NO IORG
نوچێن گرنگ

ئه‌ڤرۆ نیوز، مه‌حمود نهێلى:

ژ ئه‌گه‌رێ گهورینێن سه‌قاى و باران و به‌فرێ و سه‌رمایێ پترى جهێن شوونه‌وارى ل ده‌ڤه‌را ئامێدیێ ل ژێر مه‌ترسیا ژ ناڤچوونێ نه‌ و شوونه‌وارناس ژى دبێژن ئه‌ڤ جهه‌ پێدڤى ب نووژه‌نكرنا به‌رده‌وامن. ئه‌یهان ئامێدێ نوونه‌وارێ قه‌زا ئامێدیێ ل رێڤه‌به‌ریا شوونه‌وارێن دهوكێ بۆ ئه‌ڤرۆ نیوز دیاركر، كو پتر یا ڤان جهێن شوونه‌وارى ل ژێر مه‌ترسیا ژناڤچوونێ نه‌ و گۆت: ( ژ ئه‌گه‌رێ بارانێن زۆر ل ده‌ڤه‌رێ و گهورینێن سه‌قاى و سه‌رما و گه‌رمێ كارتێكرن ل ڤان جهێن شوونه‌وارى دهێته‌ كرن و هێردى هێردى ژ ناڤ دچن).

ناڤهاتى دیار ژى كر، ئه‌ڤ جهێن شوونه‌وارى یێن به‌رى چه‌ند سالان دروست نها ژ ناڤ چووینه‌ یان ژى خراب بووینه‌ وه‌كوو قوتابخانا قوبه‌هان كو گه‌له‌ك ژێ هه‌رفتیه‌ ل دووڤ سالا 1997 وه‌ك میناك. و خویاكر، دوورێن 300 جهێن شوونه‌وارى ل ده‌ڤه‌را ئامێدیێ هه‌نه‌ و ژ بوو پاراستنا وان پێدڤى ب نووژه‌نكرنا به‌رده‌وام هه‌یه‌ داكو ژ مه‌ترسیا ژناڤچوونێ بهێنه‌ پاراستن وه‌ك كه‌لها هه‌ولێرى كو پتر چاڤدێرى لێ دهێته‌ كرن داكو كارتێكرن ژێ نه‌هێته‌ كرن ژلایێ گهورینێن سه‌قاى و سرۆشتى ڤه‌.

 

ئەڤرۆ نیوز، عەلی حاجی :

 

بەری دەمەکێ کێم دو گەنچ کو هەردو برایێن ئێک بوون، ژیێ وان دناڤبەرا ٣٠ سالیێ دا بوون ل تاخێ تلکەبەرێ ب چەند گولەیان ژلایێ کەسەکێ ڤە هاتینە کوشتن.

 

ئەمیر عەلی بەرپرسێ راگەهاندنا ساخلەمیا زاخۆ بۆ ئەڤرۆ نیوز گوت : بەری دەمەکێ کێم تیمێن وان ل نەخۆشخانا زاخۆ هاتینە ئاگەهدار کرن ل سەر هەبوونا روودانەکێ، کو دو کەس ب کوشتی دناڤ ترومبێلەکێ دا هاتینە دیتن ل تاخێ تلکەبەرێ ل زاخۆ، پشتی تیمێن وان گەهشتنە جهێ روودانێ دیار بوو دو کەس دناڤ ترۆمبێلا خوە ژ جورێ تەکسی ب ناڤێن ( هـ ، ع ) ب چار گولەیان هاتینە کوشتن کو ئێک ژ وان گولەیەک پێکەفتی یە و یێ دیتر ژی سێ گولە ڤێکەڤتینە، نوکە تەرمێ وان ل نۆشداریا دادە ل نەخوشخانا زاخۆ بۆ وێ یەکێ زێدەتر ڤوکولین ل سەر لاشێ وان بهیتە کرن.

 

گوت ژی : ئەو کەسێ ئەڤ هەردو کەسە کوشتین بەرەڤ جهەکێ نەدیار ڤە چوویە و هەتا نوکە ئەگەرێن ڤێ چەندێ نەهاتینە زانین و پولیسێن زاخۆ ژی لاپەرێ ڤەکولینێ د ڤێ کێشێ دا ڤەکرینە.

 

ل گور پێزانینان ئەو هەردو کەسە ژلایێ هێزەکێ ڤە هاتینە کوشتن کو پێشتر ژی برایێ وان هات بو گرتن ژلایێ وێ هێزێ ڤە.

 

 

ئەڤرۆ نیوز، بارزان مزووری:

 

ئەڤرۆ رێکەفتی 19/1/2020 ده‌زگەهێ خێرخوازی یێ بارزانی ب هه‌ڤكاری ل گه‌ل وه‌لاتێ کوێتێ 5000 سه‌لێن خوارنا هشك ل سه‌ر هه‌ژار وكێم ئەندامێن باژێرێ مۆسلێ دابه‌شكرن، لدووڤ بەرنامێ دەزگەهی دێ بەردەوام بن ل سەر وان هاریکاریان.
رزگار عۆبێد، نوونه‌رێ ده‌زگەهێ خێرخوازی یێ بارزانی بۆ ئەڤرو نیۆز گۆت:،گەهاندنا هاریکاریا بۆ خەلکێ مووسل ئێک ژ کارێن مروڤایەتی یە ژبەرکۆ خەلکێ مووسل د قوناغەکا هەستیار یا هەژاریێ دا دژیت لدوڤ بەرنامێ مە دارێژتی دێ بەردەوام بین ل سەر هاریکاریا بۆ زێدەتر 5 هزار خێزانێن هەژار و کێم دەرامەت،‌
ناڤهاتی خویاکر پشتی نه‌مانا داعش ل پارێزگه‌ها مووسل ئێكه‌م ده‌زگەهێ خێرخازی دەزگەهێ خێرخازی بارزانی بویە بهانەیا خەلکێ مووسل چویە هەتا نها بەردەوام ژی .‌

سەعید محەمەد، ئێک ژ وەلاتیێن باژێرێ مووسل بۆ ئەڤرۆ نیوز گۆت:دڤێ قوناغا هەستیار یا ب ترس ئەم تێدا دژین خەلکێ لایێ راستێ باژێرێ مووسل پێتڤی ب هەموو پێتڤی یێن ژیانێ یە تایبەت ئازوقه‌ی ژبەرکۆ رێژا هەژاریێ بەرەڤ رێژەکا مەترسی یە ل باژێرێ مووسل ،

ناڤهاتی خویاکر داخاز ژ دەزگەهێ خێرخازی بارزانی دکەین کۆ بەردەوام بن ل سەر هاریکاریا بۆ مووسل ژبەرکۆ بتنێ وی دەزگەهی خۆ ل مەکریە خودان.

 

ئەڤرۆ نیوز:

 

میدیایێن عێراقی دانە دیار کرن، ب ئەگەرێ وان ئالۆزیێن دناڤبەرا خوەپیشاندەران و ھێزێن ئەمنی یێن عێراقێ ل بەغدا رووداین، ئەڤرۆ 2 خۆپیشاندەر هاتنە کوشتن و 17 دیتر ژی بریندار بوون.

 

پشتی ب دوماهی هاتنا وێ موهلەتا‌ سێ رۆژی یا خۆپیشانده‌رێن به‌غدا داینە حكومه‌تێ، ئەڤرۆ جارەکا دی خۆپیشانده‌ران رژیان‌ سه‌ر جادان و تاییرە‌ سووتن، پتریا رێکێن‌ سه‌ره‌كی و پرێن به‌غدا بۆ دەمەکێ داخستن و خۆپیشانده‌ران گۆت، هێشتا حوکمه‌تێ بەرسڤا داخوازیێن ئه‌وان نه‌داینه‌ و دەم ژی ب دوماهی هاتیە‌، لەوما وان‌ ده‌ست ب ‌خۆپیشاندانان كریه‌.

 

هەروەسا میدیایێن عیراقی ئاماژه‌ ب هندێ دایه‌، ب ئەگەرێ ئالۆزی و توندوتیژیان، سوبەهی ل پارێزگەها دیوانیە کریە بهێنڤەدانا فەرمی.

 
ئەڤرو نیوز:

 

به‌رێز نێچيرڤان بارزانى، سه‌رۆكێ هه‌رێما كوردستانێ ب داخوازنامەکا فه‌رمى دێ پشکداریێ د كۆڕبه‌ندێ ئابووری یێ جيهانی ل داڤۆس کەت، کو دێ ل‌ ڕۆژانێن 21 هەتا 24 ڤێ هەیڤێ دا ل يادا پێنجی سالیا دامه‌زراندنا وێ دا برێڤە چیت و تێدا ب‌ ناڤونيشانا ژ پێناڤێ جیھانەکا ئێکگرتی گەشەسەندنا بەردەوام دا، دێ تيشكێ ئێخیتە‌ سه‌ر پرسێن جيهانی یێن تايبه‌ت ب ئابوورى و سياسه‌تێ و ئاسايشێ و سه‌قامگيریێ.

 

د وێ پشکداری کرنێ دا سه‌رۆك نێچيرڤان بارزانى دێ ل ‌گه‌ل به‌ڕێزان دۆنالد تره‌مپ سه‌رۆكێ ئه‌مريكا و ئه‌نتۆنيۆ گۆتێرێز، سكرتێرێ گشتی یێ نه‌ته‌وێن ئێکگرتی و هژماره‌كا له‌ سه‌ركرده‌ و وه‌زيران و به‌رپرسێن بلند یێن وەلاتان كۆم بیت، د وان كۆمبوونان دا ‌ په‌ره‌پێدانا په‌يوه‌نديێن هه‌رێما كوردستانێ ل گه‌ل جڤاکێ نێفده‌وله‌تى و سياسه‌ت و هه‌لویستێ هه‌رێم و گوهۆرینا بيرورا ده‌رباره‌ى پرسێن‌ هه‌رێمى و جيهانی دێ هێنە گوتۆبێژ کرن.

 

هه‌ر د وێ پشکداريكرنێ دا، سه‌رۆك نێچيرڤان بارزانی د روونشتنەکا داڤۆس دا ب ناڤونيشانا “ڕۆژهه‌لاتا ناڤین یا نەسه‌قامگير” دێ ئاخڤیت، تێدا دێ لێكه‌فتێن درێژخايه‌ن و ئاڵۆزیێن‌‌ به‌رده‌وام یێن ڕۆژهه‌لاتا ناڤین، کو بووینە ژێدەرێ ترسێ و نيگه‌رانيا مەزن یا جيهانى و دەڤەرێ دێ هێنە بەحس کرن و دێ تيشكێ ئێخیتە سه‌ر كاريگه‌ریێن ستراتيژيا قه‌يرانا نوکە ل سه‌ر ئاشتى و سه‌قامگيریێ ل كه‌نداڤی، عیراق و سووريێ.

ئەڤرۆ نیۆز، قائید میرۆ:

سالا بۆری بۆ وەلاتیێن عێراقی سالەکا تژی ئالۆزی و کوشتن و رەڤاندن بوویە بەرپرسەکێ کۆمسیۆنا مافێن مرۆڤی ژی ئاشکراکرد، رەوشا مافێ مرۆڤی ل عێراقێ د ئاستەکێ مەترسیداردایە و دبێژیت، تنێ ددەمێ دوو ھەیڤێن بۆری یێن سالا ٢٠١٩ێ نێزیکی ٢٥ ھزار کەس بووینە قوربانی.

 ھێمن باجەلان، ئەندامێ کۆمسیۆنا مافێن مرۆڤی ل عێراقێ بۆ ئەڤرۆ نیۆز گۆت” رەوشا مافێ مرۆڤی ل عێراقێ د ئاستەکێ مەترسیدارە و سالا بۆری ب ئەگەرێ رێڤەچوونا خۆنیشاندانێن باشوورێ عێراقێ رەوشا مافێ مرۆڤی ب ئێکجاری تێکچوویە و مخابن رەوش گەھشتیە ئاستەکی تشتەک نەمایە بناڤێ مافێ مرۆڤی ل عێراقێ، ئەم پێشبینی دکەین ئەڤسالە ٢٠٢٠ێ رەوش ھێشتا دژوارتر ببیت و مافێ مرۆڤی بھێتە بنپێکرن، چونکە حوکمەتا عێراقێ چو پێنگاڤ بۆ تەناکرنا رەوشێ و بجە ئینانا داخوازیێن خۆنیشاندەران بجە نە ئیناینە، ھەر ل دەستپێکا پڕۆسا ئازادیا عێراقێ مافێ مرۆڤی ھاتیە بن پێکرن، بدیتنامە پاراستنا مافێ مرۆڤی پیڤەرێن خوە ھەنە و دبیت حوکمەتا عێراقێ ب رژدی کار بۆ بجە ئینانا ئەڤان پیڤەران بکەت، ھەیڤا ئۆکتۆبەرا سالا بۆری پێلەکا خۆنیشاندانان ھژمارەک باژێڕێن باشوورێ عێراقێ ڤەگرتن و د ئەنجامدا ٤٩٠ کەس ھاتنە کوشتن و زێدەتری ٢٣٠ ھزار کەس  ژ وەلاتی و ھێزێن ئەمنی برینداربووینە، کو بریندارێن گولەی تێدا ھەنە و ھژمارەک ژوانژی ب ئەگەرێ بکارئینانا گازا رۆندک رێژ برینداربووینە.

  ھێمن باجەلان ئاماژەکر” ھەر سالا بۆری رەڤاندنا وەلاتیانژی زۆر زێدەکریە، تنێ ددەمێ رێڤەچوونا خۆنیشاندان ٦٨ کەس ھاتینە رەڤاندن و تنێ دوازدە ژوانا ھاتینە ئازادکرن، ھەروەسا ٣٣ حالەتێن دی یێن رەڤاندن ھاتینە تۆمارکرن و ١٥ ژوان ھاتینە رەڤاندن و یێن دیژی سەر نەگرتیە ئەڤان بزاڤێن رەڤاندنێ، کو چارەنڤیسێ وان کەسێن رەڤاندی نەیێ دیارە، چەندین جاران مە ھۆشداریا تێکچوونا رەوشێ و بنپێکرنا مافێن مرۆڤی دایە ھەموو لایەن و حوکمەتا عێراقێ، لایەنێن سیاسی ھەنە لپشت ئالۆزیێن عێراقێ و رەڤاندن و کوشتنا وەلاتیان، ئەو لایەن ئاشکرانە یێن تەقە ل خۆنیشاندەران کری و چەندین خۆنیشاندەر ب رێیا چەکێ قەناسێ ھاتینە کوشتن و ژبلی وەلاتیێن سڤیل ئەندامێن ھێزێن ئەمنی ژی بووینە قوربانی.

ئه‌ڤرۆنیۆز، ئه‌میر ئه‌ترووشی

به‌شداربوویێن هێلا كوره‌ك تێلیكوم ب رێیا پارێزه‌ره‌كی سكالایه‌ك ل سه‌ر كۆمپانیا كۆره‌ك تۆماركر ب تۆمه‌تا فێلبازیێ‌ ب رێیا هنارتنا نامه‌یه‌كێ‌.
ئه‌ڤرۆ رۆژا ئێكشه‌مبی 18/1/2020 پارێزه‌ر هێرش ره‌شید، ل دادگه‌ها دهۆكێ‌ ب رێكا داواكارێ‌ گشتی، ب شێوه‌یه‌كێ‌ فه‌رمی سكالایه‌ك ل سه‌ر كۆمپانیا كۆره‌ك تێلیكوم تۆماركر، پشتی ب هزاره‌ها خه‌لكێ‌ دهۆكێ‌ گله‌ی ل سه‌ر نامه‌یه‌كا كۆره‌ك تێلیكه‌م كری كو ب رێكا وێ‌ نامێ‌ كۆمپانیا كۆره‌ك داخواز ژ به‌شداربوویێن خوه‌ كریه‌ هێلێن خوه‌ ب كۆژمێ‌ 8000 دیناران بكه‌ته‌ (اشتراك)، پشتی ئه‌ڤ پێنگاڤه‌ دهێته‌ هاڤێتن، (8000) دینار ژی دچن و نابیته‌ (اشتراك).
پارێزه‌ر هێرش زێده‌تر بۆ ئه‌ڤرۆ نیۆز گۆت: ب هزاره‌كا نامه‌ بۆ به‌شداربووێن كوره‌ك ل دهۆكێ‌ هاتینه‌ و ب تنێ‌ بۆ به‌شداربوویێن دهۆكێ‌ و هه‌موویان گازنده‌ كرینه‌ و مه‌ ژی ڤیایه‌ ب رێیا دادگه‌هێ‌ مافێ‌ هاوولاتیان ژ كۆمپانیێ‌ وه‌رگرین.

ئه‌ڤرۆ نیوز:

گۆپیتكا بلندنا به‌رلینێ د چاره‌كرنا پرسا لیبیا دگه‌ریت و هه‌مو لایه‌نێن هه‌ڤرك پیكڤه‌ كۆم بن ل بن رۆناهیا بریارا دو هزار و 259 یا جڤاتا ئاسایشا نه‌ته‌وه‌یێن ئیكگرتی تایبه‌ت ب لیبیا بۆ راوه‌ستاندنا شه‌ری و هێرشان.

مایك پومپه‌یو وه‌زیرێ ده‌رڤه‌یێ ئه‌مریكا راگه‌هاند: ل به‌رلینێ ل گه‌ل سه‌رۆكێن جیهانێ و به‌رپرسێن نه‌ته‌وه‌یێن ئیكگرتی ب مه‌به‌ستا كاركرنێ ب ئاراسته‌یا دوماهی هاتنا ئاریشان ل لیبیا، سوپاسیا ئه‌لمانیا ژی دهكین بۆ ئه‌ڤێ خزمه‌ت و پێشوازی و سه‌رۆكایه‌تیكرنا ئه‌ڤێ ده‌ست پێشخه‌ریا گرنگ بۆ لیبیا كری.

ئه‌ڤرۆ نیۆز، ئه‌میر ئه‌ترووشی

ل رێڤه‌به‌ریا چاكسازیا مه‌زنا ل دهۆكێ به‌ریكانا خواندنا په‌رتوكان یا ژماره‌ دو ب پشكداریا 48 دادگه‌هكریان ده‌ست پێكر.

عرفان محه‌مه‌د ئه‌مین، به‌رپرسێ‌ راگه‌هاندنا رێڤه‌به‌ریا چاكسازیا مه‌زنا ل دهۆكێ بۆ ئه‌ڤرۆ نیۆز دیار كر، ئه‌ڤه‌ بۆ جارا دوویێ‌ یه‌ دناڤا چاكسازیێ‌ دا به‌ریكانا خواندنا په‌رتۆكان دهێته‌ سازكرن و د ئه‌ڤ جاره‌ دا 48 دادگه‌هكریان پشكداری كریه‌ و هژماره‌كا زۆر یا دادگه‌هكریان حه‌زا پشكداریێ‌ هه‌بوویه‌، لێ ژ به‌ر وێ چه‌ندێ بۆ كار ئاسانیێ مه‌ هه‌موو وه‌رنه‌گرتن و د به‌ریكانێن بهێت دا دێ یێن دی هێنه‌ وه‌رگرتن.

زێده‌تر دبێژیت: مه‌ره‌م ژ ڤێ به‌ریكانێ ئه‌و بوویه‌ دا كو دادگه‌هكری مفایی ژ خواندنا په‌رتوكان وه‌ربگرن و ئاستێ وان یێ ره‌وشه‌نبیری به‌رزترببیت و هه‌ر دیسان دا كو ب كاره‌كیڤه‌ مژوول بن، چه‌ند ناڤ و نیشانه‌كێن په‌رتوكان ژلایێ لژنه‌یه‌كا تایبه‌ت ڤه‌ هاتنه‌ هه‌لبژارتن ب زمانێ كوردی و عه‌ره‌بی و هه‌ر هه‌مان لژنه‌ دێ تێستی ب به‌شداربوویان كه‌ت، پشتی بۆ ماوێ هه‌یڤه‌كێ په‌رتوك ل ده‌ف دمینن و دخوینن.
عرفان خویاژی كر كو ئه‌ڤ به‌ریكانه‌ دێ یا به‌رده‌وام بیت بۆ دادگه‌هكریان پشتی د به‌ریكانا ئێكێ دا دیار بووی بۆ رێڤه‌به‌ریا چاكسازیێ كو دادگه‌هكریان مفایه‌كێ باش ژێ وه‌رگرتی و هه‌ردیسان حه‌زا وان ل سه‌ر هه‌بوو.

ئه‌ڤرۆ نیوز:

سه‌رۆك كۆمارێ توركیا گه‌فا هنارتنا هیزێن زیده‌تر بۆ ده‌ست ب سه‌رداگرتنا زێده‌ترا ئاخا رۆژئاڤا و سوریا دكه‌ت.

ره‌جه‌ب ته‌یب ئه‌ردوغان سه‌رۆك كۆمارێ توركیا راگه‌هاند: هه‌بوونا هیزێن توركیا ل رۆژئاڤایێ كوردستانێ باكوری سوریا بۆ پاراستنا توخیبێن توركیا یه‌.

سه‌رۆك كۆمارێ توركیا رژدبوونا خو بۆ ڤه‌مانا هێزێن توركیا ل رۆژئاڤا و باكورێ سوریا ده‌رئیخستن و گه‌فا هنارتنا بۆ ئه‌وان ده‌ڤه‌ران ژی كر.

website security
WP Facebook Auto Publish Powered By : XYZScripts.com