ئەڤرۆ نیوز:
ژێدەرەکێ ژ شاندێ هەرێمێ ل بەغدا راگەهاند، شاندێ هەرێمێ و بەغدا ل سەر رادەستکرنا ٢٥٠ هزار بەرمیلێن نەفتێ بۆ بەغدا رێککەفتینە، دەربارەى هنارتنا مووچێ هەرێمێ شاندێ هەرێمێ راگەهاندیە، پشتى رێککەفتنێ ل سەر بابەتان هنارتنا مووچەی یا ب ساناهیە.
هەروەسا گۆتیە: ل چەند رۆژێن بهێت دا دێ شاندەکێ دی یێ هەرێمێ سەرەدانا بەغدا کەت و دێ کۆمبوون د بەردەوام بن، هەروەسا هەرێم یا بەرهەڤە ٢٥٠ هزار بەرمیلێن نەفتێ رۆژانە بۆ بەغدا بهنێریت و داهاتێ گومرکان ژى دێ ٥٠ ب ٥٠ بیت.
ئەڤرۆ نیوز:
ئەڤرۆ شەمبیێ 9.5.2020 حوکمەتا نوو یا عیراقێ ب سەرۆکاتیا مستەفا کازمی کۆمبوو و چەند بریارێن نوو دەربارەی مەزاختنا مووچێ خانەنشینان و هەلوەشاندنا بریارا راگرتنا مەزاختنا پارەی و مووچەی و ئەنجامدانا هەلبژارتنان دەر کرن.
د وێ کۆمبوونێ دا سەرۆکێ حوکمەتا عیراقێ و وەزیرێ دارایی سەرپشکن ژ بۆ مەزاختنا پارەی و مووچێ خانەنشینان، هەروەسا هەلوەشاندنا بریارا بەرێ یا راگرتنا پارێ مووچەی و مەزاختنان و رێدان ب پرۆژە قانوونێ قەرێن ناڤخۆ و دەرڤە بۆ پرکرنا کورتئینانا بودجێ سالا ٢٠٢٠ یێ عیراقێ.
ئەڤرۆ نیوز:
پێنج تووشبوویێن کۆرۆنا یێ ل هەولێرێ باشبوون، هەتا نوکە 194 کەس ل سنووری پارێزگەها هەولێرێ باشبووینە.
د. دلۆڤان محەمەد، رێڤەبەرێ ساخلەمیا هەولێرێ راگەهاند: پێنج تووشبوویێن ڤایرۆسێ کۆرۆنا یێ پشتی وەرگرتنا چارەسەریێن نۆشداری ب تەمامی باشبووینە و هاتینە رەوانەکرن بۆ مال.
ل هەرێما کوردستانێ 391 کەس تووشی ڤایرۆسێ کۆرۆنا یێ بووینە، ژ وان ژی 366 کەس چێبووینە و پێنج کەسان ژی گیانێ خوە ژ دەستدایە، هەتا نوکە ب تنێ 20 نەخۆش ل ژێر چاڤدێریا نۆشداران دا ماینە.
ئەڤرۆ نیوز:
سەرۆک مەسعود بارزانی سەرەخۆشیێ ل خێزانا پێشمەرگێ هەر دو شۆرەشێن ئەیلول و گۆلانێ عەبدولرەحمان حاجی عەلی دکەت، ئەڤە ژی دەقێ پەیاما سەرۆک بارزانی یە.
ب ناڤێ خودێ مەزن و دلۆڤان
ب داخ و خەمەکا زۆر ڤە، نووچەیێ وەغەرا دووماهیێ یا کەسایەتیێ نشتیمانپەوەر و پێشمەرگێ هەر دو شۆرەشێن ئەیلول و گۆلانێ عەبدولرەحمان حاجی عەلی گەهشتە مە.
خودێ ژێ رازی عەبدولرەحمان حاجی عەلی رۆلەکێ بەرچاڤ د هەر دو شۆرەشێن ئەیلولا مەزن و گۆلانێ دا هەبوویە و ب درێژاهیا ژیێ خوە خزمەتا رێبازا بارزانی و کوردایەتیێ کریە و ژ دەستدانا وی زیانەکا گەلەک مەزنە.
سەرەخوشیێ ل خێزانا تێکوشەرێ خودێ ژێ رازی عەبدولرەحمان حاجی عەلی و هەموو کەسوکارێن وی دکەین و خوە ب شریکێ خەما هەوە دزانین.
ژ خودایێ مەزن دخوازین گیانێ کاک عەبدولرەحمان حاجی عەلی بێخیتە بەر رەحمەتا خوە و ئۆقرەیی و ئارامیێ ببەخشیتە ھەموو ئالیان.
انا للە و انا الیە راجعون
مەسعود بارزانی
٩ی٥ی٢٠٢٠
ئەڤرۆ نیوز:
سپێدێ دووماهی رۆژا قەدەغەیا هاتنوچوونێ یە ل هەرێما کوردستانێ و پەیڤدارێ ژوورا ئۆپەراسیۆنێن هەولێرێ ژی دیار دکەت کو وان نێرینێن خوە ل دۆر رەوشا نها داینە وەزارەتا ناڤخوە و بێژیت: هەکە قەدەغەیا هاتنوچوونێ نەهێتە درێژکرن ژی دڤێت وەلاتی پێگریێ ب رێنمایان بکەن.
هێمن قادر پەیڤدارێ ژوورا ئۆپەراسیۆنان ل پارێزگەها هەولێرێ دیار دکەت کو وان دووڤچوونا رەوشا نها کرینە و ل دۆر رەوشا هەی نێرینێن خوە بۆ وەزارەتا ناڤخوە دیار کرینە و جارێ دیار نینە کا دێ قەدەغەیا هاتنووچوونێ هێتە درێژکرن یان نە، لێ هەر چاوا بیت دڤێت وەلاتی پێگریێ ب رێنمایان بکەن، چونکو هەکە رەوش ئالۆز بیت دێ جارەکا دی قەدەغەیا هاتنوچوونێ هێتە راگەهاندن.
ئه‌ڤرۆ نیوز:
لگۆری دوماهی ئامار، توشبوویێن ڤایرۆسێ كورونا ل جیهانێ گه‌هشته چار ملیۆن 16 هزار و 21 حاله‌ت بوون.
لگۆری ئامارێن جیهانێ، ژماره‌یا توشبوویێن كورونا ل جیهانێ گه‌هشته چار ملیۆن و 16 هزار و 21 حاله‌تان، ژ وێ ژماره‌یێ دو سه‌د و حه‌فتێ شه‌ش هزار و 269 كه‌س مرینه.
ل سه‌ر ئاستێ وه‌لاتێن جیهانێ، ئهمریكا زۆرترین رێژه‌یا توشبوویێن ڤایرۆسی توماركر و گه‌هشتیه ملیۆنه‌ك و 322 هزار و 163 كه‌س و حه‌فتێ و هه‌شت هزار و 616 كس ژی مرینه.
ڤایرۆسێ كورونا نه‌خوشیه‌كا كوژه‌كه و هه‌یڤا 12 سالا بوری ل باژێرێ ئوهان یێ چینێ سه‌رهلدایه و هه‌تا نوكه زێده‌تری 200 وه‌لاتێن جیهانێ به‌ربه‌لاڤ بوویه.
ئه‌ڤرۆ نیوز:
دیاركرنا سوپاسالارێ نوو یێ عیراقێ پشتی سپاردنا پوستێ وه‌زاره‌تا ناڤخوب سوپاسالارێ كه‌ڤن هاته دیاركرن.
لگۆری میدیایێن عیراقی، فه‌ریق روكن عه‌بدلئه‌میر شه‌مه‌ری پشكنه‌رێ سه‌ربازی یێ وه‌زاره‌تا به‌ره‌ڤانیا عیراقێ هاتیه به‌ربژاركرن بۆ پۆستێ سه‌رۆك ئه‌ركانێ سوپاسالارێ عیراقێ.
فه‌ریقێ ئێكێ یێ روكن عوسمان غانمی به‌ری نها سوپاسالارێ عیراقێ بوو، به‌لێ رۆژا 6/5/2020 وه‌ك وه‌زیرێ ناڤخویێ عیراقێ باوه‌ریا جڤاتا نوونه‌رێن عیراقێ بده‌ستڤه ئینا.
شه‌ڤا 6/5/2020 یا جڤاتا نوونه‌رێن عیراقێ ب زۆرینه‌یا ده‌نگان كابینه‌یا نوو یا حكومه‌تێ ب سه‌رۆكاتیا مسته‌فا كازمی په‌سندكر.
ئه‌ڤرۆ نیوز:
سه‌رۆك وه‌زیرێ نوو یێ عیراقێ د داخویانیا ئێكێ دا ده‌ربارێ موچا دیاركر كارێ ئٍێكێ یێ حكومه‌تێ دابینكرنا موچان.
ئه‌ڤرۆ مسته‌فا كازمی سه‌رۆك وه‌زیرێ عیراقێ راگه‌هاند: حكومه‌ت دێ به‌رده‌وام بیت د پارڤه‌كرنا موچه‌یێن خانه‌نشینان.
مسته‌فا كازمی ئه‌و چه‌نده ژی راگه‌هاند نابیت چ عیراقیه‌ك ب شه‌ڤێ بنڤیت هه‌كه حكومه‌ت ئه‌ركێن خو هه‌مبه‌ری وی وه‌لاتی بجهـ نه‌ئینابیت.
سه‌رۆك وه‌زیرێ نوو یێ عیراقێ دیاركر عیراق خانه‌نشینان ژبیر ناكه‌ت كو ژیێ خو دپێخه‌مه‌تا خزمه‌تا وه‌لاتی بووراندیه.
د شه‌ڤا 6/5/2020 جڤاتا نوونه‌رێن عیراقێ ب زۆرینه‌یا ده‌نگان كابینا نوو یا حكومه‌تا عیراقێ ب سه‌رۆكاتیا مسته‌فا كازمی هاته په‌سندكرن.
ئەڤرۆ نیوز:
هژمارا تووشبوویێن كۆرۆنا یێ ل ئیرانێ بلند بوویە، هەتا نوکە ل وی وەلاتی پتری شه‌ش هزار كه‌سان ب ئەگەرێ کۆرۆنا یێ گیانێ خوە ژ ده‌ست داینه.
د. کیانووش جەهانپوور، پەیڤدارێ لژنا بەرهنگاربوونا کۆرۆنا یێ ل ئیرانێ د پرێس كۆنفرانسەکێدا گۆت: هەتا نوکە شه‌ش هزار و 541 كه‌سان ب کۆرۆنا یێ گیانێ خوە ژ دەستداینە، هەروەسا د 24 دەمژمێرێن بوری دا هزار و 556 كه‌سێن دی تووشى كۆرۆنا یێ بووینە.
دیسان سەرجەمێ گشتی یێ تووشبوویان ل ئیرانێ گەهشتیە 104 هزار و 691 کەسان.
ئەڤرۆ نیوز:
پنتاگۆنێ راگەهاند: ب بڕیارەکا نوو دیاردا جگارهكێشانێ ل سه‌رجه‌م وان سه‌ربازێن سوپای قه‌ده‌غه كریە، یێن کو ژیێ وان ل ژێر 21 سالیێ دا و راگه‌هاند، ئەڤ بریاره ل ئێکی هەیڤا بهێت دێ كه‌ڤیته وارێ جێبه‌جێكرنێ دا.
هەروەسا گۆتیە: ئەڤ بریاره دێ هه‌موو جۆرێن جگارێن ئاسایی، ئه‌لكترۆنی و هەموو به‌رهه‌مێن تووتنێ ڤەگریت و ل سه‌رجه‌م پێگه‌هێن سه‌ر ب هێزێن چه‌كدار یێن ئهمریكا ب هەموو پله و پایان ل نافخۆ و ده‌رڤه و كه‌شتیان ژی دێ هێتە جێبه‌جێ کرن.
لدووڤ داتایێن ناڤه‌ندی یێن سه‌ر ب سوپا یێ ئهمریكا ڤە بۆ پارێزگاریكرنێ ل ساخلەمیێ، رێژا جگارهكێشانێ دناڤا سه‌ربازێن ئهمریكا ل ژێر ژیێ 25 سالیێ ل سالا 2018 گه‌هشتبوو نێزیكی 23%.
كۆری فیتز گیرالد، پەیڤدارێ ناڤه‌ندیە دبێژیت، ئارمانج ژ توندكرنا رێكارێن فرۆشتنا به‌رهه‌مێن توتنێ ئه‌وه، هەتا سالا 2025 دیاردا جگارهكێشانێ دناڤا ریزێن سوپایێ ئەمریکا دا ئێکجاری بهێتە بنبر کرن.
نيشاندان