ئەڤرۆ نیوز:
وەزارەتا ساخلەمیێ راگەهاند، توشبوویەکێ نوو یێ ڤایرۆسێ کۆرۆنا یێ ل سلێمانیێ هاتە دەستنیشان کرن.
وەزارەتا ساخلەمیا حوکمەتا هەرێما کوردستانێ راگەهاند، توشبوویەکێ نوو یێ ڤایرۆسێ کۆرۆنا یێ ل سلێمانیێ هاتە دەستنیشان کرن، کو زەلامەکێ د ژیێ ٥٠ سالیێ دایە.
هەروەسا دیار کریە: ئەو زەلام ئاکنجیێ ناڤ باژێرێ سلێمانیێ ب خوەیە، ژبەر دەرکەفتنا نیشانێن کۆرۆنا یێ پشکنین بۆ وی زەلامی هاتینە کرن، ئەنجام پۆزەتیڤ دەرچووینە.
ئەڤرۆ نیوز:
نوری مالكی سه‌رۆكێ ئیئتیلافا ده‌ولەتا قانوونێ راگه‌هاند: ئیئتیلافا وان دێ پشتەڤانیێ ل هه‌ر پێنگاڤەکێ کەت، یاکو حوکمه‌تا عیراقێ ب سه‌رۆكاتیا مسته‌فا كازمی، ژ پێخەمەتی خزمه‌تگوزاری و پارێزگاریكرنێ ل هه‌یبه‌ت و سه‌روه‌ریا ده‌وله‌تێ و سه‌پاندنا قانوونێ بهاڤێت.
میدیا یێن عێراقی دیار کرینە، کو مالكی گوتیە: هەڤپەیمانیا دێ پشتەڤانیێ ل کازمی کەت، هەکە پێنگاڤ د بەرژەوەندیا عیراقێ دا هاڤێتن، به‌لێ ئه‌گه‌ر پێنگاڤێن خەلەت هاڤێتن و زیان گەهاندە به‌رژه‌وه‌ندیا گشتی و وەلاتیان و خزمه‌تگوزاری و سه‌ره‌وه‌ریا وەلاتی، دێ ل دژی وی راوەستین.
مالكی گوتیە ژی: هیڤیدارم حوکمه‌تا نوو پابه‌ندی وی ئه‌ركێ خوە بیت، یێ بۆ هاتیە دیار كرن، گرنگترین تشت ژی ڤەگه‌راندنا هه‌یبه‌تا ده‌وله‌تێ و ئه‌نجامدانا ئاماده‌كاریان بۆ هه‌لبژارتنێن پاقژ و پێشوه‌خت و چاره‌سه‌ركرنا كێشێن ئابووری و پێشێلكاریێن ئه‌منی.
ئەڤرۆ نیوز:
جوتیار عادل پەیڤدارێ حوکمەتا هەرێما کوردستانێ راگەهاند کو ژ بەر کۆرۆنایێ و داکەفتنا بهایێ پەترۆلێ داهاتێ حوکمەتێ گەلەک کێم بوویە و ل هەموو جیهانێ ژی ئاریشێن دارایی بۆ وەلاتان دروست بووینە.
پەیڤدارێ حوکمەتا هەرێما کوردستانێ ئەو یەک ژی دیار کر کو هەموو داهاتێ ل بەر دەستێ حوکمەتێ دێ بۆ مووچەی هێتە مەزاختن.
ناڤهاتی ل دۆر دانوستاندنێن ل گەل بەغدایێ ژی دیار کر کو دانوستاندنێن د ناڤبەرا هەرێما کوردستانێ و بەغدا دا دێ بەردەوام بن و گۆت: (ئاریشێن هەرێما کوردستانێ ل گەل بەغدا تنێ ئاریشێن دارایی نینن، گەلەک ئاریشێن دی ژی هەنە، نها حوکمەتا هەرێما کوردستانێ ب هەموو رەنگەکێ کار دکەت کو پرسا مووچەی و شایستێن دارایی ل گەل بەغدا چارەسەر بکەت و ژ بەر هندێ ژی دێ دانوستاندن د بەردەوام بن).
ئەڤرۆ نیوز:
نێچیرڤان بارزانی سەرۆکێ هەرێما کوردستانێ ل هەولێرێ پێشوازی ل ستیڤن فەیگن کۆنسولێ گشتی یێ ئەمریکا ل هەولێرێ کر و د کۆمبوونێ دا بەحسێ رەوشا سیاسی ل عیراقێ و هەرێما کوردستانێ هاتە کرن.
سەرۆکێ هەرێما کوردستانێ دیار کر کو سەرۆکاتیا هەرێما کوردستانێ دێ بەردەوام کار کەت ژ بۆ پاراستنا ئێکەتیا ئالیێن سیاسی و ئارامیا ل هەرێما کوردستانێ.
سەرۆکێ هەرێما کوردستانێ پشتەڤانیا خوە بۆ کابینا نوو یا حوکمەتا عیراقێ ب سەرۆکاتیا مستەفا کازمی ژی دیار کر و راگەهاند کو هەرێما کوردستانێ بەرهەڤە هەموو پرسێن هەی ل گەل بەغدایێ ب رێیا دستووری چارەسەر بکەت.
ئه‌ڤرۆ نیوز، بارزان مزووری:
مقدمێ مافپه‌روه‌ر بێوار عەبدولعەزیز، به‌رپرسێ په‌یوه‌ندی و راگه‌هاندنا به‌ره‌ڤانیا پارێزگه‌ها دهوك بۆ ئه‌ڤرۆ نیوز گۆت: (ئه‌ڤرۆ ده‌مژمێر 7 سپێدێ رێكکه‌فتی 13/5/2020 په‌یوه‌ندی ب بنگه‌هێ ئاگرڤه‌مراندنێ یێ ناحیا قه‌سرۆك هاتە كرن ب هه‌بوونا روودانه‌كا ئاگری دناڤ سه‌نته‌رێ ناحیا كه‌له‌كچی كو ئاگر ب ترۆمبێله‌كا بارهه‌لگر تانكه‌ر كه‌فتیه تیمێن مه ئێكسه‌ر به‌رهه‌ڤ بوون ئاگر كونترول كر به‌ری زیان زێده‌تر لێ بهێن).
ناڤهاتی خۆیاكر لیژنه‌ك هاتیه پێكئینان بۆ دیاركرنا ئه‌گه‌رێ ئاگر تێبه‌ربوونێ ژ به‌ر كو هه‌تا نها دیار نه‌بوویه ئاگر ب چ شێوه‌ی به‌ربوویه وێ ترۆمبێلێ).
ناڤهاتی گۆت داخقاز ژ وه‌لاتیێن خوشتڤی دكه‌ین د نها دا رۆژ ب رۆژێ یێ به‌ره‌ڤ وه‌رزێ هاڤینێ دچین رێژا روودانا زێده‌تر لێ دهێت پێدڤیه هه‌ر روودانه‌كا دروست دبیت وه‌لاتی ئاگه‌هداربن خوو نێزیك روودانێ نه‌كه‌ن دا كارمه‌ندێن مه بشێن كارێ خوە ب سه‌ركه‌فتیانه ئه‌نجام ده‌ن ژ به‌ر كو خرڤه‌بوونا وه‌لاتیان ل جهێ روودانێ مه‌ترسیه ل سه‌ر ژیانا وه‌لاتیان و مه ژی).
ئه‌ڤرۆ نیوز:
وه‌زیرێ بازرگانی و پیشه‌سازیا هه‌رێما كوردستانێ راگه‌هاند 200 هزار هاریكاریێن خوارنێ یێن به‌رهه‌ڤكرین ل چه‌ند رۆژێن بهێت دێ ده‌ست ب پارڤه‌كرنا وان هێته كرن.
كه‌مال موسلم وه‌زیرێ بازرگانی و پیشه‌سازیا هه‌رێما كوردستانێ د كۆنگره‌یه‌كێ رۆژنامه‌ڤانی دا راگه‌هاند: پشتی به‌لاڤ بوونا كورونایی حاله‌ته‌كێ نه‌ئاسایی روو ل هه‌موو جیهانێ كر، ژ وان ژی هه‌رێما كوردستانێ ب ئه‌گه‌رێ ئه‌وی ڤایرۆسی پرانیا سێكته‌رێن ژیانێ تایبه‌ت كارخانه و كارگه‌هـ هاتنه راوه‌ستاندن، هاتنوچون ناڤبه‌را وه‌لاتان و ناڤخویا وه‌لاتان هاتنه راوه‌ستاندن ب بوو مه‌ترسیه‌ك ل گه‌ل ئاریشا ساخله‌میێ ئاریشا خارنێ ژی دروست بیت.
وه‌زیرێ بازرگانی و پیشه‌سازیا هه‌رێما كوردستانێ ئه‌و چه‌نده‌ژی دیاركر ل هه‌رێما كوردستانێ ژبوی ژڤێ قه‌یرانێ رزگار بین ب كێمترین زیان، ل گه‌ل كێماسی و ئاریشه‌یێن دابینكرنا خوارنێ ئێك بۆ ژ بابه‌تێن سه‌ره‌كی یێن حكومه‌تێ، چونكو مه‌ترسیا ئه‌وێ چه‌ندێ هه‌بوو قه‌یرانا خارنێ روو بده‌ت، حكومه‌تێ بوردێ برێڤه‌به‌رنا سه‌رپه‌رشتیكرنا خارنێ پێك ئینانا ئه‌ندامه‌تیا وه‌زاره‌تێن بازرگانی و ناڤخو و چاندن و دارایی و پلان و هه‌موو جێگرێن پارێزگاران و ژوورێن بازرگانی و ئیداری یێن سه‌ربه‌خو.
كه‌مال موسلم وه‌زیرێ بازرگانی و پیشه‌سازیا هه‌رێما كوردستانێ د كۆنگره‌یه‌كێ رۆژنامه‌ڤانی دا ئه‌و چه‌نده ژی دازانین ئه‌و خارن بۆ خه‌لكێ هه‌ژار و كێم ده‌رامه‌ت هاتیه دابینكرن كۆ پێكهاتیه ژ 10 هزار ته‌نێن ئاری و چار ملیۆن لتر زه‌یت و هزار ته‌نێن نیسكان و 420 هزار قودیكێن ته‌ماتێ و ژبوی ب سه‌ر خه‌لكێ هه‌ژار دا بهێته دابه‌شكرن.
وه‌زیرێ بازرگانیی و پیشه‌سازیا حكومه‌تا هه‌رێما كوردستانێ ئه‌و چه‌نده ژی دیاركر كۆ 70 هزار بۆ هه‌ولێری و 50 هزار بۆ سلیمانیی و 50 هزار بۆ دهۆكی و 8 هزار بۆ هه‌له‌بجه و 10 هزار بۆ گه‌رمیان و 12 هزار بو راپه‌رین بن.
وه‌زیرێ بازرگانی و پیشه‌سازیا هه‌رێم: زێده‌تری نه‌ه ملیۆن و 747 هزار دۆلار بۆ كرینا كه‌ل و په‌لان هاتینه مه‌زاختن، بهایێ 331 ملیۆن و 339 هزار دیناران بۆ ڤه‌گۆهاستنێ هاتینه مه‌زاختن، ل چه‌ند رۆژێن بهێت ژلایێ پارێزگه‌هانڤه لگۆری پیڤه‌رێ هاتیه دانان دگه‌هته ده‌ستێ پاریزگه‌ه و ئیداره‌یێن سه‌ربه‌خو بۆ پارڤه‌كرنێ.
ئه‌ڤرۆ نیوز:
حكومه‌تا عیراقێ ب ژڤانه د پێخه‌مه‌تا دابینكرنا موچه و بودجێ پرۆژه‌یه‌كێ قه‌رێن ناڤخو و ده‌ره‌كی دایه جڤاتا نوونه‌ران ژبو په‌سندكرنێ.
موزهیر محه‌مه‌د راوێژكارێ دارایی یێ سه‌رۆك وه‌زیرێ عیراقێ راگه‌هاند حكومه‌تێ پرۆژه یاسایه‌ك پێشكێشی جڤاتا نوونه‌رێن عیراقێ كریه ژبوی حكومه‌تێ سه‌ر پشك بكه‌ن ژ وه‌رگرتنا قه‌رێن ناڤخو و ده‌ره‌كی.
ناڤبری ئه‌و چه‌نده ژی دیاركر ب ئه‌گه‌رێ نه‌بوونا یاسایا بودجا 2020 حكومه‌ت نه‌شێت قه‌ران بكه‌ت، قه‌رێن ناڤخویی بۆ دابینكرنا پێدڤیێن حكومه‌تێ یه دناڤا وان دا ژی موچه‌یه ب قه‌رێن ده‌ره‌كی ژی پرۆژه‌یێن وه‌به‌رهێنانێ بێ دهێته ته‌مامكرن .
ئه‌ڤرۆ نیوز:
بۆ روو ب روو بوونا ڤایرۆسێ كورونایێ، به‌نكا نێڤ ده‌وله‌تی زێده‌تری 33 ملیۆن دۆلاران هه‌ڤكاریا عیراقێ دكه‌ت.
ئه‌ڤرۆ 13/5/2020 به‌نكا نێڤ ده‌وله‌تی یا دراڤ د به‌یاننامه‌یه‌كێ دا راگه‌هاند ره‌زامه‌ندی ل سه‌ر دانا 33 ملیۆن و 600 هزار دۆلاران بۆ عیراقێ د چارچوڤه‌یێ پرۆژه‌یێ هه‌وارچوونێ دایه.
ئه‌و پاره‌یێ به‌نكا نێڤ ده‌وله‌تی ب دو قوناغان دهێته دان ب عیراقێ، قوناعا ئێكێ بهایێ حه‌فت ملیۆن و 800 هزار دۆلار ئامێر و كه‌ل و په‌لێن نوژداری هنێرنه عیراقێ، قوناغا دووێ بهایێ 25 ملیۆن و 800 هزار دۆلار ئامێر و كه‌ل و په‌لێن نوژدارێ هنێرنه عیراقێ.
ئه‌و پاره‌یێ به‌نكا نێڤ ده‌وله‌تی بۆ عیراقێ ته‌رخانكریه بۆ راهێنان ب كارمه‌ندێن ساخله‌میێ بخوڤه دگریت كۆ ل هێلا پێشیێ نه بۆ روو ب روو بوونا ڤایرۆسێ كورونایێ.
ئه‌ڤرۆ نیوز:
لگۆری ئاژانسێن نوچه‌گه‌هانیێن جیهانێ، مایك پومپیو وه‌زیرێ ده‌رڤه‌یێ ئه‌مریكا سپێده‌هیا ئه‌ڤرۆ گه‌هشته ئیسرائیلێ.
لگۆری زانیاریێن میدیایی ئاماژه پێ هاتیه دان، سه‌ردانا مایك پومپیو چه‌ند ده‌مژمێره‌كان دێ ڤه‌كێشیت و ل گه‌ل بنیامین نه‌ته‌نیاهو سه‌رۆك وه‌زیرێ كاربرێكه‌ر و بینی گانتسی سه‌رۆكێ پارتا شین و سپی كۆم بیت.
دوێ سه‌ره‌دانێ دا پومپیو به‌رپرسێن بلندێن ئیسرائیلێ پرسا هه‌ژموونا ئیرانێ ل رۆژهه‌لاتا ناڤین و سه‌پاندنا ده‌سه‌لاتا ئیسرائیلی ب سه‌ر كۆمه‌لگه‌هێن نوو،كۆ بۆ ئاكنجیبوونا جوویان هاتینه دروستكرن دانوستاندنێ ل سه‌ر كه‌ن.
نيشاندان