ئه‌ڤرۆ نیوز:

ب بریارا لژنا بلندا به‌رهنگاربوون و ئوپراسیونا سلیمانیێ بۆ ده‌مێ هه‌فتیه‌كێ ده‌واما فه‌رمی ل ته‌ڤایا فه‌رمانگه‌هان ل سلیمانێ دێ بیته‌ بهێنڤه‌دان.

لژنا بلندا به‌رهنگاربوون و ئوپراسیونێ ل سلێمانێ راگه‌هاند ب مه‌به‌ستا رێگریكرن ژ زێده‌تر به‌لاڤبوونا ڤایرۆسێ كورونایێ كوڤید 19 بۆ ده‌مێ هه‌فتیه‌كێ ده‌واما فه‌رمی ل فه‌رمانگه‌هێن ل سلێمانێ دێ بیته‌ بهێنڤه‌دان و بریار ژی ژ سوبه‌هی ئێك شه‌مبی 21/6/2020 دهێته‌ بجهكرن و تاكو 28/6/2020 به‌رده‌وام بیت.

لژنا ناڤبری ه‌و چه‌نده‌ ژی راگه‌هاند زێده‌باری راگرتنا ده‌واما فه‌رمی لژنه‌یێ هه‌ر ئه‌ڤرۆ بریارا داخستنا هنده‌ك جهێن گشتی یێن جێ مه‌ترسیا به‌لاڤبوونا زێده‌تار ڤایرۆسێ كورونایێ ژی دهێته‌كرن دا.

ئه‌ڤرۆ نیوز:

رێڤه‌به‌راتیا گشتی یا سه‌رپه‌رشتیكرنا په‌روه‌رده‌یی سه‌ر ب وه‌زاره‌تا په‌روه‌رده‌یا حكومه‌تا هه‌رێما كوردستانێ ڤه‌ د راگه‌هاندنه‌كێ دا به‌لاڤكریه‌ تێدا چه‌وانیا هه‌لبژارتنا رێڤه‌به‌رێ سه‌رپه‌رشتیكرنا په‌روه‌رده‌یی دایه دیاركرن.

رێڤه‌به‌راتیا گشتی یا سه‌رپه‌رشتیكرنا په‌روه‌رده‌یی د راگه‌هاندنێ دا ئه‌و چه‌نده‌ ژی دیاركریه‌ كۆ رێڤه‌به‌راتیێن سه‌رپه‌رشتیكرنێ ل هه‌ردو پارێزگه‌هێن سلیمانیێ و دهۆكێ ل 30/6/2020 پشتی رازیبوونا وه‌زیرێ په‌روه‌رده‌یێ بریار هاته‌ دان ب راگه‌هاندنا پله‌یا رێڤه‌به‌رێ سه‌رپه‌شتیكرنا په‌روه‌رده‌یی ل هه‌ر دو پارێزگه‌هێن سلێمانێ و دهۆكێ ب سیڤی و لگۆری مه‌رج و پێڤه‌ران بۆ ده‌مێ 11 رۆژان ژ 18/6/2020 تاكو ده‌واما فه‌رمی رۆژا 28/6/2020 یه‌.

ئەڤرۆ نیوز:

ب ئەگەرێ بۆردومانا تورکیا ل سنۆرێ شیلادزێ و ناتیا کانی ماسێ ل قەزا ئامێدیێ، پێنج وەلاتیان گیانێ خوە ژ دەستدایە، حوکمەتا هەرێما کوردستانێ د راگەهاندنەکێ، داخوازێ ژ تورکیا دکەت رێزێ ل سەروەریا ئاخا هەرێما کوردستانێ بگریت.

دەقێ راگەهاندنا حوکمەتا هەرێمێ:
راگەهاندنەک ژ پەیڤدارێ حوکمەتا هەرێما کوردستانێ
ب دلگرانى و نیگەرانیەکا زۆر چاڤدێریا روودانێن ئەڤرۆ و چەند رۆژێن بوری یێن دەڤەرێن سنۆری دکەین، کو بووینە ئەگەرێ گەهاندنا زیانێن گیانی و مادى ب وەلاتیێن سڤیل و گوندنشینێن وان دەڤەران.
حوکمەتا هەرێما كوردستانێ شەرمزار کرنا شەهید کرن و زیان گەهاندنێ ب وەلاتیان دکەت، ژ ئالیێ هەر لایەنەک و ب هەر هۆکارەکێ بیت.
داخوازێ ژ کۆمارا تورکیا دکەین رێزێ ل سەروەریا ئاخ و نيشتيمانێ مە بگریت و پێدڤیە پەکەکە ژی وان دەڤەران چۆل بکەت، داکو ئێدی نەبنە هۆکار بۆ دروستکرنا ئالۆزیان ل دەڤەرێن سنۆری یێن هەرێما کوردستانێ.
حوکمەتا هەرێما کوردستانێ حەزا پەیوەندیێن دۆستانە ل گەل وڵاتانێن جیران هەیە و نەڤێت ل ناڤا ئاخا هەرێما کوردستانێ هێرش بهێتە کرن بۆ سەر چ وەلاتەکێ.
ل ڤێرێ پرسەو سەرەخۆشیێ ل کەس وکارێن قوربانیان دکەین و هیڤیا چاکبوونێ بۆ برینداران دخوازین.

د. جوتیار عادل
پەیڤدارێ حوکمەتا هەرێما کوردستانێ
١٩ خزیرانا ٢٠٢٠