ئەڤرۆ نیوز:
د. هێرش سەعید رێڤەبەرێ ساخلەمیا خەبات دیار کر کو پشتی حالەتەکێ کۆرۆنایێ ل کومەلگەها سێبیران هاتبوو دیتن بریار هاتبوو دان کو ئەو کومەلگەهە ب تەمامی بهێتە کەرەنتین کرن، ئەڤرۆ ١٤ رۆژ بۆرین و دەمێ کەرەنتینا کومەلگەها سێبیران ب دووماهی هات.
ناڤهاتی راگەهاند ژی د ماوەیێ ١٤ رۆژێن بۆری دا پشکنین بۆ ٤٢٠ کەسان ل کومەلگەها سێبیران هاتبوو کرن و ئەنجامێ هەمیان ژی نێگەتیڤ بوون و ئەڤرۆ ب فەرمی کەرەنتینا کومەلگەها سێبیران هاتە راکرن.
ئه‌ڤرۆ نیوز:
ئه‌ڤرۆ وه‌زیرێ ساخله‌میا حكومه‌تا هه‌رێما كوردستانێ راگه‌هاند: مه زوو بریارا قه‌ده‌غه‌یا دانانا تازیان دابوو، به‌لێ هنده‌ك كه‌س پێگیر نه‌بوون و بڤێ چه‌ندێ ژی ژماره‌یه‌كا زۆرا خه‌لكی ل هه‌ولێرێ توشی كورونایێ بوون.
د. سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ راگه‌هاند: د رۆژا ئێكێ یا ریب ری بوون و به‌رهنگاربوونا ڤایرۆسێ كورونایێ كۆ رێنمایی هاتنه ده‌رخستن، ل 23 هه‌یڤا ئێك و مه داخاز ژ وه‌لاتیان كر نه‌چنه جهێن قه‌ره‌بالغ پاشی ب بریاره‌كێ تازی ژی هاتنه قه‌ده‌غه‌كرن، جهێ داخێ یه پێگیر نه‌بوون بڤان رێنمایان و بوویه ئه‌گه‌ر32 حاله‌تێن توشبوونێ ب ڤایرۆسێ كورونایێ د وێ تازیێ دا ده‌ركه‌ڤن، تازیا دوێ ژی هه‌بوویه.
د. سامان به‌رزنجی ئه‌و چه‌نده ژی راگه‌هاند: ب ئه‌گه‌رێ بلند بوونا ژماره‌یا كورونایێ ل هه‌ولێرێ، پلانه‌كا نوو دێ بجه كه‌ین و نه‌خوشخانیه‌كا مه‌زنتر كۆ نه‌خوشخانه‌یا رزگاریه هاته ته‌رخانكرن، چونكۆ ژماره‌یا توشبوویان زۆر بوویه و نه‌خوشخانه‌یێن دی تژی بوون، ئاماژه‌یێن مه‌ترسیدار هه‌نه ژ بلند بوونا ژماره‌یا توشبوویان و داخازێ ژ خه‌لكی و وه‌لاتیان دكه‌ین پێگیر بن ب رێنمایان.
د.سامان به‌رزنجی وه‌زیرێ ساخله‌میا حكومه‌تا هه‌رێما كوردستانێ دا زانین ژ ته‌ڤایا 233 حاله‌تێن توشبوونێ ب كورونایی 85 حاله‌ت ساخبووینه كو 62 ل سلێمانێ و 17 هه‌ولێرێ و 6 ل دهۆكێ، پێگیرنه‌بوونا وه‌لاتیان دێ پتر ڤایرۆسێ كورونایێ به‌لاڤ بیت و رۆلێ رێنمای و پشكنینان چ مفایێن خو نابن.
ئه‌ڤرۆ نیوز،له‌زگین:
رێڤه‌به‌رێ كارۆبارێن ئێزدیان ل پارێزگه‌ها دهۆكێ دیاركركو ده‌ست ب راگه‌هاندنا هه‌وه‌كا كۆمكرنا هارێكاریێن بۆ خه‌لكێ هه‌ژار و كێم ده‌رامه‌ت هاته كرن و دخوازێن ژ هه‌موو كه‌سێن خودان شیان هه‌ڤكاریی و پشته‌ڤانیا مه بكه‌ن.
جه‌عفه‌ر سمۆ، رێڤه‌به‌رێ كارۆبارێن ئێزدیان ل پارێزگه‌ها دهۆكێ دیاركركو دناڤ كه‌مپان دا ژده‌رڤه‌ی كه‌مپان ژی خه‌لكه‌كێ هه‌ژار و كێم ده‌رامه‌ت هه‌یه مه ڤیا وه‌كو جهه‌كێ فه‌رمێ یێ ئێزدیان ده‌ستپێشخه‌ربین بۆ ئه‌نجامدانا هه‌وه‌كا كۆمكرنا هارێكاریان پشتی ئه‌ڤ هاریكاریا دهێنه كۆمكرن دێ میكانزمه‌ك هێته دانان ب ئاشكرایێ هه‌موو هاریكارێ بگه‌هنه ده‌ستێ خه‌لكێ هه‌ژار و كێم ده‌رامه‌ت هه‌تا ئه‌ڤ ره‌وشا لسه‌ر خه‌لكێ مه دا ده‌رباز دبیت دێ هه‌موو شیانیێن خوه هه‌ولده‌ن هارێكاریان كۆم بكه‌ین وبداینه خه‌لكێ پێدڤیی.
خۆیا ژی كركو دگه‌ل راگه‌هاندنا ڤێ هه‌وا كۆمكرنا هارێكاریان ئه‌م بانگه‌وازیا خوه دگه‌هینه هه‌موو كه‌سێن ده‌وله‌مه‌ند و خێرخوازی و كه‌سێن خودان شیان دناڤ گه‌لێ مه دا بهێن ده‌ستێ هاریكاریێ دگه‌ل مه‌دا بۆ خه‌لكێ هه‌ژار و كێم ده‌رامه‌ت درێژ بكه‌ین وئه‌م هه‌موو پێڤه ببینه هه‌ڤكار و پشته‌ڤانیێن حكومه‌تا هه‌رێما كوردستانێ بۆ ده‌ربازكرنا ڤێ ره‌وشێ.
ئه‌ڤرۆ نیوز:
سه‌رۆك كۆمارێ ئیرانێ راگه‌هاند: وه‌لاتی وی دێ 11 ئه‌ڤێ هه‌یڤێ چالاكیێن بازرگانیی ده‌ست پێكه‌ت كۆ مه‌ترسیا به‌لاڤبوونا ڤایرۆسێ كورونایێ ل سه‌ر كێمه، ئه‌ڤه ژی د ده‌مه‌كی دایه ئیران ئێكه‌مین وه‌لاتێ رۆژهه‌لاتا ناڤینه كۆ زۆرترین زیان ب ئه‌گه‌رێ كورونایێ به‌ركه‌تی.
حه‌سه‌ن روحانی سه‌رۆك كۆمارێ ئیرانێ ئه‌و چه‌نده ژی راگه‌هاند: ل ده‌ستپێكا هه‌فته‌یا بهێت وه‌لاتێ وی دێ چالاكیێن بازرگانی ده‌ست پێ كه‌ت، كۆ مه‌رتسیا به‌لاڤبوونا كورونایێ ل سه‌ر كێمه.
سه‌رۆك كۆمارێ ئیرانێ دا زانین ئه‌ڤ بریارا حكومه‌تێ دژایه‌تیا رێنمایێن وه‌زاره‌تا ساخله‌میێ ب ڤه‌مانا وه‌لاتیان ل مالێن خودا ب مینن ناكه‌ت، به‌لكۆ ب هه‌ماهه‌نگی ل گه‌ل وه‌زاره‌تا ساخله‌میێ ئه‌ڤ كاره دهێته‌كرن.
ئه‌ڤرۆ نیوز:
عادل عه‌بدلمه‌هدی سه‌رۆك وه‌زیرێ كاربرێكه‌ر راگه‌هاند: ره‌وشا عیراقێ ل چاڤ وه‌لاتێن هه‌ڤسی و جیهانی ژ روویێ كۆنترولكرنا كورونایێ و قه‌ده‌غه‌یا هاتنوچونێ باشتره، چونكۆ هه‌ر زوو رێكارێن به‌رهنگاربوونێ بكار ئینان.
عادل عه‌بدولمه‌هدی ئه‌و چه‌نده ژی دیاركر زێده‌باری ئه‌وێ ره‌وشا سیاسی و ئه‌منیا عیراق تێدا ده‌رباز دبیت، به‌لێ زیتر ژ وه‌لاتێن دی رێكارێن به‌رهنگاربوونا كورونایێ ده‌ستپێكر، له‌ورا ره‌وشا ساخله‌می و قه‌ده‌غه‌یا هاتنوچونێ ل عیراقێ ل چاڤ وه‌لاتێنه دی باشتره.
سه‌رۆك وه‌زیرێ كاربرێكه‌رێ عیراقێ دیاركر ئه‌و وه‌لاتێن ب چاڤه‌كێ سڤك و كێم به‌غدانه ڤایرۆسێ كورونایێ خویكه‌كا گران دێ ده‌ن.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا، دیاركر 18 كه‌سێن دی ل هه‌ولێرێ تووشی ڤایرۆسێ كورونایێ بوون، هه‌می تووشبوو ب ئه‌گه‌رێ تێكه‌لیكرنێ و تازیا ل تاخێ كارێزان یا هه‌ولێرێ توشبووینه.
ئه‌ڤرۆ 5/4/2020 وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تێدا هاتیه كۆ 18 كه‌سێن دی ل هه‌ولێرێ تووشی كورونایێ بوون، كۆ توشبوو هه‌شت زه‌لامن و شه‌ش ژنكن و چار زارۆك.
لگۆری راگه‌هاندنا وه‌زاره‌تا ساخله‌میێ كۆ ئه‌و چه‌نده هاتیه روونكرن كۆ ته‌ڤایا توشبوویان ب ئه‌گه‌رێ تازیا تاخێ كارێزان تووشوبوینه كو ته‌ڤایا تووشبوویێن تاخێ كاریزان گه‌هشته 32 كه‌سان.
ئه‌ڤرۆ نیوز:
جێگرێ وه‌زێرێ ساخله‌میا ئیرانێ راگه‌هاند: ره‌وشا ساخله‌میێ ل تارانێ ب ئه‌گه‌رێ به‌ربه‌لاڤبوونا ڤایرۆسێ كورونایێ مه‌ترسیدار و ئالوزه.
ئیره‌ج جه‌ریرچی جێگرێ وه‌زیرێ ساخله‌میا ئیرانێ راگه‌هاند قه‌ره‌بالغیه‌كا زۆر ل سه‌ر جاده‌یێن تارانێ جهێ دلگرانیی یه و پێدڤیه رێ و ئاوایێن توند بهێنه بكار ئینان بۆ رێگرتن ژ به‌لاڤ بوونا ڤایرۆسی و ئاگه‌هداریا وه‌لاتیان بهێته‌كرن ل مال دا بمینن و نه‌ده‌ركه‌ڤن.
جێگرێ وه‌زیرێ ساخله‌میا ئیرانێ ئه‌و چه‌نده ژی راگه‌هاند تاران بوویه ناڤه‌ندا به‌لاڤبوونا ڤایرۆسێ كورونایی و پیدڤیه رێ و ئاوایێن پیدڤی بۆ رێگرتن ژ به‌لاڤبوونا كورونایی بۆ باژێرێن دی بهێته‌كرن.
دهۆك، له‌زگین جوقی
سه‌رۆكێ لقا دهۆك یا سه‌ندیكا كرێكارێن كوردستانێ دیاركركو دڤێ ره‌وشی دا و پشتی كرێكار ماینه بێكار ژبه‌ر خوه پاراستنێ ژ ڤایرۆسی كورونا هنده‌ك كۆمپانیی و خۆدان كاران ده‌ست دایه هه‌لوه‌شاندنا گرێبه‌ستێن كاركرنا كرێكاران ئه‌ڤه بوویه جهێ نه‌رازیبوونا مه وه‌كو سه‌ندیكا .
عیسا نسری، سه‌رۆكێ لقا دهۆك یا سه‌ندیكا كرێكارێن كوردستانێ دیاركركو بیاننامه‌ك ل سه‌ر ره‌وشا كرێكاران مه به‌لاڤكر ل سه‌ر وێ چه‌ندی گرێبه‌ستێن كرێكاران نه‌هێنه هه‌لوه‌شاندن كو جهێ داخێ یه هنده‌ك كۆمپانیی و خۆدان كار ب ریێا ئونلاین فۆرما بۆ كرێكاران ره‌وانه دكه‌ن و تێدا داخازێ ژ كرێكاران دكه‌ن گرێبه‌ستا خوه یا كاركرنێ هه‌لوه‌شینن بهانه‌یا وێ چه‌ندێ كار نینه ئه‌م دخوازین هه‌ڤكاریا كرێكاران بهێته كرن و پێدڤیه كۆمپانیی و خۆدان كار هه‌موو هێز وشیانیێن خوه پشته‌ڤانیێ ل كرێكاران بكه‌ن هه‌تا ئه‌ڤ ره‌وشا نها هه‌ی ب سه‌ر مه‌دا ده‌رباز دبیت .
ئاشكه‌را كركو پێدڤیه پارێزه‌رێن خۆدان كاران به‌ره‌ڤانیێ ژ مافێن كرێكاران و خۆدان كارا بكه‌ن داكو مافێ كرێكاران یێ پاراستی بیت و زه‌رمه‌ند نه‌بن وپێدڤی ناكه‌ت گرێبه‌ستین كرێكاران هه‌لوه‌شینن هه‌تا ره‌وش ئاسایی دبیت.
ئەڤرۆ نیۆز، قائید میرۆ:
ل تۆرێن جڤاکی و سۆشیال میدیایێ دا زانیاریێن مەترسیدار دھێنە بەلاڤکرن، کو دێ ل چەند دەمژمێرێن داھاتی گازا سارین ھێتە بەلافکرن و بەڕەڤانیا باژێڕی ژی ئەڤ چەندە ب پڕۆپاگندە رەتکرن.
نووچەیەک ھاتیە بەلافکرن، کو ددەمێ ٤٨ دەمژمێرێن داھاتی دێ گازەکا کوژەک ھێتە بەلافکرن، بەلێ ئەڤی نووچەی چو راستی و بنەما نینە، تنێ پڕۆپاگندەیێن سۆشیال میدیایێ نە، بەلافکرنا ئەڤان زانیاریان بەرۆڤاژی ڤان ٤٨ دەمژمێرێن وەزارەتا نافخۆنە بۆ قەدەغەیا ھاتنوچوونێ.
بەڕەڤانیا باژێڕی ل ھەولێرێ ئاماژەکر” ئەو ژڤانێ ھاتیە دیارکرن بۆ قەدەغەیا ھاتن وچوونێ ژلایێ وەزارەتێن نافخۆ ساخلەمی بۆ خۆپاراستن ژ ڤایرۆسا کۆرۆنا و پێداچوونێ ب رێنمایێن قەدەغەیا ھاتنوچوونێ.
ئەڤرۆ نیوز:
سەرۆکێ حکومەتا هەرێما کوردستانێ پەیامەک ل توویتەری بەلاڤکریە و راگەهاند، پێکڤە ئەم دێ ڤی شەری بەین و دێ گیانێ هەڤنیشتیمانیان پارێزین و گۆتیە، مە بریارا 48 دەمژمێران پشتی زێدەبوونا پێشێلکاریان سەپاند.
مەسرور بارزانی، سەرۆکێ حکومەتا هەرێما کوردستانێ راگەهاند، مە بۆ ماوێ 48 دەمژمێران قەدەغەیا هاتنوچوونێ ل کوردستانێ سەپاند، پشتی کو پابەند نەبوون ب رێنمایان زێدە ببوون.
سەرۆکێ حکومەتا هەرێم کوردستانێ گۆتیە، پابەندبوونا هەوە زۆر گرنگە و دڤێت د مالدا بمینین و نەهێنە ژ دەرڤە.
هەروەسا گۆتیە، مە خەلکێ کوردستان دۆخێن سەخت دیتینە، هیڤیدارین ب کێمترین زیان سەر بکەڤین و پێکڤە دێ ڤی شەری بەین و دێ گیانێ هەڤنیشتیمانیان پارێزین.
نيشاندان