ئەڤرۆ نیوز:
رێڤەبەریا گشتی یا گەشتوگۆزارێ ل پارێزگەها دهۆکێ ئاگەهداریا هەمی کۆمپانی و بریکار و نڤیسینگەهێن گەشتیاری یێن پارێزگەها دهۆکێ دکەت کو ژ ئەڤرۆ 23/8/2020 دشێن گرۆپێن گەشتیاری ژ پارێزگەهێن (هەولێر، سلێمانی، حەلەبجە) بیننە پارێزگەها دهۆکێ و بەرۆڤاژی ژ پارێزگەها دهۆکێ ژی ببەنە پارێزگەهێن ناڤهاتی بێ کو پشکنینا کۆرۆنایێ ل زالگەهان بۆ گەشتیاران بهێتە ئەنجامدان.
رێڤەبەریا گشتی یا گەشتوگوزارێ داخواز ژ هەموو گەشتیاران ژی دکەت کو پێگیریێ ب رێنمایێن ساخلەمیێ بکەن.
ئهڤرۆ نیوز:
د. دارا رهشید وهزیرێ پلاندانانا حوكمهتا ههرێما كوردستانێ و ئهندامێ چاندێ دانوستانكارێ ههرێمێ بۆ بهغدا راگههاند ههولێر و بهغدا ل چهند رۆژێن بوری ل دهمێ سهرهدانا كازمی بۆ ئهمریكا پشتی ڤهگهراندنا وی دێ بهردهوام بین ل ههڤگوهارتنا بوچوونان ل سهر ئاریشهیێن دناڤبهرا ههرێم و بهغدا بۆ چارهكرنێ، دوی چارچوڤهیی دا رهشنڤیسێ رێكهتنا تایبهت ب موچهیێ فهرمانبهرێن ههرێمێ ئێخستیه بیاڤێ بجهكرنێ دا.
ئهندامێ دانوستانكارێ ههرێمێ بۆ بهغدا ئهو چهنده ژی راگههاند: رێكهتن بۆ درێژاهیا ئیسال كار پێ هێتهكرن و بهغدا پارهیێ موچهیێن فهرمانبهرێن ههرێما كوردستانێ هنێریت، بریاره ژی د دهمهكێ نێزیك دا ب مهبهستا بهرههڤكاریێن دانوستاندنێ ل سهر ژمارهیهكا دوسهیێن دناڤبهرا ههولێرێ و بهغدا بۆ پرۆژهیێ یاسایا بۆدجا سالا 20221 یا عیراقێ، شاندێ ههرێمێ سهرهدانا بهغدا كهت.
لگۆری ئهوێ رێكهتنا دناڤبهرا ههرێم و بهغدا هاتیه ئهنجامدان، فهرمانبهرێن دیوانا چاڤدێریا عیراقێ دچنه دهرگههێن خالێن توخیبی و رێژهیا 50% یا گۆمركێ بۆ بهغدا چیت، ههمبهر بهغدا 320 ملیار دیناران ههیڤانه بۆ ههرێما كوردستانێ رهوانه كهت.
ئهڤرۆ نیوز:
وهزارهتا ساخلهمیا حوكمهتا ههرێما كوردستانێ، ژماره و رێژهیا توشبوویێن ڤارۆسێ كورونایێ د ماوهیێ ههفتیهكێ دا ل ههرێما كوردستانێ بهلاڤكرن.
ئهڤرۆ 23/8/2020 وهزارهتا ساخلهمیا حوكمهتا ههرێما كوردستانێ، ئامارا ڤایرۆسێ كورونایێ ژ 14/8/2020 ههتا 20/8/2020 سێ هزار و 712 كهس تووشی كورونایێ بوون.
وهزارهتا ساخلهمێ ئهو چهنده ژی دازانین د ئهڤێ ههفتیێ ل ههرێما كوردستانێ 163 كهس ب ئهگهرێ ڤایرۆسێ كورونایێ گیانێ خوه ژ دهست داینه.
ئهڤرۆ نیوز:
ئومێد خوشناو پهیڤدارێ وهزارهتا كارهبا ههرێما كوردستانێ راگههاند ل چاڤ سالێن بوری د ئهڤێ ههیڤێ دا باشترین رێژا كارهبێ بۆ وهلاتیان هاتیه دابینكرن، كۆ د ئهڤێ ههیڤێ دا ب تهڤایی 21 دهژمێران كارهبا هاتیه دان ب وهلاتیان، چ سالهكێ وهك ئهڤێ رێژهیێ باش نهبوویه، ئهڤه ژی ب بزاڤێن زۆر هاتیهكرن.
پهیڤدارێ وهزارهتا كارهبا ههرێما كوردستانێ ئهو چهنده ژی راگههاند دشیێن دهمژمێرێن نیشتمانی زێده بكهین، ب تایبهتی ب دانانا پیڤهرێن زیرهك كۆ ئهو پرۆژه تانوكه یی بهردهوامه، كۆ زێدهتری 260 هزار پیڤهرێن زیرهك هاتینه دانان ژ ڤێ چهندێ 86 هزار ب سهنتهرێ كۆنترولی ڤه هاتینه گرێدان، ل ههموو كوردستانێ، زێدهتری ملیۆنهك و 500 هزار پشكدارێن كارهبێ ههنه، تانوكه 260 هزار پشكداران پیڤهرێن زیرهك یێ كارهبێ بۆ هاتیه دانان.
ناڤبری ئهو چهنده ژی دازانین كۆ زێدهباری دامهزراندنا چهند ئێسگههێن كارهبێ و ههردو ئێسگههێن كاروئاڤیا دوكان و دهربهندیخان، بهلێ نوكه بهرههم نهگههشیته ئاستێ خواستێ ل ههرێمێ، ئێسگههێن مه 3700 میگاواتێن كارهبێ بهرههم دئینن، بهلێ خوساتا كارهبێ 4250 میگاواتێن كارهبێ یه.
ئهڤرۆ نیۆز، عهزیز ههورامی:
ڕۆژی 22/8/2020 كۆمهڵێك خهڵك لهناو بازاڕی ههڵهبجه گردبونهوهیهكیان ئهنجامدا و داوای مووچه و لهكاتی خۆیدا دابهشكردنیان كرد، بۆ شهوهكهی له لایهن كۆمهڵێك گهنج به ناوی خۆپێشاندانهوه ههڵیان كوتاییه سهر چهندین فهرمانگهی حكوومهت زیانی زۆریان پێگهیاند، پاشان ڕۆشتنه سهر لقی 12ی پارتی له شارهكه و تهقهیان لێدهكرد.
كوێستان ئهكرهم، سهرۆكی شارهوانی ههڵهبجه به ئهڤرۆ نیۆزی ڕاگهیاند:” شهوی ڕابردوو له هێرش كردنه سهر شارهوانی كۆگای ههڵگرتنی مهلهفاتی هاوڵاتییان سوتێندرا كه مهلهفی 30 ساڵ لهمهو پێشی تێداییه ئهوه كهی داوا كردنی مافه زیانی گهوره به شارهوانی گهیهندراوه.
كوێستان ئهكرهم دهڵێ:” كامیرهكانی چاودێری ڕوداوهكانیان تۆمار كردووه، له دادگا سكاڵا تۆمار دهكهین لهسهر هێرش بهران، شارهوانی دامهزراوهیهكی خزمهت گوزارییه، ئهوهی كرا تاوانه.
له خۆپێشاندانهكهی شهوی ڕابردوو هێرش كراوهته سهر لقی 12ی پارتی و له چوار لاوه تهقهیان لێكردووه.
لهو بارهوه بهسام عهلی بهرپرسی لقی 12ی پارتی دهڵێ:” دووێنێ شهو تهنها هێرش كراوهته سهر بارهگای ئێمه بۆ تهنها ئێمه له كاتێكدا ئێمه عامیلی خێر بووین ههمیشه له ڕێگهی ئێمهوه بهشایهتی بهرپرسانی حكوومهت داواكاری بۆ حكوومهت بهرز كراوهتهوه بۆ جێبهجێ كردنی پڕۆژهی خزمهت گوزاری.
بهسام عهلی دهشڵێت:” به ههڤاڵانی خۆمانمان وت ددان بهخۆتاندا بگرن و كاردانهوهتان نهبێت تا ئهوكاتهی بهماتۆڕێكهوه هاتنه سهر لق و تهقهیان لێكردین، پاشان له چوار لاوه تهقه له بارهگای لق كرا، بۆیه ئهوكات ئیزندرا تهقه به سهر خۆپێشاندهراندا بكرێت تاكو دووركهونهوه نهتوانن بێنه ناو بارهگاكهمانهوه.
له هێرشهكانی شهو ڕابردوو بۆ سهر دامهزراوهكانی حكوومهت بنكهی پۆلیسی هاتووچۆ بهتهواوهتی سوتێندرا، بهشێكی شارهوانی سوتێندرا، قایمقامییهتی ههڵهبجه و پۆلیس و دادگا و بهڕێوهبهرایهتی كشتوكاڵ بهرد باران كران، زیانی گهوره بهر ئابووی و بیناكانی حكوومهت كهوتووه.
ئهڤرۆ نیوز:
وهزیرێ ساخلهمیا فهرهنسا راگههاند بهلاڤبوونا بلهزا كوڤید 19 دناڤ ئهو كهسێن كو ژیێ وان ل بن 40 سالێ دانه چار هنده بلهزتره ژ بهڤلابوونا ڤایرۆسی دناڤبهرا ئهو كهسێن كو ژیێ وان د 65 سالیی دانه.
ئولیڤیه ڤیران وهزیرێ ساخلهمیا فهرهنسا راگههاند فهرهنسا د رهوشهكا پری مهترسیدایه، بهلاڤبوونا بلهزا كوڤید19 دناڤ ئهو كهسێن كۆ ژیێ وان د بن 40 سالیێ دا چار هندهیێ بهلاڤبوونا بلهزا ڤایرۆسی یه دناڤبهرا ئهو كهسێن كو ژیێ وان سهر 65 سالیێ دانه.
وهزیرێ ساخلهمیا فهرهنسا ئهو چهنده ژی راگههاند نوكه ئهو زیانێن ساخلهمیێ ب ئهگهرێ كورونایێ دناڤ دانعهمران و خودانێن نهخوشییێن درێژخایهن دهردكهڤیت كۆ زێدهتر مهترسیدار تر بوویه، زێدهبوونا ئاستێ بهلاڤبوونا كورونایێ پێدڤی ب راگههاندنا قهدهغهیا هاتنوچونا تهڤایی ل وهلاتی ناكهت، بكار ئینانا رێكارێن ژ ئهڤی جوری پهیوهندی ب ئیمانوێل ماكرون سهرۆكێ فهرهنساڤه نینه، بهلكو ئاریشه ب ههموو ئێكهتیا ئهورۆپاڤه ههیه.
لگۆری ماران تانوكه 238 هزار و 136 توشبوویێن ڤایرۆسێ كورونایێ ل فهرهنسا هاتینه توماركرن، ژ ئهڤێ ژمارهیێ ژی 30 هزار و 512 كهسان ژی گیانێ خوه ژ دهست دایه.
ئهڤرۆ نیوز:
شارهزایهكێ سهقا ناسیا عیراقێ راگههاند لگۆری پێشبینین سهقا ناسیێ دهستپێكا ههیڤا ئیلول پێشبینیا نزمبوونا زێدهترا پلهیێن گهرماتیێ و پێلهكا باران بارینێ ل عیراقێ دهێتهكرن.
سادق عهتیه شارهزایێ سهقا ناسیا عیراقێ راگههاند نهخشهیێ ب ههلمبوونا ئاڤێ و دیاریكرنا پلهیێن گهرماتیێ ئاماژهنه ب ئهگهرهكێ بهێزێ بارانبارینێ ل دهستپێكا ههیڤا ئیلولێ ل عیراقێ.
رێڤهبهراتیا سهقا ناسیا ههرێما كوردستانێ راگههاند ئهڤرۆ یان سوبههی ئاسمانێ ههرێمێ سافی و هندهك عهور دبیت، ل گهل زێدهبوونا بلهزا بایی ل دهڤهرێن رۆژئاڤایێ ههرێمێ.
ئهڤرۆ نیوز:
ئهڤرۆ 23/8/2020، مهسرور بارزانی سهرۆكێ حوكمهتا ههرێما كوردستانێ د پهیوهندیهكا تهلهفونی دا ل گهل ئازاد توفیق پارێزگارێ ههلهبجه، رهوشا دهڤهرێ و ژ روویێ ساخلهمیێ و خزمهتگۆزاری ڤه دانوستاندن ل سهركرن.
سهرۆكێ حوكمهتێ د ئهوێ پهیوهندیا تهلهفونێ دا دلتهنگیا خو ههمبهر ئهوێ ئاژاوه و هێرشكرنا سهر دهزگههێن حوكمهتی و مولك و مالی گشتی و وهلاتیان دهربری كۆ چهند كهسان ل بن ناڤی خونیشاندانێ ل ههلهبجه و چهند دهڤهرهكێن دی ئهنجام داین.
مهسرور بارزانی سهرۆكێ حوكمهتێ ئاماژه ب وێ چهندێ ژی دا كۆ ئهنجامدانا خونیشاندانان ب شێوهیهكێ ئاشتیانه و شارستانی مافی وهلاتیانه، بهلێ سوتاندن و تێكدانا مول و كالێ گشتی و وهلاتیان دچیته خانهیا تاوان و پێدڤیه رێكارێن یاسایی ههمبهر ئهنجامدهران بهێته بكار ئینان.
د تهوهرهكێ دی یێ ئهوێ پهیوهندیا سهرۆكێ حوكمهتێ ل گهل پارێزگارێ ههلهبجه ل سهر دو برۆژێن گرنگ ل توخیبێ پارێزگههێ هاتهكرن، كۆ ئێك ژ وان پرا توهقوت كۆ ژلایێ وهزارهتا ئاڤهدانكرنێ دهێته ئهنجامدان، ههروهسا دهڤهرا پیشهسازیا خوارنێ كۆ دهستهیا وهبهرهێنانێ ئهنجام ددهت، ههر دو پرۆژه ل قوناغا دوماهیا بهرههڤكاریێ دانه و ل دهمهكێ نێزیك رێكارێن ئیداری بهرێ بنیاتی بۆ ههردو پرۆژان هێته دانان.
تهوهرهكێ دی رهوشا ساخلهمیێ بوو ل توخیبێ ئهوێ پارێزگههێ و پێنگاڤێن بهرهنگاربوونا ڤایرۆسێ كورونایێ ئێخستنه بهر دانوستاندنان.
ئهڤرۆ نیوز:
د.خالس قادر رێڤهبهرێ گشتی یێ دیوانێ ل وهزارهتا ساخلهمیا حوكمهتا ههرێما كوردستانێ راگههاند جهێ داخێ یه وهلاتی ماسكا بكارهاتی دهاڤێنه سهرجادهیان و جهێن گشتی ئهڤێ ژی زیان و مهترسیێن خو ههنه، چونكو ئهگهرێ ڤهگۆهاستنا ڤایرۆسێ كورونایێ زێدهتر دكهت، پێدڤیه وهلاتی ئهوان ماسكێن دهاڤێژن بكهنه ناڤ سهلهیێن گلێشی دا، بۆ ئهوێ چهندێ دوور بیت ژ دهستێ وهلاتیان و جارهكا دی كهسهكێ دی دهستێ خو بكار نهئینیت، ب تایبهت زارۆك و كرێكارێن پاقژكرنێ ژی هشیاری ڤه سهرهدهریێ ل گهل ئهڤێ چهندێ بكهن.
د.خالس قادر ئهو چهنده ژی راگههاند كهل و پهلێن چارهسهركرنا بكارهێنهرێن نهخوشخانهیێن ڤایرۆسێ كورونایێ ب شێوهیهكێ زانستی ب رێكا ئامیرهكێ تایبهت دهێنه سوتن و ب رێكا تیمهكێ تایبهت دهێنه ژناڤبرن.
نيشاندان