ئەڤرۆ نیوز:
وەزارەتا ساخلەمیا هەرێما کوردستانێ تووشبوونا کەسەکێ دی ب کۆرۆنا یێ ل سلێمانیێ راگەهاند، ئەو تووشبوویە خۆجهێ سلێمانیێ یە و بەرکەفتیێ تووشبوویێن بەرێ یە.
هەروەسا دیار کریە ژی: د بەردەوامیا پشکنین و لێگەریانێ لدووڤ گومانلێکریان، تووشبوویەکێ دی ب ڤایرۆسێ کۆڕۆنا یێ ل سلێمانیێ هاتیە دەست نیشانکرن، کو زەلامەکێ د ژیێ ٢٢ سالیێ دایە و خۆجهێ سلێمانیێ یە.
ئەڤرۆ نیوز، زنار تۆڤی:
ئەڤرۆ دوشەمبی 18 گولانا 2020، ب بەهانەیا هەبوونا چەکدارێن پەکەکێ، فرۆکێن سوپایێ تورکی گوندێ دەرگەلا موسا بەگێ ل دەڤەرا بەرواری بالا یێ سەر ب قەزا ئامێدیێ ڤە بوردۆمان کر.
وەلاتیەکێ گوندی ب ناڤێ گوهدار بۆ ئەڤرۆ نیوز دیار کر: ل دەمژمێر 4:30 ئێڤاریی فرۆکێن تورکی ئاقارێ گوندێ وان بوردۆمان کریه و ڤێ چەندێ زیانەکا مادی یا مەزن گەهاندیە مالێن گوندیان و پەنجەرێن وان شکاندینە، دیسان ئاقارێ وان نێزیکی گوندیە، لەوما ژ ئەگەرێ دەنگێ وان بۆمبەیان ترس ل دەف خەلکێ گوندی پەیدابوویە و گەلەک زیان گەهاندیە مالێن وان و ئاقارێ وان ژی.
گوندێ دەرگەلا مۆسا بەگێ، ئێکە ژ گوندێن ناحیا کانی ماسێ و گوندەکێ ئاڤا یە، نوکە چەندین خێزان ل سەر گوندی دژین.
ئەڤرۆ نیۆز، قائید میرۆ:
سەرۆکێ سەندیکا کرێکارێن کوردستانێ ئاشکراکر، بەلاڤبوونا ڤایرۆسا کۆرۆنا و قەدەغەیا ھاتنوچوونێ کاریگەری لسەر رەوشا کرێکاران ھەبوویە و دبێژیت، مە داخواز ل حوکمەتا ھەرێما کوردستانێ کریە، مووچەیەک ژ سندۆقا زەمان بۆ کرێکاران بھێتە مەزاختن.
ھەنگاو عەبدولاخان، سەرۆکێ سەندیکا کرێکارێن کوردستانێ ب مالپەڕێ ئەڤرۆ نیۆز راگەھاند”زێدەتری ٨٠ ھزار کرێکارێن دەستەبەرکری ل ھەرێما کوردستانێ ھەنە و ب ئەگەرێ قدەغەیا ھاتنوچوونێ پڕانیا د دەمێ دو ھەیڤێن بۆری دا بێکار بووینە، بەلێ گورەی قانوونێ ئەرکێ خوەدان کارانە کریا کرێکاران خەرج بکەن.
ھەنگاو عەبدولاخان گۆت ژی” مە داخواز ل حوکمەتا ھەرێما کوردستانێ کریە مووچێ ئێک ھەیڤ یێ کرێکاران ژ سندۆقا زەمانێ خەرج بکەت و ھەموو کرێکار تێدا مفادارببن، ئەو ژی بۆ نەھێلانا بێکاریێ و بەرچاڤ گرتنا رەوشا کرێکاران.
ئەڤرۆ نیوز:
د. هێرش سەلیم جێگرێ رێڤەبەرێ گشتی یێ ساخلەمیا سلێمانیێ راگەهاند کو چەندین حالەتێن نوو یێن کۆرۆنایێ ل باژێرێ سلێمانیێ پەیدا بووینە و ئەو یەک ژی نیشانا پێلا دویێ یا کۆرۆنایێ یە.
جێگرێ رێڤەبەرێ گشتی یێ سالخەمیا سلێمانیێ ئەو یەک ژی دیار کر کو هەکە وەلاتی وەکو پێدڤی پێگیریێ ب رێنمایان نەکەن دێ کارەساتێن مەزن روو دەن.
ئەڤرۆ نیوز:
محەمەد حەنوون پەیڤدارێ وەزارەتا بازرگانی یا عیراقێ راگەهاند کو ئەڤسالە بەرهەمێ گەنمی ل هەموو عیراقێ و هەرێما کوردستانێ گەلەک باش بوویە و بەری نها ئەنجوومەنێ وەزیران بریار دایە کو هەموو گەنمێ پارێزگەهێن عیراقێ ل گەل یێن هەرێما کوردستانێ وەرگریت.
ناڤهاتی راگەهاند ژی کو سەرۆک وەزیرێن نوو یێن عیراقێ ژی گرنگیەکا مەزن ددەتە بابەتێ گەنمی و دێ هەموو گەنمێ جۆتیارێن عیراقێ ل گەل یێن هەرێما کوردستانێ وەرگرین.
ئەڤرۆ نیوز، زنار تۆڤی:
کامی کەمال پەیڤدارێ پشکا په‌یوه‌ندى و راگه‌هاندنێ ل كومه‌لگه‌ها ده‌روازێ نێڤده‌وله‌تى یێ ئیبراهیم خه‌لیل بۆ ئەڤرۆ نیوز ئاشکرا کر: کو هەر ژ رێكه‌فتى 1\1\2020 هەتا ١٨\٥\٢٠٢٠ پازده هزار و نه‌هـ سه‌د و نوت و حه‌فت تەن و سێ سه‌د و چل و هه‌شت كیلوگرامێن كه‌ره‌ستێن جورا و جور ل تاقیگه‌ها كۆمه‌لگه‌ها ده‌روازێ نێڤده‌وله‌تى یێ ئیبراهیم خه‌لیل هاتینه زڤراندن و ژناڤبرن، ژبه‌ركو ل گه‌ل رێنمایی یێن حوکمه‌تا هه‌رێما كوردستانێ نه‌دگۆنجایی بوون، كو پێك دهێن ژ كه‌ره‌ستێن (ساخله‌میێ، خوارن و ڤه‌خوارنێ، كوزماتیك، فیتێرنه‌رى، چاندن و بیناسازیێ).
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ راگه‌هاند رێنمایێ ل ته‌ڤایا قوتابیان دكه‌ین بۆ تاقیكرنان ده‌ستگوركانِ و ماسكان بكار بینن و دوراتیا ناڤبه‌را قوتابیان ژ دومه‌تران كێمتر نه‌بیت، نابیت قوتابی پێنوس و پێدڤیێن تاقیكرنان بده‌نه‌ڤ ئێك.
سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ د بریاره‌كێ دا بناڤێ رێنمای بۆ ده‌مێ تاقیكرنا قوتابیان راگه‌هاند ب ئارمانجا خو پارێزیێ هه‌مبه‌ر ڤایرۆسێ كورونایی داخازێ دكه‌ین به‌ری تاقیكرنان قوتابی یێن وه‌زاره‌تا په‌روه‌ردێ و خاندنا بلند رۆژانه پشكنینێن نوژداری بۆ بهێنه‌كرن، هه‌كه پله‌یا گه‌رماتیێ بۆ 37.2 پله دڤێت ئه‌و قوتابی ل جهه‌كێ جوداكری تاقیكرنان بكه‌ت، پاشی ره‌وانه‌یی پشكنینێ بهێته‌كرن.
لگۆری بریارا وه‌زاره‌تا ساخله‌میا هه‌رێمێ پێدڤیه كارگێریا قوتابخانان ده‌ستگورك و ماسك هه‌بن ده‌می قوتابی ژبیر دكه‌ت بده‌نه‌ڤێ، پێدڤیێن خوپارێزیێ قوتابی ل گه‌ل خو ب ئینن .
ئه‌ڤرۆ ینوز:
ئوپراسیونا سه‌ربازی ل دژی چه‌كدارێن داعشێ ل توخیبێ كه‌ركووكێ ده‌ستپێكر.
ئوپراسیونا سه‌ربازی ل دژی چه‌كدارێن داعشێ ل توخیبێ كه‌ركووكێ ب پشته‌ڤانیا فرۆكه‌یێن شه‌ری یێن عیراقێ ل ده‌ڤه‌را البوحمدان و كبیه ل توخیبێ قه‌زا حه‌ویجه ب پشكداریا هێزا دژه تیرۆرا عیراقێ ده‌ست پێكر.
ئارمانج چ ئه‌ڤێ ئوپراسیونێ نه‌هێلانا چه‌كدارێن داعشێ یه ل وێ ده‌ڤه‌رێ كۆ ئه‌ڤه ده‌مه‌كه ڤه‌لڤین و كریارێن تیروریستی ل ئه‌وێ ده‌ڤه‌رێ به‌ره‌ڤ زێده‌بوونێ ڤه دچوون.
ئه‌ڤرۆ نیوز:
فراكسیونا پارتی ل په‌رله‌مانێ كوردستانێ د به‌یاننامه‌یه‌كێ دا ده‌ربارێ برنا ده‌رڤه‌یا شه‌ش ملیار دۆلاران ژلایێ كۆمپانیه‌كێ بۆ به‌نكه‌كا ئه‌ورۆپی به‌لاڤكر.
د به‌یاننامه‌یا فراسیونا پارتی ل په‌رله‌مانێ كوردستانێ ئه‌و چه‌نده ژی به‌لاڤكر، كۆ ئه‌ڤه چه‌نده‌كه به‌حسێ برنا شه‌ش ملیار دۆلاران ژلایێ كۆمپانیه‌كێ بۆ به‌نكه‌كا ئه‌وروپی، ئه‌م وه‌ك فراكسیونا پارتی داخازێ ژ حكومه‌تا هه‌رێما كوردستانێ و داواكارێ گشتی دكه‌ین بۆ ساخكرنا ئه‌ڤی بابه‌تی رێ و ئاوایێن پێدڤی بكار بینن.
ئه‌ڤه ژی ده‌قێ به‌یاننامه‌یا فراكسیونا پارتی ل په‌رله‌مانێ كوردستانێ یه:
ده‌مه‌كه به‌حسا برنا شه‌ش ملیار دۆلاران دهێته‌كرن ژلایێ كۆمپانیه‌كێ بۆ به‌نكه‌كا ئه‌وروپا، ئه‌م وه‌ك فراكسیونا پاتی داخازێ ژ حكومه‌تا هه‌رێما كوردستانێ و داواكارێ گشتی دكه‌ین بۆ ساخكرن و زه‌لالكرنا ئه‌ڤی بابه‌تی رێ و ئاوایێن پێدڤی بكار بینن.
هه‌ر لایه‌نه‌ك ل سه‌ر ئه‌ڤی بابه‌تی گرۆڤ هه‌نه بلا پێشكێشی لایه‌نێن په‌یوه‌ندیدار بكات و به‌رچاڤ روونیێ بده‌نه خه‌لكێ كوردستانێ، بۆ ئه‌وێ چه‌ندێ روون بیت ئه‌رێ ئه‌ڤ بابه‌ته دروسته یان نه چونكو ئه‌ڤا هه‌یی نوكه به‌س ئاخڤتن و پشته‌ڤانیا كرداریی دكه‌ین ل ئه‌ڤی بابه‌تی.
هه‌ر دڤێرێ دا وه‌ك فراكسیونا پارتی پشت راستیێ ده‌ینه خه‌لكێ كوردستانێ، به‌رنامه‌یێ كارنامه‌یا پارتی و پێنگاڤێن حكومه‌تا هه‌رێما كوردستانێ د پێخه‌مه‌تا چاكسازیێ و شه‌فافیه‌ت و راستی تێدایه، ب چ ئاوایه‌كی داگێرانێ ل سه‌ر مه‌بادئێن خو ناكه‌ین و ل گه‌ل خه‌لكێ كوردستانێ راستگۆ دبین و نوونه‌راتیا خواستێن وه‌لاتیان دكه‌ین.
فراكسیونا پارتی ل په‌رله‌مانێ كوردستانێ
ئه‌ڤرۆ نیوز:
لگۆری نووترین ئامارێن توشبوویێن كورونایێ ل جیهانێ ژ چار ملیۆن و 800 هزار 229 كه‌سان ده‌رباز بوویه.
ژ چار ملیۆن و 800 هزار و 229 كه‌سان 316 هزار و 732 كه‌س مرینه و ملیۆنه‌ك و 860 هزار و 56 توشبوو ژی ساخ بوینه.
پرانیا توشبوویان ل ئه‌مریكا هاتیه توماركرن كۆ ملیۆنه‌ك و 527 هزار و 664 توشبوو هه‌نه و 90 هزار و 978 كه‌س مرینه.
نيشاندان