ئه‌ڤرۆ نيوز:
هه‌شته‌مين كۆنگرێ ئێكگرتوو ئيسلامى كوردستان ئه‌ڤرۆ شه‌مبيێ 28/12/2019 ل باژێرێ هه‌ولێرێ ده‌ست ب كارێن خوه كر و تێدا سه‌لاحه‌دين محه‌مه‌د به‌هائه‌دين بۆ چار سالێن داهاتى وه‌كو ئه‌ميندارێ گشتيێ ئێكگرتوو تێدا هاته هه‌لبژارتن.
ژ سه‌رجه‌ىمێ 902 ده‌نگده‌ران، سه‌لاحه‌دين محه‌مه‌د به‌هائه‌دين 546 ده‌نگ ب ده‌ستڤه‌ئينان و ئه‌بوبه‌كر كاروانى 342 ده‌نگ ب ده‌ستڤه‌ئينان، ب ڤى ئه‌نجامى سه‌لاحه‌دين به‌هائه‌دين بۆ چار سالێن داهاتى وه‌كو ئه‌ميندارێ گشتيێ ئێكگرتوو ئيسلامى هاته هه‌لبژارتن.
ئەڤرۆ نیۆز، مەحمود نهێلی:
رێڤەبەرێ چاندنێ ل قەزا ئامێدیێ بۆ ئەڤرۆنیوز دیار کر، د هەیاما سێ رۆژێن بوریدا پتر ژ ۱٥۰ ملیمێن بارانێ ل دەڤەرا ئامێدیێ بارینە کو سەرجەمێ ئەڤ سالە دبیتە نێزیکی ۳۰۰ ملیمان و بلنترین رێژە ل ناحیا دێرەلۆکێ هاتیە تومارکرن کو دبیته ۱٦٤ ملیمان د ڤان سێ رۆژان دا و سەرجەمێ ئەڤ سالە حەتا نوکە دبیتە ۲۹۲ ملیم.
ئەندازیار هەکار ئامێدی رێڤەبەرێ چاندنا قەزا ئامێدیێ گۆت: ل سەنتەرێ قەزا ئامێدیێ ۲۷٦ ملیم ، ل سەرسنکی ۲۸۳ ملیم ، ل کانی ماسێ ۲۳٦ ملیم و ل چەمانکی ۲۹٥ میلم باران بارینە .
و دیار کر، ل ناحیا کانی ماسێ دورێن ٥۰ سەمتیمێن بەفرێ بارینە و ل سەنتەرێ قەزایێ ژی دورێن ۳۰ سەمتێمن بەفرێ هاتینە و گۆت ژی نزمترین رێژا باران بارینێ ل بامەرنێ هاتیە تومارکرن کو تا نۆکە بتنێ دبیتە ۲٤٤ ملیم.
ئەڤرۆ نیوز ، زنار تۆڤی:
د دەمێ 24 دەمژمێرێن بوری دا، پێلەکا بەفرێ پرانیا دەڤەرێن چیایی یێن پارێزگەها دهۆکێ ڤەگرتینە و د ئەنجامدا رێژەکا بەفرێ ل سنورێ ناحیا کانی ماسێ و دەروازێ نێڤدەوڵەتی یێ سەرزێری باریە، هەروەسا رێیا چەندین گوندان هاتیە گرتن و تیمێن رامالینا بەفرێ ژی یێ وان رێیان ڤەدکەن یێن کو هاتینە گرتن.
سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیار کر: ل شەڤا بوری رێژەکا باش یا بەفرێ ل سنورێ ناحیا کانی ماسێ باری و د ئەنجامدا پتری 95 سەنتیمێن بەفرێ ل کۆمەلگەها دەروازێ نێڤدەولەتی یێ سەرزێری بارینە و ل سەنتەرێ ناحیا کانی ماسێ ژی 30 سەنتیم بارینە.
ناڤهاتی گۆت ژی: ل سپێدەهیا ئەڤرۆ تیمێن رامالینا بەفرێ شیاینە رێیا سەرزێری ژ بەفرێ رابمالن و هاتنوچوونا رێڤنگان ل ڤی دەرگەهی یا ئاسایی یە، هەر چەندە بەفر گەلەک لێ باریە، لێ هەردەم تیمێن رامالینا بەفرێ د بەرهەڤن و ب زووترین دەم رێیا هاتنوچوونێ ژ بەفرێ پاقژ دکەن، دیسان هندەک وەلاتی ل گوندێ هەدێنە ماینە ئاسێ، لێ تیمێن رامالینا بەفرێ نوکە یێ رێیا وی گوندی ڤە دکەن و ل دەمەکێ نێزیک ئەو کەسێن ماینە ئاسێ دێ رێیا وان هێتە ڤەکرن و ئەو رێکێن ماین ژی دێ هێنە ڤەکرن.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئێكشه‌مبى دهێته پێشبينيكرن ئه‌سمان ببيته ئه‌ور و ل پشتى نيڤرۆ باران بباريت و ل ده‌ڤه‌رێن چيايى ژى به‌فر.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه راگه‌هاند كو سوبه‌هى رۆژا ئێكشه‌مبى رێكه‌فتى 29ى كانوونا ئێكێ 2019 دهێته پێشبينيكرن ئه‌سمان ببيته ئه‌ور و ل پشتى نيڤرۆ باران بباريت و ل ده‌ڤه‌رێن چيايى ژى به‌فر.
پشكا پێشبينيان ئاشكه‌را ژى كر كو له‌زاتيا بايى دێ ب ره‌نگێ ل سه‌رخوه و ناڤه‌ندى بيت ناڤبه‌را 5 بۆ 15كم بيت و مه‌ودايێ ديتنێ ژى دێ 6 بۆ 8كم بيت. نزمترين پلا گه‌رماتيێ دێ 6 پله بيت و بلندترين پله ژى دێ 10 بيت.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ئه‌ڤرۆ ئه‌ينيێ 27/12/2019، ب هه‌لكه‌فتا ب دووماهى هاتنا كۆنگرێ چارێ يێ ئێكه‌تى نيشتمانى كوردستان، په‌يامه‌كا پيرۆزباهيێ ئاراسته‌ى سوركردايه‌تيا ئێكه‌تيێ كر.
مه‌سرور بارزانى د په‌ياما خوه دا گۆت” پيرۆزباهيا سه‌ركه‌فتنا كۆنگرێ چارێ ل به‌رێزان ئه‌ندامێن جڤاتا سياسى يا بلند وجڤاتا گشتى يا سه‌ركردايه‌تيێ و هه‌موو ئه‌ندامێن ئێكه‌تى نيشتمانى كوردستان دكه‌م، هيڤيدارم ئه‌ڤ كۆنگره ببيته ده‌ليڤه‌ك بۆ خزمه‌تكرنا پرسێن نيشتمانى و هه‌روه‌سا پشته‌ڤانيا زێده‌تر بۆ حوكمه‌تا هه‌رێما كوردستانێ، بۆ وێ چه‌ندێ بشێن پێكڤه خزمه‌ته‌كا هه‌ژيترا خه‌لكێ هه‌رێما كوردستانێ بكه‌ين و داكۆكيێ ژى ژ مافێن خوه يێن دستوورى بكه‌ين”.
ئه‌ڤرۆ نيوز:
ل ده‌ستپێكا سالا نوو سه‌رۆكايه‌تيا جڤاتا وه‌زيران دێ فه‌رمانا دامه‌زراندنا مامۆستايێن گرێبه‌ست ده‌ركه‌ت.
ژێده‌ره‌كێ به‌ربرس ژ وه‌زاره‌تا په‌روه‌ردێ راگه‌هاند” برياره ل ڤان نێزكان فه‌رمانا دامه‌زراندنا مامۆستايێن گرێبه‌ست بهێته ده‌ركرن”.
هه‌روه‌سا عه‌بدلحه‌كيم خسرۆ، سه‌رۆكێ فه‌رمانگه‌ها هه‌ماهه‌نگيێ و پێداچوونێ ل جڤاتا وه‌زيران بۆ باسنيوز گۆت” ل سالا نوو فه‌رمانا دامه‌زراندنا مامۆستايێن گرێبه‌ست دێ هێته ده‌ركرن و مامه‌لێن دامه‌زراندنێ دێ بۆ هێنه ب رێڤه‌برن و ئه‌ڤ بابه‌ته دێ ب دووماهى هێت”.
ل رۆژا 6/11/2019 سه‌رۆكايه‌تيا جڤاتا وه‌زيران ل هه‌رێما كوردستانێ بريار دابوو ب دامه‌زراندنا مامۆستايێن گرێبه‌ست كو هژمارا وان شه‌ش هزار كه‌سن و ده‌مێ كاركرنا وان وه‌كو گرێبه‌ست وه‌كو خزمه‌ت دێ بۆ هێته هژمارتن.
ئه‌ڤرۆنیۆز، ســــــالار دۆسكی:
ئه‌ندامه‌كێ په‌رله‌مانێ عیراقێ ئاشكراكر كو كوردا ل سه‌ر دانانا سه‌رۆك وه‌زیرێن عیراقێ ئێك ده‌نگ و هه‌لویستن و ئه‌ڤ پوسته به‌هرا شیعانه.
جه‌مال كۆچه‌ر، ئه‌ندامێ فراكسیوونا ئێكگرتوویا ئیسلامی یا كوردستانێ بۆ مالپه‌رێ ئه‌ڤرۆ نیۆز ئاشكراكر كو فراكسیونێن كوردستانی ل به‌غدا بریار داینه هه‌ر كه‌سه‌كێ ده‌ست ل گه‌نده‌لیێ دا هه‌بیت ده‌نگی بۆ ناده‌ین بۆ پوستێ سه‌رۆك وه‌زیرێن عیراقێ.
جه‌مال ئه‌و ژی گۆت: (ده‌نگۆیێ به‌ربژێرێكرنا پارێزگه‌رێ به‌سرا هه‌یه بۆ وه‌رگرتنا ڤی پوستی و ئه‌وی نه‌شیایه پارێزگه‌ها به‌سرا ب رێڤه‌به‌ت و دیسان مه‌له‌فێن گه‌نده‌لیێ ل سه‌ر هه‌نه و باوه‌ر ناكه‌م ئه‌و ڤی پوستی وه‌ربگریت).
هه‌مان ئه‌ندامێ په‌رله‌مانی دیار كر كو كوردان به‌ربژێرێ خوه وه‌ك سه‌رۆك كومار وه‌رگرتینه و عه‌ره‌بێن سونان ژی سه‌رۆكێ په‌رله‌مانی وه‌رگرتینه و پوستێ سه‌رۆك وه‌زیران به‌هرا شیعانه و دێ ژ ناڤ مالا شیعان دا هێته ئێکلا کرن.
ئەڤرۆ نیز،عەلی حاجی :
نونەرێ قایممقامیا زاخۆ بۆ ئەڤرۆ نیوز دیار کر پشتی ب دوماهی هاتنا بهێنڤەدانا سەرێ سالا نوو ٢٠٢٠ێ دەست ب بەلاڤکرنا گه‌را دووێ یا گازا سپی دناڤ سەنتەرێ زاخۆ دا هێتە کرن .
زێدەتر نیشان بوغوس گوت : نوکە دا گەرا ئێکێ یا بەلاڤ کرنا گازا سپی ل سەر وان ١٦ برێکارێن هاتینە دەست نیشان کرن ب دوماهی هات کو ئەو پلێتێن د گەرا ئێکێ دا هاتینە بەلاڤ کرن دبوونە چار هزار پلێت و گەرا ئێکێ ب دوماهی هات،ژبەر کو پلێتێن گازا سپی ل پارێزگەها دهوکێ بۆ هەژمارەکا دیترا برێکارێن گازا سپی نەهاتینە چاپ کرن دێ گەرا دووێ پشتی دەست پێکرنا دەواما فەرمی ل دەست پێکا سالا نوو هێتە بەلاڤ کرن ژبەر کو دێ پلێت هێنە چاپ کرن و ل دووف دا دێ وان پلێتان ل سەر هەژمارەکا برێکارێن دیتر بەلاڤ کەین،ئەم ب هێڤی بوین د ماوەیێ بهێن ڤەدانێ ژی داگازا سپی بەلاڤ بکەین بەلێ ژبەر نەبونا پلێتان گەرا دووێ نەهاتە بەلاڤ کرن.
گوت ژی : گەرا دووێ دێ ل گەرکا فرقێ بیت و دگەل هندەک برێکارێن دیتر ل نەخوشخانا سەعید پیرانی و ژبەرکو هاولاتیێن ل ڤان تاخان بەهرا خوە یا گازا سپی ل سالا بوری وەرنەگرت بوون وبریارە ل سالا ٢٠٢٠ دا بەهرا خوە یا گازا سپی وەربگرن.
ئەڤرۆ نیوز،عەلی حاجی :
بەرپرسێ نڤێسینگەها زاخۆ یا دەزگایێ خێرخوازیێ بارزانی د داخویانیەکێ دا بۆ ئەڤرۆ نیوز راگەهاند ل هەیڤا ١٢ دا هندەک پێدڤیێن ئازوقەیی و پاقژکرنێ ل سەر هەژمارەکا هاولاتیان هاتنە بەلاڤ کرن و زێدەباری وێ چەندێ ژی هەژمارەکا ئامیرەیێن خودان پێدڤیێن تایبەت ژی هاتنە بەلاڤ کرن.
زێدەتر محەمەد مەهدی گوت : نڤێسینگەها زاخۆ یا دەزگایێ خێرخوازیێ بارزانی ب هەماهەنگی دگەل نڤێسینگەها هەوار هاتنا قەیرانان ئازوقە و کەل و پەلێن پاقژکرنێ ل سەر ٢٠٠ خێزانان بەلاڤ کرن کو بۆ هەر خێزانەکێ ٣٥ کێلویێن ئازوقەی پێک هات بون و هەر دیسان دەزگایی بارزانیێ نەمر ٣٠ کارتونێن ئازوقەیی ل سەر ٣٠ خودان پێدڤیێن تایبەت بەلاڤکرن و زێدەباری و چەندێ د بەردەوامیا هاریکاکرنا خودان پێدڤیێن تایبەت ١٠ ئامیرە ( عەرەبانێن ڤەگوهاستنێ) هاتنە بەلاڤ کرنێ و هەر د ناڤ کەمپێن باژێرێ زاخۆ دا چەندین خولێن فێرکرنێ و وەرزشی هاتنە ڤەکرن.
نيشاندان