ئەڤرۆ نیوز:
چەكدارێن تیرۆریستێن داعشێ د ئێك دەمدا هێرش كریە سەر باژێرێ كەركووكێ و ناحیا جەلەولا.
میدیایێن عیراقی بەلاڤ كرینە، کو ڤێ ئێڤارێ چەكدارێن داعشێ هێرش كریە سەر ناحیا جەلەولا یا سەر ب قەزا خانەقین ڤە، شەرەکێ دژوار دناڤبەرا هێزێن عیراقی و چەكدارێن داعش دا روو دایە.
د هەمان دەمدا چەكدارێن داعش هێرش كریە سەر گوندێ مەنسوریە یێ سەر ب ناحیا مەلا عەبدوللا ل باشوورێ رۆژئاڤایێ كەركووكێ، هێشتا شەر یێ دناڤبەرا چەكدارێن داعشێ و هێزێن پۆلیسێن فیدرالی دا یێ بەردەوامە.
ئەڤرۆ نیوز:
وەزارەتا دارایی راگەهاند، بهایێ پڕۆسا تانکەر ب تانکەر نابیت ژ ۳۰۰۰۰ هزار دیناران زێدەتر بیت بۆ وان کۆمپانیا و بازرگانێن کو تڕۆمپایێن خوە نینن، هەر کۆمپانیەک یان بازرگانەکێ تڕۆمپایا خوە هەبیت ژی، دشیت بکار بینیت و چ کرێ ژێ ناهێتە وەرگرتن.
دەقێ بریارێ:
ئێک: پرۆسا تانکەر ب تانکەر پرۆسەکا ئازادە و ب رەزامەندیا رێڤەبەریا دەروازەیان و ب جێبەجێکرنا مەرجێن قانوونی و رێنمایێن ساخلەمیێ و مەرجێن ئاگر ڤەمراندنێ و سلامەتیا رێگەپێدانێ و بۆ هیچ کۆمپانیا و بازرگانان و تاکە کەسەکی ناهێتە قۆرخ کرن.
دو: هەر کۆمپانیەکێ و بارزگانەکێ (ترومپا) یێ تایبەت ب خوەڤە هەیە و دشێت ب کار بینیت و چ کرێ ژێ ناهێتە وەرگرتن.
سێ: بهایێ پرۆسا تانکەر ب تانکەر نابیت سیه هزار دیناران زێدەتر بیت بۆ وان کۆمپانیا و بارزگانێن کو ترومپا یێن خوە نەبن.
چار: ئەڤ پرۆسە یا دەمکی یە و ب تنێ بۆ ئالوگۆرا سوتەمەنیا تانکەر ب تانکەر و ب رێیا (ترومپا) یێ و ب تەمامبوونا کۆرۆنا یێ دێ ب دووماهی هێت.
پێنج: حکومەت ل بەرامبەر پرۆسا تانکەر ب تانکەر چ وەرناگریت، لەوما کۆمپانی و بازرگان و تاکە کەسان چ ماف نامینیت نەشێن داخوازا قەرەبۆیا هیچ خەرجیەکێ بکەن.
شەش: کۆمپانی و بارزگان ب خوە دێ بەرپرسیار بن ل سەرجەم کەسان و ئامیر و ترۆمبێلان و هەر تشتەکێ دیتر، د گۆرەپانان دا ژ ئەنجامێ پرۆسا تانکەر ب تانکەر توشى هەر زیانەکێ بیت.
ئەڤرۆ نیوز:
رێڤەبەرێ گشتی یێ ساخلەمیا هەولێرێ راگەهاند، کو 11 تووشبوویێن دیتر یێن کۆرۆنا یێ ل هەولێرێ چێبووینە و سەرجەمێ گشتی یێ چێبوویان ل هەولێرێ گەهشتە 52 کەسان.
د. دلۆڤان محەمەد، رێڤەبەرێ گشتی یێ ساخلەمیا هەولێرێ راگەهاند، کو 11 نەخۆشیێن تووشبوویی ب ڤایرۆسێ کۆرۆنا یێ پشتی وەرگرتنا چارەسەریێن نۆشداری ب تەمامی چێبووینە و باری ساخلەمیا یێ جێگیر بوویە.
ئەڤرۆ نیۆز، قائید میرۆ:
پشتی بەربژێرکرناوی بۆ پۆستێ سەرۆک وەزیرێن عێراقێ زۆربەیا ھێزێن سیاسی یێن عێراقێ پشتەڤانیا خوە بۆ مستەفا کازمی نیشادایە و شرۆڤەکارەکێ سیاسی ژی دبێژیت، کازمی سەرۆک وەزیرێ عێراقێ یێ پشتی عادل عەبدولمەھدیە.
موئەیەت تەیب، شرۆڤەکارێ سیاسی بۆ ئەڤرۆ نیۆز دیارکر” پشتی دەست ژکارکێشانا عادل عەبدولمەمدی پێدڤی بو کەسەکێ دی بھێتە راسپاردن بۆ سەرۆک وەزیرێن عێراقێ، بەلێ ھەردو بەربژێرێن بەرێ ھەم محەمەد عەلاوی و ھەم عەدنان زورفی پشتەڤانی نەبو ببینە سەرۆک وەزیرێن عێراقێ، چونکە دناڤا پەرلەمانی دەنگ بدەستڤە نە دئینان، بەلێ بدیتنامن مستەفا کازمی دێ شانس ھەبیت دەنگێ پەرلەمانی بدەستڤە بینیت، چونکە زۆربەیا لایەنێن سیاسی پشتەڤانیا کازمی دکەن.
ئەڤی شرۆڤەکارێ سیاسی گۆت” ھەردەمێ کازمی کابینا خوە پێشکەشی پەرلەمانێ عێراقێ بکەت، ئەڤە ب پشتڕاستی ڤە دێ ھێتە پەسەندکرن، زۆربەیا کۆتلەیێن ناڤا پەرلەمانی پشتەڤانیا کازمی دکەن بۆ پێک ئینانا کابینا حوکمەتێ، ھەموو ئاماژە بۆ ھندێ نە مستەفا کازمی سەرۆک وەزیرێ عێراقێ یە پشتی عادل عەبدولمەھدی.
موئەیەت تەیب ئاشکراکر”پێک ئینانا حوکمەتەکا نوو ل عێراقێ بۆ ڤێ قۆناغێ یا گرنگە، ژبەرگو عێراق یا د کومەکا قەیرانان دەرباز دبیت، ژوانا پڕۆژە قانوونا بودجەی نەھاتیە پەسەندکرن، چەندین ئاریشە ھەنە پێدڤیە بھێنە چارەسەرکرن.
ئەڤرۆ نیوز:
وەزارەتا ئەوقافێ و کاروبارێن ئایینی ل حوکمەتا هەرێما کوردستانێ راگەهاند کو ل هندەک پەیج و مالپەران دا ئاماژە ب هندێ هاتیە کرن کو دێ ل مەها رەمەزانا پیرۆز دا دەرگەهێن مزگەفتان هێنە ڤەکرن، لێ چو راستی بۆ هندێ نینن و هەتا نها ژ ئالیێ حوکمەتا هەرێما کوردستانێ و وەزارەتا ئەوقافێ ڤە چو داخۆیانیەک فەرمی د ڤێ دەربارێ دا نەهاتیە بەلاڤکرن.
وەزارەتا ئەوقافێ و کاروبارێن ئایینی دیار ژی دکەت کو ئارمانجا سەرەکی یا حوکمەتا هەرێما کوردستانێ پاراستنا جانێ وەلاتیانە ژ ڤایرۆسێ کۆرۆنا و هەر دەمێ رەوش ئاسایی بوو بێگومان دێ دەرگەهێ مزگەفتان هێنە ڤەکرن، لێ نها چو تشتەک وەسا نینە.
ئهڤرۆ نیوز:
مهزلوم عهبدی فهرماندهیێ گشتی یێن هێزێن سوریا دیموكرات ههسهده سوپاسیا نێچیرڤان بارزانی سهرۆكێ ههرێما كوردستانێ دكهت كۆ ههڤكاریێن نوژداری بۆ رۆژئاڤا هنارتینه.
مهزلوم عهبدی فهرماندهیێ گشتی یێن هێزێن سوریا دیموكرات ههسهده د هژمارا خویا تویتهری راگههاند زۆر سوپاسیا نێچیرڤان بارزانی سهرۆكێ حكومهتا ههرێما كوردستانێ دكهم، زۆر بلهز ب ههوارا داخازیێن مه هات و تاقیگههێن نوژداری بۆ رۆژئاڤا رهوانهكرن.
سوپاسیا فهرماندهیێ گشتی یێن هێزێن سوریا دیموكرا بۆ سهرۆكێ حكومهتا ههرێما كوردستانێ د دهمهكی دایه،پشتی هاریكاریێن نوژداری پێشكێشی رۆژئاڤا كرین.
ئهڤرۆ نیۆز، عهزیز ههورامی:
له پاش ئهوهی پارێزگای سلێمانی ڕای گهیاند، دۆخی سلێمانی ئاسایی دهكهنهوه ، جێگری بهڕێوهبهری گشتی تهندروستی سلێمانی دهڵێ، هیچ شوێنێك مهترسی كۆرۆنای تێنهپهڕاندووه، بهپێ ڕێنمایی و قۆناخ بهقۆناخ كار لهسهر ئاسایی كردنهوهی سلێمانی دهكهین.
هێرش سهید سهلیم، جێگری بهڕێوهبهری گشتی تهندروستی سلێمانی بۆ ئهڤرۆ نیۆز دهڵێ:” پارێزگای سلێمانی مهترسییهكانی كۆرۆنای تێنهپهڕاندووه، ئهوهی ههییه ڕهوشهكه له سهرهتا ئێستا باشتره، ئێمه دهڵێن، بهسێ قۆناخ دۆخی سلێمانی دهتواندرێت ئاسایی بكرێتهوه ههنگاوی یهكهم، ئهو شوێنانهی زۆر پێویست بۆ هاوڵاتی دهكرێنهوه له سلێمانی.
ئاماژهی بهوهكرد بازاڕ و مزگهوت و قوتابخانهكان كردنهوهیان دهكهوێته پاش 15ی 5ی مانگی داهاتوو ئهگهر هاتوو ڕهوشهكه بهرهو باشتر ڕۆشت، ئێمه پێشنیارمانكردووه بۆ پارێزگای سلێمانی به سێ قۆناخ ڕهوشی ئاسایی بكرێتهوه.
ناوبراو دهڵێ، دهبێت هاوڵاتیان له قۆناخی سهرهتای ئاسایی كردنهوهی سلێمانی پابهندی ڕێنماییهكانبن نابێت هیچ هاوڵاتێك به بێ ماسك و دهستكێش بێته دهرهوه.
ئهڤرۆ نیوز:
شاهێ سعودیێ هاتنوچون ل وهلاتی بۆ دهمهكێ نهدیاركر قهدهغهكرهڤه.
بهری نوكه ب فهرمی شاهـ سهلمان بن عهبدلعهزیز شاهێ سعودیی بۆ رێگرتن ژ بهلاڤبوونا ڤایرۆسێ كورونایێ، ل رۆژا 23/3/2020 ههتا 12/4/2020 هاتنوچون ل ههموو باژێرێن سعودیێ قهدهغهكر بوو.
لگۆری میدایێن سعودیێ، شاهـ سهلمان بن عهبدلعهزیز بریارهكا شاهانه دایهڤه و تێدا هاتیه ههر بۆ رێگرتن ژ بهلاڤ بوونا كورونایێ، قهدهغهیا هاتنوچونێ بۆ دهمهكێ نه دیار راگههاند.
ههتا نوكه چار هزار و 33 كهس ل سعودیێ تووشی ڤایرۆسێ كورونایی بوون ژ وان ژی 52 كهس مرینه.
ئهڤرۆ نیوز:
سیناتورهكێ ئهمریكی راگههاند نابیت لێخوش بین ژ وێ قهیرانا كۆ سعودیێ ل دهمێ مژیلبوونا جیهانێ ب پرسا كورونایێ بۆ بازارێ پترۆلێ درستكری بهێتهكرن.
كیڤن كریمهر سیناتوری كۆماریان راگههاند د دهمهكی دا هێزێن مه سعودیێ د پارێزن، ئهوی وهلاتی شهر ل دژی ههڤكارێن مه یێن بهرههمهێنهرێن پترۆلێ راگههاند.
ناڤبری ئهو چهنده ژی راگههاندی یه ئهو كارێ سعودیێ كری ناهێته ژبیركرن و نه لێخۆش بوون بۆ نینه، پێنگاڤێن بهێت یێن حكومهتا ریازێ دیار دكهن، دێ شێت پارێزگاریێ ژ ههڤبهشیا ستراتیژیێ ل گهل ئهمریكا كهت یان نه.
بهریا نها سیناتور كریمهر داخاز ژ دونالد ترهمپ سهرۆكێ ئهمریكا كر بوو وهك بهرسڤهك بۆ ئهوی شهرێ سعودیێ و روسیا ل سهر بهایێ پترۆلێ دروستكری، هنارتنا پترۆلا ههردو وهلاتان قهدهغه بكهت.
ئهڤرۆ نیوز:
مهزههر محهمهد راوێژكار ل سهۆكاتیا وهزیرێن عیراقێ راگههاند حكومهتا فیدرال بزا ئهوێ چهندێ دكهت، كۆ ههرێما كوردستانێ ب رێكهتنا رێكخراوا ئوپێكێ بۆ كێمكرنا بهرههم ئینانا پترۆلێ پێگیر بكهت.
ناڤبری ئهو چهنده ژی راگههاند: حوكمهتا فیدرال دڤێت دچارچوڤهیێ رێكهتنا رێكخراوا ئوپێكێ بۆ كێمكرنا بهرههم ئینانا پترۆلێ، ههرێما كوردستانێ ژی پێگیر بكهت، گرنگه ژی عیراق ب شێت ههرێمێ پێگیر بكهت، بهلێ ئهڤه بابهتهكێ ناڤخۆیی یه و چ پهیوهندی ب رێكخراوا ئوپێكێ ڤه نینه.
مهزههر محهمهد ئهو چهنده ژی دازانین سیاسهتێن پهیوهندیدار ب پترۆلێ دێ هێنه ریكخستن، لهورا ههكه عیراق پێگیر نهبیت ب رێكهتنا رێكخراوا ئوپێكێ بۆ كێمكرنا پترۆلێ ئهڤه مهترسی ل سهر عیراقێ دروست دبن.
نيشاندان