ئەڤرۆ نیوز:
د ڤەکۆلینەکێ دا زانایێن زانکۆیا پەکین دیار کریە، کو دو جۆرێن کۆرۆنا یێ ل جیهانێ بەلاڤبووینە و ئێک یێ دژوارە ۆ یێدی تر نەیێ دژوارە.
زانکۆیا پەکین د ئەنجامێ ڤەکۆلینەکێ دا کو ل سەر نووترین ڤایرۆسێ کۆرۆنا یێ بەلاڤکریە و تێدا هاتیە، د شیکاریێن وان دا بۆ پێکهاتا چەند نموونان ژ ڤایڕۆسێ کۆرۆنا، بۆ وان دەرکەفتیە ٧٠% ژ ڤایرۆسان ژ جۆرێ دژۆارن و ۳۰٪ ژ جۆرێ کێمتر دژوارن.
دیار کریە ژی، ڤایرۆسێ هەری کێم، ئێک جار گەشە ب خوە دایە و ب ئاوایەکێ سرۆشتی گوهۆرین تێدا پەیدابوویە، جۆرێ ئێکێ ئەوێ کو زێدەتر دژۆار، ب پیتا L هاتیە ناساندن و یێ کێمتر دژۆار ب پیتا s ناساندیە.
هەروەسا ل دەستپێکا بەلاڤبوونا ڤی ڤایڕۆسی، ئەو جۆرێ زێدە دژوار، پتر بەلاڤبوویە و پاشی بەلاڤبوونا وی کێمتر لێهاتیە.
هەروەسا بۆ وان دەرکەفتیە، کو ئەو جۆرێ کێمتر یێ دژوار، زێدەتر هەلگرێ سیفاتێن بەلاڤە ژ وی یێ کو زێدەتر یێ دژوار.
ئەڤرۆ نیوز:
رێكخراوا ساخلەمیا جیهانی دووماهی راپۆرتا خوە ل سه‌ر كۆرۆنا بەلاڤكریە و راگەهاندیە، مەترسیەكا زۆر هەیە كو كۆرۆنا ببیتە پەتایەكا جیهانی.
تیدرۆس ئەدهانۆم گیبریسۆس رێڤەبەرێ گشتی یێ رێكخراوا ساخلەمیا جیهانی راگەهاند، مەترسیا زۆر هەیە كو كۆرۆنا ببیتە پەتایەكا جیهانی، بەلێ هێشتا ئەگەرێ كۆنترۆلكرنا ڤی ڤایرۆسی هەیە.
راگەهاند ژی، ئەڤ ڤایرۆسە ل پتری 100 وەلاتان بەلاڤ بوویە و مەترسیەكا راستەقینەیە، لەوما دڤێت كار بۆ كێمكرنا كاریگه‌ریا ڤی ڤایرۆسی بهێتە كرن و ئەم یێ كار د‌كه‌ین بۆ رێگرتنێ ل بەلاڤبوونا زێدەتر یا ڤی ڤایرۆسی ل جیهانێ.
هه‌روه‌سا گۆتیە ، رێژا 77% یا توشبوویێن چینێ ژ ڤی ڤایرۆسی قورتالبووینە و چێبووینه.
ئەڤرۆ نیوز، عەلی حاجی:
ئەندامەکا پەرلەمانێ کوردستانێ د لژنەیا ساخلەمیێ و ژینگەهـ و مافێن بەکاربەر بۆ ئەڤرۆ نیوز دیار کر بەردەوام چاڤدێریێ ل سەر خالێن سنوری و فروکخانەیێن نێڤدەولەتی دکەین دا کو ئەو کێماسیێن د کەرتێ ساخلەمیێ دا هەین بهێنە چارەسەر کرن.
زێدەتر رۆژان ئیبراهیم گوت : پشتی مە سەرەدانا خالێن سنوریێن فەرمی و نەفەرمی و فروکخانەیێن نێڤدەولەتی کرین ل دور تیمێن ساخلەمیێ و چاوانیا ئەنجامدانا پشکنینان ل سەر وان کەسێن ب رێیا وان جهان سەرەدانا کوردستانێ دکەن دیار بوو هەتا رادەیەکێ باش کار د هاتە ب رێڤەبرن و ژ روویێ پێدڤیان دا چو کێماسی نەبون بەلێ کێماسی هەبون د میلاکێ وان دا پرانیا وان کەسان ژی خوەبەخش بون مە تێبینی ژی ل سەر وێ چەندێ هەبون،هەر دیسان ل خالا سنوریا ئیبراهیم خەلیل بتنێ پشکنین بۆ هاولاتیێن نەهـ وەلاتان دهاتە کرن و ڤێ چەندێ ژی مە داخاز ژ رێڤەبەریا گشتی یا ساخلەمیا پارێزگەها دهوکێ کر پێدڤی یە هەر کەسەکێ ب رێیا وان سنوران بهێتە کوردستانێ پشکنین بۆ بهێتە کرن و ئەڤ چەندە ژی ژ ئەڤرۆ پێڤە دێ هێتە ئەنجام دان.
زێدەتر ناڤهاتیێ گوت : مە سنورەکێ درێژ دگەل وەلاتێ ئیرانێ هەیە کونترول کرنا وان سنوران ژی یا ب زەحمەتە و گەلەک کەس ب رێیا رێکێن قاچاخ دخازن سنوران ببرن و وەکو ئەم هاتینە ئاگەهدار کرن ژی کەسەکێ ئیرانی ب رێیا رێکێن قاچاغ دخاست بچیتە وەلاتێ تورکیا بەلێ ژلایێ هێزێن ئاسایشێ ڤە هاتە دەستە سەرکرن و پێدڤی یە زێدەتر کار ل سەر توندکرنا خالێن سنوری بهێتە کرن ب تایبەتی ژی دگەل وەلاتێ ئیرانێ،مە داخاز کری یە ژی ئەڤ کێم و کاسیێن دناڤ تیمێن ساخلەمیێ د کەرتێ ساخلەمیێ دا هەین پێدڤی یە بهێنە چارەسەر کرن و ئەم بەردەوامین ژی دا کو ب شێوەیەکێ بلەز هەمی کێشە بهێنە چارەسەر کرن.
ئەڤرۆ نیوز:
پشتی کو سەرۆکێ رژێما سووریێ راگەهاند کو کورد ل سووریێ مێهڤانن و چو پرسا کوردی ل سووریێ نینە، ئەنجوومەنێ نشتیمانی یێ کوردی ل سووریێ ب توندی بەرسڤا بەشاری دا و راگەهاند کو بەری دەولەتا سووریێ بهێتە ئاڤا کرن کورد ل سووریێ و رۆژئاڤایێ کوردستانێ هەبوون و ل سەر ئاخا خوە دژیان و نها ژی کورد ل سەر ئاخا خوە دژین.
ئەنجوومەنێ نشتیمانی یێ کوردی ل سووریێ دیار ژی دکەت کو پرسا کوردی ل سووریێ پرسەکا نەتەویە و هەتا پرسا کوردی نەهێتە چارەسەرکرن قەیرانا ل سووریێ ژی دێ یا بەردەوام بیت.
ئه‌ڤرۆ نیۆز، عه‌زیز هه‌ورامی:
حكوومه‌تی هه‌رێمی كوردستان ڕێوشێنه‌كانی ڕێگاقاچاخچییه‌كانی توندكردووه بۆ ئه‌وه‌ی هیچ كاڵایه‌كی قاچاخ نه‌هێندرێته هه‌رێمی كوردستان له ڕوی ئێرانه‌وه،ئاسایشی شاره‌زوور له پارێزگای هه‌ڵه‌بجه له ڕونكردنه‌وه‌یه‌كدا ده‌ست به‌سه‌رداگرتنی ئاژه‌ڵ و ده‌رمانی زه‌راعی قاچاخ ڕاگه‌یاند.
له ڕونكردنه‌وه‌یكدا ئاسایشی شاره‌زوور بڵاوی كردووه‌ته‌وه كۆپێكی بۆ ئه‌ڤرۆ نیۆز نێردراوه تێداهاتووه، بۆ پاراستنی سنوره‌كان و ڕوبه‌ڕوبونه‌وه‌ی هه‌ر ئه‌گه‌رێك كه مه‌ترسی بڵاو بونه‌وه‌ی په‌تایی كۆرۆنایی لێبكه‌وێته‌وه یان دزه كردنی هه‌ر هاوڵاتیه‌ك كه بیه‌وێت به‌قاچاخ یان كه‌ل و په‌لی قاچاخ به‌ده‌ر له ڕینمایه ته‌ندروستیه‌كان بهێنێته ناو هه‌رێمی كوردستان، بۆ ئه‌و مه‌به‌سته له چه‌ند هه‌ڵمه‌تێكی چڕدا هێزه‌كانی ئاسایش، ده‌ست به‌سه‌ر ده‌رمانی زه‌راعی و ته‌ندروستی و ئاژه‌ڵ كه‌ویستراوه به قاچاخ بهێندرێنه ناوخاكی كوردستان له دیوی ئێرانه‌وه.
هه‌روه‌ها به‌ڕێوه‌به‌رایه‌تی گشتی ئاسایشی شاره‌زوور، له ڕونكردنه‌وه‌كه‌یداهاتوه، چوار بار ده‌رمانی ته‌ندروستی كه پێك هاتوون له نۆ جۆر كه هه‌ر جۆره‌ی به‌بڕی جیاوازه، چل و دوو كارتۆن ده‌رمانی زراعی جۆراو جۆر،ده مه‌زاخه‌ی ڕشتنی ده‌رمان ، په‌ننجاو یه‌ك سه‌ر ئاژه‌ڵ له جۆری مه‌ڕ و بزن، ناردنی نزیكه‌ی 140 هاوڵاتی بۆ كه‌ره‌نتینه‌كان كه به ڕێگه‌ی قاچاخ هاتونه‌ته‌وه هه‌رێمی كوردستان.
ئاماژه‌ش به‌وه‌دراوه، به‌فه‌رمانی به‌ریز دادوه‌ری لێكۆڵینه‌وه‌ی ئاسایشی شاره‌زوور دۆسییه‌ی لێكۆلینه‌وه كراوه‌ته‌وه و هێزه‌كانمان به‌رده‌وامن له لێكۆڵینه‌وه.
ئەڤرۆ نیوز، زنار زوبێر:
جڤاتا دادوەری ل هەرێما کورستانێ بریار دا هەموو جورێن مامەلەیان ل دادگەهێن هەرێمێ بهێنە راگرتن هەتا ۱/٤/۲۰۲۰ پشتی بەلاڤ بوونا ڤایروسێ کورنایێ .
ئەڤ بریارا هژمارە ۱۳ ئەوا رۆژا ٨ ئادارێ ژلایێ بەنگین قاسم سەروکێ جڤاتا دادوەری ڤە هاتیە ئیمزاکرن و تێدا ئاماژە دایە راگرتنا سەرجەم مامەلێن هاولاتیان ل دادگەهێ تنێ دێ سکالا هێنە برێڤەبرن دیسان ئەو مامەلەیێن گرێدای بەرزەبوونێ ژی (مفقودات) داخواز ژ دادگەها ڤەکولینێ کریە رابگرن هەتا ۱ هەیڤا بهێت داکو قەرەبالغیا لسەر دادگەهێ کێم بیت و خوە پاراستن ژ ڤایروسێ کورونا.
ئەڤرۆ نیۆز، قائید میرۆ:
پشتی کو پەرلەمانێ عێراقێ بڕیارا ھەلوەشاندنا ئەنجوومەنێن پارێزگەھان دەرکری بڕیارە ئەڤرۆ دادگەھا بلندا فیدڕالی بڕیارا دوماھیێ لدۆر ئەنجوومەنێن پارێزگەھێن عێراقێ بدەت.
خالیدە خەلیل، پەرلەمانتارا فڕاکسیۆنا پارتی لپەرلەمانێ عێراقێ بۆ ئەڤرۆ نیۆز دیارکر ” راستە بەری نوکە پەرلەمانێ عێراقێ بڕیاردایە کارێن ئەنجوومەنێن پارێزگەھان بھێنە راگرتن ل عێراقێ، بەلێ نوکە ئەو پرس ل دادگەھا فیدڕالە و بڕیارە ئەڤرۆ دادگەھا بلندا فیدڕالی ئێکلا بکەت و دێ بڕیارا خوە بدەت.
پەرلەمانتارا کورد گۆتژی” گورەی مادێ ٩٤ یێ دستوورێ عێراقێ ھەر بڕیارەکا ژلایێ دادگەھا فیدڕال بھێتە دەرکرن دێ ھێتە بجە ئینان، واتە ئەگەر بھێت و دادگەھا فیدڕال بڕیارێ بدەت ئەنجوومەنێن پارێزگەھان بمینن دێ بەردەوامبن لسەر ئەرکێ خوە ل عێراقێ.
خالیدە خەلیل ئاماژەکر” بدیتنامە ھەبوونا ئەنجوومەنێن پارێزگەھان پێدڤینە بۆ عێراقێ بتایبەتی بۆ ھندەک پارێزگەھێن وەکی نەینەوا، چونکە ھاریکاربووینە بۆ رێڤەبرنا کارێن حوکمەتێ.
ئه‌ڤرۆ نیوز:
وه‌زاره‌تا كاره‌با حكومه‌تا هه‌رێما كوردستانێ د راگه‌هاندنه‌كێ دا كۆ ئاماژه ب وێ چه‌ندێ هاتیه‌كرن ل بن چاڤدێریا سه‌رۆكێ حكومه‌تا هه‌ریما كوردستانێ به‌رێ بنیاتی بۆ دو پرۆژه‌یێن به‌رهه‌مئینان و ڤه‌گۆهاستنا كاره‌بێ هێنه‌دانان.
ئه‌ڤرۆ وه‌زاره‌تا كاره‌بێ د راگه‌هاندنه‌كێ دا د په‌یجێ فه‌رمیێ خۆدا ل تورا جڤاكی فیسبوكی به‌لاڤكریه، رۆژا سێ شه‌مبێ ل بن چاڤدێریا مه‌سرور بارزانی سه‌رۆكێ حكومه‌تا هه‌رێما كوردستانێ به‌رێ بنیاتی بۆ دو پرۆژه‌یێن بیاڤێ به‌رهه‌مئینان و ڤه‌گۆهاستنا كاره‌بی دا هێنه‌دانان، ده‌ستپێكێ، ئیسگه‌هێ 132 كه‌یڤی یێ سوران ل سه‌ر ریكا سوران ره‌واندز یێ دوێ به‌رێ بنیاتی بۆ پرۆژه‌یێ هێلا 132 كه‌یڤی و گوهورینا تێلێن ناڤبه‌را شه‌قلاوا و سوران و به‌رفه‌رهكرنا ئیسگه‌هێ سوران ب بهایێ شه‌ش ملیۆن و 700 هه‌زار و 50 دۆلاران هێته بجهكرن.
هه‌ر د رۆژا سێ شه‌مبی دا به‌ری بنیاتی بۆ پرۆژه‌یێ وه‌به‌رهێنانێ بۆ به‌رهه‌مئینانا 100 مێگاواتین كاره‌بێ ژ ئاڤێ(HIDRO +) ب شیوه‌یێ وه‌به‌رهێنان ژلایێ هه‌ردو كۆمپانیین ئاریان ئینده‌ستریت – ئوسترالی و strog oil ب بهایێ 250ه ملیۆن دۆلاران هێته بجهكرن.
نيشاندان