ئەڤرۆ نیوز، زنار تۆڤی:
ئەڤرۆ ل سنۆرێ باژێرڤانیا فهیدیێ دەست ب ئاڤاکرنا نەخۆشخننەکا تایبەت ب کۆرۆنا یێ هاتە کرن، کو 63 هزار مهترێن چار گۆشه یێن ئهردی بۆ ساخلهمیا دهۆكێ هاتینە دابینكرن، ژ ڤی رووبهری ژی نێزیكی 15 هزار مهترێن چار گۆشه بۆ نهخۆشخانا كۆرۆنایێ یا 100 تهختی هاتینه دابینكرن، كو ئەڤ نەخۆشخانە دێ ژ ئالیێ وهبهرهێنهرێن دهۆكێ ڤه هێته ئاڤاكرن، رووبهرێ مایی ژی دێ ل ژێر كۆنترۆلا ساخلهمیا دهۆكێ دا بیت.
ئهندازیار دیار بهحری، رێڤهبهرێ گشتی یێ باژێرڤانیان ل پارێزگهها دهۆكێ بۆ ئەڤرۆ نیوز دیار كر، ئهڤرۆ دوشهمبی 23/3/2020 ل سهر رووبهرێ 63 هزار مهترێن چار گۆشه كو ژ ڤی رووبهری نێزیكی 15 هزار مهترێن چار گۆشه بۆ نهخۆشخانەکا تایبەت ب كۆرۆنا یێ ڤە یا 100 تهختی هاتینه دابینكرن و نوکە دهست ب ئاڤاکرنا ڤێ نهخۆشخانێ هاتیه كرن و وهبهرهێنهرهكێ دهۆكێ دێ وێ نهخۆشخانا تایبهت بۆ نهخۆشێن كۆرۆنا یێ ئاڤا كهت.
ناڤهاتی ئاشكرا كر ژی: كو ئهو ئهرده د ماستهر پلانا باژێرڤانیا فهیدیێ دا، ئهردێ نهخۆشخانێ یه و دكهڤیته سهر رێیا سهرهكی یا دهۆك دۆمیز.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ د پەیامەکێ دا داخواز ژ هەموو وەلاتیان ل هەرێما کوردستانێ دکەت کو مەترسیا ڤایرۆسێ کۆرۆنا ب جدی وەربگرن و ل مالێن خوە بن و دەرنەکەڤن.
سەرۆکێ حوکمەتا هەرێما کوردستانێ دیار ژی دکەت کو یا پێدڤی ل خالێن سنوری و جهێ دی هاتیە کرن و داخواز ژ وەلاتیێن هەرێما کوردستانێ دکەت کو پێگیریێ ب رێنمایێن هەر دو وەزارەتێن ساخلەمیێ و ناڤخوە بکەن و ل مالێن خوە بن و نەچنە دەرڤە و هاریکاریا ئالیێن پەیوەندیدار بکەن.
سەرۆکێ حوکمەتێ دیار ژی دکەت کو هەکە وەلاتی هاریکاریا هەر دو وەزارەتان بکەن ئەو دێ شێن رێگریێ ل بەلاڤبوونا کۆرۆنایێ ل کوردستانێ بگرن.
ئەڤرۆ نیوز:
وەزارەتا گەهاندنێ یا حوکمەتا هەرێما کوردستانێ راگەهاند کو وان بەری نها داخواز ژ کۆمپانیێن دابینکرنا ئینترنێتێ کربوون کو بهایێ کارتێن خوە کێم بکەن و هەروەسا لەزاتیێ ژی زێدەتر لێ بکەن، کو هەر دو کۆمپانیێن (NOOR TEL) و (Fast Link) داخوازیا وەزارەتێ قەبوول کرینە و دێ ٢٥% داشکاندنێ کەن بێی کو چو کارتێکرنێ ل لەزاتیا هێلا ئینتێرنێتێ بکەت.
ئهڤرۆ نیوز:
پشتی وهزارهتا ناڤخۆ یا حكومهتا ههرێما كوردستانێ بریار دای ب درێژكرنا بریارا قهدهغهكرنا هاتنوچونێ ل تهڤایا باژێران، ل پارێزگهها ههولێرێ پرانیا جادهیێن ههولێرێ ب بهربهستێن كونكریتی هاتنهگرتن.
ئهڤرۆ جادهیا 120 مهتری كۆ جادهیهكا بازنهیی ل دور ههولێرێ دزڤریت ب تهمامی هاته گرتن و ئهورێكێن دچنه سهر ئهوێ جادهیێ و دهێنه ناڤ باژێرێ ههولێرێ ب بهربهستێن كونكریتی هاتنه گرتن.
ههڤدهم رێكێن لاوهكی یێن قهزا و ناحیان ژی هاتنه گرتن ئهو وهلاتیێن رێك پێ هاتیه دان بتنێ ب ئێك رێك دشێن هاتنوچونێ بكهن.
ههروهسا ههردو رێكێن ههولێر بۆ دهۆك و پرا دناڤبهرا كهلهك و خهباتێ دا ل پارێزگهها ههولێرێ ب دانانا بهربهستێن كونكریتی هاتنهگرتن، ئهڤ پێنگاڤه بۆ ئهوێ چهندێ یه زێدهتر پێگیریكرنا وهلاتیان ب بریارا قهدهغهكرنا هاتنوچونێ ب ئهوێ چهندێ بهرهنگاریا زێدهترا بهلاڤبوونا ڤایرۆسێ كورنایێ پێ بكهن.
ئهڤرۆ نیۆز، عهزیز ههورامی:
بهڕێوهبهرایهتی تهندروستی پارێزگای سلێمانی ڕای گهیاند، 9 ههڵگری ڤایرۆسی كۆرۆنا چاك بونهوه و نهخۆشخانهیان بهجێ هێشت.
دكتۆر سهباح ههورامی بهڕێوهبهری تهندروستی سلێمانی ڕای گهیاند: ئهمڕۆ 9 كهس ههڵگری ڤایرۆسی كۆرۆنا بهتهواوهتی پهتاكهیان پهڕاندو نهخۆشخانهیان بهجێ هێشت و گهڕانهوه ناو ماڵ و منداڵیان.
دكتۆر سهباح دهڵێ، داوا له هاوڵاتیان بهگشتی دهكهین پێڕهوی ڕێنمایهكان بكهن و تاوهكو بتوانین كۆنتڕۆڵی نهخۆشییهكه بكهین و ئێستا كۆرۆنا گواستراوهنهوه بۆ ناوخۆی تهنها گهشتیار نییه.
ههروهها ئاماژهی بۆ ئهوهكرد، تائێستا له سلێمانی 22 كهس پهتای كۆرۆنایان پهڕاندووه نهخۆشخانهیان بهجێ هێشتووه چاك ڕۆشتونهتهوه بۆ ماڵهكانیان.
ئهڤرۆ نیوز:
وهزیرێ ساخلهمیا حكومهتا ههرێما كوردستانێ وهلاتیان ئاگههدار دكهت، ژ وێ چهندێ كۆ كورونا گههشته ئاستهكێ مهترسیدار و داخازێ ژ ههمو وهلاتیان دكهین ل مالێن خو بمینن و دهرنهكهڤن.
د.سامان بهرزنجی وهزیرێ ساخلهمیا حكومهتا ههرێما كوردستانێ د پهیامهكا ڤیدیویی دا راگههاند ترسا بهلاڤبوونا ڤایرۆسێ كورونایێ ل قوناغهكا مهترسیدار دایه.
وهزیرێ ساخلهمیا حكومهتا ههرێما كوردستانێ ئهو چهنده ژی دیاركر كۆ ڤایرۆس دناڤ جڤاكێ دا ههیه لهورا ههر نێزیك بوون و بهركهتنهك ئهگهرێ توشبوون ب نهخوشیا ڤایرۆسێ زێده دكهت و داخازێ ژ وهلاتیان دكهین د پێخهمهتا سلامهتیا خودا ل مالێن خۆدا بمینن و نه دهركهڤن.
ئهڤرۆ نیوز:
جێگرێ سهرۆكێ جڤاتا نوونهرێن عیراقی راگههاند: ب ڤان نێزیكان وهزارهتا دارایی دێ موچهیێ ههیڤا سێ بۆ ههرێما كوردستانێ هنێریت.
بهشیر حهداد جێگرێ سهرۆكێ جڤاتا نوونهرێن عیراقێ راگههاند: ههكه بهایێ پترۆلێ چهند دابكهڤیت مهترسیێ ل سهر موچهیێ فهرمانبهران دروست ناكهت دڤان رۆژان دا ژی پارێزگارێ بهنكا ناڤهندا عیراقێ ئهو چهنده دوپاتكریه.
بهشیر حهداد جێگرێ سهرۆكێ جڤاتا نوونهرێن عیراقێ ئهو چهنده ژی راگههاند: وهزارهتا دارایی یا عیراقێ نڤیسارهك بۆ ههرێما كوردستانێ و پارێزگههان فرێكریه و كۆ تێدا هاتیه لیستێن خۆ بهرههڤ بن بۆ وهرگرتنا موچهیێ ههیڤا سێ.
جێگرێ سهرۆكێ جڤاتا نوونهران گۆت: وهزیرێ دارایی داخاز ژ ههرێما كوردستانێ و پارێزگههان كریه لیستێن خۆ بهرههڤ بكهن ژبوی موچهییی بۆ ئهوان بهێته رهوانهكرن.
ئهڤرۆ نیوز، مهحمود نهێلى:
فرۆكهیێن توركیا ب دژوارى چهندین گۆندێن سنورێ ناحیێن دێرهلۆك و شێلادزێ بهرى نیڤرۆیا ئهڤرۆ 23/3/2020 بوردومانكرن.
ل گور شاهد حالان ڤان فرۆكهیان چهندین گۆند ل دهڤهرا نهێلێ یێ سهر ب ناحیا دێرهلۆك و چهندین گۆندێن دى ل دهڤهرا نێروهكا و رێكان ل سنورێ ناحیا شێلادزێ بوردومانكرنه.
ئهڤ بوردومانه بو ماوێ پتر ژ دهمژمێرهكێ یا بهردهوام بوو و تێدا پتر 4 چار جاران ئهڤ گۆنده هاتنه بوردومانكرن.
ئهڤ بوردومانه ددهمهكى دایه كو نوكه وهرزێ گژ و گیایێ بهارێ یه و چێدبیت ههژمارهكا زۆرا خهلكى قهستا چیایێن دهڤهرێ كربن ب مهبهستا كرنا گیایێ بهارێ.
ژبهر كو ئهڤ گۆندێن هاتینه بوردومانكرن یێن چولن چ زیانێن گیانى نهبووینه لێ زیانێن زۆر گههشتینه دهرامهتێ هاولاتیان.
نيشاندان