ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا رێژێن جودا يێن باران بارينێ ل هه‌رێما كوردستانێ هاتينه تۆماركرن و ل دووڤ ڤى خشتێ ل خوارێ دياركرى:
نووترين نووچه
- سەرۆك بارزانی: عەبدولرەحیم عسمەت وانلی ژیێ خوە بۆ خەباتێ ژ پێخەمەت دۆزا رەوا یا گەلێ كوردستانێ تەرخانكربوو
- مەسرور بارزانی سەرەخوەشیێ ل كەسوكارێن قوربانیێن ئاگرێ دارستانێن كۆریایا باشوور دكەت
- ب سەرپەرشتییا سەرۆك بارزانی كوردێن سووریێ گەهشتنە رێككەفتنەكا دیرۆكی
- پەیاما سەرۆك بارزانی پشتەڤانییەكا ب هێز بوو بۆ گەلێ كورد
- سیپان شێروانی: 100 پەرلەمانتارێن ئیراقی بندیوارن
- هەرێما كوردستانێ و دەولەتا قەتەرێ دوپاتیێ ل سەر ب هێزكرنا پەیوەندییان د وارێ وزێ دا دكەن
- ل هاڤینا ئەڤسالە قونسلخانەیا مەزن یا ئەمریكا ل هەولێرێ دێ هێتە ڤەكرن
- رێكا گەشەپێدانێ د دهۆكێ را دەرباز دبیت
- مەحما خەلیل: مەترسییا دوبارە پێكدادانێ د ناڤبەرا یەپەشێ و لەشكرێ ئیراقێ دا ل شنگالێ یا هەی
- کوردێن رۆژئاڤایێ کوردستانێ بەرهەڤیان بۆ قۆناغەکا دیرۆکی دکەن
سهرهكى نوچێن گرنگ
به‌فر و باران دێ دووباره بارن
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئێكشه‌مبى دهێته پێشبينيكرن ئه‌سمان ببيته ئه‌ور و ل پشتى نيڤرۆ باران بباريت و ل ده‌ڤه‌رێن چيايى ژى به‌فر.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه راگه‌هاند كو سوبه‌هى رۆژا ئێكشه‌مبى رێكه‌فتى 29ى كانوونا ئێكێ 2019 دهێته پێشبينيكرن ئه‌سمان ببيته ئه‌ور و ل پشتى نيڤرۆ باران بباريت و ل ده‌ڤه‌رێن چيايى ژى به‌فر.
پشكا پێشبينيان ئاشكه‌را ژى كر كو له‌زاتيا بايى دێ ب ره‌نگێ ل سه‌رخوه و ناڤه‌ندى بيت ناڤبه‌را 5 بۆ 15كم بيت و مه‌ودايێ ديتنێ ژى دێ 6 بۆ 8كم بيت. نزمترين پلا گه‌رماتيێ دێ 6 پله بيت و بلندترين پله ژى دێ 10 بيت.
مه‌سرور بارزانى په‌يامه‌كا پيرۆزباهيێ ئاراسته‌ى ئێكه‌تى نيشتمانى كوردستان دكه‌ت
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ئه‌ڤرۆ ئه‌ينيێ 27/12/2019، ب هه‌لكه‌فتا ب دووماهى هاتنا كۆنگرێ چارێ يێ ئێكه‌تى نيشتمانى كوردستان، په‌يامه‌كا پيرۆزباهيێ ئاراسته‌ى سوركردايه‌تيا ئێكه‌تيێ كر.
مه‌سرور بارزانى د په‌ياما خوه دا گۆت” پيرۆزباهيا سه‌ركه‌فتنا كۆنگرێ چارێ ل به‌رێزان ئه‌ندامێن جڤاتا سياسى يا بلند وجڤاتا گشتى يا سه‌ركردايه‌تيێ و هه‌موو ئه‌ندامێن ئێكه‌تى نيشتمانى كوردستان دكه‌م، هيڤيدارم ئه‌ڤ كۆنگره ببيته ده‌ليڤه‌ك بۆ خزمه‌تكرنا پرسێن نيشتمانى و هه‌روه‌سا پشته‌ڤانيا زێده‌تر بۆ حوكمه‌تا هه‌رێما كوردستانێ، بۆ وێ چه‌ندێ بشێن پێكڤه خزمه‌ته‌كا هه‌ژيترا خه‌لكێ هه‌رێما كوردستانێ بكه‌ين و داكۆكيێ ژى ژ مافێن خوه يێن دستوورى بكه‌ين”.
فه‌رمانا دامه‌زراندنا مامۆستايێن گرێبه‌ست دێ هێته ده‌ركرن
ئه‌ڤرۆ نيوز:
ل ده‌ستپێكا سالا نوو سه‌رۆكايه‌تيا جڤاتا وه‌زيران دێ فه‌رمانا دامه‌زراندنا مامۆستايێن گرێبه‌ست ده‌ركه‌ت.
ژێده‌ره‌كێ به‌ربرس ژ وه‌زاره‌تا په‌روه‌ردێ راگه‌هاند” برياره ل ڤان نێزكان فه‌رمانا دامه‌زراندنا مامۆستايێن گرێبه‌ست بهێته ده‌ركرن”.
هه‌روه‌سا عه‌بدلحه‌كيم خسرۆ، سه‌رۆكێ فه‌رمانگه‌ها هه‌ماهه‌نگيێ و پێداچوونێ ل جڤاتا وه‌زيران بۆ باسنيوز گۆت” ل سالا نوو فه‌رمانا دامه‌زراندنا مامۆستايێن گرێبه‌ست دێ هێته ده‌ركرن و مامه‌لێن دامه‌زراندنێ دێ بۆ هێنه ب رێڤه‌برن و ئه‌ڤ بابه‌ته دێ ب دووماهى هێت”.
ل رۆژا 6/11/2019 سه‌رۆكايه‌تيا جڤاتا وه‌زيران ل هه‌رێما كوردستانێ بريار دابوو ب دامه‌زراندنا مامۆستايێن گرێبه‌ست كو هژمارا وان شه‌ش هزار كه‌سن و ده‌مێ كاركرنا وان وه‌كو گرێبه‌ست وه‌كو خزمه‌ت دێ بۆ هێته هژمارتن.
كوردان بۆ دانانا سه‌رۆك وه‌زیرێن عیراقێ ئه‌ڤ بریاره دا
ئه‌ڤرۆنیۆز، ســــــالار دۆسكی:
ئه‌ندامه‌كێ په‌رله‌مانێ عیراقێ ئاشكراكر كو كوردا ل سه‌ر دانانا سه‌رۆك وه‌زیرێن عیراقێ ئێك ده‌نگ و هه‌لویستن و ئه‌ڤ پوسته به‌هرا شیعانه.
جه‌مال كۆچه‌ر، ئه‌ندامێ فراكسیوونا ئێكگرتوویا ئیسلامی یا كوردستانێ بۆ مالپه‌رێ ئه‌ڤرۆ نیۆز ئاشكراكر كو فراكسیونێن كوردستانی ل به‌غدا بریار داینه هه‌ر كه‌سه‌كێ ده‌ست ل گه‌نده‌لیێ دا هه‌بیت ده‌نگی بۆ ناده‌ین بۆ پوستێ سه‌رۆك وه‌زیرێن عیراقێ.
جه‌مال ئه‌و ژی گۆت: (ده‌نگۆیێ به‌ربژێرێكرنا پارێزگه‌رێ به‌سرا هه‌یه بۆ وه‌رگرتنا ڤی پوستی و ئه‌وی نه‌شیایه پارێزگه‌ها به‌سرا ب رێڤه‌به‌ت و دیسان مه‌له‌فێن گه‌نده‌لیێ ل سه‌ر هه‌نه و باوه‌ر ناكه‌م ئه‌و ڤی پوستی وه‌ربگریت).
هه‌مان ئه‌ندامێ په‌رله‌مانی دیار كر كو كوردان به‌ربژێرێ خوه وه‌ك سه‌رۆك كومار وه‌رگرتینه و عه‌ره‌بێن سونان ژی سه‌رۆكێ په‌رله‌مانی وه‌رگرتینه و پوستێ سه‌رۆك وه‌زیران به‌هرا شیعانه و دێ ژ ناڤ مالا شیعان دا هێته ئێکلا کرن.
بزانە دێ کەنگی گه‌را دووێ یا گازا سپی ل زاخۆ هێتە بەلاڤ کرن
ئەڤرۆ نیز،عەلی حاجی :
نونەرێ قایممقامیا زاخۆ بۆ ئەڤرۆ نیوز دیار کر پشتی ب دوماهی هاتنا بهێنڤەدانا سەرێ سالا نوو ٢٠٢٠ێ دەست ب بەلاڤکرنا گه‌را دووێ یا گازا سپی دناڤ سەنتەرێ زاخۆ دا هێتە کرن .
زێدەتر نیشان بوغوس گوت : نوکە دا گەرا ئێکێ یا بەلاڤ کرنا گازا سپی ل سەر وان ١٦ برێکارێن هاتینە دەست نیشان کرن ب دوماهی هات کو ئەو پلێتێن د گەرا ئێکێ دا هاتینە بەلاڤ کرن دبوونە چار هزار پلێت و گەرا ئێکێ ب دوماهی هات،ژبەر کو پلێتێن گازا سپی ل پارێزگەها دهوکێ بۆ هەژمارەکا دیترا برێکارێن گازا سپی نەهاتینە چاپ کرن دێ گەرا دووێ پشتی دەست پێکرنا دەواما فەرمی ل دەست پێکا سالا نوو هێتە بەلاڤ کرن ژبەر کو دێ پلێت هێنە چاپ کرن و ل دووف دا دێ وان پلێتان ل سەر هەژمارەکا برێکارێن دیتر بەلاڤ کەین،ئەم ب هێڤی بوین د ماوەیێ بهێن ڤەدانێ ژی داگازا سپی بەلاڤ بکەین بەلێ ژبەر نەبونا پلێتان گەرا دووێ نەهاتە بەلاڤ کرن.
گوت ژی : گەرا دووێ دێ ل گەرکا فرقێ بیت و دگەل هندەک برێکارێن دیتر ل نەخوشخانا سەعید پیرانی و ژبەرکو هاولاتیێن ل ڤان تاخان بەهرا خوە یا گازا سپی ل سالا بوری وەرنەگرت بوون وبریارە ل سالا ٢٠٢٠ دا بەهرا خوە یا گازا سپی وەربگرن.
دەزگایێ بارزانی هەژمارەکا هاریکاریان بەلاڤ کرن
ئەڤرۆ نیوز،عەلی حاجی :
بەرپرسێ نڤێسینگەها زاخۆ یا دەزگایێ خێرخوازیێ بارزانی د داخویانیەکێ دا بۆ ئەڤرۆ نیوز راگەهاند ل هەیڤا ١٢ دا هندەک پێدڤیێن ئازوقەیی و پاقژکرنێ ل سەر هەژمارەکا هاولاتیان هاتنە بەلاڤ کرن و زێدەباری وێ چەندێ ژی هەژمارەکا ئامیرەیێن خودان پێدڤیێن تایبەت ژی هاتنە بەلاڤ کرن.
زێدەتر محەمەد مەهدی گوت : نڤێسینگەها زاخۆ یا دەزگایێ خێرخوازیێ بارزانی ب هەماهەنگی دگەل نڤێسینگەها هەوار هاتنا قەیرانان ئازوقە و کەل و پەلێن پاقژکرنێ ل سەر ٢٠٠ خێزانان بەلاڤ کرن کو بۆ هەر خێزانەکێ ٣٥ کێلویێن ئازوقەی پێک هات بون و هەر دیسان دەزگایی بارزانیێ نەمر ٣٠ کارتونێن ئازوقەیی ل سەر ٣٠ خودان پێدڤیێن تایبەت بەلاڤکرن و زێدەباری و چەندێ د بەردەوامیا هاریکاکرنا خودان پێدڤیێن تایبەت ١٠ ئامیرە ( عەرەبانێن ڤەگوهاستنێ) هاتنە بەلاڤ کرنێ و هەر د ناڤ کەمپێن باژێرێ زاخۆ دا چەندین خولێن فێرکرنێ و وەرزشی هاتنە ڤەکرن.
سه‌رۆك بارزانى په‌يامه‌كێ به‌لاڤ دكه‌ت
ئه‌ڤرۆ نيوز:
ب هه‌لكه‌فتا جه‌ژنا ژ دايكبوونا حه‌زره‌تێ مه‌سيح، سه‌رۆك مه‌سعود بارزانى په‌يامه‌كا پيرۆزباهيێ ئاراسته‌ى سه‌رجه‌م مه‌سيحيان دكه‌ت و دووپاتيێ ل سه‌ر ب هێزكرنا فه‌رهه‌نگا پێكڤه‌ژيانا پێكهاتێن هه‌رێما كوردستانێ دكه‌ت.
سه‌رۆك بارزانى د په‌ياما خوه دا دبێژيت”ب هه‌لكه‌فتا سه‌رێ سالا نوو يا زايينى و جه‌ژنا ژ دايكبوونا حه‌زره‌تێ عيسايێ مه‌سيح، گه‌رمترين پيرۆزباهيێن خوه ئاراسته‌ى خوشك و برايێن مه‌سيحى ل كوردستانێ و عيراقێ وجيهانێ دكه‌م و هيڤيا شاديێ و به‌خته‌وه‌ريێ بۆ دخوازم”.
سه‌رۆك بارزانى گۆت ژى” ب ڤى هه‌لكه‌فتێ دووپاتيێ ل سه‌ر ب هێزكرنا فه‌رهه‌نگا پێكڤه‌ژيانێ و برايه‌تيێ دناڤبه‌را پێكهاتێن هه‌رێما كوردستانێ دكه‌م و ئومێدا وێ چه‌ندێ ژى دخوازم خوشك و برايێن مه يێن مه‌سيحى هه‌موو جه‌ژن و هه‌لكه‌فت و خوه‌شيێن خوه ب ئارامى و ته‌بايى ب رێڤه ببه‌ن و ئاشتى و برايه‌تى ژى ل ده‌ڤه‌را مه به‌رقه‌رار بيت”.
پێله‌كا به‌فر و بارانێ دێ هه‌رێما كوردستانێ ڤه‌گريت
ئه‌ڤرۆ نيوز:
ده‌سته‌يا گشتى يا كه‌شناسيێ ل عيراقێ راگه‌هاند، سوباهى سێشه‌مبى ژ ئه‌گه‌رێ كاريگه‌ريا نزمه پاله‌په‌ستويێ جه‌مسه‌رێ له‌زاتيا باى دێ چالاك بيت و گه‌هيته نێزيكى 30 كيلۆمه‌تران د ده‌مژمێره‌كێ دا و پلێن گه‌رمێ دێ نزم بن و ل رۆژێن چار شه‌مبى و پێنجشه‌مبى له‌زاتيا باى دێ گه‌هيته 40 كيلۆمه‌تران.
دياركر ژى” ل رۆژا چارشه‌مبى ژ ئه‌گه‌رێ نزمه پاله‌په‌ستويێ ده‌ريا ناڤه‌راست، پێله‌كا بارانێ دێ ده‌ڤه‌رێن هه‌رێما كوردستانێ ڤه‌گريت و بريسى ژى دێ دگه‌لدا بن و ل رۆژا پێنجشه‌مبى ل ده‌ڤه‌رێن چيايى دێ ئه‌و پێله زێده‌تر بيت”.
كه‌شناسيا عيراقێ راگه‌هاند ژى” ل رۆژا پێنجشه‌مبى دێ پێله‌كا به‌فر بارينێ ده‌ڤه‌رێن چيايى ل هه‌رێما كوردستانێ ڤه‌گريت و پلێن گه‌رمێ كو زێده‌تر هێنه خوار و له‌زانيت باى ژى دێ زێده‌تر بيت و گه‌هيته 30 – 40 كيلۆمه‌تران د ده‌مژمێره‌كێ دا و دێ ئاستێ ديتنێ ژى كێم بيت”.
رێيا هه‌شت گوندێن مه‌سيحى ل ئاكرێ دێ هێته نووژه‌نكرن
ئه‌ڤرۆ نيوز:
ل سنورێ قه‌زا ئاكرێ رێيه‌كا ستراتيژى بۆ هه‌شت گوندێن مه‌سيحى ل دۆلا نه‌هلێ دێ هێته بجهئينان و نوونه‌ره‌كا مه‌سيحيان ژى دبێژيت، وى پرۆژه‌ى دێ كاريگه‌ريه‌كا ئه‌رێنى ل سه‌ر ده‌ڤه‌رێ هه‌بيت.
روبينا تيارى، نوونه‌ران مه‌سيحيان ل په‌رله‌مانێ كوردستانێ گۆت” پرۆژێ رێيا هه‌شت گوندێن مه‌سيحيان ل دۆلا نه‌هلێ ل سنورێ قه‌زا ئاكرێ دێ هێته بجهئينان، كو بريار بوو به‌رى قه‌يرانا دارايى ئه‌و پرۆژه بهێته بجهئينان، به‌لێ ژبه‌ر قه‌يرانێ و شه‌رێ تيرۆرستێن داعشێ ئه‌و پرۆژه هاتبوو راگرتن”.
روبينايێ زێده‌تر بۆ مالپه‌رێ فه‌رمى يێ پارتى ديموكراتى كوردستان گۆت” پرۆژێ رێيا وان هه‌شت گوندان مفايه‌كێ ئێكجار مه‌زن بۆ خه‌لكێ وێ ده‌ڤه‌رێ يێ هه‌ى و دێ كاريگه‌رى ل سه‌ر گه‌شه‌كرنا كه‌رتێن چاندنێ و گه‌شتوگوزارێ ژى هه‌بيت، چونكى ژ به‌ر خرابيا وێ رێ ئاسته‌نگ بۆ هه‌موو كه‌رتان دروست ببوو”.
نيشاندان
WP Facebook Auto Publish Powered By : XYZScripts.com