ئەڤرۆ نیوز، نەوزاد هلۆری:
14 دەمژمێرەل سەر ئێک ل سەنتەرێ باژێرێ دهۆکێ بەفربارین بەردەوامە و هەتا نوکە دناڤبەرا 15 بو 20سم بەفرباری یە. تیمێن رامالینا بەفرێ ژ شڤێدی هەتا نوکە بەردەوامن
ب ڤیدیۆ- رامالینا بەفرێ و چەند دیمەنێن بەفرێ ل دهۆکێ
نووترين نووچه
- نێچیرڤان بارزانی و سۆدانی دوپاتی ل سەر بەردەوامییا هەماهەنگی و هاریكارییا هەولێرێ و بەغدایێ كر
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
- نێچیرڤان بارزانی و ماكرۆنی ب هێزكرنا پەیوەندیێن فرەنسا ل گەل ئیراقێ و كوردستانێ گەنگەشەكر
- نێچیرڤان بارزانی: ئیراقێ بەرپرسیارەتییا قانوونی و ئەخلاقی د قەرەبۆكرنا كەسوكارێن ئەنفالێ دا یا هەی
- ب پارێزگەهبوونا هەلەبجە كێمترین پاداشتا قوربانی و ئێش و ئازارێن خەلكێ وێ یێ خەباتكەرە
- دڤێت حوكمەتا ئیراقێ كەسوكارێن ئەنفالكرییان ژ روویێ مادی و مەعنەوی ڤە قەرەبۆ بكەت
- مەسرور بارزانی پەیامەكا پیرۆزباهیێ ئاراستەی نووری مالكی دكەت
- سەرۆكێ حوكمەتا هەرێمێ دوپاتیێ ل پێشڤەبرنا پەیوەندییان ل گەل ئیتالیا دكەت
سه‌ره‌كى نوچێن گرنگ
سەرەرای بەفر بارینا بەردەوام ریێا هاتنوچوونێ ل دەروازێ سەرزێری یا بەردەوامە
ئەڤرۆ نیوز ، زنار تۆڤی:
ل شەڤا بوری پێلەکا دیتر یا بەفرێ ناحیا کانی ماسێ و هەموو دەڤەرێن دیتر یێن پارێزگەها دهۆکێ ڤەگرتینە و د ئەنجامدا رێژەکا باش یا بەفرێ ل سەنتەرێ ناحیا کانی ماسێ و دەروازێ کومەلگەها نێڤدەولەتی یێ سەرزێری باریە، هەروەسا رێکێن هاتنووچوونێ ژی بەردەوام ژ ئالیێ تیمێن رامالینا بەفرێ دهێنە ڤەکرن.
کامیران محەمەد رێڤەبەرێ شارەوانیا کانی ماسێ، تایبەت بۆ ئەڤرۆ نیوز دیار کر: ل شەڤا بوری رێژەکا باش یا بەفرێ ل سنۆرێ ناحیا کانی ماسێ باریە و د ئەنجامدا هەتا نوکە 25 سم بەفرێ ل سەنتەرێ ناحیا کانی ماسێ بارینە، نوکە بەفر بارین ژی یا بەردەوامە.
ناڤهاتی گۆت ژی: هەر زوو تیمێن رامالینا بەفرێ یێن شارەوانیا کانی ماسێ ل گەل رێڤەبەریا رێکوپرا ل دهۆکێ شیاینە رێکێن سەرەکی ژ بەفرێ رابمالن، لێ ژ ئەگەرێ بارینا بەردەوام یا بەفرێ ئاستەنگی دکەڤنە د رێیا هاتنوچوونا شۆفێران دا، چونکی ب رەنگەکێ دژوار و بەردەوام بەفر یا دباریت، دیسان رێکێن هاتنوچوونێ د ڤەکرینە و لێ بەستیێ رێک گرتینە و بەفر ل سەر بەستیێ باریە و رێوبار د نەخۆشن، لەوما داخوازێ ژ شۆفێران دکەین، هەکە کارێن فەر نەبن، قەستا ڤێ ڤێ دەڤەرێ نەکەن.
شینوار سادق ژ راگەهاندنا دەروازێ کۆمەلگەها سەرزێری بۆ ئەڤرۆ نیوز گوت: هەتا نوکە ل دەروازێ سەرزێری 25 سم بەفرێ بارینە و رێیا هاتنوچوونا رێڤنگان ل ڤی دەروازەی یا بەردەوامە.
به‌رپرسێكی باڵای پارتی: داعش له خانه‌قین ده‌ستی كردووه به شه‌هیدكردنی هاوڵاتیانی سڤیل
ئه‌ڤرۆ نیۆز، عه‌زیز هه‌ورامی:
شه‌وی ڕابردوو له هێرشێكی تیرۆرستانی داعش پێنچ هاوڵاتی یه‌ك خێزان ده‌بنه قوربانی و شه‌ش سه‌ربازی هێزه‌كانی عێراق بریندارده‌بن، پاشان له ناوچه‌كه هه‌ڵدێن.
شێخ جه‌عفه‌ر شێخ مسته‌فا به‌رپرسی لقی 15ی خانه‌قینی پارتی دییموكراتی كوردستان تایبه‌ت به ئه‌ڤرۆ نیۆز گوتی:” شه‌وی ڕابردوو پێشمه‌رگه‌یه‌كی باره‌گای ناوچه‌ی خه‌بات سه‌ربه لق مان، به‌ناوی حه‌یده‌ر ئیحسان،ده‌ڕوات بۆ ماڵی باوكی له گه‌ره‌كی به‌هاری نوێ له خانه‌قین له لایه‌ن بۆسه‌یه‌كی چه‌كدارانی داعش ته‌قه‌ی لێده‌كرێت و بریندارده‌بێت و له چه‌كداره‌كان دێته‌وه‌ده‌ست و ته‌قه ده‌كات، ئه‌وه‌ده‌بێت باوكی و دووبرای و كوڕێكی به ده‌مییه‌وه‌ده‌ڕۆن ته‌قه‌ده‌كه‌ن و خه‌ڵكی دانیشتوی گه‌ڕه‌كه‌كه‌ش ته‌قه‌ده‌كه‌ن به‌داخه‌وه باوك و براو كوڕه‌كه‌ی 9 ساڵه بریندارده‌بن، حه‌یده‌ر ئیحسان خۆشی شه‌هید ده‌بێت.
ناوبراو ده‌ڵێ، له‌كاتی ته‌قه‌كردنه‌كه‌دا ئۆتۆمبێلێكی سه‌ربازی سوپای عێراق به‌ده‌میانه‌وه ده‌ڕوات له‌لایه‌ن چه‌كدارانه‌وه مینێك داده‌ندرێته‌وه پێش ڕوداوه‌كه به سه‌ربازه‌كاندا ده‌ته‌قێته‌وه له ئه‌نجامدا شه‌ش سه‌رباز بریندارده‌بن یه‌كێك له سه‌ربازه‌كان قاچێكی له ده‌ست ده‌دات.
زیاتر زانیاریدا و وتی، چه‌كدارانی داعش جۆره‌قه‌ناسێكیان پێیه دووربینی شه‌وی له‌سه‌ره زۆر به‌ئاسانی توانیویانه به‌رامبه‌ره‌كه‌یان ببینن و بیان پێكن، داعش له‌ناوچه‌كه به‌ته‌واوه‌تی بووه‌ته مه‌ترسی به‌سه‌ر ناوچه‌كه‌وه به‌رده‌وامن له چالاكی تیرۆرستی و چالاكییه‌كانیشیان فراوانتر ده‌كه‌ن.
به‌رپرسی لقی 15ی خانه‌قینی پارتی وتیشی:” هێزێكیش هه‌یه به‌ناوی حه‌شدی شه‌عبی له عه‌شیره‌تی كوڕییه‌كانن هاوكارێكی باشی داعشن و ئه‌وناوچانه‌ی داعش ده‌سه‌ڵاتی ناگاتێ ئه‌وه ئه‌م هێزه بۆیان جێبه‌جێ ده‌كات، له سه‌ردامی ڕژێمی سه‌ددام حوسێن سه‌ربه‌و ڕژێمه‌بوون وه دووای ڕوخانی حكوومه‌تی عێراق له ساڵی 2003 پاشان بوون به هاوكاری تیرۆرستانی قاعیده، ئێستاش به شه‌و داعشن و به ڕۆژ حه‌شدی شه‌عبین،به‌رپرسی لقی 15ی خانه‌قینی پارتی وای گوت”.
ئاكرێ :مالەك ب ئەگەرێ شۆرتێ كارەبێ سۆت
ئەڤرۆ,رەمەزان هەرنی:
درەنگیا شەڤابووری ل تاحێ شەهید عەبدوڵا قادو ل سەنتەری قەزا ئاكرێ ماله‌كا وه‌لاتیەكێ هاتە سۆتن .
مقەدەم فیراس یاسین ئاكرەیی بەرپرسێ راگەهاندنا بەرەڤانیا باژێرێ ئاكرێ بۆ ئەڤرۆ گۆت: درەنگیا شەڤابووری تیمێن مە هاتنە ئاگەهداركرن ب هەبوونا روودانەكا ئاگر بەربوونی ل تاحێ شەهید عەبدوڵا قادو ل سەنتەری قەزا ئاكرێ و د كێمترین دەمدا تیمێن مە گەهشتن جهێ روودانێ . گۆتژی: تیمێن مە شیان ب زووترین دەم ئاگری كونترول بكەن كو ب ئەگەرێ شۆرتا كارەبێ ئاگر بەرببو ماڵا هاوه‌ڵاتیەكی بەلێ تیمێن مە ئاگر كونترول كر بێی كۆ زیانێن مەزن بەر ماڵا وی وه‌ڵاتی بكەڤیت .
به‌رهه‌ڤكاری بۆ كۆنگرێ ئاسایشا جیهانێ دئینه‌كرن
ئه‌ڤرۆ نیوز:
حكومه‌تا ئه‌لمانیا به‌رهه‌ڤكاریان بۆ كۆنگرێ ئاسایشا جیهانی دكه‌ت فرینا فرۆكه‌ڤیان ل سه‌ر باژێرێ میونشن قه‌ده‌غه‌دكه‌ت.
بریاره سوبه‌هی 14/2/2020 ده‌مژمێر نه‌هێ شه‌ڤی خۆلا كۆنگرێ ئاسایشا جیهانی یا كۆنگری میونشن ل ئه‌لمانیا ده‌ست بكارێن خۆ بكه‌ت تا رۆژا 16/2/2020 به‌رده‌وام بیت.
پولیسێن ئه‌لمانیا راگه‌هاند: فرینا فرۆكه‌یان ل سه‌ر ئاسمانێ باژێرێ قه‌ده‌غه‌كریه و سێ هزار و 900 پولیس و كارمه‌ندێن ئه‌منی ئاسایشا كۆنگره‌ی پارێزن كۆ دێ 500 سه‌ركرده و كه‌سایه‌تیێن خودان بریار ل جیهانی پشكدار بن.
ته‌وه‌رێن كۆنگره‌ییێ میونشن ئاریشه‌یێن لیبیا و گه‌فین توركیا ل دژی سوریا و گه‌فێن كوریا باكور بۆ سه‌ر ئاسایشا جیهانێ و گوهورینێن سه‌قایێ عه‌ردی و كارتێكرن سه‌ر ره‌وشا سیاسی یا جیهانێ بن.
هه‌ر سال سه‌ركرده‌یێن جیهانێ پشكدار دبن و دانوستاندنێ ل ئه‌ر ئه‌وان پرسێن گرێدایی ئاسایشا جیهانی ڤه دكه‌ن.
دهۆك- ئاماده‌كاری بۆ ڤه‌كرنا هه‌موو رێكان هاتینه‌كرن
ئه‌ڤرۆ نیوز، نه‌وزاد هلۆرى:
دیار به‌حرى ره‌سول، رێڤه‌به‌رێ گشتیێ باژێرڤانیان ل پارێزگه‌ها دهۆكێ بۆئه‌ڤرۆ نیوز گۆت: هه‌موو سازیێن په‌یوه‌ندیدار هاتنه ئاگه‌هداركرن، ئه‌وا پێدڤى بۆ رامالینا به‌فرێ و ڤه‌كرنا رێیێن سه‌ره‌كى و لاوه‌كى هاته‌كرن، ب رێیا كۆمپانیا ئه‌رتوش رێژا خوێیا پێدڤى بۆ حه‌لاندنا به‌ستیێ هاتیه به‌رهه‌ڤكرن بۆ ڤه‌كرنا رێیان.
قایمقامێ دهۆكێ د كۆنگره‌یه‌كێ رۆژنامه‌ڤانى دا دیاركر كو ئاماده‌كارییه‌كا باشتر ژ به‌رێ هاتیه‌كرن و گۆت: مه شانه‌كا به‌رنگاربوونا قه‌یرانان ب ئه‌ندامه‌تیا هه‌موو سازیێن په‌یوه‌ندیدار پێكئینایه، هه‌موو ئاماده‌كارى هاتینه‌كرن و تیمێن پێدڤى بۆ رامالینا به‌فرێ و حه‌لاندنا به‌ستى هاتینه پێكئینان داكو چو كێشه بۆ شوفێر و وه‌لاتیان دروست نه‌بیت.
قایمقامێ دهۆکێ: ئەڤرۆ ل پارێزگەها دهۆکێ بهێنڤەدانا فەرمیە
وەزیرێ کارەبێ: رێژا بەرهەمئینانا کارەبێ دێ زێدە بیت
ئەڤرۆ نیوز:
وەزیرێ کارەبێ راگه‌هاند: ل هەیڤا بهێت دێ پڕۆژێ ئێستگەهە هەلمی خەبات ته‌مام بیت و ب ڤێ چەندێ دێ (200) مێگاواتێن كاره‌باێ زێدە کەت.
ئەندازیار کەمال محەمەد سالح وەزیرێ کارەبێ ل نڤێسینگەها خوە یا تایبەت پێشوازى ل (جۆى کواى شین ) کونسولێ گشتى یێ کۆریا باشوور ل هەرێما کوردستانێ کر.
وەزیرێ کارەبێ سوپاسیا حوکمەت و گەلێ کۆریا باشوور کر، بۆ بەردەوام بوونا کارێ وان ل هەرێما کوردستانێ سەڕەراى ئاڵۆزیێن ل عیراقێ.
کونسولێ گشتى یێ کۆریا باشوور سوپاسیا وەزیرێ کارەبێ کر، کو هەر دەم پاڵپشتیا کۆمپانیێن کۆری کریە د وارێ کارەبێ کار کریە ل هەرێما کوردستانێ، پاشی بۆ تەمام بوون و ڕادەستکرنا پڕۆژێ ئێستگەها هەلمی خەبات سەرەدانا وی پرۆژەی کر، کو نوکە د قۆناغا تێستێ دایە و دێ 200 مێگاواتێن کارەبێ زێدە کەت.
دەربارەی ئاریشا غازێ قائیمقامێ دهۆکێ روونکرنەک دا
ئەڤرۆ نیوز:
قائیمقامێ قەزا دهۆکێ راگەهاند، ئاریشا کێمیا غازێ ب تەمامی هاتیە چارەسەرکرن ل هەموو پارێزگەها دهوکێ.
جەهوەر عەلی قائیمقامێ قەزا دهۆکێ د کونفرانسەکێ رۆژنامەڤانی دا راگەهاند، ئەڤرۆ ١٢ شواتا ٢٠٢٠، ١٤ ترۆمبێلێن غازێ گەهشتینە پارێزگەها دهۆکێ و ب سەر هەموو قەزایێن وێ پارێزگەهێ دا هاتینە پارڤەکرن، سوبەهی ژی دێ ١٠ ترۆمبێلێن دیتر ژی گەهن.
گۆت ژی، هەر ترۆمبێلەکێ هزار و ٥٠٠ بوتلێن غازێ تێدانە، جارەکا دی وەک بەرێ دێ ترۆمبێلێن غازێ ل کولان و تاخێن باژێری گەرن و غازێ بۆ خەلکی دابینکەن.
هەروەسا راگەهاند ژی، هەر بوتلەکێ غازێ ب هەشت هزاران زێدەتر نەهاتیە فروتن، ئەگەر ل جهەکێ گرانتر هاتە فروتن بلا پەیوەندیێ ب قایمقامیێ بکەن و دکارن سکالایێ تومار بکەن.
سوبەهی بهێنڤەدانا فەرمیە ل هەموو ناڤەندێن خواندنێ ل پارێزگەها دهۆکێ
ئەڤرۆ نیوز:
رێڤەبەریا گشتی یا پەروەردێ ل پارێزگەها دهوکێ
رادگەهینیت، ژبەر بارینا بەفرەکا زۆر ل پرانیا دەڤەرێن پارێزگەها دهوکێ و نزمبوونا پلێن گەرماتیێ و گرتنا رێکێن هاتنوچوونێ ل زوربەی دەڤەران لەورا رادگەهینین کو سوبەهی پێنج گشەمبی رێکەفتی 13/2/2020 بێنڤەدانا فەرمی یە ل هەمی قوتابخانە وناڤەندێن خواندنێ ل سەرانسەری پارێزگەها دهوکێ
رێڤەبەریا گشتی یا پەروەردێ ل پارێزگەها دهوکێ
12/2/2020
نيشاندان
WP Facebook Auto Publish Powered By : XYZScripts.com