ئه‌ڤرۆ نیوز:
وه‌زاره‌تا به‌ره‌ڤانیا ئه‌مریكا مانا هێزێن ئه‌مریكا ل عیراقێ پشت راست دكه‌ت و شه‌رێ داعشێ و مه‌ترسیێن ئیرانێ ب ئه‌گه‌رێ ڤه‌مانێ دزانن.
جانان هوفمه‌ن په‌یڤدارێ وه‌زاره‌تا به‌ره‌ڤانیا ئه‌مریكا راگه‌هاند: ئه‌مریكا نیازا ڤه‌كشانا هێزێن خو د ناڤ ئاخا عیراقێ و رۆژهه‌لاتا ناڤی نینه .
په‌یڤدارێ وه‌زاره‌تا به‌ره‌ڤانیا ئه‌مریكا راگه‌هاند ژی ئه‌گه‌رێ مانا هێزێن ئه‌مریكا بۆ گه‌فێن ئیرانێ و ریب ریب بونا تیرۆریستێن داعشێ ڤه‌دگه‌ریت.
ئه‌ڤرۆ نیوز:
سه‌رۆك كۆمارێ فه‌ره‌نسا هنارتنا پاپۆرا شه‌ری یا شارل دیگۆل بۆ رۆژهه‌لاتا ناڤین پشت راست كر.
ئیمانوێل ماكرون سه‌رۆك كۆمارێ فه‌ره‌نسا راگه‌هاند: د چارچوڤه‌یێ گرۆپه‌كێ پاپۆرێن شه‌ری، پاپۆرا شه‌ری یا شارل دیگۆل ره‌وانه‌ی رۆژهه‌لاتا ناڤین دكه‌ین.
سه‌رۆك كۆمارێ ئه‌و چه‌نده ژی دیاركر ئارمان ژ هنارتنا ئه‌وێ پاپۆرا شه‌ری چاڤدێریكرن و پاراستنا هێزێن مه‌یه ل وێ ئوپراسیونا سه‌ربازی ل رۆژهه‌لاتا ناڤین دژی گرۆپا تیرۆریستیا داعشێ ئه‌نجام دده‌ین.
ئەڤرۆ نیوز، عەلی حاجی :
گەنجەکێ زاخۆ د ژیێ دناڤبەرا ۲۰ ـ ۲۲ سالیێ دا د روودانەکا تەقەکرنێ دا دایک و برایێن خوە کوشتن و ژ ئەگەرێ برینا وی یا کوور گیانێ خوە ژ دەستدا.
ئەمیر عەلی بەرپرسێ راگەهاندنا ساخلەمیا زاخۆ بۆ ئەڤرۆ نیوز گوت :پشتی د وێ روودانێ دا وی گەنجی تەقە ل دایک و برایێن خوە و هێزێن ئەمنی کرین و پشتی ئەو گەنجە ب برینداری کەفتیە دەستێ هێزێن ئەمنی دا و هاتیە رەوانەکرن بۆ نەخوشخانا هەوار هاتنێ ل زاخۆ ژبەر برینا وی یا کوور ئەو کەسێ بریندار ب مەرەما رەوانەکرنێ بۆ نەخۆشخانا دهۆکێ، بەلێ بەری بگەهیتە نەخۆشخانا دهۆکێ گیانێ خوە ژ دەستدا و ب ڤێ چەندێ زیانێن گیانی د وێ روودانێ دا گەهشتنە سێ کەسان کەسەک ژی بریندار بوویە.
ئەڤرۆ نیوز:
مه‌سرور بارزانی، سه‌رۆكێ حكومه‌تا هه‌رێما كوردستانێ، ب بوونا په‌سندكرنا قانوونا چاكسازیێ ل په‌رله‌مانێ كوردستانێ، په‌یامەک بەلاڤکر.
ده‌قێ پەیاما سەرۆکێ حوکمەتا هەرێمێ:
دەستخۆشیێ ل پەرلەمانێ کوردستانێ دکەم بۆ پەسەند کرنا پڕۆژە قانوونا چاکسازیێ، ئەڤە پێنگاڤەکا مێژوویە بەرەف کوردستانەکا ب هێزتر، ئەڤ پرۆژە پشکەکا گرنگ یا کارناما کابینا نەهێ یا حکومەتا هەرێما کوردستانێ بوو، بۆ بەرسڤدانا خواست و،داخوازیا وەلاتیێن هەرێما کوردستانێ بۆ ئەنجامدانا چاکسازیێ، ئامانج ژێ رێکخستنا خەرجیێن گشتییە و ئینانا دادپەروەریێ یە بۆ فەرمانبەران و کەسوکارێن سەربلند یێن شەهیدان و پێشمەرگێن قارەمانە.
پشتی پێکئینانا کابینا نەهێ یا حکومەتا هەرێما کوردستانێ ل تەمۆزا سالا بوری ، مە دەستبجهـ لژنەکا بلند ژ حکومەتێ پێکئینا بۆ پێداچوون و ب هێزکرنا رەشنڤیسێ پرۆژە قانوونا چاکسازیێ.
وەلاتیان دلنیا دکەین کو دەقێ دوماهیا ڤێ قانوونێ دلنیایا گرنگ تێدایە سەبارەت مووچەی و ئیمتیازێن فەرمانبەر و مووچەخۆران ب جۆرەکێ کو کەسێن شایستە دێ مافێن وان یێ پاراستی بیت.
چاکسازی پرۆسەکا بەردەوامە و دێ گشت کەرتان ڤەگریت، ئەڤ قانوونە بەلگەکێ روونێ دیترە ل سەر پابەندبوونا حکومەتا هەرێما کوردستانێ بۆ سنۆردانانا گەندەلیێ و بزاڤکرن بۆ بنبرکرنێ، هەروەسا پێنگاڤەکا گرنگە ژی بەرەف حکومەتەکا مۆدێرن و شەفاف و باشترکرنا خزمەتکاریان و خزمەتکرنا وەلاتیێن هەرێما کوردستانێ بێی جۆداهی کو ئارمانجا سەرەکی یا ڤێ حوکمەتێ یە.
مەسرور بارزانی
سەرۆکێ حوکمەتا هەرێما کوردستانێ
2020/1/16
ئەڤرۆ نیوز:
ل سپێدەهیا رۆژا شەمبی 11-1-2020 بەلەمەک ب 50 سەرنشینان ڤە د دەریا ئایۆنی دا ل نێزیک دورگەیا پاکسوسا یۆنانێ ژێر ئاڤ ببوون، کو پشکەک ژ وان وەلاتیێن هەرێما کوردستانێ بوون، حوکمەتا هەرێما کوردستانێ سەرەرای هەڤخەمیا خوە بۆ کەسوکارێن وان دیار کریە، دێ هەموو هاریکاری و کارئاسانیێ بۆ ڤەگه‌راندنا ته‌رمێن قوربانیان کەن.
دەقێ راگەهاندنا حوکمەتا هەرێما کوردستانێ:
د چه‌ند رۆژێن بوری دا، ب ئەگەرێ نقوومبوونا به‌له‌مەکێ دناڤبەرا تورکیا و یۆنانێ دا، ب داخڤە هژماره‌کا كه‌سان بوونه قوربانی، كو هندەک وەلاتیێن هه‌رێما كوردستانێ ژی تێدابوون.
دوهی رێزدار مەسرور بارزانی سه‌رۆكێ حوکمه‌تا هه‌رێما كوردستانێ د كۆمبوونا جڤاتا وه‌زیران دا، سەرەرای ده‌ربرینا هەڤخەمیا خوە ل گەل بنەمال و کەسوکارێن قوربانیان، دەزگەهێن حوکمەتێ ژی راسپاردینە کو هەموو هاریکاری و کارئاسانیان بکەن بۆ ڤەگه‌راندنا ته‌رمێن قوربانیان بۆ هه‌رێما كوردستانێ.
جوتیار عادل
پەیڤدارێ حوکمه‌تا هه‌رێما كوردستانێ
٢٠٢٠/١/١٦
ئەڤرۆ نیوز، عەلی حاجی :
رێڤەبەرێ ئاسایشا زاخۆ بۆ ئەڤرۆ نیوز دیارکر: ژ ئەگەرێ روودانەکا تەقەکرنێ ل زاخۆ کەسەکێ دایکا خوە و برایێ خوە کوشتینە و پولیسەک ژی بریندار کرییە.
زێدەتر شڤان سندی گوت: ئەو روودان ل دەمژمێر ۳:۳۰ ئێڤاری ل تاخێ حسێنیێ ل زاخۆ دروست بوویە، دەمێ گەنجەکێ ل وی تاخی ژ ئەگەرێ تەقەکرنێ ب چەکێ کلاشینکوڤێ دایکا خوە و برایێ خوە کوشتینە و دەما ئاسایشا زاخۆ و پولیسێن زاخو دناڤ مالا وی کوژەکی دا دخواستن رەوشێ کونترول بکەن وی کەسی ب هەرەمەکی تەقە کری یە و دو فیشەک بەر ب پولیسەکێ کەڤتینە و چەندین فیشەکێن دیتر لبەر ترومبێلێن خەلکی کەفتینە ل دوماهیێ هێزێن ئەمنی شیان وی کەسی ب برینداری دەستە سەر بکەن، نوکە بریندار بۆ نەخوشخانا زاخۆ هاتینە رەوانەکرن و رەوش هاتیە کونترول کرن و ل گورەی پێزانینان کوژەکێ وێ روودانێ ئێشەکا دەروونی هەبوویە.
ئه‌ڤرۆ نیوز:
په‌رله‌مانێ كوردستانی ب زۆرینه‌یا ده‌نگان پرۆه‌ژیێ یاسایا چاكسازیێ ل مووچه و ده‌رماله و خانه‌نشینیێ په‌سندكر.
پشتی پرۆژه‌یێ یاسایا چاكسازیێ ژلایێ جڤاتا وه‌زیران یا حوكمه‌تا هه‌رێما كوردستانێ ره‌وانه‌ی په‌رله‌مانێ كوردستانێ هاتیه‌كرن، خاندنا ئیكێ ژلایێ په‌رله‌مانێ كوردستانێ كر و لژنه‌یێن په‌رله‌مانی چه‌ندین كۆمبوون ل سه‌ر پرۆژه‌ی ئه‌نجام دان، پاشی خاندنا دویێ بۆ هاته‌كرن و پاشی ئه‌ڤرۆ هاته په‌سندكرن.
ئه‌ڤرۆ 16/1/2020 ل كۆمبوونا په‌رله‌مانێ كوردستانێ ب ده‌نگێ 89 په‌رله‌مانتاران پرۆژه‌یێ یاسایا چاكسازیێ ب زۆرینه هاته په‌سندكرن.
جوتیار عادل په‌یڤدارێ فه‌رمیێ حوكمه‌تا هه‌رێما كوردستانێ راگه‌هاند: حوكمه‌تێ بریار دایه د پرۆژه‌یێ چاكسازیێ به‌رده‌وام دبیت و ئه‌ڤ یاسایا چاكسازیێ پێنگاڤا ئیكێ یه.
ئومید خوشناو سه‌رۆكێ فراكسیونا پارتی ل په‌رله‌مانێ كوردسنانێ راگه‌هاند: په‌سندكرنا یاسایا چاكسازیێ ده‌ستپێكه‌كه ژ پێنگاڤه‌كا مه‌زنا په‌یوه‌ندیێن ناڤبه‌را په‌رله‌مانی و حوكمه‌تێ و بده‌ستڤه ئینانا ئارمانجان ل پاشه‌رۆژێ كاره‌كێ مه‌زنتر بكه‌ین.
عه‌لی حه‌مه سالح سه‌رۆكێ فراكسیونا گۆرانێ دیاركر ژبلی دروستكرنا ژماریا به‌نكی بتنێ هاتیه بنه‌جیهكرن، خانه‌نشینا پله بالا كۆ به‌ریا نها 6 ملیۆن و 400 هه‌زار دینار بوون، نوكه 15 سه‌دیێ داكه‌تی یه، هه‌كه به‌كالریوس هه‌بیت 21% زێده‌بیت.
جه‌مال حه‌ویز سه‌رۆكێ فاركسیونا ئیكه‌تیێ راگه‌هاند: پێنگاڤه‌كا مه‌زن هاته هاڤێتن، زۆر گرنگه پرۆزباهیێ ل كه‌س و كارین شه‌هیدان بكه‌ین بێ ده‌ستكاری یا مووچه‌یێن وان و چاكسازی قوناغ ب قوناغ دێ چیته بیاڤێ بجهكرنێ.
ئه‌ڤرۆ نیوز:
ئه‌مریكا و چینێ رێكه‌تنه‌كا ئابووری ئیمزاكر و سه‌رۆكێ ئه‌مریكا ئاماژه ب ڤه‌مانا بریارا زێده‌كرنا رسوماتێن گومركی ل سه‌ر كه‌ل وپه‌لێن چینی دا.
رێكه‌تن ل كوچكا سپی ژلایێ دونالد ترمپ سه‌رۆكێ ئه‌مریكا و لیو هی جێگرێ سه‌رۆك وه‌زیرێ چینێ هاته ئیمزاكرن.
شی چین پینگ سه‌رۆكێ چینێ راگه‌هاند رێكه‌تن دێ كارتێكرنه‌كا ئه‌رینی كه‌ته سه‌ر هه‌موو جیهانێ كه‌ت و دهێته دیركرن كۆ هه‌ردو وه‌لاتان شیانێن چاركرنا ئاریشه‌یێن ناڤبه‌را خۆدا هه‌یه.
سه‌رۆكێ ئه‌مریكا دونالد ترمپ د راگه‌هاندنه‌كێدا دیاركر سه‌ره‌دانا چینێ دكه‌ین و دێ هه‌ر بریارێن زێده‌كرنا رسوماتێن گومركی ل سر كه‌ل و په‌لێن چینێ كار پێ دهێنه‌كرن چونكو هه‌كه ئه‌مریكا ئه‌وان بریارا هه‌لبوه‌شینیت ئه‌ڤه چ كارتوكێ بۆ دانوستاندنان ناهێلیت.
ئه‌ڤرۆ نیوز:
وه‌زیرێ كارۆبارێن شه‌هیدان و ئه‌نفالكریان دیاركر ئه‌و منحه‌یا كه‌س و كارێن شه‌هیدان و زیندانیێن سیاسی ب چ شێوه‌یه‌كی ده‌ستكاری تێدا ناهێته‌كرن.
عه‌بدللا مه‌حمود محمه‌د وه‌زیرێ كارۆبارێن شه‌هیدان و ئه‌نفالكریان راگه‌هاند: وه‌ك حوكمه‌ت و وه‌زاره‌تا شه‌هیدان و زیندانیێن سیاسی پشت راستیێ دده‌ین كۆ ئه‌و ده‌ستكاریا وێ منحه‌یا وان ناهێته‌كرن،ل ده‌مێن بهێت كار كه‌ین ژبوی منحه‌یا كه‌س و كارێن شه‌هیدان وه‌ك ئیك لێ بكه‌ین چونكو شه‌هید هه‌ر شه‌هیده و نابیت پله‌به‌ندی و جوداهی دناڤبه‌را شه‌هیدان بهێته‌كرن، نه‌هێلانا جوداهی و دروستكرنا دادپه‌روه‌ریێ دناڤبه‌را ته‌ڤایا مووچه‌خورێن هه‌رێما كوردستانێ.
نيشاندان