ئەڤرۆ نیوز:
وەزارەتا ساخلەمیا هەرێمێ راگەهاند، حالەتەکێ نوو یێ توشبوون ب کۆرۆنایێ ل سلێمانیێ هاتە تۆمار کرن، نوکە هژمارا توشبوویان ل هەرێمێ گەهشتە ١٠٤ حالەتان.
وەزارەتا ساخلەمیا هەرێمێ دیار کر، د بەردەوامیا پشکنین و لێگەریانێ لدووڤ گومانلێکریان، حالەتەکێ نوویێ توشبوون ب کۆرۆنا یێ ل سلێمانیێ هاتە تۆمار کرن، کو ئەو ژی ژنەکا ٥٦ سالیە و هەڤژینا تووشبوویەکێ بەرێ یە، هەتا نوکە ٦٩ حالەت ل سلێمانیێ هاتینە تۆمارکرن و ٣٩ کەس ژی ب تەمامی چێبووینە.
ئەڤرۆ نیۆز، عەزیز هەورامی:
لە هەرێمی کوردستان تاوەکو ئێستا ۳۹هەڵگری ڤایرۆسی کۆرۆنا بەتەواوەتی چاک بونەتەوە، نەخۆشخانەکانیان بەجێ هێشتووە گەڕاونەتەوە بۆ ناو ماڵ و منداڵیان.
دکتۆر سەباح هەورامی بەڕێوەبەری گشتی تەندروستی سلێمانی، ڕایگەیاند:” ۱۲ توشبوی ڤایرۆسی کۆرۆنا لە سلێمانی بە تەواوەتی چاک بونەتوە، ئەمشەو نەخۆشخانە بەجێ دەهێڵن.
سەباح هەورامی دەشڵێت:” لە سلێمانی تاوەکوم ئێستا ۳۹ نەخۆشی هەڵگری ڤایرۆسی کۆرۆنا چاک بونەتەوە نەخۆشخانەیان بەجێ هێشتووە.
لە هەرێمی کوردستان ۱۰۰ هاوڵاتی هەڵگری ڤایرۆسی کۆرۆنا بوون لەو ڕێژە ۳۹ کەسیان چاک بونەتەوە وە ۲ کەسیان گیانیا لە دەست داوە، ٥۹ کەس لە ژێر چاودێری پزیشکیدان، وەک بەرپرسانی تەندروستی کوردستان دەیڵێن ڕەوشی تەندروستیان جێگرە.
ئهڤرۆ نیۆز، عهزیز ههورامی:
دكتۆر شوان كهمال بهڕێوهبهری كوالیتی له كۆمپانیای پایۆنێر:” به ئهڤرۆ نیۆزی ڕاگهیاند:” بهردهوامین له ئامادهكارییهكان بۆ بهرههم هێنانی فاكسینی دژه ڤایرۆسی كۆرۆنا و چاوهڕێ دهكهین له سهرهتای مانگی 4 ماده خاوهكه بگاته كوردستان و بهرههم هێنانی دهست پێدهكهین.
دكتۆر شوان گوتی:” پاش گەیشتنی مادهخامهكه له چهند ڕۆژێكی زۆر كهمدا دهتوانین ڤاكسینهكه بهرههم بهێنین، چونكه بهڕادهیهكی زۆر ئامادهكارییهكان تهواو بووه، تهواوی جیهازه تهندروستییهكانمان، لهماوهیهكی كهم دهی گهیهنینه نهخۆشخانهكان.
ههروهها ئاماژهی بۆ ئهوكرد:” هێشتا بڕیاریان نهداوه ناوی ڤاكسینهكه له كوردستان بهرههمی دههێنن چهند ناوێكی لێ بنێن، بهڵام پاش بهرههم هێنانی به فهرمی ڕای گهیهنین.
زانیاری داو و گوتی:” پلانمان داناوه ڤاكسینی دژه كۆرۆنا بهشی زیادی ناوخۆی ههرێمی كوردستان و عێراق بهرههم بهێنین، بهبێ بهرامبهر به نهخۆشخانهكانی خۆمانی دهدهین، بهشێك دهبێت لهو بهرپرسیارهتیهمان كه لهم دۆخهی بهرامبهر وڵاتهكهمان بوهتهوه، كۆمپانیاكهی ئێمهش وهك كۆمپانیایهكی خۆماڵی هاوكاری هاونیشتیمانهكانی خۆمان دهكهین.
ئەڤرۆ نیوز:
دۆنالد ترهمپ سهرۆكێ ئهمهريكا نامەکا پیرۆرباهیێ ب هەلکەفتا جەژنا نەورۆزێ بۆ نێچیرڤان بارزانی سەرۆکێ هەرێمێ ڤرێ دکەت و ئهڤە دهقێ وێ یە:
بەرێز جەنابێ
سەرۆک نێچیرڤان بارزانی
هەرێما کوردستانێ
کۆمارا عیراقێ
بەرێز جەنابێ سەرۆکی،
بناڤێ گەلێ ئەمریکا، هیڤیا نەورۆزەکا خۆش بۆ هەوە و گەلێ هەرێما کوردستانا عیراقێ دخوازم.
مە پێکڤە دەستکەفتێن مەزن ل دژی داعشێ ب دەستڤە ئیناینە و ب هیڤی ڤە بەرێ خوە ددەینە دەرفەتێن نوو بۆ ب هێزکرنا پەیوەندیێن ئابووری و ئەمنی یێن مە ل گەل حوکمەتا هەوە دا.
ل گەل رێزێن من،
دۆناڵد ترامپ
ئەڤرۆ نیوز، قائید میرو:
شارەزایەکێ کەرتێ ھاتن وچوونێ ئاشکراکر، بڕیارا قەدەغەیا ھاتن وچوونێ کاریگەری ھەبوویە لسەر کێمبوونا روویدانێن ھاتن وچوونێ و دبێژیت، پێدڤیە شۆفێرێن سەرپێچیێ دکەن ب توندی بھێنە سزادان.
یوسف بازیانی، شارەزایێ کەرتێ ھاتن وچوونێ بۆ ئەڤرۆ نیۆز دیارکر” بڕیارا قەدەغەیا ھاتن وچوونێ کاریگەریەکا زۆر لسەر کێمبوونا روویدانێن ھاتن وچوونێ ھەبوویە و ددەمێ نێزیکی دو حەفتیاندا تنێ دو روویدانێن ھاتن وچوونێ ھاتینە تۆمارکرن، ئەڤەژی ئەڤێ راستیێ بۆمە دیار دکەت بڕیارا قەدەغەیا ھاتن وچوونێ مفایەکی زۆر ھەبوویە لسەر ژینگەھا ھەرێما کوردستانێ و کێمبوونا روویدانێن ھاتن و چوونێ کو سالانە نێزیکی ھزار وەلاتی دبنە قوربانی.
یوسف بازیانی ئاماژەکر” پێدڤیە شۆفێر بدروستی پێگریێ ب بڕیارا قەدەغەیا ھاتن وچوونێ بکەن و نەبنە ئەگەرێ تێکدانا رەوشا نوکە ئەم تێدا، چونکە مە لھەرێما کوردستانێ یەک ملیۆن و ٨٥٠ ھزار شۆفێر ھەنە و تنێ ئەو دشێن ھاریکاربن دگەل حوکمەتێ، ھەتا ھەرێما کوردستانێ یا پاراستنی ل بەرھنگاریا بەلافبوونا ڤایرۆسێ کۆرۆنایێ.
ئەڤرۆ نیوز:
رێبەر ئەحمەد وەزیرێ ناڤخوە یێ حوکمەتا هەرێما کوردستانێ دیار کر کو بریارا قەدەغەیا هاتنوچوونێ یا کو هەتا ئێکێ نیسانێ ل هەرێما کوردستانێ هاتیە دان بۆ سلامەتیا هەموو وەلاتیانە و گۆت: (بریارا قەدەغەیا هاتنوچوونێ ل گەل وەزارەتا ساخلەمیێ هاتیە دان و هەکە پێدڤی بیت پشتی ئێکێ نیسانێ دێ دیسان قەدەغەیا هاتنوچوونێ درێژ کەین).
ناڤهاتێ ئەو یەک ژی دیار کر کو هەتا نها وەکو وەزارەتا ناڤخوە وان یا پێدڤی بۆ پارێزگەها سلێمانیێ کرینە و گۆت: (ژ بۆ پاراستنا وەلاتیان دێ یا پێدڤی کەین و درێژکرنا قەدەغەیا هاتنوچوونێ ژی بێگومان بۆ پاراستنا جانێ وەلاتیێن هەرێما کوردستانێ یە).
ئهڤرۆ نیوز:
ریڤهبهراتیا كارگێری ژێدهرێن مرۆڤاتیێ سهر ب وهزارهتا ناڤخۆ یا حكومهتا ههرێما كوردستانێ، هنارتنا هیكان بۆ دهرڤهی ههریمێ هاته قهدهغهكرن.
ئهڤرۆ 26/3/2020 رێڤهبهراتیا كارگێریی و ژێدهرێن مرۆڤی سهر ب وهزارهتا ناڤخۆ ب نڤیسارهكا فهرمی، ئاراستهی ژوورێن ئوپراسیونێن پارێزگهه و ئیداریێن سهربهخو و رێڤهبهراتیێن گومركان و دهزگههێ ئاسایشا ههرێما كوردستانێ كریه.
د نڤیسارێ دا هاتیه ل سهر داخوازیا وهزارهتا پیشهسازی و بازرگانیا حكومهتا ههریما كوردستانێ و رهزامهندیا وهزیرێ ناڤخۆ، كۆ كارێ پێدڤی بهێته ئهنجام دان بۆ قهدهغهكرنا هنارتنا هێكان بۆ دهرڤهی ههریما كوردستانێ.
ئهڤرۆ نیوز:
پهیڤدارێ حكومهتا ههرێما كوردستانێ د روونكرنهكێ دا بهلاڤكر، كۆ چاڤهریێ هاتنا تهمویلا بهغداین، ههردهمێ گههشت راستهوخو دێ دهست ب پارڤهكرنا موچهیێ ههمی وهزارهتان كهین.
ئهڤرۆ 26/3/2020 د.جوتیار عادل پهیڤداری حكومهتا ههرێما كوردستانێ د راگههاندنهكێ دا بهلاڤكریه، ب بهلاڤبوونا ڤایرۆسێ كورونایێ ل پرانیا وهلاتێن جیهانێ و جڤاكا نێڤ دهولهتی ریب ری رهوشهكا گران یا ساخلهمیێ و ئابووری بوویه و ههرێما كوردستانێ ژی دوور نهبووه ژ ئهوێ رهوشا گران، حكومهتا ههرێما كوردستانێ د پێخهمهتا سهلامهتیا ساخلهمیا وهلاتیان دا ههموو شیانێن خۆ ئێخستنه كاری بۆ پاراستنا گیانێ وهلاتیان و دابینكرنا خوشگوزهرانییێ ل پاشهرۆژێ كۆ ئێكه ژ ئهركێن حكومهتێ.
دهربارێ پارڤهكرنا موچهیی پهیڤدارێ حكومهتا ههرێما كوردستانێ ئهو چهنده ژی بهلاڤكر وهزارهتێن پێشمهرگه و ساخلهمی و دارای و ئابووری و ناڤخۆ موچه وهرگرتینه، پارهیێ پێدڤی هاتیه دابینكرن و چاڤهریێ هاتنا تهمامكهرا وی پارهیێ بهغداینه، ههر دهمێ گههشت دێ راستهوخو دهست ب پارڤهكرنا موچهیێ تهڤایا وهزارهتان كهین ب میكانزمهكێ كۆ بگۆنجیت ل گهل رێنمایێن ساخلهمیێ .
پهیڤدارێ حكومهتا ههرێما كوردستانێ ئهو چهنده ژی دیاركر تهڤایا پارهیێ بۆ موچهیێ ههر ههیڤهكێ ل ههرێما كوردستانێ 894 ملیار دینارن ژ وی پارهیی 453 ملیار دینار ژ بهغدا وهك تهمامكهر دهێت كۆ دبیته نێزیكی 51% یا پارهیێ پێدڤی بۆ پارڤهكرنا موچهی، بهلێ ب ئهگهرێ هاتنا ڤایرۆسی راوهستاندنا دوامان ل بهغدا، هاتنا ئهوێ تهمامكهریێ پاش كهت، بۆ ئهوێ مهبهستێ وهزیرێ دارای و ئابووری یێ حكومهتا ههرێما كوردستانێ د پهیوهندیهكێ ل گهل وهزارهتا دارایی یا حكومهتا فیدرال بۆ چارهكرنا ئهوان گرفتان، چاڤهریێ نه ل چهند رۆژێن بهێت ئهو پاره بگههیت و بۆ تهمامكرن و پارڤهكرنا موچهیێ خشتهیێ تهڤایا وهزارهتان.
نيشاندان