ئەڤرۆ نیوز:
وه‌زاره‌تا ساخلەمیا حكومه‌تا هه‌رێما كوردستانێ، دو حاله‌تێن دیتر یێن تووشبوون ب كۆرۆنایێ هاتنە پشت راستكرن.
وه‌زاره‌تا ساخلەمیێ راگه‌هاند، دو هەلگرێن دیتر یێن ڤایرۆسێ کۆڕۆنایێ ل شارێ هەولێرێ هاتنە تۆمار کرن، کو زەلامەکێ 34 سالی و ژنەکا (38) سالیە، کو دبنە برا و ژن برا وی قوتابیێ توشبووی یێ کو ژ وەلاتێ ئیرانێ ڤەگەریای، هەر چەندە هاتبوو گەرەنتیکرن ژی.
ئەڤرۆ نیوز، عەلی حاجی :
پشتی بریارا دائێخستنا سەرجەم سەنتەر و جهێن جوانکاریێ ل پارێزگەها دهوکێ ژلایێ لژنا بلندا روو ب روو بونا ڤایرەسێ کورونایێ ل پارێەزگەها دهوکێ هاتیە دەرکرن ئەڤرۆ روژا چار شەمبێ ئەو بریار کەڤتە د بوارێ جێبەجێ کرنێ دا و ل پارێزگەها دهوکێ سەرجەمێ وان هاتنە داخستن.
د. ئاراز مستەفا ئەندامێ لژنا هەڤپشک یا دووڤچوونێ ل پارێزگەها دهوکێ دیار کر ب مەرەما خوە پاراستن ژ ڤایروسێ کورونایێ ئەڤرۆ روژان چار شەمبێ دناڤا سەنتەرێ باژێرێ دهوکێ سەرجەم سەنتەر و جهێن جوانکاریێ هاتنە دائێخستن و نابیت بهێنە ڤەکرن هەتا دەمەکێ نەدیار و مەرەم ژ ڤێ چەندێ ئەوە زێدەتر خوە پارێزین ژ ڤایروسێ کورونایێ.
ژلایێ خوە ڤە وەلات هەجەر نوونەرێ قایمقامێ زاخۆ د لژنا دیفچوون دا ل زاخۆ د داخویانیەکێ دا بۆ ئەڤرۆ نیوز گوت : ئەڤرۆ روژا چار شەمبێ دائێخستنا سەرجەم سالونێن زاخۆ ب هەڤکاری دگەل پولیس و ئاسایشا زاخۆ پشکا ئابوری کەڤتە بوارێ جێبەجێ کرنێ دا و ژ ئەڤرۆ پێڤە نابیت چو سەنتەر و جهێن جوانکاریێ د ناڤ سەنتەر و دەوروبەر و ناحی و کومەلگەهێن سەر ب باژێێ زاخۆ ڤە بهێنە ڤەکرن و هەمی جهـ ژی ل سەر ڤێ چەندێ هاتینە ئاگەهدار کرن.
ئەڤرۆ نیوز:
پەیڤدارێ حوکمەتا هەرێما کوردستانێ دیار کر، لدووڤ قانوونا چاکسازیێ دێ رێکاران گرنەبەر بۆ کێمکرنا خەرجیان و دابەشکرنا مووچەی ژی دێ یێ بەردەوام بیت.
ئەڤرۆ چارشەمبی 11.3.2020 د کۆنفرانسەکێ رۆژنامەڤانی دا جوتیار عادل پەیڤدارێ حوکمەتا هەرێما کوردستانێ راگەهاند، ئەم وەلاتیان پشتراست دکەین دابەشکرنا مووچەی دێ یا بەردەوام بیت، لدووڤ قانوونا چاکسازیێ دێ ڕێکاران گرنەبەر بۆ کێمکرنا خەرجیێن حوکمەتێ و دەربازکرنا وان ئاریشێن هەرێم ڤەگرتی.
گۆتیە ژی، ئەم بەردەوامین ل سەر دابەشکرنا مووچەی و فەرمانبەر و مووچەخۆرێن کوردستانێ ژی پشتراست دکەین کو دێ دابەشکرنا مووچەی یا بەردەوام بیت.
ئەڤرۆ نیوز:
وه‌زیرێ ڤەگوهاستن و گه‌هاندنێ داخوازیه‌ك ئاراسته‌ی كۆمپانیێن ئه‌نته‌رنێتێ دکەت، کو پێنگاڤان بۆ دابه‌زاندنا بهایێ ئینته‌رنێتێ بهاڤێژن.
وه‌زیرێ ڤەگوهاستن و گه‌هاندنێ یێ حكومه‌تا هه‌رێما كوردستانێ ب نڤیسارەکێ داخواز ژ هەموو کۆمپانیێن دابینکرن و دابەشکرنا خزمەتگوزاریا ئینته‌رنێتێ ل سەرانسەری کوردستانێ كریە، سەرەرای بلەزکرنا خزمه‌تگوزاریا ئینته‌رنێتێ، پێنگاڤان بۆ دابه‌زاندنا بهایێ وێ پاڤێژن.
ئانۆ جەوهەر عەبدۆکا وەزیرێ ڤەگوهاستن و گەهاندنێ ل تۆرا جڤاکی یا فه‌یسبووكی پۆستەک بەلاڤ كریه و رایگه‌هاندیه: ل سەر رۆشنایا بەرنامێ کارێ کابینا نەهێ و راسپاردێن مەسرور بارزانی سەرۆکێ حکومەتا هەرێما کوردستانێ و پشتی تێپەربوونا شه‌ش هەیڤان ل سەر راگەهاندنا هۆت لاین، ژ لایێ وەزارەتا ڤەگوهاستن و گەهاندنێ، کو تایبەت بوویە ب وەرگرتنا تێبینیێن وەلاتیان دەربارەی بارودۆخێ ئینته‌رنێتێ، پشتی پێداچوونەکا هوور، وەزارەتا مە رابوویە ب ئاراستە کرنا نڤیسارەکێ بۆ گشت کۆمپانیێن دابینکرن و دابەشکرنا خزمەتگوزاریێن ئینته‌رنێتێ ل سەرانسەری کوردستانێ. داکو ب زووترین دەم هەر کۆمپانیاک ژ ئالیێ خوە ڤە دەستپێشخەریەکێ پێشکێش بکەت، دەربارەی ئەرزان کرنا بهایان و بلەزکرنا خزمەتگوزاریا ئینته‌رنێتێ، ژ پێخەمەت خزمەتکرنا وەلاتیێن کوردستانێ.
ئەڤرۆ نیوز ، ئێقبال عومەر:
دکتور شاکر عەبدلعەزیز رێڤەبەرێ ساخلەمیا قەزا ئامێدیێ بو ئەڤرۆ نیوز گوت: (ل دیڤ بەرنامێ رێکێن خوە پاراستنێ ژ ڤایروسێ کورونا ساخلەمیا ئامێدیێ رابووینە ب هەوەکا دەرمان رەشاندنێ ل هەموو سنورێ قەزا ئامێدیێ و گوت: دوهی مە ل سەنتەرێ قەزا ئامێدیێ دەست ب دەرمان رەشاندنێ کریە و ئەڤرۆ ژی ل هەمی ناحی و کومەلگەه و گوندێن دی یێن سەر ب قەزا ئامێدیێ ڤە دێ دەست پێ کەت ل دەسپێکێ مە ل شێلادزێ دەست پێکریە مەرەم ژێ ئەوە کو هەمی باژێر و کومەلگەه پاقژ بهێنە راگرتن و تافیلکرن ژ نەخوشیێن ڤەگر ب تایبەتی ڤایروسێ کورونایێ، ئەڤ هەوە دێ یا بەردەوام بیت، تاکو ئەڤ ڤایروسە دهێتە بنبرکرن).
زێدەتر گوت: (کەمپێن ئاوارا و خالێن سەرسنوری ژی دهێنە تافیلکرن و هەروەسا زالگەها گەلیێ بالندا مە تیمەکا ل وی جهی ئاکنجی کری بوو پشکنینان ژبەرکو دناڤبەرا دوو پارێزگەهاندا یە پارێزگەها هەولێری ب پارێزگەها دهوك ڤە گرێددەت مە ب فەرزانی کو تیمەکا مە لوی جهی ئاکنجی بیت و ئەڤرۆ دێ کەفنە کاری).
جەمیل خەلیل به‌رپرسێ تیمێن ره‌شاندنێ ل رێڤه‌به‌ریا كارۆبارێن خوه پاراستنا ساخله‌میا ئامێدیێ دیاركركو ئه‌ڤرۆ ۱۱/۳/۲۰۲۰ ل ناڤ بازارێ شێلادزێ دا هه‌وه‌كا به‌رفره‌ه یا ره‌شاندنا ده‌رمانی بۆ به‌رهه‌نگاریا نه‌خۆشیا ڤایروسێ كورۆنا هاته ئه‌نجامدان.
به‌رپرسێ تیمین ره‌شاندنێ ل رێڤه‌به‌ریا كارۆبارێن خوه پاراستنا ساخله‌میا ئامێدیێ گوت: (ساخله‌میا ئامێدیێ دگه‌ل دام و ده‌زگه‌هیێن په‌ێوه‌ندیدار ژ چەندین تیم بۆ به‌رهه‌نگاریا نه‌خۆشیا كورۆنا پێك ئیناینه ئه‌ڤ تیم هاتینه به‌لاڤكرن ل هەمو سنۆری قەزا ئامێدیێ کو ل ناحی و کومەلگەه و گوندا ب خوەڤە دگریت ئه‌ڤرۆكه ل ناڤ بازارێ شێلادزێ و پارك وجاده‌یێن شێلادزێ هاتنه ره‌شاندن ئه‌م هیڤدارن وه‌لاتی ژی دگه‌ل مه‌دا هه‌ڤكار بن بو خوه پاراستنی ژ نه‌خۆشیا كورونا ئه‌م به‌رده‌وام كاردكه‌ین بۆ پاراستنا گیانی وه‌لاتیان).
ئاشكه‌را كركو هه‌موو جهێن گشتی و قه‌ره‌بالغ دهێنه ره‌شاندن و تافیلكرن داكو ژیانا خه‌لكێ مه پاراستی بیت ئه‌ڤ هه‌وا ره‌شاندنا ده‌رمانێ ب هه‌ماهه‌نگیی دگه‌ل رێڤه‌به‌ریا فیته‌رنه‌ریا شێلادزێ و رێڤه‌به‌ریا به‌رگیریا شارستانێ هاته ئه‌نجامدان دێ به‌رده‌وام بن هه‌تا ئه‌ڤ نه‌خۆشیا نه‌مینت.
ئەڤرۆ نیۆز، قائید میرۆ
پشتی داکەتنا بھایێ پتڕۆلێ د بازاڕی دا مەترسی بۆسەر بودجێ عێراقێ پەیدابوویە و سەرۆکێ لیژنا دارایی و ئابووری ژی لپەرلەمانێ کوردستانێ ئاشکراکر، ددەمێ نوکەدا داکەتنا بھایێ پتڕۆلێ کاریگەری لسەر مووچەی نابیت.
زیاد جەبار، سەرۆکێ لیژنا دارایی لپەرلەمانێ کوردستانێ بۆ ئەڤرۆ نیۆز دیارکر” داکەتنا بھایێ پتڕۆلێ ددەمێ نوکەدا چو کاریگەریێن وەسا ل سەر مووچێ فەرمانبەران نابیت، بتایبەتی ژی وەک دھێتە گوتن داکەتنا بھایێ پتڕۆلێ ئاریشەیا ناڤبەرا سعودیێ و رۆسیایە و پێشبینی دھێتەکرن بھێتە چارەسەرکرن.
سەرۆکێ لیژنا دارایی گۆتژی” حوکمەتا ھەرێما کوردستانێ تەکەست لسەر ڤێ چەندێ کریە دێ بەلافکرنا مووچێ فەرمانبەران یا بەردەوامبیت، نوکەژی بەردەوام مووچە یێ دھێتە بەلافکرن.
زیاد جەبار خویاکر” ھەرچەند د کۆمبوونا سەرۆکایەتیا جڤاتا وەزیران بەحسێ داکەتنا بھایێ پتڕۆلێ ھاتیەکرن، بەلێ ھەگەر بھێت و داکەتنا پتڕۆلێ ڤەکێشیت دێ پشتی جەژنا نەڤرۆزێ وەزیری دارایی گازیکەینە پەرلەمانی.
ئه‌ڤرۆ نیوز:
كۆمپانیا ئارمكۆ راگه‌هاند داخازیه‌كا وه‌زاره‌تا وزه‌یا سعوودیێ گه‌هشتیه وان بۆ بلندكرنا به‌رهم ئینانا پترۆلی ژ 12 ملیۆن به‌رمیلان بۆ 13 ملیۆن به‌رمیلان د رۆژێ دا.
كۆمپانیا ئارامكۆ كو تایبه‌ته ب به‌رهه‌م ئینان ل زه‌ڤیێن پترۆلی یێن سعودیێ راگه‌هاند: داخازیه‌ك ژ وه‌زاره‌تا ووزه‌یا سعودیێ گه‌هشتیه وان بۆ بلندكرنا ئاستێ به‌رهه‌م ئینانا پترۆلێ ژ 12 ملیۆن به‌رمیلا بۆ 13 ملیۆن به‌رمیلان د رۆژێ دا.
كۆمپانیا ئارامكو ئه‌و چه‌نده ژی راگه‌هاند: ئاستێ به‌رهه‌م ئینانا پترۆلێ ژلایێ ده‌وله‌تێ ڤه دهێته دیاركرن، لگۆری ئه‌وی سیسته‌می بۆ به‌رهه‌مئینانا ماده‌یێن هایدروكاربونیان هاتیه دانان.
هه‌ینیا بوری وه‌لاتێن ئوپێكێ شكه‌ستن ئینا ژبووی گه‌هشتنه رێكه‌تنێ بۆ كێمكرنا به‌رهه‌مێ پترۆلێ بۆ بلندكرنا بهایێ وێ ل بازاری، كۆ ب ئه‌گه‌رێ به‌لاڤبوونا ڤایرۆسێ كورونایێ زیانه‌كا مه‌زن به‌ركه‌فتی یه.
ئه‌ڤرۆ نیوز، زنار:
ئێكه‌تیا ته‌پا پێ یا هه‌رێما كوردستانێ دیاركر ل سه‌ر داخوازا وه‌زاره‌تا ته‌ندروستى یا حوكمه‌تا هه‌رێما كوردستانێ وان سه‌رجه‌م چالاكیێن خوه یێن وه‌رزشى راگرتن بۆ ماوه‌كێ نه‌دیار.
زێده‌تر د ڤى چارچوڤه‌ى دا قاسم سالح ئه‌ندامێ ئێكه‌تیا ته‌پا پێ یا هه‌رێما كوردستانێ بۆ ئه‌ڤرۆ نیوز ئاشكرا كر كو بریاربوو سوبه‌هى گه‌را 18 یا هه‌ڤركیێن خولا نایابا كوردستانێ برێڤه‌بچیت لێ ژ نشكه‌كێ ڤه وه‌زاره‌تا ته‌ندروستى یا هه‌رێمێ داخواز ژ وان كریه چو چالاكیێن وه‌رزشى ئه‌نجام نه‌ده‌ن بۆ خوه پارستن ژ ڤایروسێ كورونا له‌ورا نه‌چار بووین ڤێ بریارا بله‌ز بده‌ین و بۆ ماوه‌كێ نه‌دیار چالاكیێن خوه راگرین.
نيشاندان