر خرڤهبوونێ.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٦٥٩ کەسێن دی ل هەرێما کوردستانێ تووشی کۆرۆنایێ بووینە و هەروەسا ٢٣ نەخوشێن کۆرۆنایێ ژی مرینە.
وەزارەتا ساخلەمیێ هەروەسا راگەهاند ژی کو د ماوەیێ ٢٤ دەمژمێرێن بۆری دا ٢٣٢ نەخوشێن کۆرۆنایێ ژی ل هەرێما کوردستانێ ب تەمامی چارەسەر بووینە.
نيشاندان