ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزه‌زانى پارێزگه‌ها دهوكێ راگه‌هاند كو رێژا باران بارينێ ل 24 ده‌مژمێرێن بورى ژ ده‌مژمێر 9:00 سپێدێ 2019/12/9 هه‌تا ده‌مژمێر 9:00 سپێدێ ئه‌ڤرو ل پارێزگه‌ها دهوكێ.
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سهرهكى نوچێن گرنگ
ل دۆر خوه‌نيشاندانێن سوباهى يێن به‌غدا هوشدارى دهێته دان
ئه‌ڤرۆ نيوز:
برياره سوباهى سێشه‌مبى ل به‌غدا خوه‌نيشادانه‌كا مليۆنى بهێته ئه‌نجامدان و فه‌رماندێ گشتيێ هێزێن چه‌كدار ل عيراقێ ژى بريارێ دده‌ت كو نابيت حه‌شدا شه‌عبى ده‌ستێوه‌ردانێ د كاروبارێن ئه‌منى دا بكه‌ت، سه‌ركرده‌كێ حه‌شدا شه‌عبى ژى خوه‌نيشادانا سوباهى ب تێكده‌ر د هه‌ژمێريت.
عه‌بدولكه‌ريم خه‌له‌ف، په‌يڤدارێ فه‌رماندێ گشتيێ هێزێن چه‌كگدارێن عيراقێ دووپات دكه‌ت كو سه‌رۆك وه‌زيرێن عيراقێ فه‌رمان دايه كو نابيت حه‌شدا شه‌عبى ده‌ستێوه‌ردانێ د كاروبارێ ئه‌منى دا بكه‌ت.
هه‌ر ل دۆر خوه‌نيشادانا سوباهى، قه‌يس خه‌زعه‌لى، سه‌رۆكێ گرۆپا عه‌سائيب ئه‌هلولحه‌ق يا سه‌ر ب حه‌شدا شه‌عبى ڤه راگه‌هاند” ئه‌وا دێ سوباهى هێته كرن، كاره‌كێ تێكده‌رانه‌يه”.
هه‌ڤده‌م ل هنده‌ك پارێزگه‌هێن عيراقێ بارێ نه‌ئاسايى هاته راگه‌هاندن و باليۆزخانا ئه‌مريكى ل عيراقێ ژى هوشدارى ل دۆر خوه‌نيشادانێن سوباهى ل باژێرێ به‌غدا دده‌ت.
وه‌زيرێ ناڤخو: هه‌ر خزمه‌تكاریه‌كا پێدڤى بیت دێ بو خه‌لكێ پارێزگه‌ها دهۆك دابینكه‌ین
ئه‌ڤرۆ نيوز:
ئه‌ڤرو ب شه‌ڤ 9/ 12/2019 رێبه‌ر احمد وه‌زیرێ نافخو یێ حكومه‌تا هه‌رێما كوردستانێ وشاندێ وه‌زاره‌تێ سه‌را پارێزگه‌ها دهوكێ دا ول كوچكا مێهڤانداریا ژلایێ فه‌رهاد ئه‌مین ئه‌تروشى پارێزگه‌رێ دهوكێ وجێگرێن پارێزگه‌رى وقایمقامێن قه‌زایێن پارێزگه‌هێ ورێڤه‌به‌رێن دام وده‌زگه‌هێن په‌یوه‌ندیدار پێشوازى لێ هاته كرن .
دهه‌ڤدیتنه‌كێدا به‌حسێ ره‌وشا خه‌لكێ پارێزگه‌هێ وره‌وشا دام وده‌زگه‌هێن خزمه‌تكارى یێن سه‌ر ب وه‌زاره‌تا نافخویى وئه‌و خزمه‌تا پێشكێشى خه‌لكێ ده‌ڤه‌رێ دكه‌ن هاته كرن.
پارێزگه‌رێ دهوكێ خوشحالیا خو ب سه‌ره‌دانا وه‌زیرێ نافخو وشاندێ دگه‌لدا دیاركر وخواست كو ئه‌ڤ سه‌ره‌دانه ببیته هوكاره‌ك بونه‌هێلانا ئاریشێن رێڤه‌به‌ریێن په‌یوه‌ندیدار وپێش ئێخستنا كارێ وان رێڤه‌به‌ریا وپشته‌ڤانیا پارێزگه‌هێ نیشان دا بو هه‌ر هاریكاریه‌كێ .
پاش به‌رێز وه‌زیرێ نافخو ب ئاماده‌بونا پارێزگه‌رێ دهوكێ كومبونه‌ك دگه‌ل قایمقامێن سنورێ پارێزگه‌هێ ورێڤه‌به‌رێن فه‌رمانگه‌هێن سه‌رب وه‌زاره‌تێ ورێڤه‌به‌رێن ناحیا ئه‌نجامدا وب تێر وته‌سه‌لى به‌حسێ به‌رنامێن كابینا نوو یا حكومه‌تا كوردستانێ كر بو وێ یه‌كێ كو باشتر خزمه‌تا وه‌لاتیێن پارێزگه‌هێ بهێته كرن وروتین دكارێ روژانه‌دا بهێته كێمكرن وكێم وكاسى وپێدڤیێن هه‌ر رێڤه‌به‌ریه‌كێ بهێنه زانین ویا دشیان دا بهێنه چاره‌سه‌ركرن.
ل دور ئارمانجێن سه‌ره‌دانێ وه‌زیرێ نافخو گوت:ئه‌م هاتینه دا ژنێزیك دگه‌ل جه‌نابێ پارێزگه‌رى وبه‌رپرسێن ئیدارى وپولیسان كومببین وژنێزیك سه‌حكه‌ینه كار وخزمه‌تا ئه‌و پێشكێش دكه‌ن ، هه‌روه‌سا په‌یاما كابینا نوو یا حكومه‌تێ بگه‌هینه هه‌ڤالا وگه‌نگه‌شێ ل سه‌ر كار وخزمه‌تكاریا بكه‌ین وكا چ پێدڤى یه ئه‌م وه‌كو حكومه‌ت و وه‌زاره‌ت بكه‌ین كو كار وخزمه‌تا روژانه یا وه‌لاتییان باشتر لێ بكه‌ین .
هه‌روه‌سا گوت: سوبه دێ سه‌ره‌دانا هنده‌ك رێڤه‌به‌ریێن دن كه‌ین ودگه‌ل كومبین هه‌روه‌سا دێ سه‌را زاخو ژى ده‌ین ئو ل وێرێ دێ فه‌رمانگه‌ها نوو یا پاسه‌پورتا ڤه‌كه‌ین .
سه‌باره‌ت به‌رنامێ حكومه‌تا نوو یا هه‌رێما كوردستانێ گوت:كابینا نوو په‌یامه‌كا رون وئاشكرا هه‌یه وهه‌رده‌م جه‌نابێ سه‌روكێ حكومه‌تێ ته‌كه‌زیێ دكه‌ت كو ئه‌م خو ب خزمه‌تكارێ ملله‌تى دزانین وئه‌م ئاماده‌ینه وێ په‌یامێ بكه‌ینه كریار وپتر خزمه‌تا وه‌لاتییان بكه‌ین ویا فه‌ر ئه‌وه دام وده‌زگه‌هێن مه یێن حكومه‌تێ ب شێوه‌كێ رێك وپێكتر وب رێزگرتن ماملێن وه‌لاتییان جێ به‌جێبكه‌ن وچ گێروكرن وروتین نه‌هێلنه دكارى دا وب خوشحالیڤه گه‌له‌ك رێڤه‌به‌ریێن مه ل سنورێ پارێزگه‌ها دهوكێ ب له‌زاتییه‌كا به‌رچاڤ ماملێن وه‌لاتییان چێدكه‌ن بو نمونه نوكه فه‌رمانگه‌ها پاسه‌پورتا ل دهوكێ دشێت دماوێ 72ده‌م ژمێرا دا پاسه‌پورتێ بو هاولاتى به‌رده‌ستكه‌ت وڤه‌كرنا نڤێسینگه‌ها ده‌رئێخستنا پاسه‌پورتا ل زاخو ژى دێ بیته هاریكاره‌ك بو زوتر ده‌رئیخستنا پاسه‌پورتا وخه‌لكێ زاخو پێدڤى ناكه‌ت بهێته دهوكێ ودێ هه‌ولده‌ین خزمه‌تكاریێن هاتن وچونێ ژى ل قه‌زا زاخو دابینكه‌ین هه‌روه‌سا فه‌رمانگه‌ها پاسه‌پورتا ل قه‌زا ئاكرێ ژى ڤه‌كین وهه‌ر خزمه‌تكاریه‌كا پێدڤى بیت دێ بو خه‌لكێ پارێزگه‌هێ دابینكه‌ین.
نێزيكى 5 ملم بارانێ ل دهۆكێ بارينه
ژبه‌ر تێكچوونا ره‌وشا عیراقێ، ئه‌مریكا داخوازیه‌كێ ژ وه‌لاتیێن خوه دكه‌ت
پەرلەمان دێ ل دۆر ئاریشا کارەبێ کۆم بیت
ئەڤرۆ نیوز:
عەلی حەمە سالح ئەندامێ پەرلەمانێ کوردستانێ راگەهاند کو ل سەر داخوازا پرانیا ئەندامێن پەرلەمانێ کوردستانی دێ سپێدێ پەرلەمان ل دۆر ئاریشا کارەبێ ل هەرێما کوردستانێ کۆم بیت.
ئەو یەک د دەمەکێ دایە کو نها ل هەرێما کوردستانێ ب تایبەتی ژی ل وەرزێ زڤستانێ بابەتێ کێمبوونا کارەبێ د رۆژەڤا وەلاتیێن هەرێما کوردستانێ دایە.
سوبه‌هى ل عيراقێ بهێنڤه‌دانه
ئه‌ڤرۆ نيوز، نيوار محه‌مه‌د سه‌ليم:
سه‌رۆك وه‌زيرێن كاربرێكه‌رێ عيراقێ، عادل عه‌بدولمه‌هدى راگه‌هاند كو ب هه‌لكه‌فتا بۆرينا دو سالان ل سه‌ر تێكشكاندنا داعش و كونترۆلكرنا باژێرێ مووسل ناڤه‌ندا پارێزگه‌ها نه‌ينه‌وا سوبه‌هى رۆژا سێشه‌مبى رێكه‌فتى 10ى كانوونا ئێكێ بهێنڤه‌دانا فه‌رمى يه ل سه‌رانسه‌رى عيراقێ.
ئه‌ڤه د ده‌مه‌كى دايه كو حوكمه‌تا هه‌رێما كوردستانێ راگه‌هانديه سوبه‌هى رۆژا سێشه‌مبى 10ى كانوونا ئێكێ 2019 ل هه‌رێما كوردستانێ ده‌واما فه‌رمى يه.
بۆ سه‌رۆك وه‌زير
ئه‌ڤرۆ نيوز، نيوار محه‌مه‌د سه‌ليم:
سانا مارينى، وه‌زيرا ڤه‌گوهاستنێ وه‌كو گه‌نجترين سه‌رۆك وه‌زيران ل فنله‌ندا ژ لايێ پارتيا ده‌سته‌لاتدار كو رابه‌راتيا حوكمه‌ته‌كا هه‌ڤپشك دكه‌ت هاته هه‌لبژارتن.
حه‌فتيا بۆرى ئانتى رينى، ده‌ست ژ پۆستێ سه‌رۆك وه‌زيريێ ل وى وه‌لاتى كێشا، پارتيا فه‌رمانره‌وا يا وى وه‌لاتى ژى سانا مارينى يا 34 سالى كو پێشتر وه‌زيرا ڤه‌گوهاستنێ بوو وه‌كو گه‌نجترين سه‌رۆك وه‌زير ل جهێ ئانتى رينى هه‌لبژارت.
ئه‌ڤه د ده‌مه‌كى دايه كو پارتيا ناڤه‌ند كو ئێكه ژ پارتيێن ناڤ حوكمه‌تێ راگه‌هاندنبوو كو باوه‌رى ب رێڤه‌به‌راتيا وێ نه‌مايه پشتى كو كارمه‌ندێن پۆست و گه‌هاندنێ نه‌رازيبوون ده‌ربڕى.
سانا مارينى وه‌كو سه‌رۆك وه‌زيرا نوو يا فنله‌ندا هاته هه‌لبژارتن ب جوداهيه‌كا كێم و بۆ رۆژنامه‌ڤانان راگه‌هاند كو وێ به‌رنامه‌كێ هه‌ڤپشك هه‌يه دا كو هه‌موو پارتيێن وه‌لاتى ئێك بگرن.
نێچيرڤان بارزانى په‌يامه‌ك به‌لاڤكر
ئه‌ڤرۆ نيوز، نيوار محه‌مه‌د سه‌ليم:
نێچيرڤان بارزانى، سه‌رۆكێ هه‌رێما كوردستانێ، په‌يامه‌ك د رۆژا جيهانى يا بيره‌وه‌رى و رێزگرتن ل قوربانيێن جينوسايدێ به‌لاڤكر.
د په‌ياما خوه دا، نێچيرڤان بارزانى دبێژيت: “ب رێز ڤه بيره‌وه‌ريا قوربانيێن جينوسايدێ ل كوردستانێ و جيهانێ دكه‌ين، سلاڤ بۆ گيانێ پاقژێ وان دهنێرين”.
سه‌رۆكێ هه‌رێما كوردستانێ د ڤێ رۆژێ دا، داخوازێ ژ كۆمه‌لگه‌ها نێڤده‌وله‌تى دكه‌ت كار بۆ دووباره‌نه‌بوونا جينوسايدان بكه‌ت و ئه‌نجامده‌ران ژى ئه‌نجامده‌ر ژى بگه‌هنه سزايێ خوه.
ل سالا 2015ێ نه‌ته‌وێن ئێكگرتى رۆژا 9ى كانوونا ئێكێ يا هه‌موو سالان وه‌كو بيره‌وه‌رى و رێزگرتن ل قوربانيێن جينوسايدێ و رێگريكرن ل وێ تاوانێ دانا، ئه‌ڤ رۆژه‌ژى يا هه‌ڤده‌مه ل گه‌ل قانوونا رێگريكرن و سزادانا ئه‌نجامده‌رێن جينوسايدێ ل سالا 1948ێ.
سوبه‌هى ئه‌ڤ وه‌زاره‌ته دێ مووچه‌ى وه‌رگريت
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشته‌كێ نوو يێ مووچه‌يى به‌لاڤكر.
ب گۆره‌يى خشته‌يێ وه‌زاره‌تا دارايى و ئابوورى يا حوكمه‌تا هه‌رێما كوردستانێ كو چه‌نده‌كێ به‌رى نها ژ لايێ ديواتا وه‌زاره‌تێ ڤه هاته به‌لاڤكرن، سوبه‌هى رۆژا سێشه‌مبى 10 كانوونا ئێكێ 2019، دێ مووچێ كارمه‌ند و مامۆستايێن وه‌زاره‌تا په‌روه‌ردێ ل حوكمه‌تا هه‌رێما كوردستانێ هێته به‌لاڤكرن.
نيشاندان
WP Facebook Auto Publish Powered By : XYZScripts.com