ئەڤرۆ نیوز:
ل گوندێ کۆرمۆر یێ سەر ب ناحیا قادرکەرەم ڤە ل قەزا چەمچەمال شۆفێرێن سێ تڕۆمبێلێن بارهەلگر هاتنە ڕەڤاندن، کو تڕۆمبێلێن وان هێک تێدابوون ژ ئالیێ هێزەکا نەناسیار ڤە هاتنە رەڤاندن.
هەر چەندە هێزێن پۆلیسێن وێ ناحیێ گەهشتنە جهێ بوویەرێ، لێ ب تنێ تڕۆمبێل ل وی جهی مابوون و شۆفێر تێدا نەمابوون، نەهاتیە زانین کانێ ئەو شۆفێڕە بۆ کیژ جهی هاتینە ڕەڤاندن.
ئەڤرۆ نیوز، عەلی حاجی :
ئەڤرۆ پێنجشەمبی دەمژمێر ٨:٠٠ شەڤ ل شوقێن دەلال ل باژێرێ زاخۆ کچەکا ژ ئاسانسورەکا شووقەکێ دکەڤیت ئکێسەر گیانێ خوە ژ دەست دەت.
ئەمیر عەلی بەرپرسێ راگەهاندنا ساخلەمیا زاخۆ بۆ ئەڤرۆ نیوز گوت : ئەو روودان ل دەمژمێر ٨:٣٠ێ شەڤێ روودا دەما زاروویەکا کچ دژیێ ١٢ سالیێ دا ب ناڤێ ( ئە،ک) ژ ئاسانسورەکا شوقێن دەلال ستی دکەڤیت و ژ برینا وێ یا دژوار هەر ل وی جهی گیانێ خوە ژ دەست دایە و تەرمێ وێ کچێ بۆ نۆشداریا داد هاتیە رەوانە کرن و تیمەکا نۆشداران پشکنین ل سەر تەرمێ وێ زاروویێ کرینە ل دور گیان ژ دەست دانا وێ .
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د دو روودانێن ترافیکێ دا شەش کەس بریندار بوون.
ناڤهاتی زێدەتر گۆت: ئەڤرۆ پێنجشەمبی 2020/2/6 ل دەمژمێر 12:50 ل سەر جادا سێمێل_دۆمیز و ل نێزیک وار ڤین ستی، دو ترۆمبێلان لێکدا و ئێك ژ وان ژ جورێ کەیا سورينتو، یا دیتر ژ جورێ ئۆپل، د ئەنجامدا دو کەس بریندار بوون، زێدەباری هندێ زیانێن مادی ب هەردو ترۆمبێلان کەفتن.
ئەو ژی گۆت: هەر ئەڤرۆ ل دەمژمێر 12:30 ل سەر جادا سێمیل_فەیدیێ و ل نێزیک گوندێ گەرانی، دو ترۆمبێلان لێکدا و ئێك ژ ژ وان ژ جورێ هوندا و یا دیتر ژ جۆرێ ره ف کرێ بوو، د ئەنجامدا چار کەس بریندار بوون، زیدەباری هندێ زیانێن مادی ژی ب هەردو ترۆمبێلان کەفتن.
ئەڤرۆ نیوز:
سەرۆک بارزانی، پەیامەک بەلاڤکریە و تێدا دیار کریە داخوازێ ژ حوکمەتا عێراقێ دکەین ئەرکێ خۆ ل هەمبەری رێگرتن ژ خوین رێژتنێ جێبەجێ بکەت، هەروەسا، پشتەڤانیا خوە بۆ داخوازیێن ڕەوایێن خۆنیشاندەرێن عێراقێ دوپات دکەین.
بناڤێ خودایێ بەخشندە و میهرەبان
گەلەک دلگرانین ل سەر زێدەبوونا توندوتیژیێ و بوویەرێن خوینا وی یێن چەند ڕۆژێن بوری یێن بەغدا و نەجەف، گەلەک ب توندی خوینڕێتن و کوشتن و بکارئینانا توندوتیژیێ ل دژی خۆنیشاندەران شەرمزار دکەین.
داخوازێ ژ حکومەتا عێراقێ و دامودەزگەهێن فەرمی و پەیوەندیدار کر، ئەرکێ خۆ لسەر ڕێگرتن ژ خوینڕێتن و پاراستنا گیانێ وەلاتیان و خۆنیشاندەران جێبەجێ بکەن، پێدڤیە ئالیێن سیاسی ژی بۆ گەهشتن ب چارەسەریێ، ب زمانێ عەقل و مەنتق سەرەدەریێ ل گەل وێ قەیرانا کوور دا بکەن کو بەروکێ عێراقێ گرتیە.
هەر ل ڤێرێ پشتەڤانیا خۆ بۆ داخوازێن ڕەوا یێن خۆنیشاندەران و وەلاتیان دوپات دکەین، سەرەخۆشیێ ژی ژ کەسوکارێن قوربانیان و شەهیدێن بوویەرێن ڤان داویان یێن عێراقێ دکەین و هیڤیا باشبوونا بلەز بۆ برینداران دخوازین.
مەسعود بارزانی
6ی 2ی 2020
ئەڤرۆ نیوز:
باسکێ سەدری دیار کر، سەرکردەکێ وان ل باژێرێ بەسرا ژ ئالیێ چەند چەکدارێن نەنیاس ڤە تەقە لێ هاتیەکرن و هاتیە کوشتن.
سەعد مالکی بەرپرسێ راگەهاندنا باسکێ سەدری راگەهاند، ئەڤرۆ پێنجشەمبێ ٦ شواتا ٢٠٢٠ێ حازم حلفی سەرکردێ هێزا سەرایا سەلام یا سەر ب باسکێ سەدری فە، ل،سەر رێیا محەمەد قاسم یا رۆژئاڤایێ بەسرا، د دەما چوونێ بۆ بۆ سەر کاری ژ ئالیێ چەند چەکدارێن نەنیاس ڤە هاتیە کوشتن.
هەروەسا ئاشکرا کر، تیرۆرکرنا حازم حلفی ب دو فیشەکان بوویە کو ب سەر یەک لێداینە و کوشتیە.
ئه‌ڤرۆ نیۆز، عه‌زیز هه‌ورامیی:
فه‌رمانده‌یه‌كی باڵای هێزی پێشمه‌رگه‌ی كوردستان هۆشداری ده‌دات له‌وه‌ی به‌ڕۆشتنه ده‌ره‌وه‌ی هێزی هاوپه‌یمانان له عێراق ئه‌وه سوپاس و حه‌شدی شه‌عبی توانای ڕوبه‌ڕوبونه‌وه‌ی گروپه چه‌كداره‌كانیان نییه له‌ماوه‌ی شه‌ش مانگ هێزێكی نوێ تیرۆرستی پڕچه‌ك دروستده‌كرێت.
لیوا ڕوكن ڕه‌شید عه‌بدولكه‌ریم،فه‌رمانده‌ی هێزی پێشمه‌رگه كوردستان،به ئه‌ڤرۆنیۆزی ڕاگه‌یاند:” ئه‌گه‌ربێت و هێزی هاوپه‌یمانان عێراق به‌جێ بهێڵن و ئه‌وكات هیچ ئاماده‌گییه‌كیان نابێت بۆ ڕوبه‌ڕوبونه‌وه‌ی گروپه تیرۆرستییه‌كان، شه‌ش مانگ ناخایه‌نێت دۆخێكی ئاڵۆز له عێراق دروست ده‌بێت”.
ناوبراو ئاماژه‌ی بۆ ئه‌وه‌شكرد:” داعش پاشماوه‌كانی ماوه جوڵه‌ی دروستبوونی گروپێكی ترهه‌یه و زانیارییمان لایه هێزێكی سه‌ربازیان ده‌بێت به‌ناوی سوفیانێ ته‌واوی گروپ و ڕێكخراوه تیرۆرستییه‌كانی تر له چوارچێوه‌ی ئه‌و ڕێكخراوه نوێییه كۆده‌كه‌نه‌وه، ته‌واوی به‌رپرسانی ڕێكخراوه‌كانی تر له‌ناو ده‌برێن”.
زیاتر وتی:” هێزه عێراقییه‌كان توانای كۆنتڕۆڵكردن و ڕوبه‌ڕوبونه‌وه‌یان له‌گه‌ڵ گروپه تیرۆرستییه‌كان نییه، ناچارده‌بن به‌رده‌وام داوای هاوكاری له وڵاتانی ده‌وروبه‌ر و ڕوسیا و ئه‌مریكا بكه‌ن بۆ ئه‌وه‌ی له ڕوبه‌ڕوی بونه‌وه‌ی تیرۆرستان هاوكاری بكرێن.
فه‌رمانده‌كه‌ی هێزی پێشمه‌رگه ده‌ڵێ، هێزه‌كانی حه‌شدی شه‌عبی گروپی سه‌ربه‌حزبه‌كانن له نه‌بوونی هێزی هاوپه‌یمانان له ناوچه‌كه شه‌ڕی ناوخۆی خۆیان هه‌ڵده‌گیرسێنن و هیچ كات ئاماده‌نین فه‌رمانه‌كانی سه‌رۆك وه‌زیرانی عێراق جێبه‌جێ بكه‌ن، بۆیه ڕۆشتنه ده‌ره‌وه‌ی هێزی هاوپه‌یمانان له عێراق گرفتێكی گه‌وره‌ی ئه‌منی ڕو له عێراق ده‌كات”.
ئەڤرۆ نیوز، عەلی حاجی :
پەیمانگەها زاخۆ یا نەحکومی ب هەڤکاری ل گەل لقا زاخۆ یا ئێکەتیا قوتابیێن کوردستانێ پێشانگەهەکا تایبەت ب وێنەیێن پێشمەرگەیێن دەڤەرە زاخۆ د شەرێ دژی رێکخراوا داعش دا شەهیف بوین ڤەکرن.
فاتیما سندی رێڤەبەرا پەیمانگەها زاخۆ یا نەحکومی بۆ ئەڤرۆ نیوز گوت : د ڤێ پێشانگەها تایبەت دا وێنەیێن ١٢٠ شەهیدێن دەڤەرا زاخۆنە د شەرێ رێکخراوا تیرویستیا داعش دا شەهید بوین و د ڤێ پێشانگەهێ دا بێ جیاوازی وێنەیێن هەمی شەهیدان هاتنە نیشاندان و مەرەم ژ ڤەکرنا ڤێ پێشانگەهێ ئەو بوو کو رێز ل خوینا پاقژا ڤان شەهیدان بهێتە گرتن و هەر دیسان نە بتنێ رێزێ ل شەهیدێن دەڤەرا زاخۆ دگرین بەلکو رێزێ ل هەمی شەهیدێن کوردستانێ دگرین.
و گوت ژی : بۆ ئێکەم جارە پێشانگەهەکا ب ڤی رەنگی ل پەیمانگەها مە بهێتە ڤەکرن وەکو پەیمانگەهـ ژی خواندنا کەس و کارێن شەهیدان بێ بەرامبەرە ل پەیمانگەها مە ژبەر کو کەس و کارێن شەهیدان پێدڤی ب چاڤدێریێ هەنە ژهەر لایەکێ ڤە ژبەر ڤێ چەندێ مە ئەم پێنگاڤە پێخەمەتی خزمەت کرنا کەس و کارێن شەهیدان دا هاڤێتیە .
ئەڤرۆ نیوز:
ئەڤرۆ سەرۆک مەسعود بارزانی ل گەل بالیۆزێ فرەنسا ل عیراقێ کۆمبوو و د کۆمبوونێ دا سەرۆک بارزانی راگەهاند کو فرەنسا د قۆناغێن گەلەک دژوار دا پشتەڤانی ل گەلێ کوردستانێ کریە و د ڤێ دووماهیێ دا ژی فرەنسا هاریکاریا خەلکێ مە ل رۆژئاڤایێ کوردستانێ کریە و گەلێ کوردستانێ چ جاران هەلویستێ مرۆڤانە یێ گەلێ فرەنسا و حوکمەتا وی وەلاتی ژبیر ناکەت.
سەرۆک مەسعود بارزانی هەروەسا راگەهاند کو حوکمەتا فرەنسا چارەسەریا پێدڤی بۆ زارۆیێ کورد یێ ب ناڤێ محەمەد حەمید ژی کر و فرەنسا سەلماندیە کو وەلاتەکە هەموو دەمەکێ رێزێ ل بهایێن مرۆڤاتیێ دگریت.
ئه‌ڤرۆ نیوز:
سه‌رۆكێ ئێكه‌تیا جۆتیارێن كوردستانێ راگه‌هاند: ئه‌و شاندێ بریار بوو بچیته به‌غدا بۆ چاره‌كرنا شایسته‌یێن دارایی یێن جۆتیاران هاته پاش ئێخستن و سه‌رۆك وه‌زیرێ كاندید كری سوزا بجهكرنا مافێن وان دایه.
یاسین قادر سه‌رۆكێ ئێكه‌تیا جۆتیارێن كوردستانێ راگه‌هاند ژی ده‌مێ چونا ئه‌وی شاندێ هه‌رێما كوردستانێ هاته پاش ئێخستن بۆ به‌غدا كۆ بریار بۆ ل ڤان نێزیكان بچیت ئه‌گه‌رێ وێ ژی بۆ كاندیدكرنا محه‌مه توفیق بۆ سه‌رۆك وه‌زیرێ نوویێ عیراقێ ڤه‌دگه‌ریت.
سه‌رۆكێ ئێكه‌تیا جۆتیارێن كوردستانێ ئه‌و چه‌نده ژی دا زانین كاندیدێ راسپاردی بۆ پۆستێ سه‌رۆك وه‌زیرێ عیراقی، بریاردایه ئاریشا شایسته‌یێن دارایی یێن جۆتیارێن هه‌رێما كوردستانێ چاره بكه‌ت.
حوكمه‌تا عیراقی ب بهایێ 561 ملیار دیناران پاره‌یێ گه‌نمێ سێ سالێن جۆتیارێن هه‌رێمێ ل ده‌ڤ مایه و چه‌ندین بزاڤ هاتینه كرن لێ نه‌شیان ئه‌وێ چه‌ندێ چاره بكه‌ن.
ئه‌ڤرۆ نیوز:
لگۆری ئاژانسێن میدیایی یێن كوێتێ، عیراق 49.2 ملیار دۆلاران وه‌كو قه‌ره‌بوو بۆ كوێتێ ڤه‌گه‌راندینه، نوكه بتنێ 3.2 ملیار دۆلاران قه‌ردارا ده‌وله‌تا كوێتێ یه و پیدڤیه د ماوه‌یێ بهێت بده‌تێ.
عیراق 52.4 ملیار دۆلاران قه‌ردارا ده‌وله‌تا كوێتی بوو، وه‌كه قه‌ره‌بوویا شه‌ریێ كوێتێ و عیراقێ هه‌مبه‌ر زیانێن به‌ركوێتێ كه‌تین هاتینه خه‌ملادن و بده‌ته كوێتێ.
ل سالا 2020 ژ 52.4 ملیار دۆلاران 49.2 ملیار دۆلار هاینه دان بۆ ده‌وله‌تا كوێتێ ئه‌ڤێن ماین بتنێ 3.2 ملیار دۆلارن.
نيشاندان