ئه‌ڤرۆ
رێڤەبەرێ نەخۆشخانا شەهید تاهیر عەلی والی بەگ راگەهاند، تووشبوویەكێ دی یێ کۆرۆنا كۆ زه‌لامه و ژیێ وی 64 ساڵە پشتی ڤه‌مانا وی ل نه‌خوشخانه‌یێ بۆ ده‌مێ سێ رۆژان گیانێ خۆ ژ ده‌ست دا.
ئازاد هەورامی، ڕێڤه‌بەرێ نەخۆشخانەیا شەهید تاهیر عەلی والی بەگ راگەهاند تووشبوویی ب پرانی نیشانێن ڤایرۆسێ كورونایی هه‌بوو، چه‌ند نه‌خوشیێن دی ژی هه‌بوون ب تایبه‌تی نه‌خوشیا هه‌ناسه‌یێ و ئاریشا سیهان هه‌بوو.
ئه‌ڤرۆ نیوز:
وه‌زاره‌تا كاره‌با حكومه‌تا هه‌رێما كوردستانێ بریار دا هه‌ر پشكداره‌كێ ژ 15/6/2020 قه‌رێن حكومه‌تێ بده‌ت ئه‌ڤه 15% لێ خوشبون بۆ هێته‌كرن.
د راگه‌هاندنه‌كێ دا وه‌زاره‌تا كاره‌با هه‌رێما كوردستانێ به‌لاڤكریه و تێدا هاتیه كۆ ل جڤینا 3/6/2020 یا جڤاتا وه‌زیران یا حكومه‌تا هه‌رێما كوردستانێ، هه‌موو پشكدارێن كاره‌بێ یا مالان و پیشه‌سازی و بازرگانی و چاندنێ ئاگه‌هدار دكه‌ین كۆ ژ رۆژا 15/6/2020 قه‌رێن كاره‌بێ بده‌ن دێ 15% لێخوشبوون بو ئێته‌كرن.
وه‌زاره‌تا كاره‌بێ ئه‌و چه‌نده ژی دیاركر د راگه‌هاندنێ دا، هه‌موو پشكداریێن كاره‌بێ دشێن مفایی ژ ئه‌ڤێ ده‌لیڤه‌یێ وه‌ربگرن ژ 6/6/2020 سه‌ره‌دانا ریڤه‌به‌راتی و فه‌رمانگه‌هێن كاره‌بێ بكه‌ن و قه‌رێن خۆ بده‌ن.
ئەڤرۆ نیوز:
وەزارەتا ساخلەمیێ 77 تووشبوویێن دی یێن کۆرۆنا یێ ل پارێزگەها سلێمانیێ راگەهاندن، سەرجەمێ گشتی یێ تووشبوویێن کۆرۆنا یێ ل هەرێما کوردستانێ گەهشتە هزار و 15 تووشبوویان.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، 77 تووشبوویێن دی یێن ڤایرۆسێ کۆرۆنا یێ ل پارێزگەها سلێمانیێ هاتنە دەست نیشانکرن، کو 40 زەلام و 25 ژن و 3 کچێن گەنج و 3 کورێن گەنج و 6 زارۆکن.
وەزارەتا ساخلەمیێ دیار کریە ژی: کو 21 تووشبوویی بەرکەفتیێن تووشبوویێن بەرێنە و 56 تووشبوویێن دیتر نیشانێن وێ نەحۆشیێ هەنە.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: حەفت کەسێن دی ل گەرمیان تووشی ڤایرۆسێ کۆرۆنا یێ بوون، کو سێ زەلام و سێ ژن و کچەکا 18 سالیە.
هەروەسا دیار کریە: د بەردەوامیا پشکنین و لێگەریانێ لدووڤ گومانلێکریان و تووشبوویان، حەفت تووشبوویێن دی یێن ڤایرۆسێ کۆرۆنا یێ ل دەڤەرا گەرمیان هاتنە دەست نیشانکرن، ژ وان ژی سێ ژن د تەمەنێ 44، 38 و 20 سالیێ دانە، هەروەسا سێ زەلام، د تەمەنێ 35، 30 و 30 سالیێ دانە، ل گەل کچەکا گەنج د تەمەنێ 18 سالیێ دایە، ھەموو بەرکەفتیێن تووشبوویێن بەرێنە.
ئەڤرۆ نیوز:
پشتی 72 دەمژمێران، قەدەغەیا هاتنوچوونێ ل پارێزگەها دهۆکێ ب دووماهی هات و ژیان ل وێ پارێزگەهێ ئاسایى بووڤە.
ماجد سەید سالح جێگرێ پارێزگارێ دهۆکێ دیار کر: ل ئێڤاریا ئەڤرۆ پێنجشەمبی قەدەغەیا هاتنوچوونێ ب دووماهی هات و ژ بلی هۆلێن داوەتان، کافی و جهێن نارگیلان، هەموو جهێن دی دێ هێنە ڤەکرن و هاتنوچوون دناڤبەرا پارێزگەها دهۆک بۆ پارێزگەهێن دیتر دێ لدووڤ بریارێن وەزارەتا نافخۆ بیت.
جێگرێ پارێزگارێ دهۆکێ گۆت ژی: مزگەفت و جهێن ئایینی یێن دیتر دێ هێنە ڤەکرن، بەلێ داخوازێ ژ وەلاتیان دکەین، کو خوە دوور بکەن ژ جهێن قەرەبالغ و پابەندی رێنمایێن ساخلەمیێ بن.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: شەش کەسێن دی ل دهۆکل تووشی ڤایرۆسێ کۆرۆنا یێ بوون، ک دو ژن و چار زارۆکن.
هەروەسا دیار کریە: د بەردەوامیا پشکنین و لێگەریانێ لدووڤ گومانلێکریان و تووشبوویان، شەش تووشبوویێن دی یێن ڤایرۆسێ کۆرۆنا یێ ل دھۆكێ هاتنە دەست نیشانکرن، ژ وان ژی دو ژن د ژیێن 35 و 34 سالیێ دانە، ل گەل چار زارۆیان د ژیێن 13 و 9 و 8 و 3.5 سالیێ دانە، هەمی بەرکەفتیین تووشبوویێن بەرێنە و ئاکنجیێن دهۆکێ نە.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو ٧ کەسێن دی ل هەولێرێ تووشی ڤایرۆسێ کۆرۆنایێ بووینە.
وەزارەتا ساخلەمیێ دیار ژی دکەت کو ٣ تووشبوویێن نوو زەلامن د ژیێ ٦٠، ٢٦ و ٢٠ سالیێ دانە و هەروەسا سێ ژی ئافرەتن کو ژیێ وان ٥٧، ٢٧ و ٢٣ سالن و هەروەسا کچەکا تەمەن ١٦ سال ژی تووشی ڤایرۆسێ کۆرۆنایێ بوویە و هەموو ژی بەرکەفتیێن تووشبوویێن بەرێ نە.
ئه‌ڤرۆ نیۆز، عه‌زیز هه‌ورامی:
ئه‌مڕۆ نوسینگه‌ی سه‌رۆكی په‌رله‌مانی عێراق ڕای گه‌یاند ناوی كاندیده‌كانی ئه‌و وه‌زاره‌تانه‌ی پڕنه‌كرابوونه‌وه گێشتنه په‌رله‌مان، به‌شیر حه‌داد جێگری سه‌رۆكی په‌رله‌مان ده‌ڵێ ڕۆژی شه‌ممه په‌رله‌مان كۆده‌بێته‌وه كورد كاندیدی وه‌زاره‌تی ده‌ره‌وه و دادی دیاری كردووه.
دكتۆر به‌شیر حه‌داد جێگری سه‌رۆكی په‌رله‌مانی عێراق، تایبه‌ت به ئه‌ڤرۆ نیۆز ڕای گه‌یاند:” ناوی ته‌واوی ئه‌و كاندیدانه‌ی بۆ ئه‌و وه‌زاره‌تانه‌ی له‌كاتی پێكهێنانی حكوومه‌تی عێراق به‌رده‌ست نه‌بوون یان ده‌نگیان نه‌هێنا گێشتووه‌ته په‌رله‌مان و ڕۆژی شه‌ممه كۆبووه‌نه‌وه‌ی په‌رله‌مان ده‌كرێت.
حه‌داد ئاماژه‌ی به‌وه‌شكرد:” كورد ناوی هه‌ردوو وه‌زاره‌تی ده‌ره‌وه و دادی ڕه‌وانه‌كردووه، دكتۆر فوئاد حوسێن بۆ وه‌زاره‌تی ده‌ره‌وه له پارتی و سالار عه‌بدولستار كاندیدی یه‌كێتییه بۆ وه‌زاره‌تی داد.
ناوبراو گوایشی:” ئێستا كۆبوونه‌وه‌یه‌ك هه‌یه بۆ دیاری كردنی كارنامه‌ی په‌رله‌مانی عێراق بۆ كۆبوونه‌وه‌ی ڕۆژی شه‌ممه، تایبه‌ت به ده‌نگدان به وه‌زیره‌كان و چه‌ند بابه‌تێكی تر.
ئەڤرۆ نیوز:
بەرپرسەکێ ساخلەمیێ ل ئیدارا راپەرین راگەهاند کو نوشدارەک و دو کارمەندێن ساخلەمیێ تووشی ڤایرۆسێ کۆرۆنایێ بووینە.
هەمان بەرپرسی دیار ژی کریە کو د ماوەیێ ٢٤ دەمژمێرێن بۆری دا پشکنین بۆ ٤٠ کەسان هاتیە کرن و مخابن هندەک کەس تووشی ڤایرۆسێ کۆرۆنایێ بووینە کو تێدا نوشدارەک و دو کارمەندێن ساخلەمیێ ژی هەنە.
ئه‌ڤرۆ نیوز، عه‌زیز هه‌ورامی:
بڵاوو بونه‌وه‌ی ڤایرۆسی كۆرۆنا له كوردستان و ده‌وڵه‌تانی دراوسێ و ئاستی بازرگانی هه‌رێم له‌گه‌ڵ ده‌وڵه‌ته‌كان بۆ خوار نیوه دابه‌زییوه داهاتی گومرگیش بۆ نیوه زیاتر دابه‌زیوه.
ساماڵ عه‌بدولره‌حمان به‌ڕێوه‌به‌ری گشتی گومرگی كوردستان، به ئه‌ڤرۆ نیوزی ڕاگه‌یاند:” له سه‌رجه‌م ده‌روازه‌كانی بازرگانی هه‌رێمی كوردستان له‌گه‌ڵ ده‌وڵه‌تی توركیا و ئێران 50% ئاڵو گۆڕی بازرگانی كه‌میی كردووه ئه‌ویش به‌هۆی كاریگه‌ری كۆرۆنا و قه‌یرانی دارایی به رۆكی كوردستانی گرتوه‌ته‌وه”.
ساماڵ عه‌بدولره‌حمان وتیشی:” به‌راورد له‌گه‌ڵ قۆناخی سه‌ره‌تایی ڤایرۆسی كۆرۆنا ڕه‌وشی بازرگانی باشتر بووه، وه له‌گه‌ڵ باشتربوونی ڕه‌وشی بازاڕ و كه‌مبوونه‌وه‌ی قه‌یرانی دارایی به‌رزبونه‌وه‌ی نرخی نه‌وت و ئاسایی بونه‌وه‌ی مووچه ئه‌وه ئاستی بازرگانی باشتر ده‌بێت، كۆرۆنا و قه‌یرانی دارایی خواست له‌سه‌ر كاڵاكان له بازاڕ دابه‌زیوه، به‌تایبه‌ت كه‌مالیاته‌كان جوڵه‌ی بازرگانیان كه‌م بوه‌ته‌وه”.
هه‌روه‌ها ئاماژه‌ی به‌وه‌دا :” هاوڵاتییان زیاتر له بازاڕه‌كان خواستیان له‌سه‌ر ئه‌و پێداویستیانه‌ییه ڕۆژانه پێویستیانه جوڵه‌ی بازرگانیش زیاتر له‌و كاڵایانه‌یه هاوڵاتییان ڕۆژانه به‌كاری ده‌هێنن”.
ناوبراو زیاتر زانیاریداو گوتی:” له‌گه‌ڵ دابه‌زینی جووڵه‌ی بازرگانی داهاتی گومرگیش بۆ نیوه دابه‌زیوه، ئه‌م دابه‌زینی جوڵه‌ی بازرگانییه جیهانی گرتووه‌ته‌وه نه‌ك ته‌نها كوردستان”.
نيشاندان