ئەڤرۆ نیوز:
شاندێ بلند یێ حوکمەتا عیراقێ د کۆمبوونا خوە دا ل گەل سەرۆکێ حوکمەتا ھەرێما كوردستانێ ئاشکرا کریە، نوکە باشترین دەرفەتە بۆ رێککەفتنا ھەولێر و بەغدا، شارەزا ژی دبێژن، پەیوەندیێن نێڤدەولەتی یێن ھەرێما کوردستانێ ئەو دەرفەتە رەخساندیە، کو حوکمەتا عیراقێ هزر ل رێککەفتنا دوماهیێ ل گەل حوکمەتا ھەرێمێ بکەن.
رێبوار بابكه‌یی، سەرۆکێ لیژنا پەیوەندیان ل پەرلەمانێ کوردستانێ دیار کریە: حوکمەتا نوکە یا عیراقێ کاربرێکەرە، ئەو ھێزە نینە بشێت کێشێن هەلاویستی ل گەل حوکمەتا ھەرێمێ چارەسەر بکەت.
ئەڤرۆ نیوز:
بەری دەمەکێ پێنج وەزیرێن حوکمەتا هەرێما کوردستانێ گەهشتنە ئاڤاهیێ پەرلەمانێ کوردستانێ دا پشکداریێ د روونشتنا دویێ یا پرۆژێ چاکسازیێ دا بکەن.
هاتە زانین کو هەر یەک ژ رێبەر ئەحمەد وەزیرێ ناڤخوە، شورەش ئیسماعیل وەزیرێ پێشمەرگە، عەبدوللا حاجی مەحمود وەزیرێ شەهیدان، ئاوات شێخ جەناب وەزیرێ دارایی و ئابووری و ڤالا فەرید وەزیرا هەرێمێ بۆ کاروبارێن پەرلەمانی پشکداریێ د روونشتنا ئەڤرۆ یا پەرلەمانێ کوردستانێ دا دکەن.
ئه‌ڤرۆ نیوز:
وه‌زاره‌تا دارایی و ئابووری یا حوكمه‌تا هه‌رێما كوردستانێ خشته‌یێ پارڤه‌كرنا مووچه‌ی دڤێ هه‌فتیێ دا به‌لاڤكر.
وه‌زاره‌تا دارایی و ئابووری یا حوكمه‌تا هه‌رێما كوردستانێ ب فه‌رمی خشته‌یێ پارڤه‌كرنا مووچه‌ی د ئه‌ڤێ هه‌فتیێ دا كۆ یێ هه‌یڤا 10/2019 یێ فه‌رمانبه‌رێن هه‌رێما كوردستانێ یه بلاڤكریه و بڤی شیوه‌یێ خارێ:
– رۆژا دوشه‌مبێ 13/1/2020 وه‌زاره‌تا پێشمه‌رگه‌ی و دیوان و لیوایێن سه‌ر ب وه‌زاره‌تێ ڤه.
– رۆژا سێ شه‌مبێ 14/1/2020 یه‌كه‌یێن 70 و 80 یێن وه‌زاره‌تا پێشمه‌رگه‌ی.
رۆژا چارشه‌مبی 15/1/2020 وه‌زاره‌تا په‌روه‌ردێ یه.
رۆژا پێنج شه‌مبێ 16/1/2020 وه‌زاره‌تا دارایی و ئابووری یه.
ئه‌حمه‌د عه‌بدلره‌حمان په‌یڤدارێ فه‌رمی یێ وه‌زاره‌تا دارایی و ئابووری راگه‌هاند: سوبه دێ ده‌ست ب پارڤه‌كرنا مووچه‌یێ هێته‌كرن و ئه‌گه‌رێ گیرۆبوونا مووچه‌ی ژی بۆ چه‌ند ئه‌گه‌ره‌كێن هونه‌ری ڤه‌گه‌راند.
ئه‌ڤرۆ نیوز، ناجی به‌ده‌ل:
بێوار موسا رێڤه‌به‌رێ راگه‌هاندنا زانكۆیا دهۆك ل سه‌ر پولینكرن و رێزبندیا زانكۆیێن كۆردستانێ و زانكۆیا دهۆك جهگرتنا وێ ل رێزبه‌رندێ دیاركر زانكۆیا دهۆك ژ زانكۆیێن پێشەنگە ل رێزبەندیا نشتیمانی یا زانكۆیێن هەرێمێ ئه‌وا وەزارەتا خواندنا بلند و ڤەكۆلینێن زانستی ل حكومەتا هەرێما كوردستانێ ل رۆژا 9/1/2020 بو سالا چارێ رێزبەندیا نیشتیمانی یا زانكۆیێن هەرێما كوردستانێ هاتیه‌كرن گرۆپێ ئه‌ی چ زانكۆ ل سه‌ر ئاستێ كوردستانێ نه شیان بگه‌هنه ئه‌وێ قوناغیێ، لێ ل گرۆپێ بی زانكۆیا دهۆك جهێ خو تێداكر و ئه‌و ناڤێن ل گرۆپی داهه‌می ئیك ئاست و خودان شیانن رێكخستن و چونا پێش و دوماهی هاتنا ناڤێ زانكۆیێ لگۆری رێزبه‌ندیا پیتان بویه هه‌كه چ جوداهی نینه.
ریڤه‌به‌رێ راگه‌هاندنا زانكۆیا دهۆك ل سه‌ر پیڤه‌ر و بنه‌مایێ رێزبه‌ندیێ دیاركر ل دیف رێزبەندیا وەزارەتێ كو پشت بەستن ل سەر كری ڤەكۆلێن زانستی و ستافێ ئەكادیمی و پەیوەندیێن زانكۆیێ دگەل جڤاكی و چالاكیێن كلتووری و نێڤدەولەتی و گەهشتن ب ژێدەرێن زانستی و پشكا زۆر بەر ب ڤەكۆلینێن زانستی دكەڤیت ب تایبەت ئەوێن ل گوڤارێن كاریگەرێن جیهانی دا دهێنە بەلاڤ كرن.
فه‌رسه‌ت مه‌حمود ره‌زیكی رێڤه‌به‌رێ راگه‌هاندنا زانكۆیا نه‌ورۆز ل سه‌ر بلند بوونا ئاستێ شیانێن زانكۆیا وان بۆ پێشڤه دیاركر گرۆپی بی ژ گرۆپێ ئێكێ دهێته هژمارتن ل هه‌رێما كوردستانێ چونكو گرۆپێ ئه‌ی چ زانكۆ نه‌بووینه بشێن بگه‌هنه ئه‌وی ئاستی و ئه‌و زانكۆیێن ل گرۆپێ بی دا هاتینه دانان بێ جوداهی ل سه‌ر پولینا پیتا ناڤێن وان هاتینه‌دانان هه‌ر شه‌ش زانكۆ وه‌ك ئیكن د ئاستێ شیان و پێشڤه‌چونێ، زانۆكیا نه‌ورۆز دوساله ل دیڤ ئێك ئه‌ڤی ناسناڤی ل بده‌ستڤه دئینیت.
رێڤه‌به‌رێ راگه‌هاندنا زانكۆیا نه‌ورۆز گۆت ئه‌و پیڤه‌ر و بنه‌مایێن هاتینه دانان هه‌موو ئه‌و رێزبه‌ندیا ب خال هاتینه كرن زانكۆیا نه‌ورۆز لگۆری شیانێن خو جهێ خو ل پێشیا زانكۆیان وه‌ربگریت و دێ یا به‌رده‌وام ژی بت ل سه‌ر پێشڤه‌برن و بلندكرنا ئاستێ شیانێن زانستی.
ئه‌ڤرۆ نیوز:
په‌یڤدارا وه‌زاره‌تا دهرڤهیا ئه‌مریكا راگه‌هاند كریارا گرتنا بالیوزێ بریتانیا ل ئیرانێ شه‌رمزار دكه‌ین و پێدڤیه تاران داخازا لێبۆرینێ ژ وی كارێ ئه‌نجامدای بكه‌ت.
مورگان ئورتیگس په‌یڤجارا وه‌زاره‌تا دهرڤهیا ئه‌مریكا راگه‌هاند: حوكمه‌تا ئیرانێ بالیوزێ بریتانیا ل تارانێ ده‌سته‌سه‌ركریه، ئه‌ڤه ژی به‌رۆڤاژیا رێكه‌تنا كۆنگرێ ڤیه‌نایه و ب شێوه‌یه‌كێ فه‌رمی ئیران داخازا لێبۆرینێ ژ بریتانیا بكه‌ت و رێزێ ل مافێن دیپلوماسی ل وه‌لاتێ خۆ بگریت.
ئه‌ڤرۆ نیوز:
دونالد تره‌مپ سه‌رۆكێ ئه‌مریكا راگه‌هاند ل ده‌ستپێكا وه‌رگرتنا سه‌رۆكاتیێ ل گه‌ل وه‌لاتیێن ئیرانی بووم و هایداری ئازاێن وانم و دێ د پشته‌ڤانیكرنا خه‌لكێ ئیرانی دا به‌رده‌وام بین و ژ نێزیكڤه چاڤدێریا خونیشاندانێن ئیرانی دكه‌ین و سه‌رسامین ب وێ وێره‌كیا وه‌لاتیێن ئیرانێ هه‌ی.
سه‌رۆكێ ئه‌مریكا ئه‌ڤ گۆتنێن خۆ ب زمانێ ئینگلیزی و فارسی ل سه‌ر هژمارا تویته‌رێ خو به‌لاڤكریه.
ترمپ ئه‌و چه‌نده ژی دازانین دڤێت حوكمه‌تا ئیرانێ رێكێ بده‌ته مافێن مرۆڤی و چاڤدێریا خونیشاندانان بكه‌ت و راپۆرتێن خۆ ل سه‌ر خونیشاندانان به‌لاڤ بكه‌ن.
سه‌رۆكێ ئه‌مریكا ئه‌و چه‌نده ژی د تویتا خۆدا دیاركر نابیت كۆمه‌لكۆژی دژی خونیشاندانێن ئاشتیخوازی بهێته‌كرن یان هێلێن ئه‌نته‌رنێتێ بهێنه برین چونكو جیهان دنێرته كردارێن وه.
ئه‌ڤرۆ نیوز:
په‌رله‌مانێ كوردستانێ ئه‌ڤرۆ دانوستاندنا پرۆژه‌یێ یاسایا چاكسازیێ ل مووچه و ده‌رماله و ئیمتیازاتان بكه‌ت.
بریاره ده‌مژمێر 11 به‌ری نیڤرۆیا ئه‌ڤرۆ كۆ رۆژا 12/1/2020 په‌رله‌مانێ كوردستانێ خاندنا دوێ بۆ پرۆژه‌یێ یاسایا چاكسازیێ ل مووچه و ده‌رماله و به‌خشین و ئیمتیازاتان بكه‌ت.
رۆژا دو شه‌مبێ 16/12/2019 په‌رله‌مانێ كوردستانێ خاندنا ئیكێ بۆ پرۆژه‌یێ یاسایا چاكسازیێ كر و ب زۆرینه ده‌نگ پێ دا، تاكو ل ده‌مه‌كێ كورت دا بهێته په‌سندكرن.
رۆژا چارشه‌مبی 11/12/2019 جڤاتا وه‌زیرێن هه‌رێما كوردستانێ پرۆه‌ژیێ یاسایا چاكسازیێ په‌سند كر.
رۆژا 12/12/2019 حوكمه‌تا هه‌رێما كوردستانێ ب رێا ڤالا فه‌رید وه‌زیرا هه‌رێمێ بۆ كارۆبارێن په‌رله‌مانی پرۆژه‌یێ یاسایا چاكسازیێ ره‌وانه‌ی په‌رله‌مانێ كوردستانێ هاته‌كرن.
مه‌حسن دۆسكی ئه‌ندامێ په‌رله‌مانێ كوردستانێ راگه‌هاند رینشتنا په‌رله‌مانێ كوردستانێ كۆ بریاره ئه‌ڤرۆ بهێته‌كرن یا ڤه‌كری بیت ل میدیایێ بهێته په‌خشكرن و لگۆری په‌یره‌وێ ناخۆیێ په‌رله‌مانێ كوردستانێ هه‌كه بهێته پێشنیازكرن رینشتنا په‌رله‌مانی ڤه‌كری بیت، ئه‌ڤه دڤێت ب ده‌نگێ 56 په‌رله‌مانتران هه‌یه.
ئەڤرۆ نیوز:
جێگرێ سەرۆكا پەرلەمانێ كوردستانێ دیار کر: رێکێ نادەین یاری ب پڕۆژە قانوونا چاكسازیێ بهێته کرن، چونكی هندەک خەلك ژ بۆ بەرژوەندیا خوە، هەر رۆژەکێ فشارێن جۆدا و ئاستەنگان دبینن.
هێمن هەورامی، جێگرێ سەرۆكا پەرلەمانێ كوردستانێ، دەربارەی پڕۆژە قانوونا چاكسازیێ ل هژمارا خوە تایبەت ل تۆرا جڤاکیا فێسبووكێ نڤێسیە، خەلکێ کوردستانێ دلنیا دکەین، ل سەر بنەمایێ دادپەروەریێ و بۆ کوردستانەکا ب هێز چ ئاستەنگ نابیتە رێگر.
ئەوێن نە ل گەل ڤی پرۆژەی، هەر رۆژ فشارێن جۆدا جۆدا و ئاستەنگان چێدکەن ل ژێر پەردا مووچەی و خانەنشینیێ روندکێن تیمساحی درێژن، وان دڤێت ڤی پرۆژەی ژناڤ ببەن، دبینن کا چاوا پابەندی بنەمایێن دادپەروەریێ و سەرخستنا ئیرادا چاکسازی دبین و سیاسەت و رێبازا بارزانیێ نەمر و پابەند بوون ب کارنامێ ژ بۆ خزمەتا وەلاتیان دوور ژ موزایدان دێ سەرئێخین، کەس ژ هەڤالێن مە ل دەرڤەی سیاسەت و رێبازا پیرۆز، بۆ بابەتێ کەسی بزاڤێ ناکەت و رێکێ نادەین یاری ب ڤی پرۆژەی بهێتە کرن.
ئەڤرۆ نیوز:
بەری دەمەکێ سەرۆک مەسعود بارزانی ل گەل عادل عەبدولمەهدی و شاندێ د گەل دا کۆمبوو.
ئەو یەک د دەمەکێ دایە کو ئەڤرۆ سپێدێ عادل عەبدولمەهدی گەهشتە هەولێرێ و ل گەل نێچیرڤان بارزانی سەرۆکێ هەرێما کوردستانێ و مەسرور بارزانی سەرۆکێ حوکمەتا هەرێما کوردستانێ کۆمبوو و د کۆمبوونان دا بەحسێ رەوشا ئالۆز یا عیراقێ و چاوانیا چارەسەرکرنا ئالۆزیێن د ناڤبەرا هەولێرێ و بەغدایێ دا هاتە کرن.
نيشاندان