ئەڤرۆ نیوز:
رێکخراوا ساخلەمیا جیهانی دەربارەی ڤایرۆسێ کۆرۆنا یێ کۆژەک بارێ نەئاسایی راگەهاند، هەروەسا بەحسێ هندێ دکەت، کو چ حالەتێن مرنێ ل وەلاتێن دەردورا چینێ نینن.
ئیدرۆس ئەدهانۆم، رێڤەبەرێ گشت یێ یێ رێکخراوا ساخلەمییا جیهانی راگەهاند، ژ ئەگەرێٖ مەترسیا وی ڤایرۆسی ئەڤرۆ پێنجشەمبی بریارا ڕاگەهاندنا بارێ نەئاسایی لدووڤ هندێ دایە، کو ل ١٨ ولاتێن جیهانێ ئەو ڤایرۆسە بەلاڤ بوویە.
ئەڤرۆ نیوز :
د. گۆران عەبدوللا بانگەوازیەک بەلاڤکریە و تێدا گۆتیە،
وەلاتیێن خۆشتڤی، جیهان هەموو و کورستان یێن لبەر هێرەشەکا مەزن یا ساخلەمیێ، ڤایرۆسا کۆرۆنا بلەزاتیەکا ترسناك یا بەلاڤ دبیت و چ درەنگ یان نێزیك رەنگە بگەهیتە کوردستانا خۆشتڤی.
هەرەسا ئەز وەکو دکتورەك و چاڤدێرێ ساخلەمیێ و خوە بەرپرسیار دبینم ژبەر هندێ دخاازم ڤێ حەفتیێ وەزەراتا ساخلەمیێ دەست پێ بکەت!
بۆ وەزەراتا ساخلەمیێ: هیڤی دکەین ڤێ حەفتیێ ئێدی چ روونکرنا ل،سەر تشێتن بێ مفا بەلاڤ نەکەن، ب ئەرکێ خوە رابن بەرامبەر پاراستنا خەلکێ کوردستانێ ژ ڤی ڤایرۆسێ مەزن.
بۆ مامۆستایێن بەرێز: هێڤی دکەین هەوە ئاگەهـ ژ قوتابیان هەبیت، قوتابیێن نەخۆش ڤرێکەنە مال بلا بهێن ڤەدانێ وەربگریت و نەخۆشی نەهێتە ڤەگوهاستنێ، جیلا دەست پاڤژیێ داننە بەر دەرگەهێ پولێ هوون و قوتابی دەستێن خوە پێ پاقژ بکەن.
بۆ دەیك و بابێن قەدر گران: بلا هەوە دەهـ جاران ئاگەهـ ژ جەگەرا خوە هەبیت، ل جهێ هوون شەقەکێ ل وان بدەن کلینسەکا نەرم بدەن وان، ل جهێ هوون ئاخفتنەکا نەخۆش و رەق بێژنە وان شیرەتان لێکەن، زارۆیێن خوە ئاگەهدار بکەن، دەمێ د بێهنژن و د کوخن دەستێ خوە بکاربینن و پشتی هینگێ دەستێن خوە بشوون.
بۆ مامۆستایێن ئاینی یێن بەرێز: هێڤی دکەین گۆتارا ڤێ ڤێ حەفتیێ بلا بۆ گوتنا شیرەتان و چاوانیا خوە پاراستنێ بیت ژ ڤێ نەخوشیێ، بلا بۆ نڤێژکەران بهێتە گوتن نە بەلاڤکرنا ڤێ نەخوشیێ ژ نڤێژا جماعەت ب خێرترە.
بۆ نۆشدار و کارمەندێن ساخلەمیێ: هیڤی دکەین هەوە ئاگەهـ ژخوە هەبیت، هوون مفایەکێ مەزنن بۆ هەموویان بێ هەوە دێ کورستانا خوشتڤی نەخوش بیت، هیڤی دکەین دەستگورك و ماسکی بکاربینن ، وەلاتیان ئاگەهدار و هشیار بکەن، هیڤی دکەین جهێن بلند ئاگەهدار بکەن دەمێ بۆ هەوە گومانەك چێدبیت کو نەخوش هەلگرێ ڤی جورە ڤایرۆسی یە.
بۆ رۆژنامەنڤیس و میدیاکارێن چاڤ نەترس: هیڤی دکەین ڤێ حەفتیێ هەموویێ مانشتێن و ریپورتاژ و پرۆگرامێن هەوە، بلا بۆ بەلاڤکرنا زانیاریان بیت لدۆر ڤێ نەخوشیێ و پاراستنا گیانێ بیت وخەلکێ ژڤێ نەخوشیا ترسناك دوور بێخن.
بۆ سیاسی و پەرلەمانتاران: هیڤی دکەین ڤێ حەفتیێ بلا چ دو بەرەکی دناڤبەرا هەوە دا نەبن، هیڤی یە بچن دناڤ خەلکێ دا و رەوشا وان یا ساخلەمیێ ژ نێزیك ببینن.
ژ هەموویێ گرنگتر بۆ نەخوشیێن خوشتڤی: هیڤیە هەوە ئاگەهـ ژ خوە هەبیت، خوە پشتگوهـ ڤە نەهاڤێژن سەرەدانا نۆشداران بکەن، نەچنە ژ دەرڤە، ماسکی بکاربینن و ئاڤێ گەلەك ڤەخۆن، نەخوشیێ بەلاڤ نەکەن.
هەروەسا دا ڤێ حەفتیێ بکەینە حەفتیا حەز کرن و ڤیانێ بۆ ئێکودو، دەستێن خوە بکەن تێكدا بۆ شکاندنا ڤێ هێرشا مەزن یا ساخلەمیێ یێ.
بەرهەڤکرن، زنار تۆڤی:
ئه‌ڤرۆ نیۆز، قائید میرۆ
پشتی بڕیارا هه‌ڤپه‌یمانان بۆ راگرتنا چالاكیێن خوه یێن دژی داعش مه‌ترسی بۆسه‌ر ده‌ڤه‌رێن كوردستانێ په‌یدابوویه و سه‌رۆكی جڤاتا پارێزگه‌ها كه‌ركووكێ ژی ئاشكراكر، مه‌ترسی هه‌یه داعش هێرشی سه‌ركه‌ركووكێ بكه‌ت.
رێبوار تاله‌بانی، سه‌رۆكێ ئه‌نجوومه‌نێ پارێزگه‌ها كه‌ركووكێ بۆ ئه‌ڤرۆ نیۆز دیاركر” بڕیارا هه‌ڤپه‌یمانان بۆ راگرتنا چالاكیێن دژی داعشێ و هه‌ماهه‌نگی نه‌كرن دگه‌ل هێزێن عێراقی وه‌لاتیێن كه‌ركووكێ دلگرانكرینه، ژبه‌ركو مه‌ترسیێن ڤه‌گه‌ڕیانا داعش هه‌نه و خه‌لكێ كه‌ركووكێ ئه‌ڤێ راستیێ باش دزانن ژیانا كه‌تیه د مه‌ترسیێ دا.
تاله‌بانی ئاماژه‌كر” چه‌كدارێن داعش لڤینێن خوه ل كه‌ركووكێ زێده‌كرینه و ل هنده‌ك ده‌ڤه‌ران ب ئه‌شكرا یێ هاتن وچوونێ دكه‌ن، له‌وڕاژی پێشبینی دهێته‌كرن ره‌وش یا هوسا كریارێن تیرۆرستی بهێنه ئه‌نجامدان.
ئه‌ڤرۆ نیۆز، قائید میرۆ
بزاڤێن هێزێن عێراقی بۆ دوماهی ئینان ب خۆنیشاندانێن وه‌لاتیان د به‌رده‌وامن و به‌رپرسه‌كێ مافێ مرۆڤی ل عێراقێ هۆشداریێ دده‌ت ل بكار ئینانا هێزێ دژی خۆنیشانده‌ران.
هێمن باجه‌لان، ئه‌ندامێ كۆمسیۆنا مافێن مرۆڤی ل عێراقێ بۆ ئه‌ڤرۆ نیۆز دیاركر” چه‌ند رۆژه‌كه شه‌ڕۆ پێكدانان دناڤبه‌را هێزێن عێراقی و خۆنیشانده‌رێن عێراقێ ده‌ستپێكریه و حوكمه‌ت دخوازیت دوماهی ب خۆنیشاندانان بهێت، به‌لێ مخابن بشێوه‌یه‌كێ دژوار توندۆتیژی دژی خۆنیشانده‌ران دهێته‌كرن، هه‌تا نوكه هژماره‌ك خۆنیشانده‌ر هاتینه كوشتن و برینداركرن.
هێمن باجه‌لان گۆت” ره‌وشا عێراقێ یا به‌ره‌ف قۆناغه‌كا نوو دچیت و ئه‌م پێشبینی دكه‌ین بكارئینانا هێزێ بۆ چۆلكرنا گوڕه‌پانا خۆنیشاندانا دێ ره‌وشێ به‌ره‌ف دژوارتر ببه‌ت، مه داخوازكریه ل حوكمه‌تا عێراقێ گیانێ خۆنیشانده‌ران یێ پاراستی بیت و دوماهیێ ب توندۆتیژیان بینن.
ئه‌ڤرۆ نیوز، مه‌حمود نهێلى:
رێڤه‌به‌رێ ناحیا دێره‌لۆك دیار كر، ژبۆ كۆنترولكرن ل سه‌ر موه‌لیدێن كاره‌بێ، دانانا پیڤه‌ران ل سه‌ر موه‌لیدین ده‌ڤه‌رێ د رۆژه‌ڤێ دایه و ب ڤێ رێیێ د شیان دایه كۆنترولكرن ل سه‌ر كاركرنا موه‌لیدان بهێته كرن و هه‌روه‌سا مافێ وه‌لاتیان ژى ناهێته به‌رزه كرن.
سامى ئوشانه رێڤه‌به‌رێ ناحیا دێره‌لۆك بۆ ئه‌ڤرۆ نیوز دیاركر، كو داخازیا خه‌لكێ ده‌ڤه‌رێ گه‌هشتیه به‌رده‌ستێ وانا و گۆت: به‌رى نوكه ژى وان داخاز كر بوو كو رێكارێن باش بهێنه گرتن بۆ هندێ ب دروستى موه‌لیده كار بكه‌ن وموه‌لیدێن یه‌ده‌ك هه‌بن بۆ وێ یه‌كى ل ده‌مێ هه‌ر ژ كاركه‌فتنه‌كى موه‌لیدا یه‌ده‌ك كار بكه‌ن و نه‌هێلن مافێ وه‌لاتى بهێته خارن.
ناڤهاتى ئاشكرا كر، كو تا راده‌یه‌كى باش ئه‌و شیانه كۆنترولێ ل سه‌ر موه‌لیده‌ێن ده‌ڤه‌رێ بكه‌ن، لێ ژ به‌ر كو لژنا موه‌لیدان ل ناحیا نینن بتنێ ل قه‌زایێ هه‌نه ئه‌و بتنێ دشێن چاڤدێریا موه‌لیدان بكه‌ن و ل سه‌ر هه‌ر ژ كێماسیه‌كى لژنا موه‌لیدان ئاگه‌هدار بكه‌ن.
ناڤهاتى ئاشكراكر، كو گه‌له‌ك جاران ل سه‌ر كێماسیێن موه‌لیدان ئه‌و شیانه خودانێن موه‌لیدان سزا بده‌ن ب به‌ربرینا پاره‌ى ل دووڤ رێژا كار نه‌كرنێ و گۆت: ئه‌م ژى دگه‌ل داخازیا هاولاتیانین ده‌رباره‌ێ دانانا پیڤه‌ران ل سه‌ر موه‌لیدێن كاره‌بێ و ب نڤیسار و هه‌روسا ب ته‌له‌فونێ ژى وان لایه‌نێن په‌یوه‌ندیدار و لژنا موه‌لیدان ل سه‌ر ڤێ یه‌كى ئاگه‌هدار كرینه.
ئه‌ڤرۆ نیوز ، بارزان مزووری:
شینوار ناس محه‌مه‌د عارف ئه‌ندامێ زانكویا ئودینی یا ئیتالی ل قه‌زا شێخان دیار کر دوهی 29/1/2020 وه‌زیرێ شاره‌وانی و گه‌شت و گوزار یێ حكومه‌تا هه‌رێما كوردستانێ دگه‌ل چه‌ندین رێڤه‌به‌رێن شینوارا یێن كوردستانێ به‌شداری د كونفرانسه‌كی دا كریه ل وه‌لاتێ ئیتالیا كۆ ئه‌ڤ كونفرانسه زانكویا ئودنی یا ئیتالی به‌رهه‌ڤ كربۆ دڤی كونفرانسی دا دو وجهێن شینواری یێن گرنگ ل قه‌زا شێخان “خه‌نس،جه‌روانا” ده‌ست نیشانكرینه ماستر پلان بو هاتیه دانان د پاشه‌رۆژێ دا بهێته سه‌خبێركرن و نوێژه‌نكرن ژلایێ شینواری ڤه ،جهێن گه‌شتیاری ژی دناڤ ڤی جهی دا زێده‌بكه‌ن وه‌كۆ جهێن رینشتنێ و باخچه‌یێن بچیك و رێك دا خه‌لك قه‌ستا وان جهان بكه‌ت وه‌كۆ جهه‌ك گه‌شتیاری.
ناڤهاتی خویاكر ژبلی هه‌ردوو جهێن شینواری ل قه‌زا شێخان جه‌ندین جهێن دی ژی هاتینه ده‌ست نیشانكرن ل پارێزگه‌ها دهوك به‌لێ ل سنورێ قه‌زا شێخان جهێ شینواری”خه‌نس،جه‌روانا” هاتیه ده‌ست نیشانكرن و گۆت:( د ماسترپلانا وان دا ئه‌ڤ هه‌ردوو جهه د گرنگن ژبه‌ركۆ زانكویا ئودنی یا ئیتالی دناڤ په‌رتوكه‌كا وان دا وه‌ك وانه‌یه‌كێ دهێت گوتن ڤه‌كولین و گه‌نگه‌شه ژی ل سه‌ر دهێت كرن ژبه‌ر دیاربونا دیروكا دروست یا به‌نداڤا جروانا چونكو دیروكا ڤی جه‌روانی ، ئه‌و ڤه‌كولینا ل سه‌ر دهات كرن ژلایێ زانكویا ئه‌ودیی ئیتالی و شیكاغو لامریكا ئه‌ڤ به‌نداڤه كه‌ڤنترین به‌نداڤه ل جیهانێ هاتیه توماركرن).
ئه‌ڤرۆ نیۆز عه‌زیز هه‌ورامی:
حكوومه‌تی هه‌رێمی كوردستان به سه‌رۆكایه‌تی مه‌سروور بارزانی هه‌نگاوه‌كانی بۆ فره‌چه‌شنكردنی سه‌رچاوه‌ی دارایی وڵات ده‌ست پێكردووه، ئابووری ناسان ده‌ڵێن، هه‌نگاوه‌كانی سه‌رۆكی حكوومه‌ت بۆ فراوان كردنی سه‌رچاوه‌كانی دارایی كوردستان دوورمان ده‌خاته‌وه له‌وه‌ی وڵات توشی قه‌یرانی دارایی ببێته‌وه.
سه‌ركۆ یونس ئابووری ناس به ئه‌ڤرۆ نیۆزی ڕاگه‌یاند:” وڵات كاتێك یه‌ك سه‌رچاوه‌ی دارایی هه‌بێت بۆ بوودجه‌ی گشتی ئه‌وه هه‌میشه له‌به‌رده‌م مه‌ترسی قه‌یرانی دارایداده‌بێت، بۆیه هه‌نگاوه‌كانی سه‌رۆكی حكوومه‌ت بۆ فره چه‌شنكردنی سه‌رچاوه‌كانی داهات پشت نه‌به‌ستن ته‌نها به‌داهاتی نه‌وت، پهرهپێدان به كه‌رته‌كانی كشتوكاڵ و پیشه‌سازی و گه‌شتوگوزار، ئه‌وه وڵات له مه‌ترسی دروستبوونی قه‌یرانی دارایی دوورده‌خاته‌وه”.
گرنگی دان به كه‌رته‌كانی كشتوكاڵی و پیشه‌سازی و گه‌شتوگوزار
سه‌ركۆ یونس وتی:” له هه‌رێمی كوردستان ڕه‌گه‌زه‌كانی پهرهپێدان و به‌ره‌وپێشبردنی كه‌رتی كشتوكاڵ و پیشه‌سازی و گه‌شت و گوزار و بازرگانی و سه‌رجه‌م ده‌رامه‌ته سروشتییه‌كان هه‌یه، ته‌نها پێویستییان به پاڵپشتی هه‌یه كوردستان هه‌ڵكه‌وته‌ی جوگرافی له نێوان وڵاتانی ئێران و عێراق و توركیا هه‌ڵكه‌وتووه ده‌توانین گرنگی به‌بازرگانی بده‌ین وه به‌رهه‌می ناوخۆ له ڕێی ئه‌و وڵاتانه‌وه هه‌نارده‌بكه‌ین”.
كوردستان به سه‌رچاوه‌ی سروشتی زۆر ده‌وڵه‌مه‌نده جگه له نه‌وت و غاز، گۆگرد و قورقشمی هه‌یه،گرنگیان پێبدرێت سه‌رچاوه‌ی ئابووری كوردستان ده‌بوژێته‌وه، سه‌ركۆ یونس وای گوت”.
خۆشگوزه‌رانی تاك
زیاتر ده‌ڵێ،خۆشگوزه‌رانی تاك له هه‌موو وڵاتێك پێوه‌سته به‌وه‌ی حكوومه‌ت گرنگی به زیادكردنی سه‌رچاوه‌كانی داهات بدات، كاتێك داهاتی ناوخۆ زیاد ده‌كات داهاتی تاك به‌رزده‌بێته‌وه ئه‌وكاته پاره‌ی زیاتر ده‌ڕواته بازار جوڵه‌ی بازرگانی زیاده‌كات ئه‌وكات كاریگه‌ری ده‌بێت له سه‌ركه‌ر خۆشگوزه‌رانی تاك”.
كۆكردنه‌وه‌ی داهاتی ده‌روازه گومرگییه‌كان له‌وه‌زاره‌تی دارایی
له‌وباره‌وه ده‌ڵێ، گرنگه حكوومه‌ت له‌گه‌ڵ ڕێكخستنه‌وه‌ی داهاتی گومرگ و په‌ره‌پێدانی ده‌روازه‌كانی بازرگانی له‌گه‌ڵ وڵاتان، داهاته‌كه‌شی له دارایی گشتی ده‌وڵه‌ت كۆببێته‌وه، جارێكی تر به‌سه‌ر وه‌زاره‌ته‌كانه‌وه دابه‌شبكرێته‌وه هه‌نگاوێكی گرنگه دوورمان ده‌خاته‌وه له گه‌نده‌ڵی ئه‌وكاته‌ش ده‌زانی چه‌ند داهاتت هه‌یه و له چیشدا سه‌فی ده‌كه‌یت”.
بڕیاری حكوومه‌ت و په‌رله‌مان بۆ وه‌رگرتنه‌وه‌ی قه‌رزه‌كان
ناوبراو زانیاری زیاتر ده‌دات و گوتی:”به‌پێ زانیارییه‌كان حكوومه‌ت یه‌ك تلیۆن دینار قه‌رزی لای سه‌رمایه‌داران و بازرگانان هه‌یه حكوومه‌ت ئه‌و پارانه وه‌ربگرێته‌وه بگه‌ڕێته‌وه وه‌زاره‌تی دارایی و ئابووری، حكوومه‌ت ده‌توانێت به‌و پارییه پڕۆژه‌ی زۆر باش ئه‌نجامبدات و گرنگی به ژێرخانی ئاوه‌دانكردنه‌وه بدات چالاكی ئابووری گه‌شه‌ده‌كات، هه‌لی كار بۆ لاوان ده‌ڕه‌خسێت و ڕێژه‌ی بێكاری كه‌مده‌بێته‌وه ده‌بێته هۆی سه‌رچاوه‌ی دارایی بۆ تاكه‌كانی كۆمه‌ڵگا”.
گرنگی دانی حكوومه‌ت به وه‌به‌رهێنان
هه‌نگاوی حكوومه‌ت به گرنگه حكوومه‌ت یاسایی وه‌به‌رهێنان هه‌مووار بكاته‌وه كارئاسانی بۆ وه‌به‌رهێنانه‌ران بكات، كاتێك كارئاسانی بۆ وه‌به‌رهێنه‌ران كرا و ئه‌وكاته وه‌به‌رهێنه‌ران په‌ره‌به‌پڕۆژه‌كانیان ده‌ده‌ن له‌وكاته‌شدا به فراوان بوونی پڕۆژه‌ی وه‌به‌رهێنه‌ران هه‌لی كار بۆ لاوان ده‌سته‌به‌رده‌بێت به خاوه‌ن بڕوانامه‌كان و ئه‌و كه‌سانه‌شی بڕوانامه‌یان نییه، به‌پێ ئاماره‌كان ساڵانه زانكۆكانی كوردستان 30 هه‌زار ده‌ستی كارده‌خه‌نه بازاڕه‌كان، بۆیه جێگه‌ی ده‌ستخۆشییه حكوومه‌ت گرنگی به فراوانكردنی وه‌به‌رهێنان ده‌كات”.
ئەڤرۆ نیوز، زنار تۆڤی:
رێڤەبەریا گشتی یا سەقاناسی و ئەردهەژا ل هەرێما کوردستانێ، پێشبینیێن سەقایێ ئەڤرۆ و سوبەهی بەلاڤکرن و دیار کر، ئەڤرۆ دێ ئەسمان دناڤبەرا ساهی و عەوری دا بیت، سۆبەهی ژی دێ ئەسمان ساهی و عەور بیت، لدووڤ دا دێ پەسمان ب تەمامی بیتە عەور، پشتی نیڤرۆ دێ بارانبارین دەستپێکەت و ل گەل بارینا بەفرێ ل دەڤەرێن چیایی.
هەروەسا سەقاناسیا هەرێمێ دیار کریە ژی، سوبەهی بلندترین پلا گەرمێ ل هەولێر دێ ١٣ پلە بیت، هەروەسا ل سلێمانێ ژی دێ ١٠ پلە ب ٣ پلە بیت، ل پارێزگەها دهۆکێ ژی دێ ١٠ ب ٣ پلە بیت و ل کەرکوکێ ژی دێ ١٤ پلە ب ٥ پلە بیت.
ئەڤرۆ نیوز، زنار تۆڤی:
وەسا بریاربوو، ل بیرەوەریا شەهیدێن 1 شواتێ فیستەڤالا سینەمایی یا دژی تیرۆرێ ل هەولێرێ دەست ب کارێن خوە بکەت، ئەڤ فیستەڤالە دابۆ دەمێ چار رۆژان یا بەردەوام بیت و دیسان دێ 35 کورتە فلم پشکداریێ تێدا کەن، لێ ژبەر چەند ئەگەران بۆ ناڤەراستا ڤێ هەیڤێ هاتە پاشخستن.
بشتیوان عەبدوللا سەرۆک و رێکخەرێ گەرا پێنجێ یا فیستەڤالا سینەمایی یا دژی تیرۆرێ ل هەولێرێ بۆ ئەڤرۆ نیوز گۆت: ل سالا بوری وەزارەتا رەوشەنبیری یا حوکمەتا هەرێما کوردستانێ پشتەڤانیەکا تەمام ل فیستەڤالێ کر و بێی هەبوونا چ سپۆنسەران، لێ د ئەڤ سالەدا مە نڤیسارەک دایە وەزیرێ رەوشەنبیری، هەتاکو پێر ژی ئەو نڤیساره ل دەف وەزیرێ رەوشەنبیری بوو، وەزیری گۆت، فیستەڤالا دژی تیرۆرێ کارێ وەزارەتا رەوشەنبیری نینە، گۆتیە، ئەڤە کارێ حزبێ یە، یان ژی وەزارەتا شەهیدان، لدووڤدا مە سەرەدانا پارێزگارێ هەولێرێ کریە، وی گۆتیە ئەڤە کارێ وەزارەتا رەوشەنبیری یە، پاشی ئەم چووینە وەزارەتا شەهیدان، وان گۆتیە مە دێ پشتەڤانیێ ل هەوە کەین، لێ وەزارەتا دارایی گۆتیە، ئەڤە کارێ وەزارەتا رەوشەنبیری یە، لێ ژ روویێ دارایی ڤە چ لایان پشتەڤانی ل مە نەکر.
ناڤهاتی گۆت ژی: هەر چەندە مە کۆمەکا سپۆنسەران هەبوو، لێ ئەڤ فیستەڤالا مەزن ب وان سپۆنسەران ب تنێ برێڤە ناچیت، لەوما مە بریاردا ئەڤ فیستەڤالە هەتا ناڤەراستا ڤێ هەیڤێ بهێتە پاشخستن، ژ پێخەمەت ئەم بشێین هندەک سپۆنسەرێن دیتر پەیدا بکەین، داکو ئەڤ فیستەڤالە باشتر برێڤه بچیت، دیسان دبێژین مخابن وەزارەتا رەوشەنبیری پشتەڤانی ل ڤێ فیستەڤالێ نەکر.
ئەڤرۆ نیوز، زنار تۆڤی:
وەسا بریارە ئەڤرۆ پێنجشەمبی پەرلەمانێ كوردستانێ شایستێن دارایی یێن جوتیارێن كوردستانێ گوتۆبێژ بکەت و دوماهیێ ب خولا پاییزێ بینیت.
لدووڤ داخوازناما دەستەیا سەرۆكاتیا پەرلەمانێ كوردستانێ کو ئاراستەی ئەندامێن پەرلەمانی كریە، ئەڤرۆ دەمژمێر 11 بەری نیڤرۆ پەرلەمانێ كوردستانێ دێ كۆم بیت، تەوەرێن كۆمبوونێ دێ پێکهێن ژ گوتۆبێژکژنا شایستێن دارایی یێن جوتیارێن ھەرێما كوردستانێ، كو چەند سالە ژ ئالیێ عێراقێ ڤە ناهێنە دان بۆ جوتیارێن كوردستانێ، هەر چەندە گەلەک بزاڤ هاتینە کرن، لێ هەتا نوکە د بێ ئەنجام نەبووینە.
پەرلەمانتار هیڤیدار ئەحمەد ژ فراکسیۆنا پارتی دیموکراتی کوردستان ل پەرلەمانێ کوردستانێ بۆ ئەڤرۆ نیوز گۆت: ئەڤرۆ دێ پەرلەمانێ كوردستان دوماهیێ ب خولا پاییزی ئینیت و دێ هەیڤەکێ کەڤیتە بهێنڤەدانێ، هەر چەندە دێ لژنێن پەیوەندیدار کارێ خوە ئەنجادەن، لێ ب تنێ د ڤی دەمی دا، کۆمبوونێن پەرلەمانی ناهێنە ئەنجامدان.
دیار کر ژی: پێشتر ب ئەگەرێ پڕۆژە قانوونا چاكسازیێ، پەرلەمانێ كوردستانێ خولا پاییزێ درێژكربوو، لێ ئەڤرۆکە دێ خولا پاییزی ب دوماهی هێت.
نيشاندان