ئەڤرۆ نیوز:
سەرۆک مەسعود بارزانی پێشوازی ل جان لودریان وەزیرێ دەرڤە یێ فرەنسا کر و د کۆمبوونێ دا بەحسێ پەیوەندیێن فرەنسا و هەرێما کوردستانێ هاتە کرن.
هەژی ئاماژەپێدانێ یە کو وەزیرێ دەرڤە یێ فرەنسا دوهی سەرەدانا بەغدا کر و پاشی ژی هاتە هەولێرێ و ل گەل سەرۆکێ هەرێما کوردستانێ و سەرۆک وەزیرێن هەرێما کوردستانێ ژی کۆمبوو.
ئەڤرۆ نیوز:
راگه‌هاندنا به‌ره‌ڤانیا باژێرى دیاركركو ئه‌ڤرۆ سپێدێ هژماره‌كا كابینه‌یێن ئاواران ل كه‌مپا قادیا هاتنه سوتن وزیانێن گیانى نه‌بوون بتنى زیانێن دارایێ هه‌بووینه.
بێوار عه‌بدولعه‌زیز، رێڤه‌به‌رێ راگه‌هاندنێ ل رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ دیاركركو حه‌فت كابینه‌یێن ئاواران دبنه یێن 9 خێزانیێن ئاواران ل كه‌مپا قادیا هاتنه سوتن و پشتى تیمین به‌ره‌ڤانیا باژێرى لسه‌ر روودانا سوتنا كه‌مپا قادیا هاتینه ئاگه‌هدار كرن بنگه‌هێ گه‌لیێ زاخۆ ل جهێ روودانێ ئاماده‌بوون وشیان كونترولێ لسه‌ر ئاگرى بكه‌ن ونه‌هێلن زیانێن زێده‌تر بگه‌هنه ئاواران.
ئه‌ڤ روودانا ئاگربه‌ربوونێ ژ ئه‌نجامێ شۆرته‌كێ كاره‌بێ چیبوویه
ئەڤرۆ نیوز:
ئەڤرۆ وەزیرێ دەرڤە یێ فرەنسا جان لودریان دێ سەرەدانا هەولێرێ کەت و نوونەرێ حوکمەتا هەرێما کوردستانێ ل فرەنسا ژی دیار دکەت کو فرەنسا دەست ب بزاڤەکا نوو کریە و فرەنسا دڤێت پەیوەندیێن هەولێرێ و بەغدایێ باشتر لێ بهێن.
عەلی دۆلەمەری نوونەرێ حوکمەتا هەرێما کوردستانێ ل فرەنسا ئەو یەک ژی دیار کر کو فرەنسا دڤێت د چارچۆڤێ دستوورێ عیراقێ دا هەموو ئاریشێن نها د ناڤبەرا هەرێما کوردستانێ و بەغدا دا بهێنە چارەسەر کرن و هەموو مافێن رەوا یێن گەلێ کوردستانێ ژی ژ ئالیێ بەغدا ڤە بهێنە دابینکرن.
ئه‌ڤرۆ نیوز:
مسته‌فا كازمی سه‌رۆك وه‌زیرێ عیراقێ راگه‌هاند دێ ل ڤان نێزیكان ده‌مێ هه‌لبژارتنان هێته راگه‌هاندن و داخازێ ژ لایه‌نێن تایبه‌تمه‌ند كار بكه‌ن، ژبوی یاسا هه‌لبژارتنان ده‌ر باس بكه‌ن.
مسته‌فا كازمی سه‌رۆك وه‌زیرێ عیراقێ ل جڤینا وه‌زیران ل پارێزگه‌ها به‌سره راگه‌هاند بڤان نێزیكان ده‌مێ هه‌لبژارتنان هێته راگه‌هاندن له‌ورا پێدڤیه لایه‌نه‌ێن تایبه‌تمه‌ند هاریكاربن بۆ ته‌مامكرنا یاسایا هه‌لبژارتنان و دانانا بنه‌مایه‌كێ زانستی بۆ هه‌لبژارتنێن پاقژ و دادپه‌روه‌رانه.
سه‌رۆك وه‌زیری عیراقێ ئه‌و چه‌نده ژی راگه‌هاند پێدڤیه خالێن توخیبی و به‌نده‌رێ به‌سره بكه‌ڤنه بن كونترولا ده‌سه‌لاتا ده‌وله‌تێ و یاسایێ، پشتی چه‌ند رۆژه‌كێن دی لیستا شه‌هیدێن رێزێن خونیشانده‌ران و هێزین ئه‌منی راگه‌هینین و خێزانێن وان ته‌ڤایا مافێن وان وه‌رگرن.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ دیار دکەت کو هژمارا توشبوویێن ب کۆرۆنایێ ل کوردستانێ گەلەک زێدە بوویە و نها ئێک ژ وان رێیێن چارەسەریێ بۆ نەخوشان ژی وەرگرتنا پلازما خوونێ یە ژ وان کەسان یێن کو بەری نها تووشی ڤایرۆسێ کۆرۆنایێ بووینە و پاشی ژی باش بووینە.
وەزارەتا ساخلەمیێ دبێژیت ئەو کەسێن باش بووینە ئانکو ٢٨ رۆژ ژ رۆژا ئێکێ یا دەمێ نەخوشیا وان دەرباز بوویی و نها ب تەمامی باش بووینە، دشێن سەرەدانا بەنکێن خوونێ بکەن بۆ بەخشینا پلازما، چونکو ئەو یەک هەم خێرەکا مەزنە و هەم ژی هاریکاریەکا مەزنە بۆ نەخوشێن کۆرۆنایێ.
ئەڤرۆ نیوز:
هێمن هەورامی جێگرێ سەرۆکا پەرلەمانێ کوردستانێ راگەهاند کو ل دۆر چەندین پرسێن گرنگ و یێن نها ل کوردستانێ، پەرلەمانێ کوردستانێ دێ ل گەل ئالیێن پەیوەندیدار ل حوکمەتا هەرێما کوردستانێ کۆمبیت.
ناڤهاتی دیار ژی کر کو ئەو وەکو پەرلەمانێ کوردستانێ پشتەڤانیێ ل دانوستاندنێن د ناڤبەرا هەولێرێ و بەغدا دا دکەن و هێڤی خواست کو هەموو ئاریشێن نها د چارچۆڤێ دستوورێ عیرقێ دا بهێنە چارەسەر کرن.
ئه‌ڤرۆ نیوز:
ئه‌ڤرۆ 54 قوتابیێن هه‌رێما كوردستانێ كۆ ل زانكۆ و په‌یمانگه‌هێن روسیا دخواندن، پشتی ته‌مامكرنا خاندنێ و چاڤه‌رێكرنه‌كا زۆر، ڤه‌دگه‌رنه هه‌رێما كوردستانێ.
هوشمه‌ند گه‌ردی نوونه‌رێ قوتابیان راگه‌هاند ده‌ستپێكێ قوتابی ژ فرۆكخانه‌یا به‌غدا هاتینه خوارێ، به‌لێ نوونه‌راتیا هه‌رێمێ ل به‌غدا دو پاس بۆ قوتابیان به‌رهه‌ڤكرن بۆ ڤه‌گۆهاستنێ بۆ هه‌ولێرێ و سلیمانیێ.
ناڤبری ئه‌و چه‌نده ژی راگه‌هاند 23 قوتابی ئاكنجیێن پارێزگه‌ها هه‌ولێرێ نه و 18 قوتابی ئاكنجیێن پارێزگه‌ها سلیمانیێ نه و 9 قوتابی ژی ئاكنجیێ پارێزگه‌ها دهۆكێ نه.
حكومه‌تێ هه‌رێمێ ب بزاڤێن خوه، چه‌ندین قوتابی ژ ده‌رڤه‌ی وه‌لاتی ب ئه‌گه‌رێ به‌لاڤ بوونا كورونایێ و گرتنا فرۆكخانه‌یان ڤه‌گه‌راندینه هه‌رێمێ.
ئه‌ڤرۆ نیوز:
وه‌زاره‌تا ناڤخۆیا حوكمه‌تا هه‌رێما كوردستانێ بریاره‌كا نوو ده‌ربارێ ئه‌وان ترۆمبێلێن جامێن وان ره‌ش ده‌رخست.
لگۆری به‌یانا ژماره 43 یا سالا 2020 یا وه‌زاره‌تا ناڤخۆ رۆژا 28/6/2020 ب ژماره 8664 ژلایێ وه‌زیرێ ناڤخۆ ڤه هاتیه ئیمزاكرن، ئاماژه ب وێ چه‌ندی هاتیه دان كۆ رینمایین ژماره 5 یین سالا 2019 و راستڤه‌كریا رینمایێن ئیكێ ب به‌یانا ژماره 4 یا سالا 2020 تایبه‌ت ب موله‌ت پێدانا جام ره‌ش بۆ ترۆمبێلان، بریاره‌كا نوو ده‌رخست.
لگۆری به‌یانا نوو، برگه‌یا 12 دكه‌ڤته سه‌ر ماده‌یا پێنج ژ رێنمایێن تایبه‌ت ب موله‌تا جام ره‌ش كۆ برگه‌یا 12 بڤی شیوه‌یی یه:
ئه‌و ترۆمبێلێن كو ل بنه‌ره‌تدا رێژه‌یا ره‌شاتیا جامێن وان دناڤبه‌را 81% بۆ 90% ، ئه‌ڤه دێ 200 هزار دینارین ڤه‌بری دده‌ت.
هه‌روه‌سا برگه‌یا سیزده ئاماژه ب وێ چه‌ندێ هاتیه دان، بهایێ ئه‌وی پاره‌یێ دڤی ماده‌یی دا هاتی دكه‌ڤته سه‌ر حسابا پێشڤه‌برنا هاتنوچونا پارێزگه‌هان.
ئه‌ڤرۆنیۆز، سالار دۆسكی:
پشتی ده‌سپێكرنا ئه‌زموونێن پولا دوزادێ ل سه‌رانسه‌ری كوردستانێ ل گونده‌كێ سه‌ر ب قه‌زا زومار ڤه، ژ نه‌بوونا مبه‌ریدا ل هولێن تاقیكرنێ دایك و بابێن قوتابیان هاریكاریا قوتابیان كر ب دابینكرنا مبه‌ریدان بۆ هولێن ئه‌زموونان.
مامۆستا عصامه‌دین عوبه‌ید سه‌رپه‌رشتێ په‌روه‌ردێ و نوونه‌رێ په‌روه‌ردا سێمێلێ ل هولێن ئه‌زمووتنان ل ده‌ڤه‌را زومار، ئه‌ڤرۆ نیۆز ئاشكراكر كو ل بنگه‌هێ قوتابخانا(حه‌مه‌د ئاغا)یێ ئه‌زموونێن پولا دوزازدێ ل ده‌ڤه‌را زمار ژ به‌ر نه‌بوونا مبه‌ریدان ل هولێن ئه‌زموونا بابێ دو قوتابیێن كچ موبریده‌ك بۆ كچێن خوه ل گه‌ل خوه ئینانه هولا ئه‌زموونا ب بهانا وێ چه‌ندێ كو كچێن وی دنه‌خوش بووینه، پشتی چوونا كاره‌بێ هه‌ر هه‌مان باب ترۆمبێلا خوه چوو مولیده‌كێ كاره‌بێ ژی ئینا بۆ دابینكرنا كاره‌بێ بۆ مبه‌ریدێ ب مه‌ره‌ما به‌رده‌وام بوونا تاقیكرنێن قوتابیان و ئه‌و هه‌ر دو ئامیره ل قوتابخانێ مان هه‌تا تاقیكرن ب دووماهی دهێن.
نوونه‌رێ په‌روه‌ردا سێمێلێ ئه‌و ژی ئاشكراكر كو چه‌ند دایك و بابێن قوتابیێن دی ژی ب هه‌مان مه‌به‌ست بۆ قوتابیان مبه‌ریده دابینكرن دا ژینگه‌ها هولا ئه‌زموونان ب سه‌ركه‌فتیانه ب رێڤه‌بچیت.
مامۆستا (ئیبراهیم حه‌سه‌ن شێخو) سه‌رپه‌رشتێ په‌روه‌ردێ و به‌رپرسێ یه‌كا په‌روه‌رده‌یی ل زمار زێده‌تر بۆ ئه‌ڤرۆ گۆت: ل ده‌ڤه‌را زمار چار بنگه‌هێن تاقیكرنێ هه‌نه كو دبنه 330 قوتابی ئه‌زموونێن پولا دوازدێ ئه‌نجام د ده‌ن و هه‌موو كچ و كورن و خه‌لكێ ده‌ڤه‌را زمار.
هه‌مان سه‌رپه‌رشتێ په‌وره‌ردێ ئه‌و ژی گۆت: پشتی هاتنا هێزێن حه‌شدا شه‌عبی بۆ ده‌ڤه‌را زمار ئه‌و قوتابخانه هاتبوونه تالانكرن و مبریده تێدا نه‌مابوون و پشتی ئه‌نجامدانا ئه‌زموونا هه‌ژماه‌كا دایك و بابێن قوتابیان موبریده ل گه‌ل خو ئینانه هولێن ئه‌زموونان بۆ دابینكرنا سه‌قایه‌كێ ئارام بۆ قوتابیان و هه‌تا شه‌ش موبریدا بۆ هولێن ئه‌زموونان هاتنه دابینكرن.
نيشاندان