ئه‌ڤرۆ نیوز:
وه‌زیرێن ده‌رڤه‌یێن وه‌لاتێن ئه‌ندامێن هه‌ڤپه‌یمانیا باكورێ ئه‌تله‌سی ناتۆ دێ بۆ شرۆڤه‌كرن و كارتێكرنێن په‌ژیكا كورونایێ كۆم بیت.
یێنس ستولتنبێرگ ئه‌میندارێ گشتی یێ ناتۆ راگه‌هاند: ئارمانجا سه‌ره‌كیا ناتۆ رێگرتنه ژ ئه‌ڤێ ڤایرۆسا كورونایێ كۆ ب بیته ئاریشه و ده‌لیڤه بۆ قه‌یرانێن ئه‌منی.
بریاره ئه‌ڤرۆ وه‌زیڕین ناتۆ ب رێیا ڤیدیو كۆنفرانس كۆم بیت و دانوستاندنێ ل سه‌ر مه‌ترسی و رێكارێن به‌رهنگاربوونا ڤایرۆسێ كورونایێ بكه‌ن.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، دو تووشبوویێن دیتر ل هەولێرێ هاتینە تۆمار کرن کو زەلام و ژنەکن.
وەزارەتا ساخلەمیێ راگەهاندیە، کو ئەو ژنە د ژیێ 30 سالیێ دانە، زەلام ژی د ژیێ 25 سالیێ دانە و بەرکەفتی ل گەل تووشبوویێن بەری نوکە دا هەبوویە.
هەتا نوکە ل هەرێما کوردستانێ 190 کەس تووشی کۆرۆنا یێ بووینە، دو کەسان گیانێ خوە ژ دەستدایە و 61 کەسێن دیتر ژی چێبووینە، ب ڤی رەنگی:
سلێمانی: 100 تووشبووی
هەولێر : 65 تووشبووی
دهۆک: 12 تووشبووی
هەلەبجە: 13 تووشبووی
ئەڤرۆ نیوز:
سەرۆکێ حکومەتا هەرێما کوردستانێ د کۆمبوونا جڤاتا وەزیران دا داخواز کر، کو بارگرانیا ل سەر ملێن خەلکێ کاسبکار و کرێچیان بهێتە کێمکرن و لژنەک بۆ پێکئینایە.
رۆژا چارشەمبی جڤاتا وەزیران بۆ ئێکەمجار د مێژوویێ دا ب شێوێ ئۆنلاین کۆمبووینە و د وێ کۆمبوونێ دا، سکرتێرێ جڤاتا وەزیران رەشنڤیسێ بڕیارەکێ خستیە بەرچاڤ بۆ پشتگیریکرن و ئاسانکاریان و وێ بارگرانیا کاسبکار و کرێچیێن ب ئەگەرێ رێکارێن خوە پارێزیێ ژ ڤایرۆسێ کۆرۆنا یێ تووشی زیانێ بووین.
د وێ کۆمبوونێ دا مەسرور بارزانی، سەرۆکێ حکومەتا هەرێما کوردستانێ لژنەکا قانوونی ل جڤاتا وەزیران راسپاردیە بۆ هندێ میکانیزما قانوونی ببینن بۆ کێمکرنا وێ بارگرانیا ل سەر ملێن خەلکێ کاسبکار و کرێچی، کو ب ئەکەرێ رێکارێن خوە پارێزیێ ژ ڤایرۆسێ کۆرۆنا زیان پێکەفتیە.
ئه‌ڤرۆ نیۆز، سالار دۆسكى:
ئه‌ندامه‌كێ په‌رله‌مانێ عیراقێ ژ فراكسیوونا ئێكگرتوویا ئیسلامى یا كوردستانێ، ئاشكراكر كو هه‌كه به‌ربژارێ پوستێ سه‌رۆك وه‌زیرێن عیراقێ یێ نوكه نه‌شیا دماوێ دیاركرى دا حوكمه‌تێ دورست بكه‌ت، سێ بژاردێن دى دێ هێنه پێش، یان دێ بابه‌تێ به‌ربژێره‌كێ نوو هێت، یان شه‌ره‌كێ نافخوه، یان كوده‌تا له‌شكه‌رى دێ په‌یدابیت، چنكو كاوادن زێده‌تر نه‌شێن به‌رده‌وام بن و هه‌ر ئالیه‌كێ سیاسى بوویه ته‌فشیێ به‌روكا خوه.
د. جه‌مال كوچه‌ر، زێده‌تر بۆ ئه‌ڤرۆ نیۆز گۆت: كوردان و عه‌ره‌بێن سونه گۆتیه به‌ربژێرێ پوستێ سه‌رۆك وه‌زیران، هه‌ره ببه به‌ربژێرێ مالا شیعى، مه هه‌ر دو ئالیان نه‌رازیبوون ل سه‌ر ته نینه، چنكو هه‌تا نوكه ئالیێن شیعى ب وى درازینینن و ئه‌ڤه كێشا وى یه، لژنه‌ك ژ ئالیێن سیاسى ل كوردستانێ هاتیه دروستكرن و ئالیێن شیعى دزانن كا مه‌رجێن كوردان چنه.
هه‌مان ئه‌ندامێ په‌رله‌مانى ئه‌و ژى گۆت: پشتى ڤه‌كێشانا هێزێن ئه‌مریكى ژ عیراقێ، دێ كاودانێن ئێمناهیێ به‌ر ب نه‌باشیێ ڤه چن، چنكو فرۆكێن هه‌فپه‌یمانان نارابن، هه‌كه جاره‌كا دى هه‌فپه‌یمان بزڤرن ژى دێ ب مه‌رج زڤریت و ئێدى به‌غدا نه‌شێت بێژیتێ ده‌ركه‌ڤه، ل گه‌ل ده‌ركه‌فتنا هێزێن هه‌فپه‌یمانان كه‌سه‌ك نه‌شێت ئه‌سمانێ عیراقێ ب پارێزیت، ل گه‌ل هندێ دێ كاودانێن ئابوورى پتر تێكچن و دێ ئالووزى دناڤبه‌را ئالیێن سیاسى یا دروست بن.
ئه‌ڤرۆ نیۆز، سالار دۆسكى:
مامۆستایه‌كێ زانكۆیا زاخو ئاشكرا كر، كو دڤێت حوكمه‌تا هه‌رێما كوردستانێ سیاسه‌تا خوه یا ل گه‌ل بازارێ پاره گوهورا ب گوهوریت و ئه‌گه‌ر نه ره‌نگه، زیانێن ئابوورى مه‌زنتربن ژ زیانێن نه‌خوشیا كورونایێ.
د. ره‌نج محه‌مه‌د نورى مامۆستایێ كولیژا كارگێرى و ئابوورى ل زانكۆیا زاخۆ بۆ مالپه‌رێ ئه‌ڤرۆ نیۆز گۆت: هه‌كه بورسه ل كوردستانێ یا ئه‌كتیف با، دا هه‌بوونا دۆلارى ل به‌غدا كارتێكرنێ ل هه‌رێما كوردستانێ ژى كه‌ت چنكو كاودانێن به‌غدا نه دباشن و دا كارتێكرنا دۆلارى ل سه‌ر هه‌رێمێ باشتر هه‌بیت، دیسا نه‌بوونا فرۆكخانێ ژى دناڤبه‌را كوردستانێ و به‌غدا دا ره‌نگه دۆلار كێم بهێته كوردستانێ، به‌غدا رۆژانه 250 هزار دۆلاران ل بازارى دا به‌لاف دكه‌ت، دبینم ئه‌ڤ گران بوونه بتنێ ل كوردستانێ دروست بوویه و ئه‌و ژى چنكو بتنێ بورسه بۆ ماوێ دو روژان یا ڤه‌كریه، بتنێ چه‌ند نڤێسینگه‌هان ده‌ستیردان هه‌یه، ل به‌غدا داخازى ل سه‌ر نینه چنكو رێك هاتینه‌گرتن و هه‌موو بازار ب دۆلارى یه.
د. ره‌نج ئه‌و ژى گۆت: سیاسه‌تا بورسێ دڤێت هه‌ڤ پشك هه‌بن و كارێ بورصێ ب چه‌ند كه‌سان ناهێته‌كرن و دڤێت هه‌ڤركى ل بورصێ دا بهێته‌كرن، گه‌له‌ك فرۆشیار و بكر تێدا هه‌بن، ئه‌ڤه سیاسه‌تا هه‌موو بورصانه نه‌بتنێ بورسا پاره گوهوران.
د.ره‌نج ئه‌و ژى ئاشكراكر كو هه‌كه نوكه كه‌سه‌كێ نه‌چار بیت و پێدڤى ب بازارێ پاره گوهوران هه‌بیت و حه‌فت زالگه‌هان دا ده‌ربازببیت هه‌تا دگه‌هیته بازارێ پاره گوهوران، یێ به‌رهه‌ڤ نینه سوبه ژى ده‌ستیردانێ وه‌ربگریت هه‌تا دچیته بازارێ پاره گوهوران و ب،ڤى ره‌نگى دێ بازارێ پاره گوهوران هه‌بیت و خه‌لكێ نه‌چاره چنكو بازارێ هه‌موو یێ گرتى یه و بتنێ چه‌ند نڤێسینگه‌هان ده‌ستیردان هه‌یه.
د.ره‌نج ئه‌و ژى دیاركركو دڤێت حوكمه‌تا كوردستانێ سیاسه‌تا خوه یا ڤه‌كرنا نڤێسینگه‌ه و كومپانیێن پاره گوهوران ب گوهوریتن، نه‌بتنێ حه‌فتیێ دو رۆژان بورصه هه‌بیت، یا ژ هه‌موویان شاش تر بتنێ چه‌ند نڤێسینگه‌هان ده‌ستیردان هه‌بیت.
هێشتا گۆت: ئه‌ڤه كێشه‌كا ستراتیجى یه و دڤێت رێك هه‌بن دۆلار ل به‌غدا بگه‌هیته كوردستانێ، بۆچى چاڤ ل وه‌لاتێن پێشكه‌فتى نا كه‌ین ره‌نگه زیانه‌كا مه‌زن بده‌ین یا ژ نه‌خوشیا كورونایێ مه‌زنتر، چنكو هه‌موو بازار ب دۆلارى یه، بڤى ره‌نگى ئێدى بازرگانا باوه‌رى ب ڤى پاره نامینت.
ئەڤرۆ نیوز:
ئەڤرۆ وەزارەتا ساخلەمیا هەرێما کوردستانێ راگەهاند، 12 کەسێن دیتر ل پارێزگەها سلێمانیێ و هەلەبجە تووشی ڤایرۆسێ کۆرۆنا یێ بوون.
هەروەسا گۆتیە، 9 ژ وان کەسێن تووشبوویی ژنن و سێ کەسێن دیتر ژی زەلامن، پێنج ژ تووشبوویێن هەلەبجە بەرکەفتیێن تووشبوویێن بەری نوکە نە، پێنج تووشبوویێن چەمچەمال ژی بەرکەفتیێن تووشبوویێن بەری نوکە نە ل گەل دو کەسێن دیتر.
ئەڤرۆ نیوز:
جڤاتا وەزیرێن هەرێما کوردستانێ ب کۆما دەنگان بڕیاردا کو مووچێ فەرمانبەران دابین بکەن و دەستکاریێ د مووچێ فەرمانبەران دا نەکەن.
ئەڤرۆ چارشەمبی 2020/4/1 جڤاتا وەزیرێن هەرێما کوردستانێ ب رێیا ئۆنلاین کۆمبوون ب سەرپەرشتیا مەسرور بارزانی سەرۆکێ حوکمەتا هەرێما کوردستانێ و ب پشکداربوونا قوباد تالەبانی جێگرێ سەرۆکێ حکومەتێ ئەنجامدایە.
ل دەستپێکا کۆمبوونێ دا راپۆرتەک دەربارەی رەوشا دارایی یا هەرێما کوردستانێ و لێکەفتێن ئابووری و ڤایرۆسێ کۆرۆنا و داکەفتنا بهایێ نەفتێ ل بازارێن جیهانی دا، بزاڤێن رێکخستنا داهاتی و خەرجیان ل هەرێما کوردستانێ ژ ئالیێ وەزیرێ دارایی و ئابووری و سەرۆکێ دیوانا جڤاتا وەزیران هاتە پێشکێش کرن.
سەرۆکێ حکومەتێ جەختێ ل هندێ کریە، کو سەڕەرای کێمبوونا رێژەکا زۆر یا داهاتێن هەرێما کوردستانێ بەلێ حکومەت دێ هەموو بزاڤان کەت، بۆ هندێ کو کێمترین زیان بگەهیتە وەلاتیان، گوتیە ژی نوکە کارێ حکومەتا هەرێمێ پاراستنا ساخلەمیا وەلاتیانە و دابینکرنا خوارنێ و دەرمان و مووچەیانە، دیسان نوکە حوکمەت دێ زێدەتر گرنگیێ ب کەرتێ چاندنێ دەت و دێ پتر پشتەڤانیێ ل بزاڤێن وەزارەتا چاندنێ و ژێدەرێن ئاڤێ کەت.
هەروەسا جڤاتا وەزیران ب کۆما دەنگان بریار دا کو بەرنامێ جڤاتا وەزیران دابینکرنا مووچێ فەرمانبەرێن حکومەتێ یە و دەستکاریێ د مووچەی دا ناکەین، هەروەسا ئەندامێن جڤاتا وەزیران بریار دایە کو نیڤا مووچە و دەرمالێن خو یێن دو هەیڤان ببەخشنە گەنجینا حکومەتێ بۆ هندێ داکو ل سەر خەلکێن کێم دەرامەت دا بهێنە دابەش کرن.
ئەڤرۆ نیوز:
ئەڤرۆ چارشەمبی، وەزارەتا ساخلەمیا هەرێما کوردستانێ راگەهاندنەک بەلاڤکریە و تێدا هاتیە، نیگەرانین هەتا نوکە هندەک وەلاتی بەرکەفتیێن کەسانێن دیترن و هاتینە ژ دەرڤە و کەسێن دیتر دیتینە، هەر ئێک دیتنەک و بەرکەفتنەک ئەگەرێن ترسناکیێ و تووشبوونێ چەندین جاران زێدە دکەت.
هەروەسا گۆتیە، هیڤی دکەین، د مالێن خوە دا بمینن و نەهێنە ژ دەرڤە، داکو دوور بین ژ کارەساتێن بەلاڤە کرنێ و ژ دەستدانا کۆنترۆلێ.
وەزارەتا ساخلەمیێ
1 نیسانا 2020
ئەڤرۆ نیوز:
بەرێز: دەزگەها پێشمەرگە یێ نیڤدەولەتی بۆ کارێ مروڤی.
ل دەستپێکێ خزمەتا دەزگەها هەوە بۆ گەهاندنا پەیاما مروڤاتی یا پێشمەرگێ کوردستانێ ل سەرانسەری جیهانێ جهێ دەستخوشیێ یە و کارێ هەوە بلند دنرخینین.
پشتی کو هندەک ماسک ب شێوێ ئالایێ کوردستانێ ژلایێ دەزگەهێ هەوە ڤە هاتینە دورستکرن و بوویە جهێ رەخنێ دتورێن جڤاکی دا مە ب فەر دیت وەکو ”وەزارەتا رەوشەنبیری و لاوان”رێڤەبەریا گشتی یا رەوشەنبیری و هونەری ل دهۆکێ کو لایەنێ فەرمی یێ دەستیردای ژ بۆ چاڤدێریکرن و بجهکرنا یاسایا ئالایێ کوردستانێ داخویانیەکێ بەلاڤ کەین و ئەوی کاری ب کارەکێ شاش بدەینە زانین چونکە ژ رومەتا ئالایێ کوردستانێ دهێتە کێمکرن ئەو ئالایێ ئەفسانەیا داعش شکاندی نە جوانە ب شێوێ بەردەفک بهێتە دورستکرن ئەگەر خو بو یادگاری ژی بیت.
راستە دبیت هەوە ژ دلسوزی وە کربیت و هەوە وەکی ڤیان ئەو کارە ئەنجام دابیت بەلێ ل گور یاسا ئالایێ کوردستانێ ژمارە ١٤ یا سالا ١٩٩٩ لـ مادەیێ چارێ: دروستکرن یان چاپکرنا ئالایێ کوردستانێ و دان و فرۆتنا وی دکەڤیت بن دەستوریا وەزارەتا رەوشەنبیری و لاون ڤە.
زێدەتر ل سیستەمێ ئالایێ کوردستانێ ئەڤ خالە روهن کریە و ل مادە پێنج یا سیستەمی دبێژیت: دەستهەلاتا دەستویردانێ بۆ چاپکرنێ و دروستکرنا ئالایێ کوردستانێ یان بازرگانیکرن ب هەمی جۆر و شێوەیێن ئالایی ژ پەرۆکی و کاغەزی و هەر کانزایەکێ دی بیت وەزارەتا رەوشەنبیری ددەتن.
دیسان بژاندنا ژمارە ٩١٧٥ یا حکۆمەتا هەرێما کوردستانێ ب ئاشکرایی گوهورینا هەمی تابلویان یێن هەر وەزارەتەکێ و سازیەکێ دکەت ژبەرکو بەگرەوەند ئالایە و نابیت لسەر بهێتە نڤیسین.
و ب ئەتەکیتێن ئالای ئەو تشتێ زۆی پویچ دبیت وەکی بتلێ ئاڤێ و قابکا کلێنسا و زەرفێ چپسا و پاکیتا جگارا و ئەو ماسك نابیت ب ئالایی بهێنە دروستکرن ژبەرکو دێ سەتلێن کلێشی پری ئالایێ کوردستانێ بن و ئەڤە بێ رێزی یە ب ئالایێ کوردستانێ.
و دەستخۆش بۆ کارێ هەوە و بەلاڤکرنا ماسکا بەلکێ ماسێکێن ئالایێ کوردستانێ نابن و ژ بەر کو زۆی دهێنە هاڤێتن و ئەم وەکی ”وەزارەتا رەوشەنبیری و لاوان” رێڤەبەریا گشتی یا رەوشەنبیری و هونەری ل دهۆکێ کو دەستهەلاتا مەیە مافی ب کەسێ نادەین دروست بکەن.
دگەل رێزگرتنێ.
ئەڤرۆ نیوز:
پشتی کو ڤایرۆسێ کۆرۆنا ل ئیرانێ بەلاڤبوویی و هەتا نها گەلەک کەسان جانێ خوە ژ دەست داینە، هندەک بسپۆرێن سیاسی ل ئیرانێ دیار دکەن کو هەتا نها پتر ژ ١٠ هزار کەسان ل ئیرانێ ژ بەر کۆرۆنایێ جانێ خوە ژ دەست داینە و بەرپرسێن ئیرانێ ئامارا دروست بەلاڤ ناکەن، نها ژی بەرپرسێن ئیرانێ بزاڤا هندێ دکەن کو ئەمریکا سزایێن ئابووری یێن ل سەر ئیرانێ راکەت.
ئەڤرۆ ٣٤ کۆنگرێسمانێن ئەمریکا دیار کرن کو دڤێت ئەمریکا هندەک سزایێن ئابووری یێن ل سەر ئیرانێ راکەت دا تەهران بشێت هاریکاریێن مرۆڤی ژ دەرڤە وەربگریت و هاریکاریا خەلکێ خوە بکەت.
چاڤدێرێن سیاسی ژی دیار دکەن کو بەرپرسێن ئیرانێ دخوازن بابەتێ کۆرۆنایێ د بەرژەوەندیا دەستهەلاتا خوە دا بکار بینن و هەکە رێ ب ئیرانێ بهێتە دان دێ دیسان بزاڤا هندێ کەت دا ئالۆزیێن نوو ل دەڤەرێ دروست بکەت.
نيشاندان