ئەڤرۆ نیوز:
وەزارەتا ناڤخوە ب رێیا تۆرێ جڤاکی یێ فەیسبووکێ دیار کریە کو هەر دەمێ ل هەرێما کوردستانێ چو بەرکەفتن نەمان و کەس ژی تووشی کۆرۆنایێ نەبوو وی دەمی دێ قەدەغەیا هاتنوچوونێ هێتە راکرن.
وەزارەتا ناڤخوە دەمێ راکرنا قەدەغەیا هاتنوچوونێ دیار دکەت
نووترين نووچه
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
- نێچیرڤان بارزانی و سۆدانی دوپاتی ل سەر بەردەوامییا هەماهەنگی و هاریكارییا هەولێرێ و بەغدایێ كر
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
سهرهكى نوچێن گرنگ
سیناتوره‌كێ كۆماریان: پرۆژه یاسایه‌ك بۆ ڤه‌كێشانا هێزێن ئه‌مریكا ژ سعودیێ پێشكێشكریه
ئه‌ڤرۆ نیوز:
سیناتوره‌كی كۆماری جڤاتا پیران ل ئه‌مریكا پرۆژه یاسایه‌ك پێشكێشكریه بۆ ڤه‌كێشانا هێزێن ئه‌مریكا ژ سعودیێ، ئه‌ڤه ژی ب مه‌به‌ستا زێده‌كرنا فشارانه بۆ سه‌ر سعودیێ تاكو به‌رهه‌م ئینانا پترۆلێ كێم بكه‌ت، كۆ بڤێ چه‌ندێ كۆمپانیێن پترۆلی یێن ئه‌مریكا زیانه‌كا مه‌زن به‌ركه‌تی یه، پترۆلا زێده‌یا سعودیێ وه‌كریه كۆمپانیێن ئه‌مریكا یێن دبیاڤێ پترۆلێ دا نه‌شێن هه‌ڤركیێ بكه‌ن د بازاری دا.
سیناتور بیل كاسید د پرۆژه‌یێ خۆ دا دیاركریه كۆ پشتی 30 رۆژان ژ په‌سندكرنا پرۆژه‌یی دڤێت هیزێن ئه‌مریكا ژ سعودیێ بهێنه ڤه‌كێشان.
ئه‌ڤ پرۆژه‌یێ كاسیدی هه‌ڤده‌مه ل گه‌ل نێزیك بوونا رێكخراوا ئوپێكی ژ ئیمزاكرنا رێكه‌تنه‌كێ بۆ كێمكرنا به‌رهه‌م ئینانا پترۆلێ.
پرۆژه یاسایا كاسیدی ریب ری شه‌ره‌كی مه‌زن دبیت كۆ دڤێت ژلایێ هه‌ردو جڤاتان ڤه بهێته په‌سندكرن پاشی سه‌رۆكێ ئه‌مریكا ئیمزایێ ل سه‌ر بكه‌ت و ب بیته یاسایا كار پێكری.
رێڤه‌به‌رێ سكرێن هه‌رێمێ: ئاستێ ئاڤا سكران جهێ دلخوشیێ یه
ئه‌ڤرۆ نیوز:
ریڤه‌به‌رێ گشتی یێ سكرێن هه‌رێما كوردستانێ راگه‌هاند: رێژه‌یا باران بارینا ئیسال كێمتره ل چاڤ سالێن بوری، به‌لێ ئاستێ ئاڤا سكران جهێ دلخوشیێ یه پرانیا سكرێن بچیك ژی تژی ئاڤ بووینه.
ئه‌ندازیار ئه‌كره‌م سالح رێڤه‌به‌رێ گشتی یێ سكرێن هه‌رێما كوردستانێ راگه‌هاند: زۆرینه‌یا سكران ب ئه‌گه‌رێ باران بارینا ئیسال تژی بووینه، هه‌ر چه‌نده وه‌ك پار نه‌باریه،هه‌رێما كوردستانێ خودانا 17 سكرانه كۆ سێ ژ وان مه‌زنن چوارده ژی سكرێن بچووكن، پرانیا سكران ئه‌ڤ ساله تژی بووینه ژ ئاڤێ و سكرێن مه‌زن ژی زێده‌تر ژ نیڤیێ، ب شێوه‌یه‌كی دوكان 4 ملیار و چوار سه‌د و سێ ملیۆن مه‌تر چارگوشه ئاڤ تێدایه كۆ دبیته زێده‌تری 60% ، سكرێ ده‌ربه‌ندیخان ژی ملیاره‌ك و نیڤ مه‌ترێن چارگوشه یا ئاڤی تێدایه.
رێڤه‌به‌رێ گشتی یێ سكرێن هه‌رێما كوردستانێ ئه‌و چه‌نده ژی راگه‌هاند ئاڤا ئه‌ڤان سكران دبیاڤێ ئیسگه‌هێن كاره‌بێ و چاندنێ و خودانكرنا ماسیان و ژبلی ڤه‌ژاندنا گه‌شت و گوزارێ، زێده‌باری ئه‌ڤی چه‌ندێ سێ سكرێن دی ژلایێ حكومه‌تا هه‌رێما كوردستانێ د بن بجهكرنێ دانه به‌لێ كاركرن تێدا هاتیه راوه‌ستاندن ب ئه‌گه‌رێ كورونایی، بریاره حكومه‌تا فیدرال ژی چه‌ند سكره‌كێن مه‌زن ل هه‌رێما كوردستانێ درۆست بكه‌ت، كۆ دێ مفایه‌كێ مه‌زن بۆ ژێرخانا ئابوورا هه‌رێما كوردستانێ هه‌بیت.
پیشه‌سازیا ترۆمبێلان ل چینێ ده‌ست پێكر
ئه‌ڤرۆ نیوز:
كۆمه‌لا كۆمپانیێن ترۆمبێلێن چینێ راگه‌هاند: زێده‌باری قه‌یرانا كورونایێ و ئاسته‌نگێن جیهانی، هه‌یڤا بوری زۆرترین ژماره‌یا ترۆمبێلێن وان ل بازاری هاتینه فرۆتن.
ئاژانسا رویته‌رزێ به‌لاڤكریه، كۆمه‌له‌یا كۆمپانیێن ترۆمبێلێن چینێ راگه‌هاند: 99% یا كارێ كۆمپانیێن ترۆمبێلێن چینێ ده‌ستپێكریه و ب ڤێ چه‌ندێ هه‌یڤا ئادارێ، بتنێ كۆمپانیا تێلسا 10 هزار و 160 ترۆمبێل فرۆتینه كۆ زۆرترین ژماره فرۆتیه د ئه‌ڤێ هه‌یڤێ دا ژ هه‌ر كۆمپانیه‌كێ دی یا جیهانی.
قەدەغەیا هاتنوچوونێ هەتا 16 نیسانێ هاتە درێژ کرن
وەزارەتا ساخلەمیێ: ل هەولێرێ 9 تووشبوویێن دیتر ب کۆرۆنا یێ هاتنە تۆمار کرن
ئەڤرۆ نیوز:
وەزارەتا ساخلەمیا حکومەتا هەرێما کوردستانێ راگەهاند، نەهـ کەسێن دیتر ل هەولێرێ تووشی ڤایرۆسێ کۆرۆنا یێ بوون، کو هەموو بەرکەفتیێن تووشبوویێن بەری نوکە نە.
هەروەسا گۆتیە، د بەردەوامیا پشکنینان و لێگەریانێ لدووڤ گومانلێکریان، نەهـ تووشبوویێن نوو ب ڤایرۆسێ کۆڕۆنایێ ل هەولێرێ هاتنە دەست نیشانکرن، کو شەش ژن و سێ زەلامن و خۆجهێن تاخێن (شێخ ئەحمەد، مامۆستایان، گوندێ کۆری) هەموو بەرکەفتیێن تووشبوویێن بەری نوکە نە، حەفت ژ وان بەرکەفتیێن تووشبوویێن بەهیا ل تاخێ کارێزن ل هەولێرێ.
هەتا نوکە ل هەولێرێ 168 کەس تووشی ڤایرۆسی کۆرۆنا یێ بووینە و ل هەرێما کوردستانێ سەرجەمێ گشتی یێ تووشبوویێن کۆرۆنا یێ گەهشتە 324 تووشبوویان، ژ وان ژی 134 کەس ساخبووینە
ساخلەمیا سلێمانیێ: تووشبوویەکێ دیتر یێ کۆرۆنا یێ چێبوو
ئەڤرۆ نیوز:
رێڤەبەرێ گشتی یێ ساخلەمیا سلێمانیێ راگەهاند، کەسەکێ دیتر یێ تووشبوویی ب ڤایرۆسێ کۆرۆنا یێ ل سلێمانیێ چێبوویە و سەرجەمێ گشتی یێن ئەوێن چێبووین گەهشتنە 95 کەسان.
د. سەباح هەورامی، رێڤەبەرێ گشتی یێ ساخلەمیا سلێمانیێ راگەهاند، ئەڤرۆ تووشبوویەکێ دیتر یێ ڤایرۆسێ کۆرۆنا یێ ل سلێمانیێ چێبوویە، پشتی چاڤدێری و چارەسەریێ هاتیە رەوانەکرن بۆ مال.
وەزارەتا ساخلەمیێ: ل سلێمانیێ چار تووشبوویێن دیتر ب کۆرۆنا یێ هاتنە تۆمار کرن
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، چار کەسێن دیتر ل چەمچەمال تووشی ڤایرۆسێ کۆرۆنا یێ بوون، ب ڤێ چەندێ سەرجەمێ گشتی یێ تووشبوویان ب کۆرۆنا یێ گەهشتە 315 کەسان.
هەروەسا گۆتیە، د بەردەوامیا پشکنینان و لێگەریانێ لدووڤ گومانلێکریان، چار تووشبوویێن ڤایرۆسێ کۆرۆنا یێ هاتنە دەست نیشانکرن، کو سێ زەلام و ژنەکن ل قەزا چەمچەمال و بەرکەفتیێن تووشبوویێن بەری نوکە نە.
رووسیا و سعودیە دێ بەرهەمئینانا نەفتێ ب رێژا 23% کێم کەن
ئەڤرۆ نیوز:
شاندێ ئۆپێک بۆ دانوستانێ ل گەل وەلاتێن ئۆپێک پلەس راگەهاندیە، کو رووسیا و سعودیە رێککەفتینە ل سەر کێمکرنا بەرهەمئینانا نەفتێ ب رێژا 23%.
شاندێن ئۆپێک و ئۆپێک پلەس راگەهاندیە، کو سعودیە و رووسیا دووماهی ب جۆداهیێن دناڤبەرا خوە دا ئینایە و ل هەیڤا ئەیارێ و خزیرانێ دا ب رێژا 23% دێ بەرهەمئینانا نەفتێ کێم کەن، کو دگەهیتە 11 ملیۆن بەرمیلێن نەفتێ د رۆژەکێ دا.
سعودیێ راگەهاندیە، دێ پابەند بین ب کێمکرنا بەرهەمئینانا نەفتێ هەتا دو سالێن دیتر، ئانکو هەتا سالا 2022، بەلێ کێمکرنا بەرهەمئینانا نەفتا ئیرانێ و لیبیا و ڤەنزویلا ڤەناگریت.
مستەفا کازمی پەیامەک ب زمانێ کوردی بەلاڤکر
ئەڤرۆ نیوز:
ئەڤرۆ پێنجشەمبی 9.4.2020 مستەفا کازمی بەربژارێ راسپاردی بۆ پێکئینانا کابینا نوو یا حوکمەتا عیراقێ پەیامەک ب زمانێ کوردی بەلاڤکر و تێدا هاتیە، سۆزێ ددەت کار بۆ چارەسەرکرنا ئاریشان بکەت و ئابوورێ عیراقێ بەرەف پێشڤە ببەت.
مستەفا کازمی پشتی ھاتیە راسپاردن بۆ پێکئینانا حکومەتا نوو یا عیراقێ د توویتەرێ دا نڤێسیە، ب راسپاردنا من بۆ ئەرکێ سەرۆکاتیا حوکمەتا عێراقێ ، سۆزێ ددەم ھەمبەر گەلێ خۆ یێ بەخشندە بۆ کارکرنێ ل سەر پێکئینانا حکومەتێ، کو داخوازیێن عێراقیان بێخمە دەستپێکا کارێن خوە، سەروەریا نیشتیمانی و مافێن وان بپارێزیت و کار بکەت بۆ چارەسەرکرنا قەیرانان و ئابووری بەرەڤ پێشڤە ببەت.
نيشاندان
WP Facebook Auto Publish Powered By : XYZScripts.com