ئەڤرۆ نیوز:
ئەڤ شەڤە د گۆتارەکێ دا محەمەد تەوفیق عەللاوی سەرۆکێ وەزیرێ راسپاردی یێ کابینا نوو یێ حوکمەتا عێراقێ دەست ژ کارکێشانا خوە ژ وی پۆستی راگەهاند.
هەروەسا گۆت ژی، من گەلەک بزاڤ کرن کو هەموو قەیرانان چارەسەر بکەم، لێ ئەز نەشیام ڤێ چەندێ بکەم، لەوما لێبۆرینێ ژ خەلکی عیراقێ دخوازم کو ئەز نەشیام حوکمەتا نوو پێکببینم.
ئەڤرۆ نیوز:
میدیایێن عیراقێ بەلاڤ كریە، ئەڤ شەڤە محەمەد تۆفیق عەللاوی سەرۆك وەزیرێ ئەرکدار، پشتی کو شکەستن د ماوێ خوە یێ قانوونی دا ئینای، کو حوکمەتێ پێكبینیت، وی ل بەرە ئەڤ شەڤە د بەیاننامەكێ دا خوە ژ وێ پرۆسێ ڤەکێشیت.
ل گورەی میدیایێن عێراقێ، ئەڤ شەڤە عەللاوی دێ بەیاننامەکێ یان گوتارەکا تەلەڤزیۆنی پێشکێشی خەلکێ عێراقێ کەت، تێدا دێ ڤەكێشانا خوە ژ وێ پرۆسێ راگەهینیت و ئێدی وەك سەرۆك وەزیرێن ئەرکدار بەردەوام نابیت.
ئەڤرۆ نیوز:
میدیایێن عیراقێ هۆشداریێ ددەن، ژبەرکو وەلاتێ وان چاڤەڕێی سالەکا قورس یا دارایی دکەت، چونكی ژ بلی كورتهێنانا مەزن یا بوودجەی و پەسەند نەكرنا وی د ئەڤ سالە دا، داکەفتنا بازارێ نەفتێ گرانیەکا دیتر دێ بۆ عیراقێ دروست کەت.
هەکە بەرپرسێن عیراقێ نەشێن زال ببن ل سەر وان بەربەستێن ئابووری یێ ڕوو ب روو عیراقێ دبن، دێ سالا 2020 سالەکا پڕی تەنگژە بیت، هۆكارێ ئێکێ پەیدابوونا ڤایرۆسێ كۆڕۆنا یە، چونكی ب ئەگەرێ وی ڤایرۆسی، وەلاتێ چینێ كێمتر گرنگیێ ب كڕینا نەفتێ ددەت د جیهانێ دا.
پێشتر چینێ ڕۆژانە ئێك ملیۆن بەرمیلێن نەفتێ ژ عێراقێ دکرین، نوکە ب ئەگەرێ راوەستیاجا كارگەهێێ چینێ، فرۆشتنا نەفتا عێراقێ كێم بوویە، هۆكارەکێ دیتر داکەفتنا نرخێ نەفتێ یە ل جیهانێ، ئەڤە ژی دێ زیانەکا دیتر یا مەزن گەهینیتە عێراقێ، چونكی ژێدەرێ سەرەكی یێ داهاتێ عێراقێ ب رێیا نەفتێ دهێتە دابین کرن، بۆ پێدانا مووچێ فەرمانبەران ژی، عێراقێ ساڵانە پێدڤی ب 50 ملیار دۆلاران هەیە.
هەروەسا حوکمەتا عیراقێ پێشتر بۆ ڕەڤاندنا داخوازیێن خۆپیشاندەران بڕیار دابوو 300 هزار كەسان دابمەزرینن، ئەڤێ ژی پێدڤی ب 10 تریلیۆن دینارێن سەربار هەیە، داکو بشێت پارێ وان فەرمانبەرێن تازە هاتینە دامەزراندن دابین بكەت.
دیسان نوکە عێراق ڕوو ب روو كورتهێنانەکا مەزن بوویە كو گۆژمێ وێ 50 ترلیۆن دینارە، ئەڤە ژی گرفتەکا دیتر یا ئابوورییە بۆ ئەڤ سالە ل عێراقێ، هەروەسا كێمبوونا وی داهاتێ ڤەدەر ژ نەفتێ كێشەکاٖ مەزنە بۆ عیراقێ.
ئه‌ڤرۆ نیوز:
ئه‌ندازیار كانیوار جبرائیل رێڤه‌به‌رێ پرۆژێ ئه‌ندرپاسا نێزیك فه‌رماندێ ل كۆمپانیا كاڤین گرۆپ بۆ ئه‌ڤرۆ نیوز دیار کر: بڕیاره سوبەهی دوشەمبی 2.3.2020 ئه‌ندرپاسا نێزیك فه‌رماندێ ل هه‌مبه‌ر شوفێران بهێته ڤه‌كرن و گۆت ژی: پشتى وان ب شه‌ڤ و رۆژ و كێمتر ژ حه‌فت هه‌یڤان كار تێدا كرى، پرۆژه نێزیكى 94% ب دووماهى هاتیه و سوبه‌هی دێ ل هه‌مبه‌ر شوفێران هێته ڤه‌كرن.
ئه‌ڤرۆ نیوز:
ل دۆر گیربوونا مووچه‌ى، مه‌سرور بارزانى سه‌رۆك وه‌زیرێن هه‌رێمێ كو نوكه د سه‌ره‌دانه‌كێ دا ل ئوردنه گۆت” نه‌هنارتنا مووچه‌ى ژ ئالیێ به‌غدا ڤه پێشێلكرنا ده‌ستوورى یه، گیربوونا وێ ژى ژ ئه‌گه‌رێ رێڤه‌به‌ره‌كێ گشتى بوویه ل به‌غدا كو نه‌ڤیایه ئیمزایێ ل سه‌ر هنارتنا مووچێ فه‌رمانبه‌رێن هه‌رێمێ بكه‌ت، ئه‌ز ل گه‌ل وه‌زیرێ دارایى ئاخفتى مه، سوزێ داى ئه‌ڤ كێشه چاره‌سه‌ر ببیت، پرسا هنارتنا مووچه‌ى په‌یوه‌ندى ب پرسا نه‌فتێ و په‌یوه‌ندیێن هه‌رێم و به‌غدا ڤه نینه، مافه‌كێ ده‌ستوورى یێ مووچه‌خورێن كوردستانێ یه، كو حوكمه‌تێن عیراقێ هه‌موو پابه‌ندن ب هنارتنا مووچه‌ى.
ئەڤرۆ نیوز:
ئەڤرۆ ئێکشەمبی 1.3.2020 د مەراسیمەکێ تایبەت دا بەهزاد عەلی ئادەم جێگرێ پارێزگارێ دهۆکێ هاتە خانەنشین کرن، ماجد سەید سالح ب وەکالەت ل شوونا وی هاتە دانان.
فەرهاد ئەمین ئەتروشی پارێزگارێ دهۆکێ راگەهاند، ژبەر تەمامبوونا دەمێ بەهزاد عەلی ئادەم جێگرێ پارێزگارێ دهۆکێ د مەراسیمەکێ تایبەت دا هاتە خانەنشین کرن، ماجد سەید سالح ب وەکالەت ل شوونا وی هاتە دانان، ناڤهاتی داخواز ژ هەموو ئالیان کر کو د هاریکاربن ل گەل جێگرێ نوو یێ پارێزگارێ دهۆکێ.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ل گەل شاندەکێ گەهشتە ئوردن و ژ ئالیێ شاهێ ئوردنێ ڤە ب گەرمی پێشوازی لێ هاتە کرن.
دهێتە چاڤەرێکرن کو سەرۆکێ حوکمەتێ ل گەل شاهێ ئوردنێ کۆمبیت و بەحسێ پەیوەندیێن هەرێما کوردستانێ و ئوردنێ بهێتە کرن.
شاندێ هەرێمێ ژ سەرۆکێ حوکمەتێ، رێبەر ئەحمەد وەزیرێ ناڤخوە، عەبدوللا حاجی مەحمود وەزیرێ کاروبارێن شەهیدان و ئەنفالکریان و سەفین دزەیی بەرپرسێ فەرمانگەها پەیوەندیێن دەرڤە پێک دهێت.
ئەڤرۆنیوز، سەباح زوهێر زێباری:
ئەڤرۆ مازن محەمەد سەعید قائیمقامێ ئاکرێ قەزا ئاکرێ ڕاگەهاند، ژبەر مەترسیا بەلاڤبوونا ڤایرۆسێ کۆرۆنایێ وان بڕیارا ڕاگرتنا تەڤاهیا ئاهەنگێن نەورۆزێ دا ل قەزا ئاکرێ، ژ بەر کو ئاهەنگا نەوروزێ ل ئاکرێ قەلەبالغیەکا زور دروست دبیت و هاولاتی ژ دەرڤە دهێن بۆ ئاهەنگا نەوروزێ.
قائیمقامیا قەزا ئاکرێ د کۆنفرانسەکا ڕۆژنامەڤانی دا بۆ دەزگەهێن راگەهاندنێ دیار کر کو وەک ڕێکارەک بۆ ڕێگرتن و خوە پاراستن ژ بەلاڤبوونا ڤایرۆسێ کۆرۆنایێ، وان بڕیارا دایە تەڤاهیا ئاهەنگ و چالاکیێن نەورۆزێ ل سەرانسەرێ قەزا ئاکرێ ڕابگرن.
ئەڤرۆ نیوز:
ئەندازیار سەعدوللا موحەمەد رێڤەبەرێ پروژەی دیاركر قوناغا ئەندرپاسا نێزیك فەرماندێ ل جاددا بارزان ب ڤی رەنگی یە
كار ب گشتی د پروژەیدا یێ بەدەوامە خلاسبوونا دانانا پەنەلان د تونێلێ دا لدور پایلان. خلاسبوسن كونكرێتكرنا شوستەیان دناڤ تونێلێ دا. خلاسبوونا بەلاڤكرنا تەخەكا سیرفس ل سەر جادا سەرەكی و تەخەكا بایندەری ژ دەرڤەی تونێلێ، دەستپێكرنا نەخشەیێ جادەیان ب بویاغا فسفوری، رێژا ئەنجامدانا پروژەی ب گشتی 94% دایە جادان فرەهیا لایێ راستی یێ جادێ (12) مەترە و شوستێ وێ 2,20 مەترە , فرەهیا لایێ چەپێ (9) و نیف و شوستێ وێ 2 مەترە، درێژاهیا جادێ كیلومەترەكە و كوژمێ تەرخانكری یێ پروژەی 18 ملیار 778 ملیون 973 هزار دینارن.
نيشاندان