ئەڤرۆ نیوز:
شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆک وەزیرێن هەرێما کوردستانێ ل گەل سامر غەزبان جێگرێ سەرۆک وەزیرێن عیراقێ بۆ کاروبارێن وزێ دەستپێکر.
دهێتە چاڤەرێکرن کو بریارا راگرتنا مووچێ فەرمانبەرێن هەرێما کوردستانێ و بابەتێ پەترۆلێ تەوەرێن سەرەکی یێن کۆمبوونا شاندێ هەرێما کوردستانێ ل گەل بەرپرسێن حوکمەتا عیراقێ بیت.
ئه‌ڤرۆ نیوز:
په‌یڤدارێ ساخله‌میا كه‌ركوكێ راگه‌هاند: ل باژێرێ كه‌ركووكێ دو حاله‌تێن توشبوونێ ب ڤایرۆسێ كورونایێ هاتنه توماركرن.
سامان یابه په‌یڤدارێ ساخله‌میا كه‌ركووكێ راگه‌هاند: پشتی ده‌رباز بوونا هه‌فده رۆژان كۆ چ حاله‌تێن كورونایێ نه‌هاتنه توماركرن، دو حاله‌تێن دی یێن توشبوونا ڤایرۆسێ كورونایێ ل باژێرێ كه‌ركووكێ هاتنه توماركرن.
نا ڤبری ئه‌و چه‌نده ژی دیاركر ل كه‌ركووكێ تانوكه 33 كه‌س توشی ڤایرۆٍ كورونایێ بووینه، ب ئاوایه‌كی 5 ژ وان ل نه‌خوشخانه‌یێ نه و دو یێن دی ژی مرینه و ئه‌ڤین دی هه‌موو ژ نه‌خوشخانه‌یێ ده‌ركه‌تن و ساخ بووینه، پشتی بوورینا 17 رۆژان ل باژێرێ كه‌ركووكێ چ حاله‌تێن توشبوونێ ب ڤایرۆسێ كورونایێ نه‌هاتینه توماركرن.
ئەڤرۆ نیوز:
سەرۆک کۆمارێ عیراقێ بانگهێشتا لژنا دارایی ل پەرلەمانێ عیراقێ کریە و گوتیێ، مووچێ فەرمانبەرێن هەرێما کوردستانێ مافەکێ دستووریە و نابیت ببیتە بابەتەکێ سیاسی.
بەرهەم سالح، سەرۆک کۆمارێ عیراق د وێ کۆمبوونێ دا داخواز کریە، دڤێت زوو کار بهێتە کرن بۆ پێکئینانا حوکمەتا نوو، داکو چاکسازی بهێنە ئەنجامدان و کار بهێتە کرن ل سەر باشترکرنا ئابوورێ عیراقێ، ژبەرکو نوکە ب ئەگەرێ کۆرۆنا یێ روو ب روو کێشان بوویە، دیسان دڤێت مافێ فەرمانبەران بهێتە پاراستن.
هەروەسا گۆتیە، هەر جۆرە هووربینیەک د قانوونا بودجەی دا، نابیت رێگریێ بکەت ل پابەندبوونێ ب پێدانا مووچێ فەرمانبەرێن هەرێما کوردستانێ، چونکی ئەڤە مافەکێ دستووریە، دڤێت بهێتە پاراستن ژ گوهۆرینێن سیاسی، پێدڤیە مووچەخۆر نەبنە قوربانیێن ناکۆکیێن سیاسی، دلسۆزێن وەلاتی قەبوول ناكه‌ن، کو وەلاتی باجا ناكۆكیێن سیاسی بده‌ن.
ئەڤرۆ نیوز:
کاوە عەبدولعەزیز
کاوە عەبدولعەزیز، سەرۆکێ پاراستنا بەکاربەران ل کوردستانێ، بۆ ئەڤرۆ نیوز دیار کر: ئەو خشتەیێ هاتیە بەلاڤکرن ل دۆر راپۆرتا رۆژانە یا سەرپێچی و سزادانا شوفێران ل رۆژا 25_4_2020 کو ئیمزا بەرێز وەزیرێ نافخۆ ل سەرە، بوویە جهێ نەرازیبوون و دلتەنگیا هەموو خەلکێ پارێزگەها دهۆکێ و هەکە راستبیت نابیت بهێتە قەبوولکرن، داخوازێ ژ پارێزەرێن هێژا دکەین ئەوێن بڤێن و بشێن خوبەخش کار ل گەل مە بکەن پەیوەندیێ ب مە بکەن دا سکالایێ ل سەر جهێن پەیوەندیدار تۆمار بکەین ژبەر ڤان ئەگەران.
کۆژمێ شوفێرێن دهۆکێ پێ هاتینە سزادان پترن ژ 13 ملیون دیناران و یێن پارێزگەهێن هەولێر و سلێمانیێ ناگەهنە 2 ملیون دیناران، سەرەرای هژمارا ترۆمبێلان ل وان پارێزگەهان پترن ژ دهۆکێ.
ـ پارێزگارێ دهۆکێ و هەموو دەزگەهێن ئەمنی شاهدن کو خەلکێ پارێزگەها دهۆکێ زۆر د پێگیر بوون ب رێنمایێن لژنا بەرهنگاربوونا کورونایێ.
ـ بەرێز پارێزگارێ دهۆکێ رادگەهاند کو ئەو دێ دهاریکاربن بۆ وان شوفێرێن دچنە سەر کار و بەردوکانێن خوە لدووڤ خشتە و قوناغێن ڤەکرنا بازاری، لێ پەیڤدارێ رێڤەبەریا هاتنوچوونێ دگوت دێ وان شوفێران سزا دەین و دیار بوو گوتنا کێ سەرگرت و یا کێ ب چنە چوو.
ـ گەلەک ژ خەلکێ و،شۆفێران دگۆت، ل خالێن پشکنین و مەفرەزا دا پۆلیسێ هاتن و چوونێ بێژن فەرموو و پاشی ژمارا ترۆمبێلێ نڤێسن وەکو سەرپێچی.
ـ سەرەرایێ پێگیریا خەلکێ دهۆکێ ب هەموو قانوون و رێسایان، دهۆک هەژارترین پارێزگەها کوردستانێ یە و پترین بێکاری لێ هەیە و کێمترین داهات بۆ دهێت، نابیت پارێن پارێزگەها دهۆکێ بۆ جهەک یان پارێزگەهەکا دی یا نەپێگیر بچن کو ب تنێ پۆلێسێ وان خەلکێ خوە سزا نەدایە.
ـ بێ دەنگیا دەستهەلاتدارێن دهۆکێ ژ پارێزگار و جڤاتا پارێزگەهێ و لایەنێن دی ژ نوونەران، نیشانا لاوازیا هەستکرنا وانە ب خەلکێ وان نەخاسمە د ڤێ قەیرانێ دا و دڤێت جڤاک و سازیێن مەدەنی خو نەرازی کەن و ئێدی نەهێلن غەدر و ستەم ل پارێزگەها مە بهێتە کرن.
ـ هەکە ئەڤ راپۆرتە یا شاشە و سەختەیە دڤێت جهێن پەیوەندیدار دیار کەن، چونکی بێ دەنگیا وان دەروونێ خەلکێ پتر تێکددەن، هەکە ج هەلویست نەبن رامانا راستیا بابەتی یە و رازیبوونا وان.
ئەڤرۆ نیوز:
لایه‌نێن شیعی ل مالا هادی عامری سه‌رۆكێ هەڤپه‌یمانیا فه‌تح كۆمبووینه و گەهشتینە رێككه‌فتنێ.
ل شه‌ڤا بوری سه‌ركردێن شیعی ل مالا هادی عامری كۆمبووینەه و رێككه‌فتینە ل سه‌ر هندێ کو مسته‌فا كازما ببیتە سه‌رۆك وه‌زیرێن نوو یێن عیراقێ و ب بێ ئاسته‌نگی دێ ل په‌رله‌مانی هێتە دەرباز کرن.
هەروەسا لایه‌نێن شیعی چ تێبینی ل سه‌ر هه‌شت وه‌زیرێن كابینا مسته‌فا كازمی نه‌بووینه و ناڤێن كاندیدان ره‌وانه‌ی ده‌سته‌یا ده‌سپاكیێ كرینه بۆ دلنیابوونێ ژ كارێ وان یێ بوری.
لێ ئەو وه‌زاره‌تێن ئەو ل سه‌ر رێككه‌فتین چ ژ وان د سیادی نین و كاندیدكرنا چه‌ند وه‌زیران ره‌ت كریه.
ئەڤرۆ نیوز:
روانگەها سووری بۆ مافێن مرۆڤی دیار کر، ئەڤرۆ تەقینەک ل عەفرین روودایە و د وێ تەقینێ دا 22 کەس هاتینە کوشتن.
هەروەسا روانگەها سووری بۆ مافێن مرۆڤی گوتیە ژی، ئەو تەقینە ب ئەگەرێ تانکەرەکێ بۆمبرێژکری بوویە ل سەر رێیا دەڤەرا راجوو، ئەوێن بریندار بووین پشکەکا زۆر یا جەستەیێن وان هاتینە سووتن، کو پتری 40 کەسان بریندار بووینە.
ئەڤرۆ نیوز:
نێچیرڤان بارزانی سەرۆکێ هەرێما کوردستانێ ل گەل جینین پلاسخارت نوونەرا تایبەت یا سکرتێرێ گشتی یێ نەتەوێن ئێکگرتی ل عیراقێ کۆمبوو و د کۆمبوونێ دا سەرۆکێ هەرێما کوردستانێ راگەهاند نابیت عیراق بابەتێ مووچەی و شایستێن دارایی یێن هەرێما کوردستانێ بکەتە پرسەکا سیاسی و راگرتنا مووچێن فەرمانبەران بنپێکرنا دستووری یە.
سەرۆکێ هەرێما کوردستانێ دیار ژی کر کو ئەو وەکو هەرێما کوردستانێ ب وی مەرجی پشتەڤانیێ ل مستەفا کازمی دکەن کو هەموو مافێن دستووری یێن هەرێما کوردستانێ د کابینا وی دا بهێنە پاراستن.
نيشاندان