ئەڤرۆ نیوز، عەلی حاجی:
د ئاگەهداریەکێ دا وەزارەتا ئەوقاف و کاروباڕن ئایینی ل کوردستانێ دیار کری یە ل روژا ئێکشەمبیا داهاتی ١٩/١/٢٠١٩ دێ تیروپشک بۆ ناڤێن حەجیێن کوردستانێ دێ هێتە راکێشان.
هەر د وێ ئاگەهداریێ دا هاتیە دیار کرن تیروپشک ب ئامادەبوونا دادوەر و لایەنێن پەیوەندیدار ل وەزارەتا ئەوقافێ بۆ سالا ٢٠٢٠ دهێتە راکێشان و بۆ ئەڤسالە ٧٢٢٠٢ کەسان داخوازا سەفەر کرنێ بۆ ئەداکرنا حەجێ ل وەلاتێ سعوودیا کری یە بەلێ بەهرا کوردستانێ بتنێ ٤٥٠٠ ژ بەر ڤێ چەندێ پشککێشان دێ هێتە راکێشان.
ئه‌ڤرۆ نیوز، عه‌لی حاجی:
په‌یمانگه‌ها ره‌واندوز یا نه‌حكومی لقێ زاخۆ په‌نه‌له‌كا سیاسی ل دور كوردستان دناڤبه‌را ده‌ستكه‌ڤتی و قوربانیان دا بۆ ماموستایه‌كێ زانكویا زاخۆ و ئه‌ندام په‌رله‌مانتره‌كێ پێشترێ كوردستانێ ساز كر.
ئومێد سه‌گڤان هاریكارێ راگرێ په‌یمانگه‌ها ره‌واندوز لقێ زاخۆ بۆ ئه‌ڤرۆ نیوز گوت: (ئه‌ڤ په‌نه‌له پ .دكتور هوگر تاهر ماموستایێ زانكویا زاخۆ و عه‌لی هالو ئه‌ندام په‌رله‌مانێ پێشترێ كوردستانێ هاته ساز كرن و مه دخاست ب رێیا ڤی په‌نه‌لی بۆ جڤاكا سڤیل و لایه‌نێن سیاسی دیار بكه‌ن و ده‌ره‌نجامه‌كێ ئاشكه‌را بكه‌ین ژبه‌ر كو قه‌ده‌را مه كرودان ب عێراقێ ڤه گرێدایه و عێراق هایته دابه‌ش كرن ل سه‌ر شه‌ری و به‌رده‌وامیا ژناڤ چوونێ و هه‌ر دیسان ئه‌م دگه‌ل وێ چه‌ندێ نه سازیێن ئه‌كادیمی به‌رده‌وام بابه‌تێن سیاسی و ب ڤی ره‌نگی ئازرینن دا كو سازیێن ب ڤی ره‌نگی ببنه پره‌ك بۆ ده‌سه‌لاتێ و جڤاكی).
و گوت ژی سازیێن ئه‌كادیمی خوه ل گه‌له‌ك كێشه‌یان ناكه‌نه خودان هه‌كه هه‌بن ژی هنده‌ك كێشه‌یێن تایبه‌ت مه‌ندن و هێڤیدارین سازیێن ئه‌كادیمی ژناڤ ئاڤاهیێن خوه ده‌ركه‌ڤن و خوه نێزیكی جڤاكی بكه ندا كو خوه ل گه‌له‌ك كێشه‌یێن دیتر ژی بكه‌ته خودان.
ئه‌ڤرۆ نیوز:
سه‌رۆك كۆمارێ توركیا گه‌فا ئه‌نجامدانا كریارێن سه‌ربازی ل به‌شار ئه‌سه‌دی كر راگه‌هاند: 400 هه‌زار ئاواره‌یێن ئیدلبێ پێدڤیه ڤه‌گه‌رنه سه‌ر جهێن خۆ، هه‌كه پێدڤی بكه‌ت بزاڤێن رژێمێ بۆ شكاندنا ئاگر به‌ستێ راوه‌ستینین، لیبیا پارچه‌یه‌كا گرنگا ئیمپراتوریه‌تا عوسمانی بوویه.
ره‌جه‌ب ته‌یب ئه‌ردوغان سه‌رۆك كۆمارێ توركیا راگه‌هاند: دڤێت هه‌می بزانن ترانا ناكه‌ین، ئه‌ڤا دبێژین دێ ئه‌نجام بده‌ین، پشتا خۆ مه نه‌دایه سوریا وه‌ناكه‌ین ژی، به‌لكۆ هه‌ڤكاریێن نه‌ته‌وه‌یێن ئیكگرتی ره‌وانه‌ی ده‌ڤه‌رێن سوریا دكه‌ین.
ره‌جه‌ب ته‌یب ئه‌ردوغان سه‌رۆك كۆمارێ ل سه‌ر حوكمه‌تا سوریا دازانین چ حوكمه‌ت نینن ل سوریا دانوستاندنێ ل گه‌ل بكه‌ین، چ په‌یوه‌ندی ژی ل گه‌ل رژێما سوریا دا مه نین، چونكو رژێمه‌كا خوین رژ و خه‌لكێ خۆ كوشتیه.
ره‌جه‌ب ته‌یب ئه‌ردوغان سه‌رۆك كۆمارێ ل سه‌ر لیبیا و ئالوزیێن وی وه‌لاتی دیاركر خه‌لیفه خه‌فته‌ر دڤیا ته‌مامیا لیبیا كۆنترول بكه‌ت و چه‌ند وه‌لاته‌كێن عه‌ره‌بی پشته‌ڤانیا وان دكر، ئه‌م ژی رێكێ ناده‌ین عوسمانی یێن ل لیبیا كۆمه‌لكوژ بكرن.
ئه‌ڤرۆ نیوز:
ده‌یڤد شنكه‌ر هاریكارێ وه‌زیرێ ده‌رڤه‌یێ ئه‌مریكا بۆ كارۆبارێن رۆژهه‌لاتا ناڤین ل سه‌ر سه‌ره‌دانا خۆ بۆ هه‌ولێرێ راگه‌هاند: جڤینێن مه ل گه‌ل سه‌ركردایه‌تیا هه‌رێما كوردستانێ ل هه‌ولێرێ دانوستاندن ل سه‌ر روودانێن ئه‌ڤیێ داویێ و سوپاسیا هه‌ڤپه‌یمانیا كوردی ژی كر و ئه‌مریكا چ نیازێن ئالوزكرنا ره‌وشێ نینه و ل گه‌ل ئارامبوونێ دایه.
لگۆری راگه‌هاندنا وه‌زاره‌تا ده‌رڤه‌یا ئه‌مریكا، شنكه‌ری دیاركریه ئه‌مریكا شانازیێ ب هه‌ڤپه‌یمانیا ل گه‌ل كوردان ل عیراقێ دكه‌ت كۆمبوونێن وان ل هه‌ولێری به‌حسێ موكمكرنا په‌یوه‌ندیان ل گه‌ل هه‌رێما كوردستانێ كرن، كورد لایه‌نه‌كێ سه‌ره‌كی یێ بده‌ستڤه ئینانا ئارمانجێن مه‌نه ل رۆژهه‌لاتا ناڤین.
ناڤبری ئه‌و چه‌نده ژی دازانین ئه‌گه‌رێ سه‌ره‌دانكرنا هه‌ولێرێ و نه‌چوونا مه بۆ به‌غدا ڤه‌دگه‌ریت بۆ ئالوزیێن به‌غدا، حوكمه‌تا هه‌رێما كوردستانێ شیانێن زۆر باش هه‌نه بۆ پاراستنا دیپلوماتكار و ناڤه‌ندێن دیپلوماسی یێن ئه‌مریكا ل هه‌رێمێ.
ئه‌ڤرۆ نیوز:
ل ماوه‌یێ 12 ده‌مژمێرێن بوری دا ل بارێژێن هه‌رێما كوردستانێ رێژه‌یه‌كا زۆر بارانێ باریه و كه‌شناسیا هه‌رێمێ رێژه به‌لاڤكرینه.
رێڤه‌به‌راتیا گشتی یا كه‌شناسیێ و بیڤه‌له‌رزان یا هه‌رێما كوردستانێ د راگه‌هاندنه‌كێ دا رێژه‌یا باران بارینێ ل ماوه‌یێ 12 ده‌مژمێرێن بوری ل باژێرێن هه‌رمێا كورستانێ بلاڤكرینه.
ئه‌ڤرۆ نیوز:
جێگرێ سه‌رۆكا په‌رله‌مانێ كوردستانێ راگه‌هاند: دڤان نیزیكان دا بریاره لژنه‌یا دانوستاندكار و په‌رله‌مان دناڤا ئاڤاهیێ په‌رله‌مانی كۆمبن و ل سه‌ر هێلێن گشتی یێن ریكه‌تنا هه‌ولێری و به‌غدا.
هێمن هه‌ورامی جێگرێ سه‌رۆكا په‌رله‌مانێ كوردستانێد پرێس كۆنفرانسه‌كی دا راگه‌هاند: هژماره‌كا په‌رله‌مانتاران داخاز ژ سه‌رۆكاتیا په‌رله‌مانی كریه لژنا دانوستاندكارێن حوكمه‌تی بهێنه داخازكرن بۆ په‌رله‌مانی داكۆ ل سه‌ر ئه‌نجامێ دانوستاندنێن ل گه‌ل به‌غدا و هێلێن گشتی یێن وێ بهێنه شرۆڤه‌كرن.
جێگرێ سه‌رۆكا په‌رله‌مانێ كوردستانێ دیاركر دێ بزاڤێ كه‌ین ل هه‌فتیا بهێت ب به‌رهه‌ڤبوونا شاندێ دانوستاندكارێن حوكمه‌تێ ل په‌رله‌مانی ئه‌نجام بده‌ین.
پشتی دو رۆژێن دانوستاندنێ ل سه‌ر پرۆژه‌یێ چاكسازیی جێگرێ سه‌رۆكا په‌رله‌مانێ به‌حسێ هێلێن گشتی یێن دانوستاندێ ل گه‌ل به‌غدا كر.
ئه‌ڤرۆ نیوز:
رۆژا 13/1/2020 مشیر خه‌لیفه حه‌فته‌ر فه‌رمانده‌یێ سوپایێ نیشتمانی یێ لیبیا و فایز سه‌راجی سه‌رۆكێ حوكمه‌تا ویفاقا نیشتمانی یا لیبیا سه‌ره‌دانا موسكو كر.
بریار بۆ خه‌لیفه حه‌فته‌ر و فایز سه‌راج ب چاڤدێریا رووسیا ریكه‌تنا ئاگربه‌ستا شه‌ری بهێته راگه‌هاندن و ئیمزاكرن.
خه‌لیفه حه‌فته‌ر رێكه‌تن ئیمزا نه‌كر و داخازا ده‌میكر بوو داكۆ رێكه‌تنی ئیمزا بكه‌ت، لی ڤه‌گه‌ریا باژێرێ به‌نغازییێ لیبیا و رێكه‌تن ئیمزا نه‌كر.
شاندێ حوكمه‌تا ویفاقا لیبیا هه‌ر رۆژا دوشه‌مبێ ریكه‌تن ئیمزاكر و روسیا بحه هێلان، شاندی پشتی روسیا سه‌ره‌دانا توركیا كر.
رۆژا 12/1/2020 ل سه‌ر داخوازا ره‌جه‌ب ته‌یب ئه‌ردوغان سه‌رۆك كۆمارێ توركیا و ڤلادیمیر پوتن سه‌رۆك كۆمارێ روسیا و حه‌فته‌ر شه‌ر هاته راوه‌ستاندن.
ئه‌ڤرۆ نیوز:
په‌رله‌مانێ كوردستانێ دوماهی ب كۆمبوونا په‌رله‌مانی ئینا و كۆ زێده‌تر ژ دو رۆژان به‌رده‌وام بوو تێدا خاندنا دوێ بۆ هه‌موو برگه و ماده‌یێن پرۆژه‌یێ یاسایا چاكسازیێ هاته‌كرن.
لگۆری راپۆرتا مالپه‌رێ فه‌رمیێ یێ په‌رله‌مانێ كوردستانێ، رێواز فایه‌ق سه‌رۆكا په‌رله‌مانا كوردستانێ راگه‌هاند: رۆژا پێنجشه‌مبا بهێت په‌رله‌مانێ كوردستانی دێ ده‌نگ دانێ ل سه‌ر پرۆژه‌یێ یاسای چاكسازیێ ده‌ت.
رۆژا دوشه‌مبێ 16/1/2019 په‌رله‌مانێ كوردستانێ خاندنا ئێكێ بۆ پرۆه‌ژیێ چاكسازیێ كر ب زۆرینه‌یا ده‌نگدانێ ب سیفه‌تێ بله‌زكرنێ دایه پرۆه‌ی تاكو ل ده‌مه‌كێ كێم دا بهێته په‌سندكرن.
رۆژا چارشه‌مبێ 11/12/2019 جڤاتا وه‌زیرێن حوكمه‌تا هه‌رێما كوردستانێ ب سه‌رپه‌رشتیا مه‌سرور بارزانی كۆمبوو و پرۆه‌ژیێ چاكسازیێ په‌سندكر.
رۆژا پێنجشه‌مبێ 12/1/2019 حوكمه‌تا هه‌رێما كوردستانێ ب رێا ڤالا فه‌رید وه‌زیرا هه‌رێمێ بۆ كارۆبارێن په‌رله‌مانی پرۆژه‌یێ یاسایی هنارته په‌رله‌مانێ كوردستانێ.
ئەڤرۆ نیوز:
سەرۆکێ هەرێما کوردستانێ د پەیامەکێ دا بەرسڤا حەسەن نەسروللای دا و دبێژیت، گه‌لێ كوردستانێ و پێشمەرگە زێدەتر ژ سەدەیەکێ بەرهنگاری مەزنترین و درندانەترین هێرشا قرکار بووینه و د شه‌رێ داعشێ دا هەرێما کوردستانێ پاراست، گوتنێن حەسەن نەسروللای نەشیاون بەرامبەر سه‌رۆك مه‌سعود بارزانى و قوربانیدانا پێشمەرگەی.
دەقێ پەیاما سەرۆکێ هەرێما کوردستانێ:
به‌ڕێز حه‌سه‌ن نه‌سروللا، ئه‌ميندارێ گشتي یێ حزبوللا لبنانى د گۆتارەکێ دا دوور ژ شێواز و ئەتەکێتێن سیاسى، ب شێوەکێ نەشیاو ده‌رهه‌ق ب سه‌رۆك مه‌سعود بارزانى و قوربانیدان و قارەمانيه‌تيا پێشمەرگەی ئاخفتیە، جهێ داخێ یە کەسەکێ وەک به‌رێز نەسروللا بێی بەرچاڤ وەرگرتنا ڕۆلێ مێژوویی یێ سەرۆک بارزانی د بەرهنگاربوونا ڕژێمێن دیکتاتۆر و ڕۆڵێ مەیدانی د تێکشکاندنا داعشێ دا، ب ڤی شێوەی هەستێ گەلێ کوردستانێ بریندار بکەت.
سەرۆک بارزانی هه‌موو ژیێ خوە د بەرهنگاربوونا ستەم و ستەمکاران و ژپێناڤی ئازاديا گه‌لێ خوە دا به‌خشيه، د شەرێ بەرهنگاربوونا داعشێ دا وەک فەرماندێ هێزێن پێشمەرگەی ب شێوەکێ ڕاسته‌وخۆ یێ مەیدانی و ل گەل هێزا پێشمەرگەی د سەنگەران دا، ڕۆلەکێ قارەمانانە گێرا، کو هەموو گەلێ کوردستانێ و زۆر ژ سەرکردێن جیهانی بۆ ئازایەتيا پێشمەرگەی و جه‌نابێ سه‌رۆكی شەهدەیی دایە.
گه‌لێ كوردستانێ هه‌موو دەما هاریكاریا دۆستێن خوە دزانیت و سوپاسیا هه‌موو ئه‌وان دکەت، کو د شه‌رێ دژى داعشێ دا هاریکاریا هه‌رێما كوردستانێ دایە، ب رێزڤە دنێریتە پشتگيريا ئه‌وان و قه‌ت ژ بير ناكەت.
گه‌لێ كوردستانێ و پێشمەرگە زێدەتر ژ سەدەکێ بەرهنگاری مەزنترین و درندانەترین هێرشا قڕکاریێ بوویە، د شه‌رێ داعشێ دا وان هەرێما کوردستانێ پاراست و پشکدار بوون د پاراستن و ڕزگارکرنا گەلەک جهێن دیتر یێن عێراقێ، ئەڤرۆ پاراستنا ئاشتی و پێکڤە ژیانێ و بەرهنگاربوونا تیرۆرێ، ب ئه‌ركێ هەرە ل پێشیا خوە دبينن، د دەمەکێ دا دۆخێ ڤێ دەڤەرێ وەسا دخوازیت ئەم هه‌موو كار بۆ ئارامكرن و گێڕانا سه‌قامگيریێ بكه‌ين.
نێچيرڤان بارزانى
سه‌رۆكێ هه‌رێما كوردستانێ
13/1/2020
ئەڤرۆ نیوز:
پەرلەمانێ کوردستانێ راگەهاند، هەموو ئەو گوتنێن حەسەن نەسروللای ئەمیندارێ گشتی یێ حزبۆلایا لبنانی رەتکرن و هێزێن پیشمەرگەى ب خوینا خوە داعش تیکشکاندیە.
ئەڤا ل خوارێ دەقێ وێ راگەهاندنێ یە:
وه‌كو په‌رله‌مانێ كوردستانێ ب هه‌موو شێوه‌کێ وان گۆتنێن حه‌سه‌ن نه‌سروللای رێبەرێ حزبولایا لبنانی ره‌تد‌كه‌ین، کو د گوتارەکێ دا هێرشەکا نەره‌وا كریە سه‌ر سه‌رۆك بارزانی و هێزێن پێشمه‌رگێ كوردستانێ كو ره‌مزێ خۆراگرى و روو ب ڕووبوونا تیرۆریستێن داعشن، ئەو هێزا پێشمه‌رگه‌ی بوو کو ب خوینا خوە ئه‌فسانا داعشێ تێكشكاند و ب شێوه‌کێ راسته‌وخۆ و مه‌یدانی ل جهێ هه‌موو جیهانێ روو ب ڕوو تیرۆریستێن داعشێ بوویە قاره‌مانیێن مەزن تۆمار كرینە.
ب داخڤه بەرپرسێن حزبا حه‌سه‌ن نه‌سروللای پشکەک بوویە ژ وان هێرشێن نەره‌واو نە د‌ستووری، یێن کو ل سالا ٢٠١٧ هاتینە كرن بۆ سه‌ر هه‌رێما كوردستانێ.
ئەم وه‌كو نوونه‌رێن هه‌رێما كوردستانێ وه‌فادارین به‌رامبه‌ر ب هه‌ر كه‌س و لایه‌نەکێ كو رۆژەکێ ژ رۆژان ل گەل مە هاریکار بووی.
زێدەروویێ ژ چ كه‌س و لایه‌نان قەبوول ناكه‌ین، وەکو پەرلەمانێ کوردستانێ و نوونەرێن خەلکێ کوردستانێ ئیدانا بێ رێزیێ ب هێزێن پێشمەرگێ کوردستانێ و هەر سمبولەکا نەتەوا مە دکەین.
پەرلەمانێ کوردستانێ
2020/1/13
نيشاندان