ئەڤرۆ نیوز:
وەزارەتا ساخلەمیا هەرێما کوردستانێ راگەهاند، کو زارۆیەکێ نەهـ سالی تووشی ڤایرۆسێ کۆرۆنا یێ بوویە کو بەرکەفتیێ تووشبوویەکێ بەری نەکە یە.
هەروەسا گۆتیە، د بەردەوامیا پشکنیان و لێگەریانێ لدووڤ گومانلێکریان، تووشبوویەکێ دیتر یێ ڤایرۆسێ کۆرۆنا یێ هاتە دەستنیشانکرن، کو زاڕۆیەکێ کورە و د ژیێ 9 سالان دایە، خۆجهێ پارێزگەها هەلەبجەیە و بەرکەفتیێ تووشبوویێن بەری نوکە یە.
ئەڤرۆ نیوز:
پەیڤدارێ رێڤەبەریا گشتی یا ساخلەمیا هەولێرێ راگەهاند، کو شەش تووشبوویێن دیتر یێن کۆرۆنا یێ ل هەولێرێ چێبووینە و بریارە بهێنە رەوانە کرن بۆ مال و ب ڤێ چەندێ سەرجەمێ گشتی یێ وان تووشبوویێن کۆرۆنا یێن کو ل هەولێرێ چێبووین گەهشتنە 28 کەسان.
د. بژار موسا عەلی، پەیڤدارێ رێڤەبەریا گشتی یا ساخلەمیا هەولێرێ گۆت، کو شەش نەخۆشێن تووشبوویی ب ڤایرۆسێ کۆرۆنا، پشتی وەرگرتنا چارەسەریێن نۆشداری ب تەمامی چێبووینە و بارێ ساخلەمیا وان تەمام یا جهگیرە.
هەتا نوکە ل هەرێما کوردستانێ 309 کەس تووشی ڤایرۆسێ کۆرۆنا یێ بووینە، ژ وان ژی 125 کەس چێبووینە و 3 کەسان ژی گیانێ خوە ژ دەستدایە.
ئەڤرۆ نیوز:
نێچیرڤان بارزانی سەرۆکێ هەرێما کوردستانێ د داخۆیانیەکێ دا دیار دکەت کو نها عیراق د رەوشەکا گەلەک خراب دایە و ژ بەر هندێ ژی دهێتە خواستن کو هەموو ئالیەک ناکۆکیێن خوە بدەنە رەخەکێ و ل سەر ئالیەتەکێ ل گۆر دستوورێ عیراقێ بۆ پێکئینانا حوکمەتا نوو رێککبکەڤن، دا حوکمەتا نوو بشێت د ئەرکێن خوە دا سەرکەفتی بیت.
سەرۆکێ هەرێما کوردستانێ هەروەسا دیار دکەت کو ژ بەر هندێ ژی نها گرنگە ب پشتەڤانیا هەموو ئالیەکێ حوکمەتەکا نشتیمانی ل عیراقێ بهێتە ئاڤاکرن و ژ بەر هندێ ژی وەکو هەرێما کوردستانێ ئەم پشتەڤانیێ ل بەرێز مستەفا کازمی دکەین کو بهێتە راسپاردن ژ ئالیێ هێزێن شیعە بۆ ئاڤاکرنا کابینا نوو یا حوکمەتا عیراقێ، هەروەسا داخواز ژ هەموو ئالیان دکەین کو پشتەڤانیێ ل وی بکەن دا بشێت د زووترین دەم دا کارێن ئاڤاکرنا کابینا نوو یا حوکمەتا عیراقێ ب دووماهی بینیت.
ئەڤرۆ نیوز:
سەرۆک مەسعود بارزانی د پەیامەکێ دا دیار دکەت کو پێدڤیە ژناڤبرنا تیرۆرێ و تیرۆرستان ژ کارێ سەرەکی یێ حوکمەتا هەرێما کوردستانێ، عیراقێ و هەڤپەیمانیا نێڤدەولەتی بیت.
سەرۆک بارزانی هەروەسا دیار دکەت کو ب مخابنی ڤە دوهی تیرۆرستێن داعشێ ل سنورێ قەزا کۆلەجۆ ل گەرمیان هێرشی هێزێن پێشمەرگەی کرینە کو د ئەنجام دا دو پێشمەرگە ب ناڤێن فارس رەسول و سوورکێو حەمە رەشید شەهید بووینە.
د پەیاما خوە دا سەرۆک بارزانی سەرساخیێ بۆ مالباتا هەر دو شەهیدان دخوازیت و خوە ب شریکێ خەما وان دزانیت.
سەرۆک بارزانی هەروەسا دیار دکەت کو هێرشا شەڤێ دی نیشا ددەت کو داعشێ جارەکا دی خوە رێکخستیە و بوویە مەترسی ل سەر ژیانا هەموو وەلاتیان و ژ بەر هندێ ژی دڤێت ژناڤبرنا داعشێ ببیتە کارێ سەرەکی یێ هەرێما کوردستانێ، عیراقێ و وەلاتێن هەڤپەیمان.
ئەڤرۆ نیۆز، قائید میرۆ:
سەرۆکێ کۆمەلا کرێداران داخوازکر کرێدار ل کریا دو ھەیڤان بھێنە ئازاکرن و د ھەمبەرداژی حوکمەتێ باجا دو سالان خوەدی مولکان ئازا بکەت.
گۆران عەوێنەیی، سەرۆکێ کۆمەلا کرێداران بۆ ئەڤرۆ نیۆز دیارکر” ژ چەندین لایانڤە داخواز ل سەرۆکایەتیا جڤاتا وەزیران ھاتیەکرن، بڕیارەکێ لدۆر ئازاکرنا کرێداران دەربکەت و بابەتێ دان و نەدانا کرێ بھێتە ئێکلاکرن، چونکە پێدڤی ب بڕیارا حوکمەتێ ھەیە و ھژمارەکا زۆرا خوەدی خانی و ئاڤاھی جھێن بازرگانی کرێدار ئازاکرینە ژبەر ئەڤێ رەوشێ، بەلێ ھێشتا ھژمارەکا زۆرژی ماینە.
سەرۆکێ کۆمەلا کرێداران گۆتژی” مە پێشنیارکریە حوکمەت باجا دو سالان وەلاتیان ئازا بکەت و د ھەمبەردا خوەدی مولکژی کریا دو ھەیڤان کرێداری ئازا بکەت، ئەڤە چارەسەریەکا گونجایە بۆڤێ رەوشێ نوکە ئەم تێداینە.
گۆران عەوێنە ئاشکراکر” چو ئامارێن فەرمیی و نەفەرمی لدۆر ھژمارا مولکێن بکرێ چووین نینە، چونکە ھژمارەک وەلاتی ھەتا باجێ نەدەنە حوکمەتێ مولکێن خوە تۆمارنەکرینە ل رێڤەبەریێن دانا باجێ.
ئەڤرۆ نیۆز، قائید میرۆ:
سەرۆکێ لیژنا دەرمانان لپەرلەمانێ کوردستانێ ئاشکراکر، ژبلی کیتەکا پشکنینا ڤایرۆسا کورونا ھێشتا حوکمەتا فیدڕال چو ھاریکاریێن وەسا نەداینە ھەرێما کوردستانێ و دبێژیت، ھەرێمی داخوازکریە پاداشتێ کارمەند و نۆشداران ھەرێما کوردستانێ ژی ڤەگریت.
زانا مەلا خالد، سەرۆکێ لیژنا دەرمانان ل پەرلەمانێ کوردستانێ بۆ ئەڤرۆ نیۆز دیارکر” ل دەستپێکا بەلافبوونا ڤایرۆسا کورونا کیتەک یا پشکنینێ ژلایێ ساخلەمیا بەغدا گەھشتە ھەرێما کوردستانێ بۆ ئەنجامدانا ١٠٠ پشکنینێن ڤایرۆسا کورونا و مفا لێ ھاتە وەرگرتن.
وەزیرێ ساخلەمیا ھەرێما کوردستانێ پشکداری د کۆمبوونا وەزارەتا ساخلەمیا عێراقێ دا کربو تێدا داخواز ھاتبوکرن ئەو پاداشتێ ٥٠٠ ھزار دیناری یێ ژبۆی نۆشدار و کارمەندێن ساخلەمی دھێتە مەزاختن ھەرێما کوردستانێ ژی ڤەگریت، بەلێ ھەتا نوکە چو ھەڤکاریێن بەغدا نەگەھشتینە ھەرێما کوردستانێ تایبەت ب ڤایرۆسا کرۆنایێ.
ئه‌ڤرۆ نیۆز، عه‌زیز هه‌ورامی:
تیرۆرستانی داعش له خانه‌قین و ده‌وروبه‌ری جوڵه‌یان زیاد كردووه، هێرش ده‌كه‌نه سه‌ر هێزه عێراقییه‌كان و هێزه‌كانی پێشمه‌رگه‌ی كوردستان، به‌رپرسێكی باڵای پارتی، مه‌ترسی تیرۆرستانی داعش زیادی كردووه.
شه‌وی ڕابردوو له هێرشێكی تیرۆرستانی داعش بۆ سه‌ر سه‌نگه‌رێكی لیوای پێنجی شاره‌زووری هێزه‌كانی پێشمه‌رگه له ناحیه‌ی گوڵه‌جۆ له ئه‌نجامدا دوو شه‌هید و بریندار بونی لێكه‌وته‌وه.
اكبر حه‌یده‌ر جێگری به‌رپرسی لقی 15ی خانه‌قینی پارتی دیموكراتی كوردستان، به ئه‌ڤرۆ نیۆزی ڕاگه‌یاند:” هه‌فته‌یه‌كه تیرۆرستانی داعش له خانه‌قین و ده‌وروبه‌ری جوڵه‌ی تیرۆرستیان زیادی كردووه، له‌م هه‌فته‌یه چه‌ندین هێرشیان كردووه‌ته سه‌ر هێزه‌كانی حه‌شدی شه‌عبی كوژرا و برینداری لێكه‌وتووه‌ته‌وه.
هه‌روه‌ها گوتی، تیرۆرستانی داعش له ناوچه‌كه له‌گه‌ڵ هێرشی ڕاسته‌وخۆ بۆسه‌ر هێزه‌كانی پێشمه‌رگه و سوپاس و حه‌شدی شه‌عبی ،له ڕێگه‌ی دانانه‌وه‌ی مینی چێندراویش كرداری تیرۆرستی ئه‌نجام ده‌ده‌ن.
ئاماژه بۆ ئه‌وه‌ده‌كات، شه‌وی ڕابردوو نزیك له ناحیه‌ی گوڵه‌جۆ هێرش كراوه‌ته سه‌ر هێزی پێشمه‌رگه و هاوه‌ن بارانی ناحیه‌كه كراوه، دوو پێشمه‌رگه شه‌هید بوون، داعش له‌ناوچه‌كه كاره‌تیرۆرستییه‌كانیان زیادی كردووه.
هه‌رئه‌مڕۆ له كاتی كێوماڵ كردنی ناوچه‌كه له لایه‌ن پێشمه‌رگه و ئاسایش پاش شه‌ڕ له‌گه‌ڵ تیرۆرستانی داعش، مینێكی چێندراو ده‌ته‌قێته‌وه، به هێزه‌كانی ئاسایش خۆشبه‌ختانه هیچ زیانێكی نه‌بووه.
ئه‌ڤرۆ نویز:
سه‌رۆكێ لژنا چاندنێ ل په‌رله‌مانێ كوردستانێ راگه‌هاند پێدڤیه هه‌رێما كوردستانێ زێده‌تر پشت به‌ستنێ ل سه‌ر خۆ بكه‌ت، چونكو نوكه به‌ره‌ڤ ئه‌وێ چه‌ندێ دچین كۆ لهه‌ڤگۆهارتنا بارزگانیێ دناڤبه‌را وه‌لاتان كێمتر ب بیت.
عه‌بدلستار مه‌جید سه‌رۆكێ لژنا چاندنێ ل په‌رله‌مانێ كوردستانێ د كۆنفرانسه‌كی دا راگه‌هاند دێ سه‌ره‌دانا هه‌ر چار پارێزگه‌هێن هه‌رێمێ كه‌ین، دووڤ چوونا ئه‌وان رێنمایێن هاتینه ده‌رخستن تایبه‌ت ب ئه‌وان رێنمایێن تایبه‌ت ب چاندنێ.
سه‌رۆكێ لژنا چاندنێ یا په‌رله‌مانێ كوردستانێ دیاركر نوكه وه‌رزێ چاندنێ یه و چنینا هنده‌ك به‌رهه‌می یه له‌ورا دڤێت كار هێسانی و رێنمایی یێن تایبه‌ت ب جۆتیاران بهێنه ده‌رخستن.
عه‌بدلستار مه‌جید سه‌رۆكێ لژنا چاندنێ ل په‌رله‌مانێ كوردستانێ ئه‌و چه‌نده ژی دازانین د ده‌مه‌كی دا ره‌وشا وه‌لاتێن هه‌ڤسی زۆرا خراپه، پێدڤیه هه‌رێما كوردستانێ زێده‌تر پشت به‌ستنێ ل سه‌ر خۆ بكه‌ت دبیت لهه‌ڤگوهارتنا بارزگانی یا وه‌لاتان كێمتر بیت.
ئه‌ڤرۆ نیوز:
ب ئه‌گه‌رێ سه‌رهلدانا ڤایرۆسێ كورونایێ ملیۆن كرێكاران ل جیهانێ كارێن خۆ ژ ده‌ست دان.
لگۆری نووترین راپۆرتا سه‌ندیكایا كرێكارێن ئه‌وروپا پشتی سه‌رهلدانا ڤایرۆسێ كورونا كۆڤید 19 هه‌تا نوكه ملیۆنه‌كا كرێكاران ل ئه‌ورۆپا كارێن خۆ ژ ده‌ست داینه و بێكارن.
لوكا فیسینتنی سكرتێرا سه‌ندیكا كرێكارێن ئه‌ورۆپا هوشداری دا هه‌كه بریاره‌كا بله‌ز نه‌هێته‌دان كۆ ئه‌و كرێكارێن تووشی زیانان دبن و كارێن خۆ ژ ده‌ست داین دێ ره‌وشه‌كا خراپ ب سه‌ر كرێكاران دا هێت.
سه‌ندیكا كرێكارێن ئه‌ورۆپا ئه‌و چه‌نده ژی راگه‌هاند كۆ 400 ملیار دۆلار پێدڤینه بۆ ئه‌وێ چه‌ندێ پشته‌ڤانی ل كرێكاران بهێته‌كرن.
رێكخراوا نێڤ ده‌وله‌تی یا كاری راگه‌هاند هه‌كه قه‌یرانا ڤایرۆسێ كورونایێ به‌رده‌وام بیت 36 ملیۆن كرێكار بێكار دبن و كارێن خۆ ژ ده‌ست دده‌ن و قه‌یرانه‌كا مه‌زنا ئابووری دێ ب سه‌ر جیهانێ دا هێت.
ئەڤرۆ نیوز، مەحمود نهێلی:
رێڤەبەرێ ساخلەمیا قەزا ئامێدیێ بۆ ئەڤرۆ نیوز دیار کر، ل سنورێ قەزا ئامێدیێ دو ئوتێل و ئاڤاهیەکێ پێنج شوقەیی و ئاڤاهیێ پشکا ناڤخوە یا پەیمانگەهێ هاتینە بەرهەڤکرن بۆ کەرەنتین و بەرکەفتیان و ل بنگەهێ ساخلەمیا شێلادزێ یێ نوو ژی پشکەک هاتیە تەرخانکرن بۆ وەرگرتن و چارەکرنا نەخوەشێن کۆرونایێ کو جهێ چاردە تەختایە و یێ ڤەدەر وجودایە ژ پشکێن دیتر.
دکتور شاکر عەبدولعەزیز رێڤەبەرێ ساخلەمیا قەزا ئامێدیێ دیار کر وان داخازا دابینکرنا چار ئامیرێن هەناسەدانێ کرینە بو ڤی بنگەهی و گۆت : ئەڤ ئامادەکارییە پشتی نەخوەشخانێن ل دهۆکێ و زاخۆ و ئاکرێ پری نەخوەش دبن ل وی دەمێ دێ ئەم ژی نەخوەشێن ئامێدیێ ل وێرێ حەوینین ، ب ئانەهیا خودێ ئەم پێدڤی نابینێ و وەلێناهێت پێدڤی ببینێ.
ناڤهاتی دیار کر، هەموو پشکنینێن خوە نوکە ئەم فرێ دکەینە دهۆکی و چ قەزایەکێ ئامیرێ پشکنینێ نینە و گۆت : تا نوکە ل دەڤەرا ئامێدیێ مە دورێن ۱۳۰ پشکنینان بۆ بەرگومانان ئەنجامداینە و دو ژوانا پوزتیڤ دەرچونە و نوکە رەوشا وانا ژی باشە سوپاس بو خودێ. ناڤهاتی دیار ژی کر، کومەلگەها قەدشێ دێ بو ماوێ دوو حەفتیان د دکەرەنتینێ دا بن و هەکە چ توشبوویێن دی نەهاتنە تومارکرن دێ ب داوی هێت.
هەروەسا ناڤهاتی دەست خوەشی و سوپاسیا خەلکێ دەڤەرێ کر، کو تا راده‌یەکێ باش پێگیرن بوون ب رێنمایان و داخاز ژی کر، بەردەوام و خوەراگڕ بن و تەحمولێ بکەن تا ئەڤ رەوشە دەربازدبیت و ب ئانەهیا خودێ دێ ل ڤێ رەوشێ ب سەرکەفتیانە دەرباز بین.
نيشاندان