ئەڤرۆ نیوز، عەلی حاجی :
سەروکێ لیستا پارتی دیموکراتی کوردستان ل ئەنجوومەنێ پارێزگەها دهوکێ بۆ ئەڤرۆ نیوز دیار کر پارێزگارێ دهوکێ وەکو قوناغا ئێکێ هاتە گوهورین و بۆ قوناغا دویێ ژی دێ شەش رێڤەبەرێن گشتی هێنە گوهورین و قوناغا سیێ ژی دێ قایمقام ژی هێنە گهورین.
زێدەتر هشیار گولی گۆت: (د پوستێ پارێزگارێ دهوکێ دا گوهورین هاتە ئەنجام دان ل جهێ بەرێز فەرهاد ئەتروشی دکتور عەلی تەتەر هاتیە بەربژێر کرن و دانان، هەر دیسان بۆ قوناغا دویێ شەش رێڤەبەرێن گشتیێن پارێزگەها دهوکێ دێ هێنە گوهورین کو ئەو رێڤەبەرێن دەمێ وان یێ یاسایی ب سەرڤە چوویی، ژ وان رێڤەبەریا گشتی یا کارەبێ و رەوشەنبیری و هونەری و ساخلەمی و کشتوکال و گەشت و گوزارە و رێڤەبەریەکا دیترە و ئەڤ گوهورینە ژی د دەمێ بهێت دا دێ ژلایێ ئەنجومەنێ پارێزگەها دهوکێ هێنە پەسەند کرن و گوهورینا پارێزگاری ژی دێ د ڤێ حەفتیێ دا بیت) .
ناڤبری خویاکر ژی بۆ قوناغا سیێ دێ قوناغا گوهورینا قایمقام و رێڤەبەرێن دیتر بیت و بەری نوکە ژی پێنچ رێڤەبەرێن گشتی ژی هاتبوونە گوهورین ل پارێزگەها دهوکێ و ئەڤ بەرنامێ گوهورینان ژی ل پارێزگەها دهوکێ ژلایێ پارتی دیموکراتی کورستان ڤە هاتبوو دانان.
ئهڤرۆ نیوز:
ئهڤرۆ 22/6/2020 مهسرور بارزانی سهرۆكێ حكومهتا ههرێما كوردستانێ ب رێكا ڤیدیو كۆنفرانس، سهرپهرشتیا كۆمبوونهكا تایبهت ب دانوستاندنان ل گهل حكومهتا فیدرالی كر.
د كۆمبوونێ دا جێگرێ سهرۆكێ حكومهتێ و ئهندامێن شاندێ دانوستاندنێ پشكدار بوون، دانوستاندن ل سهر دهرئهنجامێن دانوستاندن و چارهكرنا ئاریشهیێن ههلاویستی ل گهل حكومهتا فیدرال ل سهر بنهمایێ دستوری و گههشتنه ئهنجامێ رێكهتنێ ب ئاراستهیا دابینكرنا ماف و شایستهیێن دستوری یێن ههرێما كوردستانێ.
سهرۆكێ حكومهتا ههرێما كورستانێ تهئكید ل سهر ئهوێ چهندێ كر كۆ بهرههڤین بۆ چارهكرنا ئاریشهیان ل گهل بهغدا ب ئاوایهكێ دستوری ژبوی بگههینه رێكهتنهكا گشتگیر و تێدا ئهرك و بهرپرسیاریێن ههر لایهنهكی تێدا بهێنه دیاركرن و جهێ رهزامهندیا ههردو لایان بیت.
سهرۆكێ حكومهتا ههرێمێ ئهو چهنده ژی دازانین كۆ چارهكرنا ئاریشهیێن د ناڤبهرا ههردو ئالیان دا ل بهرژهوهندا تهڤایا وهلاتیین عیراقی دایه و پالدهرهكێ گرنگه بۆ بدهستڤه ئینانا سهقامگیریێ ل دهڤهرێ.
د ئهڤی كۆمبوونێ دا بریار هاته دان چاندێ بلندێ ههرێما كوردستانێ ب سهرۆكاتیا جێگرێ سهرۆكێ حكومهتا ههرێ سوبههی سهرهدانا بهغدا بكهت.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ب رێیا ڤیدیو کۆنفرانسەکێ سەرپەرشتیا کۆمبوونەکا تایبەت ل دۆر دانوستاندنێ ل گەل بەغدا کر و د کۆمبوونێ دا سەرۆکێ حوکمەتا هەرێما کوردستانێ راگەهاند کو ئەو بەرهەڤن رێککەفتنەکا گشتگیر ل گۆر دستووری ل گەل بەغدا ئیمزا بکەن و هەموو ئاریشێن هەی چارەسەر بکەن.
سەرۆکێ حوکمەتا هەرێما کوردستانێ راگەهاند ژی کو هەکە رێککەفتنەکا گشتگیر ل سەر بنەمایێ دستووری بهێتە کرن دێ د بەرژەوەندیا هەر دو ئالیان دا بیت.
مەسرور بارزانی دیار ژی کر کو دڤێت هەموو شایستێن دارای و مافێن دی یێن هەرێما کوردستانێ ل گۆر دستووری بهێنە گەرەنتیکرن.
ئهڤرۆ نیوز:
ل پارێزگهها زیقار یا باشوورێ عیراقێ، 231 كهس تووشی ڤایرۆسێ كورونایێ بوون و ههشت كهسان ژی گیانێ خو ژ دهست دایه.
ل پارێزگهها زیقار 231 توشبوویێن ڤایرۆسێ كورونایێ كوڤید 19 هاتینه دهست نیشانكرن، ههشت توشبوویان ژی گیانێ خو ژ دهست دایه.
فهرمانگهها ساخلهمیا زیقارێ ئهو چهنده ژی بهلاڤكر كۆ لژنهیهك پێك ئینایه ژبوی ئهگهرێن زێدهبوونا توشبوویان و گیان ژ دهستدانێ ب ڤایرۆسێ كورونایی ل ئهڤێ پاریزگههێ دهست نیشان بكهن.
لگۆری دوماهی ئامارێن ل عیراقێ هاتینه راگههاندن 30 هزار و 868 كهس توشی ڤایرۆسێ كورونایێ بووینه و ژ ئهڤێ ژمارهیێ ژی 10 كهسان گیانێ خو ژ دهست دایه و 13 هزار و 935 كهس ژی ساخ بووینه.
ئەڤرۆ نیوز،عەلی حاجی :
قایمقامێ زاخۆ د داخویانیەکێ دا بۆ ئەڤرۆ نیوز دیار کر شاندەکێ بلندێ سوپایێ عێراقێ رۆژا ئێک شەمبی سەرەدانا دەڤەرێن توپباران کری یێن ب سەر دەڤەرا زاخۆ ژبووی ئاگەهدار بوون ل سەر رەوشا وان دەڤەرێن نوکە شەرێ پەکەکێ و سوپایێ تورکیا لێ دهێتە کرن.
زێدەتە بوتان محسن گۆت: رۆژانە چاڤدێریا رەوشا دەڤەرێن سنوریێن کو نوکە شەرێ هێزێن پەکەکێ و سوپایێ تورکیا تێدایه دكهین و ب رێا راپورتەکێ بۆ حکومهتێن کوردستانێ و عێراقێ رەوانە دکەین و ئەو شاندێ سوپایێ عێراقێ بۆ دەڤەرێن سنوری و گەریانا مەیدانی هەر بۆ وێ چەندێ بوویە دا کو ژ نێزیک ڤە وان دەڤەرا بینن و ئاگەهدار بن ل سەر رەوشا وان دەڤەران د
ناڤبری ئهو چهنده ژی گۆت: ئەڤرۆ ژی ل دهوکێ کۆمبوونەک ل گهل شاندێ سەربازیێ سوپایێ عێراقێ كۆ پێکهاتی بوون ژ پارێزگارێ دهوکێ و قایمقامێن زاخۆ و ئامێدیێ و تێدا بەحس ل رەوشا دەڤەرێن سنوری هاتە کرن داکو ل سەر ئاستێ عێراقێ گرنگی ب وی بابەتی بهێتە دان و ئەو ژی دێ ژلایێ خوە رەوشا وان دەڤەران ب رێیا راپورتەکێ رادەستی سەروک وەزیرێن عێراقێ کەن.
ئهڤرۆ نیوز:
لگۆری دوماهی ئامار ل ههموو جیهانێ ل سهر ڤایرۆسێ كورونایێ، توشبوویێن كورونایێ ژ 9 ملیۆن كهسان دهرباز بوو.
ئامارێن سهر ڤایرۆسێ كورونایی ئاماژهیێ ب ئهوێ چهندێ ددهن، كۆ ل ههموو جیهانێ توشبوویێن كورونایێ گههشته 9 ملیۆن و 52 هزار و 9سهد و 58 كهسان، ژ ئهڤێ ژمارهیێ ژی 4 ملیۆن و 842 هزار و 306 كهس ساخ بووینه، ل گهل ئهڤێ چهندێ ژی 370 هزار و 844 توشبویان ژی گیانێ خوه ژ دهست دایه.
ئەڤرۆ نیوز،عەلی حاجی :
رێڤەبەرێ ناحیا باتیفا د داخویانیەکێ دا بۆ ئەڤرۆ نیوز دیار کر گوندێ کەشانێ یێ سەر ب ناحیا باتیفا ڤە بەریا دەمەکی بۆ ئێکەم جار هاتە چوول کرن و چ کەس د وی گوندی دا نەمایە.
زێدەتر دلشێر عەبدولسەتار گۆت: ل شەڤا دەرباز بوویی یا رۆژا ئێک شەمبی نێزیکی ٩ خێزانان گوندێ کەشانێ بجهـ هێلان ژ ئەگەرێ شەرێ بەردەوامێ دناڤبەرا پەکەکێ و سوپایێ تورکیا دا و بەردەوامیا توپبارانا وی گوندی ژلایێ سوپایێ تورکیا ڤە، ئەڤرۆ رۆژا دوو شەمبێ ژ نەچاری شەش خێزانان دناڤ وی گوندی ژی دا ماین ب ئێکجاری گوندێ کەشانێ بجهـ هێلان و نوکە دا چ کەسەک د وی گوندی دا نەمایە و ب ئێکجاری هاتە چوول کرن و بجهـ هێلان و گوندی ژی د دەمەکێ دایە کو بەردەوام دەوروبەر و هەتا ناڤ گوندی ب خوە ژی دا د هاتە توپباران کرن و د ماوەیێ دەست ب کاربونا من دا وەکو رێڤەبەرێ ناحیێ بۆ ئێکەم جارە ئەڤ گوندە ب ئێکجاری دهێتە چوول کرن.
ناڤبری گوت ژی : ب چوول کرنا گۆندی ژی دێ زیانێن ماددی بەر ب جۆتیارێن وی گۆندی کەڤیت ژبەرکو کارێ جۆتیاریێ ل وی گۆندی ب رێژەیەکا زێدە دهاتە کرن.
ب گورەی پێزانینێن ب دەست ئەڤرۆ نیوز کەڤتین ل سنورێ ناحیێن باتیفا و دەرکارێ نێزیکی ١٠٠ گۆندان هەتا نوکە ژ ئەگەرێ هەبوونا هێزێن پەکەکێ و سوپایێ تورکیا هاتینە چول کرن و دهێتە چاڤەرێکرن هندەک گوندێن دیتر ژی بهێنە چوول کرن.
ئهڤرۆ نیوز، نهوزاد هلۆرى:
پشتى لێگهریانێن بهردهوام بو حالهتێن كۆرۆنایێ، ئهڤرۆ ل گوندێ مێرۆز یا سهر ب دهڤهرا بارزان حالهتهكێ نوو یێ كۆرۆنایێ هاته دهستنیشانكرن، بڤێ یهكێ هژمارا حالهتێن كۆرۆنایێ ل دهڤهرا بارزان گههشته سێ كهسان.
دكتور ههوار عهبدوللا، رێڤهبهرێ نهخۆشخانا گشتى یا بلێ بۆ ئهڤرۆ نیوز گۆت: (دبهردهوامیا گهریان و دوڤچوون ل سهر حالهتێن كۆرۆنایێ، ئهڤرۆ حالهتهكێ نوو یێ كۆرۆنایێ ل گوندێ مێرۆز یا سهر ب دهڤهرا بارزان هاته توماركرن كو ئهو ژى پێشمهرگهیهكه و خهلكێ پیرمامه و ل میرۆز دهوامێ دكهت).
زێدهتر گۆت: (داكو گیانێ وهلاتیان پاراستى بیت و زێدهتر خهلكێ دهڤهرێ توشى ڤایرۆسا كۆرۆنایێ نهبیت، گوندێ مێرۆز ب تمامى هاته كهرهنتینكرن بۆ دهما 14 رۆژان، پاشان تیمێن مه دێ ژ نێزیك سهرهدانێ بۆ كهن داكو ئهو كهسانێن بهركهفتى بهێنه پشكنین كرن و پاراستى بن ژ كۆرۆنایێ). ب گورهى ئاخفتنێن ناڤبرى، ئهڤه دبیته حالهتێ سێیێ یێ كۆرۆنایێ كو ل دهڤهرا بارزان دهێته توماركرن.
پێشتر ژى چوار گوندێن دهڤهرا بارزان ژ بهر توماركرنا دوو حالهتێن كۆرۆنایێ هاتبونه كهرهنتین كرن كو ئهو ژى ههر ئێك ژ گوندێن ههسنان، رێشه، هوستان و كوركێ بوون.
ئهڤرۆ نیوز:
ب ئارمانجا ژناڤبرنا چهكدارێن داعشێ ل دهڤهرێن سهلاحهدین تا دیالا و سامهرا و كهركوك، ئوپراسیونا ههڤپشكا عیراقێ و قوناغا سیێ كۆ ب ئوپراسیونا قارهمانێن عیراقێ دهستپێكر.
عهمید یهحیا رسول پهیڤدارێ گشتی یێ هێزێن چهكدارێن عیراقێ راگههاند ب فهرمانا مستهفا كازمی فهرماندهیی گشتی یێ هێزێن چهكدارێن عیراقی ب سهرپهرشتیا فهرماندهیێ ئوپراسیونێن ههڤپشك سپێدههیا ئهڤرۆ 22/6/2020 بۆ پاقژكرنا دهڤهرین پارێزگهها سهلاحهدین و توخیبێ وێ ل گهل فهرماندهیێن ئوپراسیونا دیالا و سامهرا و كهركوكی ل سێ ئالیان ڤه قوناغا سێ یا ئوپراسیونا قارهمانێن عیراقێ دهستپیكر.
پهیڤدارێ گشتی یێ هیزێن چهكدارێن عیراقێ ئهو چهنده ژی راگههاند ئهو سێ قولێن هاتیه دهست نیشانكرن بۆ هێرشبرنێ كۆ قولێ ئێكێ ژلایێ هێزێن وهزارهتا بهرهڤانیێ یه و قولێ دوێ ژلایێ هێزێن سهر ب وهزارهتا ناڤخو و قولێ سیێ ژلایێ هێزێن سهر ب حشدا شهعبی ڤه ههر سی قول پێكڤه بۆ ژناڤبرنا داعشێ دهست ب ئوپراسیونێ كرینه.
ناڤبری ئهو چهنده ژی دیاركر ئارمانج ژ ئهڤێ ئوپراسیونێ ژناڤبرنا پاشمایێن چهكدارێن داعشێ و ژناڤبرنا ڤهشارگهه و رامالینا پاشمایێن شهری و چهسپاندنا ئهمن و ئاسایشێ یه ل دهڤهرێ.
نيشاندان