ئەڤرۆ نیوز:
وەزارەتا ساخلەمیا هەرێما کوردستانێ راگەهاند: کو پێنج تووشبوو یێن دی یێن کۆرۆنا یێ ل سلێمانیێ هاتنە تۆمار کرن، کو هەموو ژ وێ خێزانا تووشبوویێ دوهی نە.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان، پێنج تووشبوو یێن دی یێن ڤایرۆسێ کۆرۆنا یێ ل سلێمانیێ هاتنە دەست نیشانکرن، کو کورەکێ د ژیێ 17 سالیێ و سێ ژن د ژیێن 43، 21، 19 سالیێ دا و زارۆیەکێ د ژیێ شەش سالیێ دایە، خۆجهێن باژێرێ سلێمانیێ نە و ژ خێزانا تووشبوویێ دوهی نە یێ ل باژێرێ سلێمانیێ.
ئەڤرۆ نیوز:
پەیڤدارێ وەزارەتا ئەوقافێ راگەهاند: پشتی زێدەتر ژ دو هەیڤان دەرگەهێن مزگەفتان ژ ئەنجامێ ڤایرۆسێ کۆرۆنا یێ هاتینە گرتن، سوبەهی دێ نڤێژا ئەینیێ ل مەزگەفتان هێتە کرن و گۆتارا ئەینیێ ژی دێ هێتە خواندن.
نەبەز ئیسماعیل پەیڤدارێ وەزارەتا ئەوقافێ دیار کریە: وان گۆتیە هەموو مامۆستایێن ئاینی، کو سوبەهی گۆتارێن وان ژ ١٠ خولەکان نەبورن و بەحسێ نەمانا دەرد و بەلایان بکەن ژ روویێ ئایینی ڤە، دیسان پێدڤیە مامۆستایێن ئاینی بەحسێ رێکارێن خۆپاراستنێ ژ کۆرۆنا یێ بکەن، ژبەر کو ل سەر ئاستێ جیهانێ هێشتا مەترسیا وێ مایە.
دیار کریە ژی: پێدڤیە نڤێژکەر ل مال دەستنڤێژا خۆ بگرن و شەملکێ ل گەل خۆ ببەن بۆ مزگەفتان و دەستکێش و دەمامکان ژی بکار بینن و دوری د ناڤبەرا نڤێژکەران دا هەبیت.
ل رۆژا ٤ ئادارێ ژبەر بەلاڤبوونا ڤایرۆسێ کۆرۆنا یێ، ب فەرمی دەرگەهێن مزگەفتان هاتنە داخستن، ل ١١ گولانێ ب بریارا وەزارەتا ناڤخۆ دەرگەهێن مزگەفتان هاتنە ڤەکرن.
ئەڤرۆ نیوز:
رێبەر ئەحمەد وەزیرێ ناڤخوە یێ حوکمەتا هەرێما کوردستانێ راگەهاند کو دڤێت ب تەمامی پێگیریێ ب رێنمایان بهێتە کرن، چونکو مەترسیا کۆرۆنایێ ل کوردستانێ یا مای و حالەتێ دوهی ل سلێمانیێ ژی نیشا ددەت کو مەترسیا کۆرۆنایێ بەردەوامە.
ناڤهاتی دیار ژی کر کو قەدەغەیا هاتنوچوونێ د ناڤبەرا پارێزگەهێن هەرێما کوردستانێ دا دێ یا بەردەوام بیت و هەروەسا فرۆکەخانێ ژی جارێ ناهێنە ڤەکرن.
وەزیرێ ناڤخوە داخواز ژ هەموو وەلاتیان ژی کر کو وەکو بەرێ پێگیریێ ب رێنمایان بکەن و گۆت: (ژ بەر ژیانا وەلاتیان گەلەک ئاسانکاری هاتینە کرن، لێ دڤێت وەلاتی ب تەمامی پێگیریێ ب رێنمایان بکەن دا رەوش خرابتر لێ نەهێت).
ئهڤرۆ نیوز، بارزان مزووری:
سهردار یهحیا عەبدولەعزیز قائیمقامێ قهزا شێخان بۆ ئهڤرۆ نیوز گۆت: (ئهڤرۆ نیڤرۆ رێكکهفتی14/5/2020 كومپانیا ئهرتۆش ب سهرپهرشتیا پارێزگارێ دهوكێ 40 هزار دۆلار ل سهر خێزانێن ههژار و كێم دهرامهت یێن شێخان دابهشكرن).
ناڤهاتی خویاكر ههر خێزانهكێ 200 دۆلار بۆ هاتنە دان ئهوێن ناڤێن وان بهری نها تۆماركرین ب رێیا لیژنهكا تایبهت ژلایێ رێڤهبهریا گشتی یا چاڤدێری و گهشهپێدانا جڤاكی ل پارێزگهها دهوكێ كو ههر قهزایهكێ رێڤهبهریێن وان كارێ توماركرنا وان ناڤێن ههژار و كێم دهرامهت تومار بكهن دڤێ قوناغێ دا 200 خێزان لێ مفادار بوون د قوناغا دویێ ژی هاریكاری یێن خارنێ دهێن دابهشكرن ل شهر بهشهك دی یێن خێزانێن ههژا).
ناڤهاتی دیار ژی کر کو ل دووڤ وان ناڤێن هاتینە توماركرن 3 هزار ناڤێن دی یێن بهر دهستێ مه یێن وان كهسێن ههژارو كێم دهرامهت د پلان دایه د قوناغێن بهێت هاریكاری بۆ وان ژی ههبن ههرچهنده بهری نها هندهك ژ وان مفادار بووینه ژ هاریكاریان .
ئەڤرۆ نیوز، زنار تۆڤی:
ل سپێدەهیا ئەڤرۆ پێنجشەمبی، پەکەکێ هێرش کریە سەر بنگەهێ بارۆخێ یێ سۆپایێ تورکیا و شەر و پێکدادان بۆ دەمێ نیڤ دەمژمێرێ دناڤبەرا سوپایێ تورکیا و گەریلایان روودایە، ژ ئەنجامێ وێ تەقێ هێلا 33 کەیڤی یا کارەبا نیشتیمانی یا دناڤبەرا ئامێدیێ و کانی ماسێ هاتیە برین و ئەڤە پتری پێنج دەمژمێرایە، خەلکێ وێ دەڤەرێ مایە بێ کارەب.
سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیار کر: ئەو هێرشە ل دەمژمێر 07:30 سپێدەهیا ئەڤرۆ 14-5-2020 ل باروخێ ل هنداڤی ناحیا کانی ماسێ روودایە، پەکەکێ ل چیایێ گابنێرکی تەقە ل بارەگەهێ تورکیا کریە و سۆپایێ تورکیا ژی ب تۆپان بەرسڤا وان دایە و ڤی شەری نێزیکی دەمژمێرەکێ ڤەکێشا.
گۆت ژی: ژ ئەگەرێ وی شەری هێلا 33 کەیڤی یا کارەبا نیشتمانی هاتیە برین و نوکە خەلکێ ڤێ دەڤەرێ مایە بێ کارەب، هەروەسا مە بزاڤکرینە کو ئەم جارەکا دی هێلا کارەبێ سەخبێر کەین، هەر چەندە مەترسیا مینان ژی ل وی جهی هەیە، چونکی کەڤنە رەبیێن رژێمێ ل وی جهی هەبوون، دیسان هەتا نوکە ئەم نزانین زیانێن هەرد ئالیان چ بوون، بەلێ ڤێ چەندێ ترس ل دەف خەلکێ دروستکریە و ئەڤە دەمێ سێ رۆژانە سۆپایێ تورکی ب تۆپ و فرۆکان دەڤەرا کانی ماسێ بۆمبە باران دکەت و ڤێ چەندێ زیان گەهاندیە خەلکێ گوندێن کێستە و چەلکا نەسارا و دەرگەهـ و پەنجەرێن خەلکێ وان گوندان شکاندینە و خانیێن وان دەرزاندینە.
هەتا نوکە ژ ئەنجامێ تۆپبارانا سۆپایێ تورکیا، ل سنۆرێ قەزا ئامێدیێ 23 کەس هاتینە کوشتن.
ئهڤرۆ نیوز:
سهرۆك وهزیرێ عیراقێ كارێن دهستپێكی یێن حكومهتا خو دیار دكهت.
ئهڤرۆ محهمهد حسێن بهحرلعلوم هنارتیی عیراقی ل نهتهوهیێن ئێكگرتی پهیاما مستهفا كازمی سهرۆك وهزیرێ عیراقێ ل جڤینا جڤاتا ئاسایشا نێڤ دهولهتی خاند.
مستهفا كازمی د پهیامهكێ دا راگههاند حكومهتا عیراقێ رژده ل سهر پارڤهكرنا موچهی و قهرهبووكرنا كهس و كارێن شههیدان و بیندارین خوپیشاندانان.
ل سهر كارێن دهستپێكی یێن حكومهتێ ئهو چهنده ژی كازمی راگههاندیه كارێ دهستپێكی یێن حكومهتا عیراقێ ههموو بزاڤ هێنهكرن بۆ بهرهنگاربوونا كورونا و دارشتنا رهشنڤسا بودجا گشتی یا عیراقێ بۆ ریب ری بوونا قهیرانا دارای.
ئهڤرۆ نیۆز، عهزیز ههورامی:
ههردوو دهروازهی بازرگانی شۆشمێ تهوێڵه و پشته له سنووری پارێزگای ههڵهبجهن بهڵام له بهڕێوهبهرایهتی گومرگی سلێمانییهوه سهرپهرشتی دهكرێن، حكوومهتی خۆجهی ههڵهبجهش یاداشتیان بۆ حكوومهت بهرزكردووهتهوه ههردوو دهروازه بازرگانیهكه بخرێتهوه سهر پارێزگای ههڵهبجه.
ئازاد تۆفیق پارێزگاری ههڵهبجه، به ئهڤرۆ نیۆزی ڕاگهیاند:” نزیكهی دهمانگه فهرمانی كردنهوهی بهڕێوهبهرایهتی گومرگی ههڵهبجه دهرچووه، بهڵام هیچ كارمهندێمی بۆ دانهمهزرێنداراوه له ئێستهدا كهس دانامهزرێندرێت.
ئازاد تۆفیق زیاتر دهڵێ: یاداشتمان بۆ حكوومهتی ههرێمی كوردستان بهرزكردووهتهوه فهرمان بهر بۆ بهڕێوهبهرایهتی گومرگی ههڵهبجه دابمهزرێنێت و ههردوو دهروازهی بازرگانی شۆشمێ تهوێڵه بخرێتهوه سهر ههڵهبجه، بینای فهرمانگهی گومرك تهواو بووه.
تۆفیق دهڵێ: تاوهكو ئێستاش له سلێمانییهوه سهرپهرشتی گومرگی ههردوو دهروازه بازرگانییهكه دهكرێت، ئهو دوو دهروازهیه بخرێتنهوه سهر ههڵهبجه له ڕوی ئابووری و ئاوهدانكردنهوه زۆر گرنگه و ههوڵهكانمان بهردهوام دهبێت.
ساڵانه داهاتی ههردوو دهروازهی بازرگانی شۆشمێ – تهوێڵه و پشته له سنووری پارێزگای ههڵهبجه 60 ملیار دیناره ،داهاتهكهی بۆ پارێزگای سلێمانی دهگهڕێتهوه.
ئهڤرۆ نیوز:
ب ئهگهرێ كێمبوونا چاڤهرێ نهكریا ئاستێ پترۆلا عومباركری دناڤ كوگههێن پترۆلی یێن ئهمریكا بهایێ وێ بلند بوو، بهلێ ب ئهگهرێ سهرهلدانا پێلا دوێ یا ڤایرۆسی كورونا، بلند بوونا بهایێ پترۆلێ ل توخیبهكێ دیاریكری مایه.
لگۆری ئاژانسا رویتهرز، بهایێ پترۆلا برێنت بهایێ 6 سهنتان زێدهبوو، كۆ دبیته 0.2% بهایێ وێ، دوماهی كرین و فرۆتن ب بهایێ 29.25 دۆلاران پێ هاتیهكرن، بهایێ پترۆلا تهكساس ب 18 سهنتان بلند بو كۆ 0.7% بهایێ وێ 24.47 دۆلاران كرین و فرۆتن پێ هاتیهكرن.
ل دۆ ههفتیێن بوری پرانیا وهلاتێن جیهانێ رێكارێن بهرهنگاربوونا ڤایرۆسێ كورونایێ ل وهلاتان كێمكرینه، ئهڤ چهنده ژی كارتێكرن ل سهر ڤهژاندنا بازارێ ئابووری یێ جیهانی و بلند بوونا بهایی پترۆلێ كر بوو.
ههڤدهم ل گهل دهستپێكرنا چالاكیێن ئابووری و جڤاكی ل پرانیا وهلاتێن جیهانێ، ئهگهرێ بلاڤبوونا پێلا دویێ یا ڤایرۆسێ كورونایێ ل چهند وهلاتهكێن وهك چینی و كوریا باشور سهرهلدایه، ئهڤێ ژی وهكریه هیڤیا وهبهرهێنهرێن پترۆلی ب ڤهژاندنا بازارێ پترۆلێ كێم بیت.
شهڤا بووری رێڤهبهراتیا ووزهیا ئهمریكا بهلاڤكریه، ئاستێ پترۆلا عومباركری یا ئهمریكا ب قهبارهیێ 745 هزار بهرمیلان كێمكریه، ئهڤه ژی تا ئاستهكی كارتێكرنا خو ل سهر بلند بوونا بهایێ پترۆلێ ههیه.
ئەڤرۆ نیوز:
وەزارەتا ساخلەمیێ راگەهاند، توشبوویەکێ نوو یێ ڤایرۆسێ کۆرۆنا یێ ل سلێمانیێ هاتە دەستنیشان کرن.
وەزارەتا ساخلەمیا حوکمەتا هەرێما کوردستانێ راگەهاند، توشبوویەکێ نوو یێ ڤایرۆسێ کۆرۆنا یێ ل سلێمانیێ هاتە دەستنیشان کرن، کو زەلامەکێ د ژیێ ٥٠ سالیێ دایە.
هەروەسا دیار کریە: ئەو زەلام ئاکنجیێ ناڤ باژێرێ سلێمانیێ ب خوەیە، ژبەر دەرکەفتنا نیشانێن کۆرۆنا یێ پشکنین بۆ وی زەلامی هاتینە کرن، ئەنجام پۆزەتیڤ دەرچووینە.
ئەڤرۆ نیوز:
نوری مالكی سهرۆكێ ئیئتیلافا دهولەتا قانوونێ راگههاند: ئیئتیلافا وان دێ پشتەڤانیێ ل ههر پێنگاڤەکێ کەت، یاکو حوکمهتا عیراقێ ب سهرۆكاتیا مستهفا كازمی، ژ پێخەمەتی خزمهتگوزاری و پارێزگاریكرنێ ل ههیبهت و سهروهریا دهولهتێ و سهپاندنا قانوونێ بهاڤێت.
میدیا یێن عێراقی دیار کرینە، کو مالكی گوتیە: هەڤپەیمانیا دێ پشتەڤانیێ ل کازمی کەت، هەکە پێنگاڤ د بەرژەوەندیا عیراقێ دا هاڤێتن، بهلێ ئهگهر پێنگاڤێن خەلەت هاڤێتن و زیان گەهاندە بهرژهوهندیا گشتی و وەلاتیان و خزمهتگوزاری و سهرهوهریا وەلاتی، دێ ل دژی وی راوەستین.
مالكی گوتیە ژی: هیڤیدارم حوکمهتا نوو پابهندی وی ئهركێ خوە بیت، یێ بۆ هاتیە دیار كرن، گرنگترین تشت ژی ڤەگهراندنا ههیبهتا دهولهتێ و ئهنجامدانا ئامادهكاریان بۆ ههلبژارتنێن پاقژ و پێشوهخت و چارهسهركرنا كێشێن ئابووری و پێشێلكاریێن ئهمنی.
نيشاندان