ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ئەڤرۆ ل گەل میخائیل بۆگدانۆڤ جێگرێ وەزیرێ دەرڤە یێ روسیا کۆمبوو و د کۆمبوونێ دا بەحسێ رەوشا عیراقێ، دەڤەرێ و هەرێما کوردستانێ هاتە کرن.
جێگرێ وەزیرێ دەرڤە یێ روسیا ئەڤرۆ ب سەرەدانەکێ گەهشتیە هەرێما کوردستانێ و ل گەل سەرۆکێ هەرێما کوردستانێ و سەرۆکێ حوکمەتێ کۆمبوو و نها ژی ل گەل سەرۆک بارزانی د کۆمبوونێ دایە.
ئەڤرۆ نیوز:
نێچیرڤان بارزانی سەرۆکێ هەرێما کوردستانێ ل گەل میخائیل بۆگدانۆڤ جێگرێ وەزیرێ دەرڤە یێ روسیا کۆمبوو.
د کۆمبوونێ دا بەحسێ رەوشا دەڤەرێ و ئالۆزیێن ل عیراقێ و بابەتێ دیارکرنا سەرۆک وەزیرەکێ نوو بۆ عیراقێ هاتە کرن و جێگرێ وەزیرێ دەرڤە یێ روسیا پشتەڤانیا وەلاتێ خوە بۆ ئارامیا عیراقێ دیار کر و هێڤی خواست کو ئاریشێن د ناڤبەرا هەرێما کوردستانێ و عیراقێ دا ژی بهێنە چارەسەرکرن.
د پشکەکا دی یا کۆمبوونێ دا بەحسێ رەوشا سووریێ ژی هاتە کرن و سەرۆکێ هەرێما کوردستانێ پشتەڤانیا بۆ خوە چارەسەرکرنا قەیرانا سووریێ دیار کر کو تێدا مافێن گەلێ کورد بهێنە گەرەنتیکرن و رەوشا سووریێ ژی ب گشتی ئاسایی ببیت.
ئەڤرۆ نیوز:
میخائیل بۆگدانۆڤ جێگرێ وەزیرێ دەرڤە یێ روسیا ئەڤرۆ گەهشتە هەولێرێ و بریارە ل گەل بەرپرسێن هەرێما کوردستانێ کۆم ببیت.
چاڤدێرێن سیاسی دیار دکەن کو سەرەدانا بۆگدانۆڤی نها گرنگیەکا خوە یا تایبەت هەیە، چونکو ئالۆزیێن مەزن ل عیراقێ هەنە و پشتی ئەمریکا نها ژی روسیا دڤێت گرنگیەکا زێدە بدەتە هەرێما کوردستانێ، ئەو یەک ژی دێ وەسا کەت کو پێگەهێ هەرێما کوردستانێ بهێزتر ببیت.
ئه‌ڤرۆ نیوز:
رۆژنامه‌كا سعودی به‌لاڤكر كو ئه‌مریكا دانوستاندان ل گه‌ل هه‌رێما كوردستانێ دكه‌ت ب مه‌ره‌ما دانانا بنگه‌هێن سه‌ربازی و زێده‌كرنا سه‌ربازێن خوه ل هه‌رێمێ.
رۆژناما شه‌رقولئه‌وست ژ زارێ چه‌ند به‌رپرسێن رۆژئاڤایی” هنده‌ك پێشنیاز بۆ زێده‌كرنا هه‌بوونا له‌شكرێ یێن هه‌ین، ژوان ژی هه‌ر دانوستاندنه‌كا ل گه‌ل به‌غدا بهێته ئه‌نجامدان دڤێت ل سه‌ر پرسێن دی ژی بهێنه كرن نه تنێ بیاڤێ له‌شكری، به‌لكو ل دۆر په‌یوه‌ندیێن ئابووری ژی، زێده‌باری هاندانا قۆلپا ناتۆی كو رۆله‌كێ كاریگه‌رتر د شه‌رێ دژی داعشێ دا هه‌بیت”.
دیاركر ژی” ژ وان پێشنیازان، ئه‌نجامدانا دانوستاندنان ل گه‌ل سه‌رۆكایه‌تیا هه‌رێما كوردستانێ ل دۆر دانانا بنگه‌هێن له‌شكری ل نێزیك سلێمانیێ و ل باشوورێ هه‌ولێرێ و ل نێزیك هه‌له‌بجه و زێده‌كرنا هژمارا سه‌ربازێن ژ 500 سه‌ربازان بۆ دو هزار سه‌ربازان، زێده‌باری وان پێنج هزار سه‌ربازێن ل عیراقێ ب خوه هه‌ین”.
وێ رۆژناما ل سه‌ر زارێ هژماره‌كا دبلۆماتكاران به‌لاڤكر ژی كو نوكه هه‌بوونا له‌شكری یا ئه‌مریكی ل رۆژئاڤایێ عیراقێ و ل رۆژهه‌لاتا سووریێ یا هه‌ی، ژ به‌ركو پتریا هێزێن ئه‌مریكی ئه‌وێن ژ رۆژهه‌لاتا فوراتێ ل ده‌ستپێكا ئه‌ڤ ساله هاتینه ڤه‌كێشان، ل هه‌رێما كوردستانێ ماینه و هژمارا سه‌ربازێن ئه‌مریكی ل نێزیك بیرێن په‌ترۆلێ ژ هزار سه‌ربازان بووینه 500 سه‌رباز”.
ژلایه‌كێ دی ڤه لایه‌نێن سیاسی یێن شیعی د به‌رده‌وامن ل سه‌ر داخوازا ڤه‌كێشانا هێزێن ئه‌مریكی ژ عیراقێ، ریاز مه‌سعودی، ئه‌ندامێ په‌رله‌مانێ عیراقێ ژ لیستا سائیروون راگه‌هاند” عیراق پێدڤیه ب هه‌بوونا بنگه‌هێن له‌شكری یێن ئه‌مریكی نینه و پێدڤیه لایه‌نێن سیاسی له‌زێ بكه‌ن د ده‌ستنیشانكرنا سه‌رۆكێ نوو یێ وه‌زیران تاكو حوكمه‌تا داهاتی بشێت بریارا په‌رله‌مانێ عیراقێ یا ده‌ركرنا هێزێن بیانی و ب تایبه‌تی یێن ئه‌مریكی بجهبینیت و نه‌خشه رێیه‌كێ بۆ بجهئینانا وێ بریارێ دانیت”.
ناڤبری دیاركر” ئه‌م ل عیراقێ نوكه پێتڤی نینین ب هه‌بوونا بنگه‌هێن له‌شكری یێن ئه‌مریكی و بیانی و ده‌ركه‌فتنا وان ژ عیراقێ یا گرنگه و پێدڤیه لایه‌نێن سیاسی ل سه‌ر كه‌سایه‌تیه‌كی بۆ پۆستێ سه‌رۆَكێ وه‌زیران ب رێككه‌ڤن تاكو حوكمه‌ته‌كا ب هێز پێك بینیت كو ئه‌و حوكمه‌ت بشێت بریارا په‌رله‌مانی ل دۆر ده‌ركرنا هێزێن بیانی بجهبینیت و عیراق نه بیته مه‌یدانا شه‌رێ هه‌رێمایه‌تی”.
ئەڤرۆ نیوز:
وەزارەتا كارەبا حوکمەتا ھەرێما كوردستانێ بڕیار دایە سەرجەم زێدەگاڤیێن سەر كارەبێ ببریت و سزایی بدەتە وان كەسان ژی، یێن کو ب شێوەکێ نە قانوونی كارەب راكێشایی.
حسێن محەمەد، رێڤەبەرێ گشتی یێ کارەبا ھەولێرێ دبێژیت : ژ %٤٠ ئەو کارەبا دهێتە بەرهەمئینان ب هەروە دچیت، بەلێ ب بڕینا زێدەگاڤیان دێ گرفتا كێمیا كارەبێ هەتا رادەکێ باش هێتە چارەسەر کرن.
ل سەر ئاستێ ھەرێما کوردستانێ ملیۆنەك و ٥٧٠ ھزار ھەڤبەشێن کارەبێ ھەنە، رۆژانە وێستگەهێن کارەبێ ٣ ھزار و ٥٠٠ مێگاواتان هەتا ٣ ھزار و ٨٠٠ مێگاواتان بەرھەمد د ئینن، به‌لێ ب ئەگەرێ زێدەگاڤیێن سەر كارەبێ و سەرپێچیان ژ %٤٠ یا وێ كاره‌با به‌رهه‌مهاتی ب هەروە دچیت، بەرپرسێن وەزارەتا کارەبێ ژی دبێژن: ب نەهێلانا سەرپێچیان: دێ نێزیکی ٩٠٠ مێگاواتێن کارەبێ ڤەگەرن، کو کاریگەری ل سەر زێدەکرنا دەمژمێرێن پێدانا کارەبێ بۆ وەلاتیان هەبیت.
ئەڤرۆ نیوز:
پشتی ئەڤرۆ کۆمبوونا حوکمەتا هەرێمێ و وەبەرهێنەران، جۆتیار عادل، پەیڤدارێ حوکمەتا هه‌رێما كوردستانێ بۆ میدیایان راگه‌هاند، کو حوکمەتا هەردەم دێ پالپشتیا وەبەرهێنەران کەت و ئاماژە ب هندێ دا، کو ئەو کۆممبوونە بۆ دروستکرنا هەماهەنگیێ بوو.
هه‌وره‌سا گوت ژی: وان ب ئاشکرایی ب وەبەرهێنەران گوتیە، پێدڤیە پابه‌ندی قانوونا بن و بەرەف وێ ئارمانجانێ بچن، یا کو حوکمەتێ ل دەستپێکا دەست ب کاربوونێ دیار کری.
ئەڤرۆ نیوز:
بەری دەمەکێ کێم کەنیسا ئیسرائیلێ بڕیارەک ل دژی سەرۆک وەزیرێن وەلاتێ خوە دەرکر.
رۆژناما هائارتز، ئەڤشەڤە 28 کانوونا دویێ بەلاڤە کریە، کو کەنیسا ئیسرائیلێ پارێزبەندی نەبەخشیە بە بنیامین نەتانیاهۆی سەرۆک وەزیرێن ئیسرائیلێ.
ب ئەگەرێ هندێ کو کەنیسێ پارێزبەندی پێنەبەخشیە سەرۆک وەزیرێن ئیسرائیلێ ب تۆمەتێن گەندەلی و بەرتیل خوارنێ و خراب ب کارئینانا دەستهەلاتێ و خیانەتکرنێ، دێ روو ب ڕوو دادگەهێ بیت.
ئەڤە د دەمەکێ دایە، کو هەر ئەڤ شەڤە دۆنالد ترەمپ سەرۆکێ ئەمریکا و بنیامین نەتانیاهۆ سەرۆک وەزیرێ ئیسرائیلێ رێککەفتنا سەدی دەربارەی کێشا ئیسرائیل-فەلەستینێ راگەهاند.
ئەڤرۆ نیوز:
پەیڤدارێ وەزارەتا چاندنێ و ژێدەرێن ئاڤێ بۆمالپەرێ پارتی گۆتیە: حوکمەتا هەرێمێ رەزامەندی دەربرییە، کو سالانە ئەو گەنمێ جۆتیاران یێ دمینیت و حوکمەتا عیراقێ وەر ناگریت، حوکمەتا هەرێمێ دێ کریت، ئارمانجا حوکمەتێ ئەوە، ئاسایشا خوارنێ ل كوردستانێ دابین بكەت.
حسێن حەمەكەریم، راگەهاندیە، کو جڤاتا وەزیرێن هەرێما كوردستانێ، رەزامەندی دایە، کو سالانە ئەو گەنمێ جۆتیارێن كودستانێ یێ دمینیت و حوکمەتا عیراقێ ژێ وەرنەگریت، حوکمەتا هەرێمێ دێ کریت.
ئەڤ پڕۆژە نوکە ل ژێر دیراسەتێ دایە، ژ ئالیێ لایەنێن پەیوەندیدار ڤە و ل دوماهیێ دێ پڕۆژەکێ تەمام بۆ سەرۆكاتیا حوکمەتا هەرێما كوردستانێ هێتە بلند کرن.
ناڤهاتی گۆت ژی: حوکمەتێ دڤێت ئاسایشا خوارنێ جهگیر بكەت و جۆتیارێن كوردستانێ زیانمەند نەبن، سالانە ل كوردستانێ ئێك ملیۆن تەنێن گەنمی بەرهەم دهێن و حوکمەتا عیراقێ بڕەکا كێم وەردگرین، كو ل سالا بوری 370 تەنێن گەنمی ژ جۆتیارێن كوردستانی وەرگرتینە، لەوما ئەوێ دمینیت، جۆتیاران ب نەچاری ب بهایەکێ گەلەک کێم دفرۆشن.
ئەو ژی ئاشکرا کر: حوکمەتا هەرێمێ دێ پلەبەندیێ بۆ گەنمی دیار کەت، كو پلە ئێك و دو نە و پشتی وەرگرتنا گەنمی، دێ دەنە ئاشێن نافخۆ، پاشی دێ کەنە ساڤار و ئار.
ئەڤرۆ نیوز:
شۆڕش ئیسماعیل، وەزیرێ پێشمەرگەی گۆت: پێنگاڤێن پڕۆسا چاکسازیێ دناڤ هێزێن پێشمەرگەی دا دێ ب لەزتر لێکەین و جەخت ل هندێ کر، دێ روو ب روو هه‌موو وان ئاستەنگان بین، یێن کو دهێنه هەمبەر پرۆسا هەڤگرتنا هێزێن پێشمه‌رگه‌ی.
ئەڤ گۆتنێن وەزیرێ پێشمەرگەی یێ حوکمەتا هەرێما کوردستانێ بوون، کو ئەڤرۆ د چارچۆڤێ کۆمبوونەکێ دا ل گەل فەرماندە و نوونەرێن هێزێن ٧٠ و ٨٠ هێزێن پێشمەرگەی دا گۆتین، كو هه‌ر ئێك سەربەست لەزگین، بریکارێ وەزارەتێ و فەرماندێ یەکا ٨٠ و نوونەرێ فەرماندا یەکا ٧٠ و فەرماندە و بەرپرسێن پلا بلند یێن وەزارەتێ ئامادەیبوون.
هەروەسا گوت ژی: بڕیارا پڕۆژە قانوونا چاکسازیا حوکمەتێ و پەسەندکرنا پەرلەمانێ کوردستانێ مە پابەند دکەت ب هندێ کو ئەم هەموو ب گیانێ به‌رپرسیارەتیێ رێیان کورتتر بکەین و پێنگاڤان ب لەزتر لێ بکەین.
د وێ کۆمبوونێ دا بریکارێ وەزارەتا پێشمەرگەی و فەرماندێ یەکا ٨٠ و نوونەرێن فەرماندا یەکا ٧٠ گوتۆبێژ ل سەر دوماهی پڕۆژێ پێشنیار کری بۆ جێبەجێکرنا هەڤگرتنا هەموو هێزان ل ژێر سەهوانا وەزارەتا پێشمەرگەی کر، هەڤدەم هەمو کۆك بوون ل سەر جێبەجێکرنا ڤێ پڕۆسێ و نەهێلانا ئاستەنگان، پابەند بوونا خوە بۆ بڕیار و راسپاردێن وەزارەتا پێشمەرگەی دوپاتکرن.
ئەڤرۆ نیوز:
ئەڤرۆ نیڤرۆ لیژنەک ژ لە فەرماندا ئۆپەراسیۆنێن کەرکووکێ بۆ داڕشتنا چاوانیا پڕکرنا هندەک جهێن ئەمنی دڤیان بچنە دەڤەرێن دەوروبەرێن قەرەهەنجیر ل پارێزگەها کەرکووکێ، کو هێزێن پێشمەرگەی تێدا جهگیرن، بەلێ پێشمەرگەی رێکنەدا وان.
عەمید روکن رێبوار عەلی، فەرماندێ لیوا ئێک یا هێزێن پێشمەرگەی گۆت، فەرماندێ سەربازی یێ هێزێن عیراقێ د چارچۆڤێ پڕکرنا جهێن ئەمنی و پێداچوون ب بەرنامێ خوە یێ سەربازی، ل چەند جهان لیژنێن وان چووینە وێ دەڤەرێ و د وی چارچۆڤە دا، وان ل بەربوو بهێنە سنۆرێ قەرەهەنجیر و ئەو جهێن ل ژێر کۆنترۆلا پێشمەرگەی دا ل وێ پارێزگەهێ، بەلێ وان گۆتە هێزێن عیراقی بەرپرسیاریا ئەمنی یا ڤێ دەڤەرێ ل ژێر دەستهەلاتا پێشمەرگەی دایە و پێدڤی ناکات هێزێن دیتر بهێنە جهێ وان.
نيشاندان