ئەڤرۆ نیوز:
ئەڤرۆ ئێکشەمبی 1.3.2020 د مەراسیمەکێ تایبەت دا بەهزاد عەلی ئادەم جێگرێ پارێزگارێ دهۆکێ هاتە خانەنشین کرن، ماجد سەید سالح ب وەکالەت ل شوونا وی هاتە دانان.
فەرهاد ئەمین ئەتروشی پارێزگارێ دهۆکێ راگەهاند، ژبەر تەمامبوونا دەمێ بەهزاد عەلی ئادەم جێگرێ پارێزگارێ دهۆکێ د مەراسیمەکێ تایبەت دا هاتە خانەنشین کرن، ماجد سەید سالح ب وەکالەت ل شوونا وی هاتە دانان، ناڤهاتی داخواز ژ هەموو ئالیان کر کو د هاریکاربن ل گەل جێگرێ نوو یێ پارێزگارێ دهۆکێ.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ل گەل شاندەکێ گەهشتە ئوردن و ژ ئالیێ شاهێ ئوردنێ ڤە ب گەرمی پێشوازی لێ هاتە کرن.
دهێتە چاڤەرێکرن کو سەرۆکێ حوکمەتێ ل گەل شاهێ ئوردنێ کۆمبیت و بەحسێ پەیوەندیێن هەرێما کوردستانێ و ئوردنێ بهێتە کرن.
شاندێ هەرێمێ ژ سەرۆکێ حوکمەتێ، رێبەر ئەحمەد وەزیرێ ناڤخوە، عەبدوللا حاجی مەحمود وەزیرێ کاروبارێن شەهیدان و ئەنفالکریان و سەفین دزەیی بەرپرسێ فەرمانگەها پەیوەندیێن دەرڤە پێک دهێت.
ئەڤرۆنیوز، سەباح زوهێر زێباری:
ئەڤرۆ مازن محەمەد سەعید قائیمقامێ ئاکرێ قەزا ئاکرێ ڕاگەهاند، ژبەر مەترسیا بەلاڤبوونا ڤایرۆسێ کۆرۆنایێ وان بڕیارا ڕاگرتنا تەڤاهیا ئاهەنگێن نەورۆزێ دا ل قەزا ئاکرێ، ژ بەر کو ئاهەنگا نەوروزێ ل ئاکرێ قەلەبالغیەکا زور دروست دبیت و هاولاتی ژ دەرڤە دهێن بۆ ئاهەنگا نەوروزێ.
قائیمقامیا قەزا ئاکرێ د کۆنفرانسەکا ڕۆژنامەڤانی دا بۆ دەزگەهێن راگەهاندنێ دیار کر کو وەک ڕێکارەک بۆ ڕێگرتن و خوە پاراستن ژ بەلاڤبوونا ڤایرۆسێ کۆرۆنایێ، وان بڕیارا دایە تەڤاهیا ئاهەنگ و چالاکیێن نەورۆزێ ل سەرانسەرێ قەزا ئاکرێ ڕابگرن.
ئەڤرۆ نیوز:
ئەندازیار سەعدوللا موحەمەد رێڤەبەرێ پروژەی دیاركر قوناغا ئەندرپاسا نێزیك فەرماندێ ل جاددا بارزان ب ڤی رەنگی یە
كار ب گشتی د پروژەیدا یێ بەدەوامە خلاسبوونا دانانا پەنەلان د تونێلێ دا لدور پایلان. خلاسبوسن كونكرێتكرنا شوستەیان دناڤ تونێلێ دا. خلاسبوونا بەلاڤكرنا تەخەكا سیرفس ل سەر جادا سەرەكی و تەخەكا بایندەری ژ دەرڤەی تونێلێ، دەستپێكرنا نەخشەیێ جادەیان ب بویاغا فسفوری، رێژا ئەنجامدانا پروژەی ب گشتی 94% دایە جادان فرەهیا لایێ راستی یێ جادێ (12) مەترە و شوستێ وێ 2,20 مەترە , فرەهیا لایێ چەپێ (9) و نیف و شوستێ وێ 2 مەترە، درێژاهیا جادێ كیلومەترەكە و كوژمێ تەرخانكری یێ پروژەی 18 ملیار 778 ملیون 973 هزار دینارن.
ئه‌ڤرۆ نیوز:
دونالد تره‌مپ سه‌رۆكێ ئه‌مریكا پشتی ئیمزا ل سه‌ر رێكه‌تنا راوه‌ستاندنا شه‌رێ دناڤبه‌را ئه‌مریكا و بزاڤا تالیبان یا ئه‌فغانستانێ راگه‌هاند هێزێن ئه‌مریكی ل ده‌مێ 14 هه‌یڤان دێ خۆ ژ ئه‌فغانستانێ ڤه‌كێشن.
ڤه‌كێشانا هێزێن ئه‌مریكا ژ ئه‌فغانستانێ هه‌مبه‌ر دو مه‌رجانه
دوماهی ئینان ژ وێ په‌یوه‌ندیا تالیبانێ ل گه‌ل رێكخراوا تیرۆریا قاعیده هه‌ی، تالیبان دێ به‌رده‌وام شه‌ری ل دژی رێكخراوا تالیبان كه‌ت.
ل گۆری رێكه‌تنا ئه‌مریكا و تالیبان ئه‌وا رۆژا 29/2/2020 ل دوحه‌یا پایته‌ختێ قه‌ته‌ر هاتیه ئیمزاكرن، ئه‌مریكا و هه‌ڤپه‌یمانێن وێ ل ماوه‌یێ 135 رۆژان دا دێ هه‌شت هه‌زار و 600 سه‌ربازان ڤه‌كێشن.
تالیبان ل سالا 1194 دروست بوویه ل سالا 1996 ده‌ست ب سه‌ر حوكمرانیا ئه‌فغانستانێ گرت بوو و ب ئه‌گه‌رێ پشته‌ڤانیكرنا وێ بۆ رێكخراوا تیرۆریا قاعیده ، ئه‌مریكا ل سالا 2001 ئه‌و ده‌سه‌لات ژناڤبر.
ئەڤرۆ نیوز:
پشتی کو دەنگۆیێ راگرتنا جموجۆلا بازرگانی ل سنۆرێ دناڤبەرا هەرێمێ وتورکیا بەلاڤبووی، حکومەتا هەرێما کوردستانێ هەموو بزاڤێن خوە خستینە گەر بۆ هندێ داکۆ بزاڤا بازرگانی دناڤبەرا هەردو ئالیان دا یا بەردەوام بیت، هەروەسا جموجۆلا بازرگانی ل سەر سنۆران بهێته رێکخستن، ل بەر چاڤگرتنا رێکارێن خوە پاراستنێ، لەوما وەلاتیان دلنیا دکەین، کو حکومەتا هەرێما کوردستانێ درێغیێ ناکەت، ژ چارەسەرکرنا ئەڤان کێشان ب جۆرەکێ کو کاریگەری ل سەر جموجۆلا بازرگانی و بازارێ نافخوە نەکەت.
وەزارەتا نافخوە یا ھەرێما کوردستانێ
2020/3/1
ئه‌ڤرۆ نیوز:
په‌یڤدارێ وه‌زاره‌تا دارایی و ئابووری یا حكومه‌تا هه‌رێما كوردستانێ ل سه‌ر هه‌میشه كرنا مامۆستایێن گرێبه‌ست راگه‌هاندنه‌ك به‌لاڤكر.
ئه‌ڤرۆ 1/3/2020 ئه‌حمه‌د عه‌بدلره‌حمان په‌یڤدارێ وه‌زاره‌تا دارایی و ئابووری یا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر كۆ تێدا هاتیه پشتی بریارا جڤاتا وه‌زیران یا ژماره 34 ل رۆژا 11/6/2019 ب نفیسارا جڤاتا وه‌زیران ژماره 9700 ل به‌روارێ 13/11/2019 تایبه‌ت ب هه‌میشه‌كرنا دامه‌زراندنا مامۆستایێن گرێبه‌ست ل سه‌ر میلاكێ وه‌زاره‌تا په‌روه‌ردێ، رۆژا چارشه‌مبی 26/2/2020 لیستا ناڤێن مامۆستایێن گرێبه‌ست ل گه‌ل باوه‌رنامه و زانیاریێن وان گه‌هشتنه وه‌زاره‌تا دارایی ئابووری .
په‌یڤدارێ وه‌زاره‌تا دارایی و ئابووری یا حكومه‌تا هه‌رێما كوردستانێ ئه‌و چه‌نده ژی دیاركریه د ناڤا وێ راگه‌هاندنێ دا، پشتی دو رۆژێن به‌رده‌وام كاركرنێ كارێ هیربینیا هه‌ردو په‌روه‌رده‌یێن دهۆك و گه‌رمیان ته‌مام بوون، ئه‌ڤرۆ وه‌زاره‌تا دارایی ئیمزا ل سه‌ر هه‌میشه‌كرنا وان دكه‌ت، بۆ رێڤه‌به‌راتیێن په‌روه‌رده‌یێن دی ژی پرۆسه‌یا هیربینیێ دهێته‌كرن و به‌رده‌وامه كار، تاكۆ ب شیێن ل چه‌ند رۆژێن بهێت كارێ هه‌میشه‌كرنا مامۆستایێن گرێبه‌ست ل ته‌ڤایا په‌روه‌رده‌یێن هه‌رێمێ ب دوماهی بیت.
ئه‌ڤرۆ ینوز:
سه‌رۆكێ حكومه‌تا هه‌رێما كوردستانێ سه‌ره‌دانا ئوردنی دكه‌ت و ل گه‌ل شاهـ عه‌بدوللای كۆم دبیت.
ئه‌ڤرۆ 1/3/2020 مه‌سرور بارزانی سه‌رۆكێ حكومه‌تا هه‌رێما كوردستانێ دێ ب سه‌رۆكاتیا شانده‌كێ حكومی ب داخازیا فه‌رمی، سه‌ره‌دانا ئوردنێ كه‌ت و ل گه‌ل شاهـ عه‌بدوللا یێ دوێ كۆم دبیت و دانوستاندنان ل سه‌ر پێشڤه‌برنا په‌یوه‌ندیێن دناڤبه‌را هه‌رێم و ئوردنێ دا كه‌ن.
شاندێ هه‌ڤالبه‌ندێ سه‌رۆكێ حكومه‌تا هه‌رێما كوردستانێ پێك هاتیه ژ رێبه‌ر ئه‌حمه‌د وه‌زیرێ ناڤخۆ و عه‌بدولا حاجی مه‌حمود وه‌زیرێ كارۆبارێن شه‌هیدان و ئه‌نفالكریان و سه‌فین دزه‌یی به‌رپرسێ فه‌رمانگه‌ها په‌یوه‌ندیێن ده‌رڤه.
ئه‌ڤرۆ نیوز:
وه‌زاره‌تا ده‌رڤه‌یا عیراقی راگه‌هاند: ب مه‌به‌ستا خۆپاراستن ژ ڤایرۆسێ كورونا، خزمه‌تگۆزاریێن فه‌رمانگه‌هێن قونسلیان هاتنه راوه‌ستاندن.
وه‌زاره‌تا ده‌رڤه‌یا عیراقێ د راگه‌هاندنه‌كێ ودا ئه‌و چه‌نده بلاڤكر، كۆ ژ ئه‌ڤرۆ 1/3/2020 هه‌تا 7/3/2020 ته‌ڤایا حزمه‌تگۆزاریێن فه‌رمانگه‌هێن قونسلیان ب شێوه‌یه‌كی ده‌مكی هاتنه راوه‌ستاندن.
وه‌زاره‌تا ده‌رڤه‌یا عیراقێ ئه‌و چه‌نده ژی روونكر كۆ بریارا راوه‌ستاندنا خزمه‌تگۆزاریان ژ سوبه‌هی وێڤه دێ به‌رده‌وام بن هه‌تا رۆژا 7 ئه‌ڤێ هه‌یڤێ دوباره دێ ده‌ست پی كه‌نه‌ڤه.
بریارا وه‌زاره‌تا ده‌رڤه‌یا عیراقی د چارچوڤه‌یی رێكارین خو پاراستنێ بۆ رێگرتن ژ به‌لاڤبوونا ڤایرۆسێ كورونایی بوویه.
نيشاندان