ئەڤرۆ نیوز:
كەساتیێن سوننی د وێ باوەریێ دانە، باشترین چارەسەری بۆ ڤی دۆخێ نوکە ل عیراقێ، دابەشبوونا عیراقێ یە بۆ سێ ھەرێمێن سەربەخۆ، شیعە، سوننە، كورد، بۆ ڤێ ژی سوننی دخوازن ھەرێما وان دەربارەی ئاسایش و سەقامگیریێ ھەڤشێوێ ھەرێما كوردستانێ بیت.
پێكئینانا ھەرێمەکا سەربەخۆ بۆ سونیان، یا ب ساناهی نابیت، بەلێ داخوازیان ئەوە ئەڤ خەونە ببیتە راستی، چونكی شیعە وەسا ب ساناهی خوە ب ده‌ست دابەشكرنا عیراقێ ناده‌ن، چونکی شیعی زۆرینەنە ل عیراقێ، ب تنێ فشارێن دەرڤە دشێن وان رازی بكەن.
ئەڤرۆ نیوز:
پەرلەمانێ كوردستانێ دێ دەنگ ل سەر پڕۆژە قانوونا چاكسازیێ دەت و لیژنێن تایبەتمەند دێ راپۆرتا دوماهیێ ل سەر پێشنیازێن خواندنا دویێ تەمام کەن.
پرۆژە قانوونا چاکسازیێ ژ 21 مادان پێكهاتیە پشتی پەسەندکرنێ، دێ پەرلەمان ره‌وانه‌ی سەرۆکاتیا هەرێما کوردستانێ کەت و پشتی بەلاڤبوونێ، دڤێت جڤاتا وەزیران د ماوێ دو مەهان دا دەست ب جێبەجێکرنا وێ قانوونێ بکەت، ب ڤێ چەندێ دێ پێنگاڤێن رێکخستنا خانەنشینیێ، مووچەی، پێدانا دەرمالە و ئیمتیازاتان و ئێکخستنا هێزێن پێیشمەرگەی دەست پێ کەت.
ئەڤرۆ نیوز:
رۆژناما وول ستریت جۆرنال یا ئەمریکی راپۆرتەک ل سەر عیراقێ بەلاڤە کریە و تێدا ئاماژە ب هندێ دایە، کو هەردو وەزارەتێن دەرڤە و بەرگریا ئەمریکا مژوولی پلانا کێمکرنا هاریکاریێن سەربازینە بۆ عیراقێ.
هەروەسا وێ رۆژنامێ بەلاڤە کریە، ژ ئەگەرێ جێبەجێکرنا وێ بریارا پەرلەمانێ عیراقێ، ئەمریکا دێ ب گۆژمێ 250 ملیۆن دۆلاران د سالا 2020، هاریکاریێن سەربازی بۆ هێزێن عیراقی کێم کەت.
پێشتر دۆنالد ترەمپی سەرۆکێ ئەمریکا هرشێن ژ ناڤبرنا ئابوورێ عیراقێ کربوو، کو هەکە بریارا دەرکرنا هێزێن ئەمریکا ل عیراقێ بهێتە دان، ئەمریکا دێ هەموو پارێ عیراقێ ل بانکا فیدرالی یا ئەمریکا سر کەت.
ئەڤرۆ نیوز، عەلی حاجی :
سەرۆکێ زانکویا زاخۆ د داخویانیەکێ دا بۆ ئەڤرۆ نیوز دیار کر ب شێوەکێ فەرمی حکومەتا عێراقێ دانپێدان ب زانکویا زاخۆ کر و ئێدی زانکویا زاخۆ کێشەیەک بناڤێ زانکویەکا نەباوەرپێکری نەما.
پ.د. لەزگین عەبدی زێدەتر گوت: بریار د ڤێ دەرباڕێ دا بۆ مە ژ بەغدا هاتیە و دوێ بریارێ دا هاتیە دیار کرن حکومەتا عێراقێ دانپێدانێ ب زانکویا زاخۆ دکەت بێ هیچ کێشەیەک و ئێدی قوتابیێن مە دشێن ل وەلاتێن دەوروبەر بەردەوامیێ بدەنە خواندنا خوە ل وەلاتێن جیران و دەوروبەر و هەر چەندە مە ئەڤ کێشەیە دگەل وەلاتێن ئەوروپی نەبوو بەلێ ژبەر وان رێککەڤتنێن رەوشەنبیری یێ وەلاتێ عێراقێ دگەل وەلاتێن جیران پێدڤی ا زانکویا زاخۆ ژلایێ حکومەتا ناڤەندیڤە دانپێدان پێ هاتبایە کرن.
و گوت ژی : بریارەکا گرنگ بوو هاتیە دەرکرن و هەر چەندە زانکویا زاخۆ ژهەی وێ چەندێ بوو زووتر دانپێدان پێ بهێتە کرن بەلێ ژبەر کاودانێن سیاسی حکومەتا عێراقێ دانپێدان ب زانکویا زاخۆ نەدکر.
ئەڤرۆ نیوز:
ئەڤرۆ جڤاتا وەزیران ب سەرۆکاتیا مەسرور بارزانی سەرۆکێ جڤاتا وەزیران و ب ئامادەبوونا قوباد تالەبانی جێگرێ سەرۆک وەزیران کۆمبوو.
د کۆمبوونێ دا بەحسێ چارەسەرکرنا ئاریشێن د ناڤبەرا هەولێرێ و بەغدایێ دا هاتە کرن هاتە راگەهاندن حوکمەتا هەرێما کوردستانێ دڤێت ل گۆر دستووری هەموو ئاریشێن هەی چارەسەر بکەت.
د کۆمبوونا جڤاتا وەزیران دا بەحسێ پرۆژێ چاکسازیێ ژی هاتە کرن و هاتە راگەهاندن کو ئارمانج ژ پرۆژێ چاکسازیێ رێکخستنا مووچەی و هەروەسا دابەشکرنا داهاتی یە ب رەنگەکێ دادپەروەرانە دا مافێ کەسێ نەهێتە خوارن.
ئەڤرۆ نیوز، له‌زگین جوقی:
به‌رپرسێ راگه‌هاندنێ لقێ 17 پارتێ دیموكراتی كوردستان ل شنگال دیاركر كو ئه‌ڤرۆ 15/1/2020 فرۆكه‌یێن توركیا دووگری سه‌ر ناحیا سنوونێ ڤه ل قه‌زا شنگال بۆردومانكر.
ئیدریس زۆزانی، به‌رپرسێ راگه‌هاندنێ لقێ 17 پارتێ دیموكراتی كوردستان ل شنگال بۆ دیاركركو بنگه‌هه‌كێ هێزین چه‌كدار ل شنگال ژلایێ فرۆكه‌یێن توركیا ڤه هاتیه بۆردومانكرن دووڤ زانیاریان ژی كوشتی و بریندار هه‌نه لێ هیشتا ناسنامه‌یێن هه‌موویان ئاشكرا نه‌بووینه.
ئه‌ڤرۆ نیوز:
سه‌رۆك كۆمارێ ئیرانێ راگه‌هاند روودانا ئێخستنا باله‌فرا ئوكرانیا نابیت دووباره بیت، پێدڤیه پێداچون بۆ یاسایێن سیسته‌مێ به‌ره‌ڤانیا وه‌لاتێ داخۆدا بكه‌ین.
حه‌سه‌ن روحانی سه‌رۆك كۆمارێ ئیرانێ ئه‌و چه‌نده ژی راگه‌هاند: ئه‌وێن باله‌فرا ئوكرانیا ئێخستنینه خوارێ هه‌ر ئه‌ون یێن ئاسایشا وه‌لاتی مسوگه‌ر كرین، به‌لێ دڤێت به‌رپرسێن وێ روودانێ بهێنه‌دادگه‌هكرن، ئیران دێ به‌رسڤا كۆشتنا قاسم سلێمانی فه‌رمانده‌یێ به‌رێ یێ سوپایێ پاسدارێن ئیرانێ ده‌ت ژی ب ده‌رئێخستنا ئه‌مریكا ل ده‌ڤه‌رێ گرنگ نینه ئه‌و كار چه‌ند ده‌می ڤه‌كێشیت و هێرشا مه بۆ سه‌ر بنگه‌هێ عه‌ین ئه‌سه‌د یێن هێزێن ئه‌مریكا ل عیراقێ رامانا وێ ئه‌و نینه خلاس و ده‌ستا دابهێلین ژ تولڤه‌كرنێ، به‌لكو دێ به‌رده‌وام بین بۆ تولڤه‌كرنێ ژ ئه‌مریكا.
سه‌رۆك كۆمارێ ئیرانێ ئه‌و چه‌نده ژی گۆت: ئه‌مریكا تاوانباره ژ تێكدانا ئاسایشا ده‌ڤه‌رێ و ده‌ستێوه‌ردانا كارۆبارێن لبنان و عیراقێ و لیبیا و سوریا و ب تالانبرنا پترۆلا وان وه‌لاتان، ئه‌و كار ل به‌رژه‌وه‌ندا چ لایه‌نه‌كی دی نابیت ژی زیان بۆ به‌رژه‌وه‌ندیێن ئاسیا و ئه‌ورۆپا ئه‌مریكا ژی هه‌نه.
سه‌ر رێكه‌تنا ئه‌تومی، سه‌رۆك كۆمارێ ئیرانێ ره‌خنه ل داخازیا بوریس جونسن سه‌رۆك وه‌زیرێ بریتانیا گرت گۆت:ب هه‌لوه‌شاندنا رێكه‌تنا ئه‌تومی و گوهورینا وێ بۆ رێكه‌تنا ترمپ ئه‌و داخازیا وی زۆرا سه‌یره چونكو هه‌رتم ئه‌مریكا ژ رێكه‌تنا خو ڤه دكێشیت.
عیراق سیسته‌مێ (S-400) بكریت دی سزا ب سه‌ر هێنه سه‌پاندن
ئه‌ڤرۆ نیوز:
جێگرێ هاریكارێ وزیرێ ده‌رڤه‌یێ ئه‌مریكا بۆ كارۆبارێن رۆژهه‌لاتا ناڤین راگه‌هاند: ئه‌مریكا سزایێن توند ل سه‌ر عیراقێ دێ سه‌پینیت هكه سیسته‌مێ موشه‌كێ ئاسمانیێ یێ (S-400) بكریت.
جودی هود جێگرێ هاریكارێ وه‌زیرێ ده‌رڤه‌یێ ئه‌مریكا بۆ كارۆبارێن رۆهه‌لاتا ناڤین راگه‌هاند: هه‌كه موشه‌كێن ئاسمانی یێن روسی ژلایێ عیراقێ بهێنه كرین، ئه‌ریكا سزایان ب سه‌ر عیراقێ سه‌پینیت، د وی چارچوڤه‌یی دا شیره‌ت ل كۆمپانیێ كریه ئه‌وان جورێن چه‌كان نه‌فرۆشنه عیراقێ.
سه‌عید جه‌واد بالیوزێ عیراقێ ل تارانێ راگه‌هاند بوو، عیراق ل دانوستاندنا دایه ل گه‌ل روسیا بۆ ئه‌وێ چه‌ندێ سیسته‌مێ به‌ره‌ڤانیا موشه‌كێن ئاسمانی ژ جورێ 300 و S400 بكریت.
ئه‌ڤرۆ نیوز:
بریاره ئه‌ڤرۆ وه‌زیرێ ده‌رڤه‌یێ قه‌ته‌رێ سه‌ره‌دانا عیراقێ و هه‌ولێرێ بكه‌ت.
محه‌مه‌د عه‌لی وه‌زیرێ ده‌رڤه‌یێ عیراقێ راگه‌هاند ئه‌ڤرۆ پێنج شه‌مبی 15/1/2020 محه‌مه‌د عه‌بدلره‌حمان جێگرێ سه‌رۆك وه‌زیران وو هه‌ڤده‌م وه‌زیرێ ده‌رڤه‌یێ قه‌ته‌ره ژی سه‌ره‌دانا به‌غدا دكه‌ت.
ئارمانج ژ ڤێ سه‌ره‌دانا وه‌زیرێ ده‌رڤه‌یێ قه‌ته‌رێ شرۆڤه‌یا پرس و ئالوزیێن ده‌ڤه‌رێ سه‌ر هلداین بۆ ئارامكرنا روشێ دهێت.
د چارچوڤه‌یێ وێ سه‌ره‌دانا خودا ژی وه‌زیرێ ده‌رڤه‌یێ قه‌ته‌رێ سه‌ره‌دانا هه‌رێما كوردستانێ ژی بكه‌ت چه‌ندین دیدار و دانسوتاندنان بكه‌ن.
ئه‌ڤرۆ نیوز:
سه‌رۆكا په‌رله‌مانێ كوردستانێ بۆ جڤینا سوبه‌هی رۆژا پێنجشه‌مبێ داخازیا ته‌ڤایا ئه‌ندامان دكه‌ن بۆ به‌رهه‌ڤبوونێ.
رێواز فایه‌ق سه‌رۆكا په‌رله‌مانێ كوردستانێ دخازنامه‌یه‌ك به‌لاڤكر و تێدا هاتیه كو داخازێ ژ هه‌موو ئه‌ندامێن په‌رله‌مانێ دكه‌ت بۆ به‌رهه‌ڤبوونێ د ریشنتنا ژماره 15 ئاسایی سالا ئێكێ، ل خۆلا هه‌لبژارتنا پێنجێ یا په‌رله‌مانی ده‌مژمێر 11 سپێده‌هیا پێنجشه‌مبی 16/1/2020 .
نيشاندان